ಈ ಊರಲ್ಲಿ ಬರ್ಗರ್ ಬೆಲೆಗೆ ಸಿಗುತ್ತೆ ಮನೆಗಳು..!
ಸಾರಾಂಶ
ಮನೆ ಕೊಳ್ಳೋದು ಅಂದ್ರೆ ಸುಮ್ನೇನಾ ? ಜೀವಮಾನದ ಸಂಪಾದನೆಯನ್ನೆಲ್ಲ ಹೂಡಿಕೆ ಮಾಡಿರ್ತಾರೆ ಆದರೆ ಈ ಊರಲ್ಲಿ ಆ ಚಿಂತೆ ಇಲ್ಲ, ಕಾರಣ ಒಂದು ಬರ್ಗರ್ ಕೊಳ್ಳೋ ದೊಡ್ಡಲ್ಲಿ ಇಲ್ಲಿ ಮನೆ ಸಿಗುತ್ತೆ
ರಿಯಲಗ ಎಸ್ಟೇಟ್ ಅಂದ್ರೆ ಸುಮ್ನೇನಾ ? ಸಖತ್ ದುಡ್ಡು ಮಾಡೋ ಫೀಲ್ಡ್ ಇದು. ನಗರಗಳಲ್ಲಿ ಮನೆ, ರೂಮ್ಗಳಿಗೆ ಬೆಲೆ ಏನು ಕಡಿಮೆಯಾ ? ಜೀವನಪೂರ್ತಿ ದುಡಿದರೂ ಬಾಡಿಗೆ ಮನೆಯಲ್ಲೇ ವಾಸಿಸೋ ಬಹಳಷ್ಟು ಜನರಿದ್ದಾರೆ. ಅವರಿಗದು ಅನಿವಾರ್ಯ. ಆದರೆ ಈ ಊರಲ್ಲಿ ನಮಗೆ ಮನೆ ಇಲ್ಲ, ಮನೆ ಮಾಡೋದೇ ದೊಡ್ಡ ಕನಸು ಎಂದು ಕೂರಬೇಕಿಲ್ಲ. ಕಾರಣ ಒಂದು ಬರ್ಗರ್ ಕೊಳ್ಳುವ ಹಣ ನಿಮ್ಮಲ್ಲಿದ್ಯಾ ? ಹಾಗಾದರೆ ಮನೆಯನ್ನೂ ಖರೀದಿಸಬಹುದು.
ಅರೆ ಏನಿದು ಅಂತ ಆಶ್ಚರ್ಯವಾಗುತ್ತಲ್ಲಾ ? ಆದರೆ ಇದು ಸತ್ಯ. ಇಂತದ್ದೊಂದು ನಗರದಲ್ಲಿ ಮನೆಗೆ ಜಾಸ್ತಿ ಹಣ ಕೊಡೋದೇನು ಬೇಡ. ಇದಂಥಾರ ಅಚ್ಚರಿಯಾಗೋ ವಿಚಾರ. ಏನಿದು ? ಯಾಕಿಷ್ಟು ಕಡಿಮೆ ಬೆಲೆ ? ಯಾವೂರು ? ಇಲ್ಲಿದೆ ಡೀಟೆಲ್ಸ್.
ಮಿಲೆನ್ನಿಯಲ್ಸ್ ನಗರದ ಜನರಿಗೂ ಮನೆ ಕೊಳ್ಳುವುದು ಕನಸೇ ಆಗಿತ್ತು. ಆದರೆ ತಮ್ಮ ನೆಚ್ಚಿನ ಫಾಸ್ಟ್ಫುಡ್ ಫಿಝಾ ಹುಟ್ಟಿದ ನಾಡಲ್ಲಿ ಮನೆಗಳಿಗೆ ದೊಡ್ಡ ಮಟ್ಟದ ಡಿಸ್ಕೌಂಡ್ ನೀಡಲಾಗುತ್ತಿರುವ ವಿಷಯ ತಿಳಿದ ಜನರು ಖುಷಿಯಾಗಿದ್ದಾರೆ. ರೋಮ್ನಿಂದ 70 ಕಿಮೀ ದಕ್ಷಿಣದಲ್ಲಿರುವ ನಗರ ಮಯೆನ್ಝಾದಲ್ಲಿ ಸದ್ಯ 1 ಯುರೋಗೆ ಮನೆ ಸಿಗುವ ಯೋಜನೆ ಇದೆ.
