ನಿವೇದಿತಾ ಗೌಡ ಬಾತ್​ರೂಂ ಸೀಕ್ರೇಟ್​ ಕೊನೆಗೂ ರಿವೀಲ್​! ಅಬ್ಬಾ... ಇದಾ ವಿಷ್ಯ?

ಚಂದನ್ ಶೆಟ್ಟಿಯಿಂದ ವಿಚ್ಛೇದನದ ನಂತರ ನಟಿ ನಿವೇದಿತಾ ಗೌಡ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ. ಆಗಾಗ್ಗೆ ಬಾತ್‌ರೂಮ್‌ನಲ್ಲಿ ರೀಲ್ಸ್ ಮಾಡುವ ಮೂಲಕ ವೀಕ್ಷಣೆ ಹೆಚ್ಚಿಸಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಕನ್ನಡ ಹಾಡಿಗೆ ರೀಲ್ಸ್ ಮಾಡಿರುವುದು ಗಮನ ಸೆಳೆದಿದೆ. ನಿವೇದಿತಾ ಟ್ರೋಲ್‌ಗಳಿಗೆ ತಲೆಕೆಡಿಸಿಕೊಳ್ಳದೆ ತಮ್ಮದೇ ಆದ ಶೈಲಿಯಲ್ಲಿ ಮುಂದುವರೆದಿದ್ದಾರೆ.

ಬಿಗ್​ಬಾಸ್​ ಖ್ಯಾತಿಯ, ರ್ಯಾಪರ್​ ಚಂದನ್​ ಶೆಟ್ಟಿ ಜೊತೆ ಡಿವೋರ್ಸ್​ ಬಳಿಕ (ಕು)ಖ್ಯಾತಿ ಹೆಚ್ಚಿಸಿಕೊಂಡಿರೋ ನಟಿ ನಿವೇದಿತಾ ಗೌಡ, ಫಾರಿನ್​ ಟೂರ್​ ಸುತ್ತಿ,  ಶ್ರೀಲಂಕಾದ ಜೂಜು ಅಡ್ಡೆಗೂ ಹೋಗಿ, ವಾಪಸ್​ ಮನೆಗೆ ಬಂದಾಗಿದೆ. ದಿನದಿಂದ ದಿನಕ್ಕೆ ಈಕೆಯ ರೀಲ್ಸ್​ ಹೆಚ್ಚುತ್ತಲೇ ಇದೆ.  ಸಿನಿಮಾಗಳಲ್ಲಿ ನಟಿಸದಿದ್ದರೂ, ಧಾರಾಳ ದೇಹ ಪ್ರದರ್ಶನ ಮಾಡಿಕೊಂಡಿರುವ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ಹರಿಬಿಡುತ್ತಲೇ ಫೇಮಸ್​ ಆಗ್ತಿರೋ ನಟಿಯರು ಒಂದಿಷ್ಟು ಮಂದಿ ಇದ್ದಾರೆ.  ಅಂಗಾಂಗಗಳ ಪ್ರದರ್ಶನ ಹೆಚ್ಚಾದಷ್ಟೂ ಅವರಿಗೆ ಡಿಮಾಂಡ್​ ಜಾಸ್ತಿಯಾಗ್ತಿರೋದು ಈಗಿನ ಟ್ರೆಂಡ್​.  ಟ್ರೋಲ್​ ಮಾಡುವುದಕ್ಕಾಗಿಯೇ ಒಂದಿಷ್ಟು ಜನ ಇಂಥ ನಟಿಯರ ವಿಡಿಯೋ ಕಾಯುತ್ತಲೇ ಇರುತ್ತಾರೆ. ಅವರು ಟ್ರೋಲ್​  ಮಾಡಿ ಖುಷಿ ಪಟ್ಟುಕೊಂಡರೆ, ದೇಹ ಪ್ರದರ್ಶನ ಧಾರಾಳವಾಗಿ ಮಾಡುವ ನಟಿಯರೂ ಫುಲ್​ ಖುಷ್​. ಒಟ್ಟಿನಲ್ಲಿ ಪ್ರಚಾರ ಬೇಕು ಅಷ್ಟೇ, ಪಾಸಿಟಿವ್​, ನೆಗೆಟಿವ್​ ಅದೆಲ್ಲಾ ಯಾರಿಗೆ ಬೇಕು ಎನ್ನುವ ಜಾಯಮಾನ ಇವರದ್ದು. ಅವರ ಸಾಲಿಗೆ ನಿವೇದಿತಾ ಸೇರಿ ವರ್ಷಗಳೇ ಕಳೆದು ಹೋಗಿವೆ.

