ಲೈಫ್ಸ್ಟೈಲ್ಲ್ಲಿ ಈ ರೀತಿ ಚೇಂಜ್ ಮಾಡ್ಕೊಂಡ್ರೆ ನಿಮ್ಗೆ ವಯಸ್ಸಾಗ್ತಿದ್ರೂ ಗೊತ್ತೇ ಆಗಲ್ಲ!
ಸಾರಾಂಶ
ಫುಡ್ ಹ್ಯಾಬಿಟ್ಸ್, ಅತಿಯಾದ ಒತ್ತಡ ಚಿಕ್ಕವಯಸ್ಸಿನಲ್ಲೇ ಅತಿ ಹೆಚ್ಚು ವಯಸ್ಸಾಗಿರುವಂತೆ ಕಾಣುವಂತೆ ಮಾಡುತ್ತಿದೆ. ಆದ್ರೆ ನೀವು ಲೈಫ್ಸ್ಟೈಲ್ನಲ್ಲಿ ಈ ಕೆಲವೊಂದು ಚೇಂಜಸ್ ಮಾಡ್ಕೊಂಡ್ರೆ ನಿಮ್ಗೆ ಎಷ್ಟು ವಯಸ್ಸಾದ್ರೂ ಗೊತ್ತೇ ಆಗೋದಿಲ್ಲ ನೋಡಿ.
ಮನುಷ್ಯ ಅಂದ್ಮೇಲೆ ಆತನಿಗೆ ವರ್ಷದಿಂದ ವರ್ಷದಿಂದ ಕಳೆಯುತ್ತಾ ಹೋದಂತೆ ವಯಸ್ಸಾಗುತ್ತಾ ಹೋಗುತ್ತದೆ. ಆದರೆ ಹೀಗೆ ವಯಸ್ಸಾಗಿರುವುದನ್ನು ತೋರಿಸಿಕೊಳ್ಳಲು ಯಾರು ಸಹ ಬಯಸುವುದಿಲ್ಲ.ಬದಲಿಗೆ ಯಾವಾಗ್ಲೂ ಯಂಗ್ ಎಂಡ್ ಎನರ್ಜಿಟಿಕ್ ಆಗಿರಬೇಕು, ವಯಸ್ಸಿನಲ್ಲಿ ಚಿಕ್ಕವರಾಗಿ ಕಾಣಿಸಿಕೊಳ್ಳಬೇಕು ಎಂದೇ ಬಯಸುತ್ತಾರೆ. ಆದರೆ ಇವತ್ತಿನ ಲೈಫ್ಸ್ಟೈಲ್ ಮಾತ್ರ ಇದಕ್ಕೆ ತದ್ವಿರುದ್ಧವಾಗಿದೆ. ಫುಡ್ ಹ್ಯಾಬಿಟ್ಸ್, ಅತಿಯಾದ ಒತ್ತಡ ಚಿಕ್ಕವಯಸ್ಸಿನಲ್ಲೇ ಅತಿ ಹೆಚ್ಚು ವಯಸ್ಸಾಗಿರುವಂತೆ ಕಾಣುವಂತೆ ಮಾಡುತ್ತಿದೆ. ಆದ್ರೆ ನೀವು ಲೈಫ್ಸ್ಟೈಲ್ನಲ್ಲಿ ಈ ಕೆಲವೊಂದು ಚೇಂಜಸ್ ಮಾಡ್ಕೊಂಡ್ರೆ ನಿಮ್ಗೆ ಎಷ್ಟು ವಯಸ್ಸಾದ್ರೂ ಗೊತ್ತೇ ಆಗೋದಿಲ್ಲ ನೋಡಿ.