ನೆಟ್ವರ್ಕ್ ಇಲ್ಲ: ಒಂಟೆ ಹತ್ತಿ ಬಂದು ಪಾಠ ಹೇಳ್ತಾರೆ ಈ ಶಿಕ್ಷಕರು
ಮಯೆನ್ಝಾ ಪಟ್ಟಣವು ರೋಮ್ನ ಲಾಟಿಯಂ ಪ್ರದೇಶದಲ್ಲಿ ಮೆಕ್ಡೊನಾಲ್ಡ್ಸ್ನಿಂದ ಚಿಕನ್ ಮೆಕ್ರಿಲ್ ಬರ್ಗರ್ನ ಬೆಲೆ 87.05ಗೆ ಮನೆಗಳನ್ನು ಮಾರಾಟ ಮಾಡಲು ಆರಂಭಿಸಿತು. ಇದನ್ನು ತನ್ನ ತವರಿನ 'ಪುನರ್ಜನ್ಮದ ಒಪ್ಪಂದ' ಎಂದು ಕರೆದ ಮಯೆನ್ಝಾ ಮೇಯರ್ ಕ್ಲಾಡಿಯೋ ಸ್ಪೆರ್ಡುಟಿ, ಈ ಯೋಜನೆಯ ಮೂಲಕ ಅಲ್ಲಿನ ಸ್ತಬ್ಧ ಗಲ್ಲಿಗಳಲ್ಲಿ ಹೊಸ ಜೀವನವನ್ನು ಉಸಿರಾಡಲು ಆರಂಭಿಸಲು ಪ್ರೋತ್ಸಾಹಿಸುತ್ತದೆ. ಹಳೆಯ ಮಾಲೀಕರು ಮತ್ತು ಸಂಭಾವ್ಯ ಖರೀದಿದಾರರ ನಡುವೆ ಸಂಪರ್ಕ ಸಾಧಿಸುವ ಮೂಲಕ ಬಳಕೆಯಾಗದ ಎಲ್ಲಾ ಕುಸಿಯುತ್ತಿರುವ ಆಸ್ತಿಗಳನ್ನು ಮರುಪಡೆಯುವುದು ಗುರಿಯಾಗಿದೆ ಎಂದು ಮೇಯರ್ ಹೇಳುತ್ತಾರೆ.
ಮಯೆನ್ಝಾ ಪಟ್ಟಣವು ಸುಮಾರು 100 ನಿರ್ಲಕ್ಷಿತ ಆಸ್ತಿಗಳನ್ನು ಪುನರುಜ್ಜೀವನಗೊಳಿಸಲು ಬಯಸುತ್ತದೆ ಏಕೆಂದರೆ ಅವುಗಳು ದಾರಿಹೋಕರಿಗೆ ಅಪಾಯವನ್ನುಂಟುಮಾಡುತ್ತವೆ. ಆಸ್ತಿಯನ್ನು ಖರೀದಿಸಲು ಬಯಸುವ ಜನರು ಅದನ್ನು ಮೂರು ವರ್ಷಗಳಲ್ಲಿ ನವೀಕರಿಸಲು ಬದ್ಧರಾಗಿರಬೇಕು. ಪಟ್ಟಣವು ಖರೀದಿದಾರರ ಮೇಲೆ ಶಾಶ್ವತ ರೆಸಿಡೆನ್ಸಿ ನಿಯಮಗಳನ್ನು ಜಾರಿಗೊಳಿಸುವುದಿಲ್ಲ, ಆದರೆ ನೆಲೆಗೊಳ್ಳಲು ಬಯಸುವವರಿಗೆ ಮತ್ತು ವೇಗವಾಗಿ ನವೀಕರಣ ಮಾಡುವವರಿಗೆ ಆದ್ಯತೆ ನೀಡಲಾಗುವುದು.
ಖರೀದಿದಾರರು ಕಟ್ಟಡವನ್ನು ಯಾವುದಕ್ಕಾಗಿ ಬಳಸುತ್ತಾರೆ ಎಂಬುದರ ಕುರಿತು ವಿವರವಾದ ನವೀಕರಣ ವರದಿ ಸಲ್ಲಿಸಬೇಕು - ಅದು ಮನೆ, ರೆಸ್ಟೋರೆಂಟ್, ಅಂಗಡಿ ಅಥವಾ ಹಾಸಿಗೆ ಮತ್ತು ಉಪಹಾರ ಯಾವುದೇ ಆಗಿರಲಿ. ಕಡ್ಡಾಯ ಕೆಲಸಗಳು ಪೂರ್ಣಗೊಂಡ ನಂತರ ಖರೀದಿದಾರರು ₹ 4,35,258 ಠೇವಣಿ ಖಾತರಿಯನ್ನು ನೀಡಬೇಕಾಗುತ್ತದೆ ಎನ್ನಲಾಗಿದೆ.
ಇಟಲಿಯ 1 ಯೂರೋ ಮನೆಗಳ ಯೋಜನೆಯು 2019 ರಲ್ಲಿ ಪ್ರಾರಂಭವಾಯಿತು. ದೇಶವು ನಗರಗಳಿಗೆ ಜನರ ಸಾಮೂಹಿಕ ವಲಸೆ ತಪ್ಪಿಸಲು ನಿರ್ಜನ ಪಟ್ಟಣಗಳು ಮತ್ತು ಗ್ರಾಮಗಳನ್ನು ಪುನರುಜ್ಜೀವನಗೊಳಿಸಲು ಪ್ರಯತ್ನಿಸಿದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.