ನನ್‌ ಜೊತೆ ಲೈಂಗಿಕ ಸಂಬಂಧ ಹೊಂದಿದ್ದ ನನ್ನ ಮಾಜಿ ಗೆಳತಿಯನ್ನೇ ಅಣ್ಣ ಮದ್ವೆಯಾಗ್ತಿದ್ದಾನೆ, ಏನ್ಮಾಡ್ಲಿ ?

ಪ್ರೀತಿ ಮಾಡುವುದು ಸುಲಭ. ಆದ್ರೆ ಆ ಪ್ರೀತಿಯಲ್ಲಿ ಎದುರಾಗುವ ಸಮಸ್ಯೆಗಳನ್ನು ಬಗೆಹರಿಸುತ್ತಾ ಸಾಗುವುದು ಕಷ್ಟ. ಇಲ್ಲೊಬ್ಬನಿಗೆ ಹಾಗೆಯೇ ಆಗಿದೆ. ಆತ ಪ್ರೀತಿಸಿ, ಲೈಂಗಿಕ ಸಂಬಂಧ ಹೊಂದಿದ್ದ ಹುಡುಗಿಯನ್ನು ಅಣ್ಣ ಮದ್ವೆಯಾಗ್ತಿದ್ದಾನೆ. ಆದ್ರೆ ಮಾಜಿ ಗೆಳತಿಯನ್ನು ಅತ್ತಿಗೆಯಾಗಿ ನೋಡಲಾರೆ ಅನ್ನೋದು ಇವ್ನ ಸಮಸ್ಯೆ. ಅದ್ಕೆ ತಜ್ಞರು ಏನ್ ಉತ್ತರ ನೀಡಿದ್ದಾರೆ ತಿಳಿಯೋಣ.

ಪ್ರಶ್ನೆ: ನಾನು 29 ವರ್ಷದ ಯುವಕ. ನಾನು ಕಾಲೇಜಿನಲ್ಲಿದ್ದಾಗ ಮೂರು ವರ್ಷಗಳ ಕಾಲ ಹುಡುಗಿಯೊಬ್ಬಳೊಂದಿಗೆ ಸಂಬಂಧ ಹೊಂದಿದ್ದೆ. ನಾವು ನಮ್ಮ ಸಂಬಂಧದ ಬಗ್ಗೆ ತುಂಬಾ ಗಂಭೀರವಾಗಿದ್ದೆವು. ಹೀಗಾಗಿ ದೈಹಿಕವಾಗಿಯೂ ತೊಡಗಿಸಿಕೊಂಡಿದ್ದೆವು. ಅನಿವಾರ್ಯ ಕಾರಣಗಳಿಂದಸ್ಟಡೀಸ್ ಮುಗಿದ ನಂತರ ನಾವು ಬೇರ್ಪಟ್ಟೆವು. ನಾವು ನಮ್ಮ ಸ್ವಂತ ಊರಿಗೆ ಮರಳಿದೆವು. (ಅವಳು ದಕ್ಷಿಣ ಭಾರತದ ನಗರದಿಂದ ಬಂದವಳು ಮತ್ತು ನಾನು ಈಶಾನ್ಯ ಭಾರತದವನು). ನಾವು ಸಂಬಂಧದಲ್ಲಿದ್ದಾಗ ನಾವು ಮನೆಯಿಂದ ದೂರವಿದ್ದ ಕಾರಣ, ನನ್ನ ಹೆತ್ತವರಿಗೆ ನಮ್ಮ ಬಗ್ಗೆ ತಿಳಿದಿರಲಿಲ್ಲ. ಇಷ್ಟೆಲ್ಲಾ ಆದ ಬಳಿಕ ಅಮೇರಿಕಾದಲ್ಲಿ MNC ಯಲ್ಲಿ ಕೆಲಸ ಮಾಡುವ ನನ್ನ ಸಹೋದರ ನನ್ನ ಗೆಳತಿಯನ್ನು ಎರಡು ವರ್ಷಗಳ ಹಿಂದೆ ಭೇಟಿಯಾದನು ಮತ್ತು ಅವಳು ಅದೇ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಳು. ನಾನು ಅವನ ಸಹೋದರ ಎಂಬ ಸತ್ಯವನ್ನು ತಿಳಿಯದೆ ಅವರು ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. 