ಸ್ವಯಂ ಆರೈಕೆಗೆ ಹೆಚ್ಚಿನ ಆದ್ಯತೆ
ವಯಸ್ಸಾದಂತೆ ಕಾಣದಿರಲು ಯಾವಾಗಲೂ ಸ್ವಯಂ ಆರೈಕೆಗೆ ಹೆಚ್ಚು ಪ್ರಾಮುಖ್ಯತೆ ನೀಡುವುದು ಮುಖ್ಯ. ಸೆಲ್ಫ್ ಕೇರ್ ಬಗ್ಗೆ ಹೆಚ್ಚು ಗಮನ ಕೊಟ್ಟಾಗ ದೇಹ ಆರೋಗ್ಯಕರವಾಗಿರುತ್ತದೆ. ಚರ್ಮವೂ ಹೆಲ್ದೀಯಾಗಿದ್ದು ವಯಸ್ಸಾದರೂ ಗೊತ್ತಾಗುವುದಿಲ್ಲ. ಹಣ್ಣುಗಳು, ತರಕಾರಿಗಳು, ಧಾನ್ಯಗಳು ಮತ್ತು ನೇರ ಪ್ರೋಟೀನ್ಗಳಲ್ಲಿ ಸಮೃದ್ಧವಾಗಿರುವ ಸರಿಯಾದ ಆಹಾರವನ್ನು ಸೇವಿಸುವುದರಿಂದ ದೀರ್ಘಕಾಲದ ಕಾಯಿಲೆಗಳನ್ನು ತಡೆಯಬಹುದು. ಒಟ್ಟಾರೆ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಅಕಾಲಿಕ ವಯಸ್ಸಿಗೆ ಕಾರಣವಾಗುವ ಅನಾರೋಗ್ಯಕರ ಕೊಬ್ಬುಗಳು, ಸಂಸ್ಕರಿಸಿದ ಆಹಾರಗಳು ಮತ್ತು ಸಕ್ಕರೆ ಆಹಾರಗಳ ಸೇವನೆಯನ್ನು ಮಿತಿಗೊಳಿಸುವುದು ಮುಖ್ಯವಾಗಿದೆ..
ದಿನಾ ಈ ಎಲೆ ತಿಂದ್ರೆ ಕಾಯಿಲೆ ಕಾಡೋ ಭಯವಿಲ್ಲ, ಯಾವಾಗ್ಲೂ ಯಂಗ್ ಆಗಿರ್ಬೋದು!
ಆರೋಗ್ಯಕರ ಜೀವನಶೈಲಿ
ಹೆಲ್ದೀ ಲೈಫ್ಸ್ಟೈಲ್ ಫಾಲೋ ಮಾಡುವುದು ಯಾವಾಗಲೂ ಆರೋಗ್ಯದ ದೃಷ್ಟಿಯಿಂದ ಅಗತ್ಯವಾಗಿದೆ. ವಿಟಮಿನ್, ಪ್ರೊಟೀನ್ಗಳಲ್ಲಿ ಸಮೃದ್ಧವಾಗಿರುವ ಆಹಾರವನ್ನು ತಿನ್ನುವುದು, ಹೆಚ್ಚು ನೀರು ಕುಡಿಯುವುದು ಮತ್ತು ಒತ್ತಡವನ್ನು ನಿರ್ವಹಿಸುವುದು ಒಟ್ಟಾರೆ ಆರೋಗ್ಯವನ್ನು ಹೆಚ್ಚಿಸುತ್ತದೆ. ವಯಸ್ಸಾದರೂ ಯಾವಾಗಲೂ ಯಂಗ್ ಆಗಿರುವಂತೆ ಕಾಣುವಂತೆ ಮಾಡುತ್ತದೆ.
ಸ್ಲೀಪ್ ಸೈಕಲ್
ನಿದ್ರೆ ಆರೋಗ್ಯಕ್ಕೆ ತುಂಬಾ ಅಗತ್ಯವಾಗಿದೆ. ಒಂದೇ ರೀತಿಯ ನಿದ್ರಾ ಸಮಯವನ್ನು ಹೊಂದಿರುವುದು ಮತ್ತು ಗುಣಮಟ್ಟದ ನಿದ್ರೆಯನ್ನು ಪಡೆಯುವುದು ವಯಸ್ಸಾದ ಚಿಹ್ನೆಗಳನ್ನು ಕಡಿಮೆ ಮಾಡುತ್ತದೆ. ಉತ್ತಮ ನಿದ್ರೆ ಮಾನಸಿಕ ಆರೋಗ್ಯ, ಜ್ಞಾಪಕಶಕ್ತಿ ಮತ್ತು ಅರಿವಿನ ಕಾರ್ಯವನ್ನು ಹೆಚ್ಚಿಸುತ್ತದೆ.