ಆದರೆ, ಕುತೂಹಲ ಎನ್ನುವಂತೆ ನಿವೇದಿತಾ ಗೌಡ ಪದೇ ಪದೇ ಬಾತ್​ರೂಮ್​ನಲ್ಲಿಯೇ ರೀಲ್ಸ್​ ಮಾಡುವುದು ಹೆಚ್ಚುತ್ತಿದೆ. ಐಷಾರಾಮಿ ಬಂಗಲೆ ಇದ್ದರೂ, ಒಂದು ಮಾತು ಹೇಳಿದ್ರೆ ಸಾಕು, ರೀಲ್ಸ್​ಗಾಗಿಯೇ ದೊಡ್ಡ ಜಾಗವನ್ನು ಅರೇಂಜ್​ ಮಾಡಿಸುವ ತಾಕತ್ತು ಇದ್ದರೂ ಬಾತ್​ರೂಮ್​ನಲ್ಲಿಯೇ ನಟಿ ರೀಲ್ಸ್​ ಮಾಡ್ತಿರೋದೇ ಅವರ ಅಭಿಮಾನಿಗಳಿಗೆ ಯಕ್ಷ ಪ್ರಶ್ನೆ ಆಗಿ ಹೋಗಿತ್ತು. ಇವತ್ತು ಕೂಡ ನಿವೇದಿತಾ ಮಾಮೂಲಿಯಂತೆ ಹಾಟ್​ ಎನ್ನುವಂಥ ಬಟ್ಟೆ ತೊಟ್ಟು ಬಾತ್​ರೂಮ್​ನಲ್ಲಿಯೇ ರೀಲ್ಸ್​ ಮಾಡಿದ್ದಾರೆ. ಆದರೆ ಒಂದು ವಿಶೇಷ ಎಂದರೆ, ಕನ್ನಡ ಹಾಡಿಗೆ ರೀಲ್ಸ್​​  ಮಾಡಿದ್ದಾರೆ. ಹೆಚ್ಚಾಗಿ ಇಂಗ್ಲಿಷ್​ ಹಾಡಿಗೆ ಕುಣಿತೀದ್ದ ನಟಿ, ಈಗ ಕನ್ನಡ ಹಾಡಿಗೆ ಸೊಂಟ ಬಳುಕಿಸಿದ್ದಾರೆ. 