ಮೊದಲನೆಯದಾಗಿ, ನನ್ನ ಸಹೋದರ (Brother) ತನ್ನ ವೈಯಕ್ತಿಕ ಜೀವನದ ಬಗ್ಗೆ ಹೆಚ್ಚು ಮಾತನಾಡುವುದಿಲ್ಲ ಮತ್ತು ಅವಳೂ ಅವನ ಕುಟುಂಬದ ಬಗ್ಗೆ ಹೆಚ್ಚು ತಿಳಿದುಕೊಳ್ಳಲು ಬಯಸಲಿಲ್ಲ. ಇತ್ತೀಚೆಗೆ, ನನ್ನ ಸಹೋದರ ಮನೆಗೆ ಭೇಟಿ ನೀಡಿದಾಗ, ಅವನು ತನ್ನ ಗೆಳತಿಯನ್ನು ಮದುವೆಯಾಗಲು ಯೋಜಿಸುತ್ತಿರುವುದಾಗಿ ಘೋಷಿಸಿದನು. ನನ್ನ ಮನೆಯವರೆಲ್ಲರೂ ಈ ಸುದ್ದಿಯನ್ನು ಕೇಳಿ ಸಂಭ್ರಮಪಟ್ಟರು. ಆದರೆ ಆತನ ಗೆಳತಿಯನ್ನು ನೋಡಿ ನಾನು ಶಾಕ್‌ ಆದೆ. ಹಿಂದೆ ಅವಳೊಂದಿಗೆ ನನಗೆ ಸಂಬಂಧ (Relationship) ಇದ್ದ ಬಗ್ಗೆ ನನ್ನ ಸಹೋದರನಿಗೆ ಮತ್ತು ನಂತರ ನನ್ನ ಹೆತ್ತವರಿಗೂ ಹೇಳಿದೆ. ಭೂತಕಾಲವು ಭವಿಷ್ಯದ ಮೇಲೆ ಪರಿಣಾಮ ಬೀರಲು ಬಿಡಬೇಡಿ ಎಂದು ನನ್ನ ಸಹೋದರ ಹೇಳಿದ್ದಾನೆ. ಮತ್ತು ನನ್ನ ಮಾಜಿ ಗೆಳತಿ (Ex girlfriend) ಕೂಡ ಅದೇ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾಳೆ. ಇನ್ನೇನು ಕೆಲವೇ ತಿಂಗಳುಗಳಲ್ಲಿ ಅವರು ಮದುವೆಯಾಗುತ್ತಿದ್ದಾರೆ. ಆದರೆ ಈ ಮದುವೆ (Marriage) ನಡೆಯುವುದು ನನಗೆ ಸರಿ ಅನಿಸುತ್ತಿಲ್ಲ. ನನಗೆ ಅವಳನ್ನು ಅತ್ತಿಗೆ ಸ್ಥಾನದಲ್ಲಿ ನೋಡಲು ಸಾಧ್ಯವಿಲ್ಲ. ದಯವಿಟ್ಟು ನನಗೆ ಸಹಾಯ ಮಾಡಿ.

ತಜ್ಞರ ಉತ್ತರ: ನಿಮಗೆ 29 ವರ್ಷ ವಯಸ್ಸಾಗಿದೆ. ನಿಮ್ಮ ಕಾಲೇಜು ಸಮಯದಲ್ಲಿ ನೀವು ಆಕೆಯನ್ನು ಪ್ರೀತಿ ಮಾಡಿರುವುದು ನಿಜ. ಆದರೆ ಕಾಕತಾಳೀಯವಾಗಿ ಯುಎಸ್‌ನಲ್ಲಿ ನಿಮ್ಮ ಸಹೋದರ ಆಕೆಯನ್ನು ಭೇಟಿಯಾಗಿ ಪ್ರೀತಿ (Love)ಸುತ್ತಿದ್ದಾರೆ. ಅವರಿಬ್ಬರೂ ಮದುವೆಯಾಗಲು ಯೋಜಿಸುತ್ತಿದ್ದಾರೆ, ಇದರಲ್ಲಿ ತಪ್ಪೇನಿಲ್ಲ. ನಿಮ್ಮ ಹಿಂದಿನ ಸಂಬಂಧದ ಬಗ್ಗೆ ಕುಟುಂಬ ಸದಸ್ಯರೊಂದಿಗೆ ನೀವು ಹಂಚಿಕೊಂಡಿದ್ದೀರಿ. ಹೀಗಿದ್ದೈ ನಿಮ್ಮ ಸಹೋದರ ಮತ್ತು ಮಾಜಿ ಗೆಳತಿ ಹಿಂದಿನದನ್ನು ನೋಡಲು ಬಯಸುವುದಿಲ್ಲ ಮತ್ತು ಮುಂದೆ ಹೋಗಿ ಮದುವೆಯಾಗಲು ಬಯಸುತ್ತಾರೆ ಎಂದಾದರೆ ಅವರು ನಿಜವಾಗಿಯೂ ತುಂಬಾ ಪ್ರೀತಿಸುತ್ತಿದ್ದಾರೆ. ನೀವು ಅವಳೊಂದಿಗೆ ದೈಹಿಕವಾಗಿ (Physical) ತೊಡಗಿಸಿಕೊಂಡಿದ್ದರಿಂದ ಇದನ್ನು ನಿಭಾಯಿಸುವುದು ನಿಮಗೆ ಕಷ್ಟ ಎಂದು ನಾನು ಅರ್ಥಮಾಡಿಕೊಂಡಿದ್ದೇನೆ.