ಯಾವಾಗಲೂ ಯಂಗ್ ಆಗಿರಲು ನಮ್ಮ ಹಿರಿಯರು ಇದನ್ನೇ ಬಳಸ್ತಿದ್ರು
ವ್ಯಾಯಾಮ
ವ್ಯಾಯಾಮವು ವಯಸ್ಸಿಗೆ ಸಂಬಂಧಿಸಿದ ದೀರ್ಘಕಾಲದ ಕಾಯಿಲೆಗಳನ್ನು ತಡೆಯುತ್ತದೆ. ಇದು ಜನರು ನಿಧಾನವಾಗಿ ವಯಸ್ಸಾಗಲು ಮತ್ತು ಆರೋಗ್ಯಕರವಾಗಿ ಬದುಕಲು ಸಹಾಯ ಮಾಡುತ್ತದೆ. ಸ್ಥಿರವಾದ ವ್ಯಾಯಾಮವು ಶಾರೀರಿಕ ಬದಲಾವಣೆಗಳನ್ನು ನಿಧಾನಗೊಳಿಸಲು ಸಹಾಯ ಮಾಡುತ್ತದೆ. ಇದು ವಯಸ್ಸಾದ ಪರಿಣಾಮಗಳ ವಿರುದ್ಧವೂ ಹೋರಾಡುತ್ತದೆ.
ಮದ್ಯದ ಸೇವನೆ
ಅಧ್ಯಯನದ ಪ್ರಕಾರ, ಮದ್ಯದ ಅತಿಯಾದ ಸೇವನೆಯು ಅಸ್ಥಿಪಂಜರದ ಸ್ನಾಯುಗಳನ್ನು ಹಾನಿಗೊಳಿಸುತ್ತದೆ. ಅಕಾಲಿಕ ವಯಸ್ಸಾದ ಅಪಾಯವನ್ನು ಹೆಚ್ಚಿಸುತ್ತದೆ. ಆಲ್ಕೋಹಾಲ್ ಸೇವನೆಯು ದೇಹದಲ್ಲಿ ಜೀವಸತ್ವಗಳನ್ನು ಕಡಿಮೆ ಮಾಡುತ್ತದೆ. ಇದರಿಂದ ಚರ್ಮದ ಕಾಲಜನ್ ಕುಸಿಯುತ್ತದೆ. ಆಲ್ಕೋಹಾಲ್ ಸೇವನೆಯನ್ನು ಕಡಿಮೆ ಮಾಡುವುದರಿಂದ ಚರ್ಮ ಹೆಲ್ದೀಯಾಗಿರುತ್ತದೆ.
ಸ್ಮೋಕಿಂಗ್
ಧೂಮಪಾನವು ಚರ್ಮದಲ್ಲಿ ಸುಕ್ಕುಗಳಿಗೆ ಮತ್ತು ಚರ್ಮ ಪೇಲವವಾಗಲು ಕಾರಣವಾಗುತ್ತದೆ. ಸ್ಮೋಕಿಂಗ್, ಚರ್ಮದ ರಕ್ತನಾಳಗಳನ್ನು ಕಿರಿದಾಗಿಸುತ್ತದೆ. ಚರ್ಮವನ್ನು ತಲುಪುವ ಪೋಷಕಾಂಶಗಳ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಕಡಿಮೆಯಾದ ರಕ್ತ ಪೂರೈಕೆಯು ಚರ್ಮವನ್ನು ನೀಲಿ ಮತ್ತು ಬೂದು ಬಣ್ಣದಲ್ಲಿ ಕಾಣುವಂತೆ ಮಾಡುತ್ತದೆ. ಇದು ವಯಸ್ಸಾದ-ಸಂಬಂಧಿತ ಚರ್ಮದ ವರ್ಣದ್ರವ್ಯಕ್ಕೆ ಕೊಡುಗೆ ನೀಡುವ ಆಕ್ಸಿಡೇಟಿವ್ ಒತ್ತಡದ ಶೇಖರಣೆಗೆ ಕಾರಣವಾಗುತ್ತದೆ. ಆದ್ದರಿಂದ ಧೂಮಪಾನವನ್ನು ತ್ಯಜಿಸುವುದು ವಯಸ್ಸಾದಂತೆ ಕಾಣುವುದನ್ನು ತಡೆಯುತ್ತದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.