ಹೃದಯವಿದು ಮೌನ ಚಿತ್ರದ ಹಿಡಿದರೂ ಕುಣಿಯುವ ಹೃದಯವಿದು ಹಾಡಿಗೆ ಭರ್ಜರಿ ಸ್ಟೆಪ್​ ಹಾಕಿದ್ದಾರೆ. ಮಾಮೂಲಿನಂತೆ ಒಂದಿಷ್ಟು ಥಳಕು ಬಳಕಿನ ಸ್ಟೆಪ್​ ಹಾಕಿರೋ ನಟಿಗೆ, ಅವ್ರು ಏನು ಮಾಡಿದರೂ ಅದು ವೈರಲ್​ ಆಗುತ್ತದೆ ಎನ್ನುವುದು ತಿಳಿದಿದೆ. ಆದರೆ ಇದೀಗ ಬಾತ್​ರೂಮ್​ ಸೀಕ್ರೇಟ್​ ಅನ್ನು ಅವರ ಫ್ಯಾನ್ಸ್​ ರಿವೀಲ್​ ಮಾಡಿದ್ದಾರೆ. ಅದೇನೆಂದರೆ, ಬಾತ್​ರೂಮ್​ನಲ್ಲಿ ರೀಲ್ಸ್​ ಮಾಡಿದರೆ ಅದು ಸಕತ್​ ಹಿಟ್​ ಆಗುತ್ತದೆಯಂತೆ. ಅದಕ್ಕಾಗಿಯೇ ಈಗ ಹಲವು ರೀಲ್ಸ್​ ತಾರೆಯರು ಹೆಚ್ಚು ಲೈಕ್ಸ್​ ಪಡೆಯುವುದಕ್ಕಾಗಿ ಬಾತ್​ರೂಮಿನಲ್ಲಿಯೇ ರೀಲ್ಸ್​ ಮಾಡಿ ಹಾಕುತ್ತಿದ್ದಾರೆ ಎನ್ನುವುದು ನೆಟ್ಟಿಗರ ಸಂಶೋಧನೆ! ಇನ್ನು ನಿವೇದಿತಾ ವಿಷ್ಯದಲ್ಲಿಯೂ ಹಾಗೆಯಾ ಆಗಿರಬೇಕು, ಇವರು ಬಾತ್​ರೂಮ್​ನಲ್ಲಿ ಮಾಡುವ ಹಾಡುಗಳು ಹೆಚ್ಚು ವ್ಯೂವ್ಸ್​ ಪಡೀತಿರಬೇಕು ಎಂದು ಅಂದಾಜು ಮಾಡಿದ್ದಾರೆ ಅವರ ಅಭಿಮಾನಿಗಳು. ಒಟ್ಟಿನಲ್ಲಿ ನಿವೇದಿತಾ ಏನೇ ಕಮೆಂಟ್​ ಹಾಕಿದರೂ ಕ್ಯಾರೇ ಅನ್ನದೇ ತಮ್ಮ ಪಾಡಿಗೆ ತಾವು ರೀಲ್ಸ್​ ಮಾಡುತ್ತಲೇ ಇದ್ದಾರೆ. 

ಅಷ್ಟಕ್ಕೂ ಜನರಿಗೆ ಬೇಕಿರುವುದೂ ಅದೇ ಅಲ್ವಾ? ಯಾವುದಾದರೂ ಒಳ್ಳೆಯ ವಿಷಯದ ವಿಡಿಯೋ ಮಾಡಿ ನೋಡಿ. ನೀವು ಕಾಲಿಗೆ ಬಿದ್ದರೂ ಹತ್ತಾರು ಮಂದಿ ಅದನ್ನು ನೋಡುವುದು ಕಷ್ಟ. ಆದರೆ ಅದೇ ಅಸಭ್ಯ, ಅಶ್ಲೀಲ ಎನ್ನುವ ವಿಡಿಯೋಗಳನ್ನು ಬಾಯಿ ಚಪ್ಪರಿಸುತ್ತಾ, ಅದನ್ನು ಟ್ರೋಲ್​ ಮಾಡುತ್ತಲೇ ಶೇರ್​ ಕೂಡ  ಮಾಡುತ್ತ, ವ್ಯೂವ್ಸ್​ ಜಾಸ್ತಿ ಮಾಡುವುದು ಹೊಸ ವಿಷಯವೇನಲ್ಲ. ತಮ್ಮ ಡಿಕ್ಷನರಿಯಲ್ಲಿ ಇರುವ ಕೆಟ್ಟ ಪದಗಳನ್ನೆಲ್ಲಾ ಕಮೆಂಟ್​ ಬಾಕ್ಸ್​ನಲ್ಲಿ ತುಂಬುತ್ತಲೇ ಮಜಾ ಪಡೆಯುವ ದೊಡ್ಡ ವರ್ಗವೇ ಇರುವ ಕಾರಣ, ಇದೀಗ ಬಹುತೇಕ ರೀಲ್ಸ್​ ತಾರೆಯರು ಇದನ್ನೇ ಫಾಲೋ ಮಾಡುತ್ತಿರುವುದು ಕೂಡ ಹೊಸ ವಿಷಯವಲ್ಲ ಬಿಡಿ! ಒಟ್ಟಿನಲ್ಲಿ ನಿವೇದಿತಾ ಬಾತ್​ರೂಂ ಸೀಕ್ರೇಟ್​ ಈಗ ರಿವೀಲ್​​ ಆದಂತಾಗಿದೆ.