ಅದೇನೇ ಇದ್ದರೂ, ಇಬ್ಬರೂ ವಯಸ್ಕರು ಮತ್ತು ಅವರು ಪರಿಸ್ಥಿತಿ ಮತ್ತು ಅವರ ಹಿಂದಿನ ಬಗ್ಗೆ ತಿಳಿದಿರುತ್ತಾರೆ. ಅವರಿಗೆ ಯಾವುದೇ ಸಮಸ್ಯೆ ಇಲ್ಲದಿದ್ದರೆ ಮತ್ತು ಮದುವೆಯಾಗಲು ಬಯಸಿದರೆ ಅದು ಅವರ ಆಯ್ಕೆಯಾಗಿದೆ. ಅವರು ಸ್ವಇಚ್ಛೆಯಿಂದ ಸಂಬಂಧವನ್ನು ಪಡೆಯುತ್ತಿದ್ದಾರೆ ಮತ್ತು ಪರಸ್ಪರ ಪ್ರೀತಿಸುತ್ತಿದ್ದಾರೆ.

ಅವಳೊಂದಿಗಿನ ನಿಮ್ಮ ಅನುಭವವು ವರ್ಷಗಳ ಹಿಂದೆ ಎಂದು ನೀವು ಪರಿಗಣಿಸಬೇಕೆಂದು ನಾನು ಸಲಹೆ (Suggestion) ನೀಡುತ್ತೇನೆ ಮತ್ತು ನೀವು ಅಥವಾ ಯಾರಾದರೂ ಹೋಗಿ ಅದನ್ನು ಬದಲಾಯಿಸಲು ಸಾಧ್ಯವಿಲ್ಲ. ನಿಮ್ಮ ಗತಕಾಲದ ಬಗೆಗಿನ ಬಗೆಹರಿಯದ ಸಮಸ್ಯೆಗಳನ್ನು ಪರಿಹರಿಸಲು ವೃತ್ತಿಪರ ಸಲಹೆಗಾರರಿಂದ ಮಾರ್ಗದರ್ಶನ ಪಡೆಯಿರಿ. ಅವರು ಒಟ್ಟಿಗೆ ಬದುಕಲು ಬಯಸುತ್ತಾರೆ ಮತ್ತು ಅವರ ಭಾವನೆಗಳು ಮತ್ತು ನಿರ್ಧಾರವನ್ನು ಗೌರವಿಸಲು ನಾನು ನಿಮಗೆ ಸಲಹೆ ನೀಡುತ್ತೇನೆ. ನಿಮ್ಮ ಜೀವನ (Life), ನಿಮ್ಮ ಭಾವನೆಗಳು ಮತ್ತು ನಿಮ್ಮ ಆಲೋಚನೆಗಳಿಗೆ ಮಾತ್ರ ನೀವು ಜವಾಬ್ದಾರರಾಗಿರುತ್ತೀರಿ, ಆದ್ದರಿಂದ, ನಿಮ್ಮ ಜೀವನ ಮತ್ತು ನಿಮ್ಮ ಜೀವನದ ಗುರಿಗಳ ಮೇಲೆ ಕೇಂದ್ರೀಕರಿಸಿ ಎಂದು ತಿಳಿಸಿದ್ದಾರೆ.