ಇದು ಅಪ್ಪ-ಮಗಳ ಲವ್ ಸ್ಟೋರಿ. ಇಬ್ಬರ ನಡುವೆ ಪ್ರೀತಿ ಹುಟ್ಟಿ ಮದುವೆಯಾಗಿದ್ದಾರೆ. ಹಿಂದೂ ಸಂಪ್ರದಾಯದಂತೆ ಮದ್ವೆಯಾಗುವ ಆಸೆಯಾಗಿತ್ತಂತೆ ಈಕೆಗೆ. ಇವರ ವಿಚಿತ್ರ ಕಥೆ ಇಲ್ಲಿದೆ ನೋಡಿ!
ಇದು ತಂದೆ ಮತ್ತು ಮಗಳ ಲವ್ಸ್ಟೋರಿ. ಇಬ್ಬರೂ ಪ್ರೀತಿಸಿ ಮದುವೆಯಾಗುತ್ತಿರುವ ವಿಡಿಯೋ ಒಂದು ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಯನ್ನು ಹುಟ್ಟುಹಾಕಿದೆ. ತನ್ನ ಅಪ್ಪನ ಮದುವೆಗೆ ವಿರೋಧ ವ್ಯಕ್ತಪಡಿಸಿರುವ ಮಗ ಯೂಟ್ಯೂಬರ್ ಒಬ್ಬರಿಗೆ ಕರೆ ಮಾಡಿ ಇದರ ವಿಡಿಯೋ ಮಾಡುವಂತೆ ಹೇಳಿರುವ ಕಾರಣ, ಇದೀಗ ಬಹಿರಂಗವಾಗಿದೆ. ಆದರೆ ವಿಚಿತ್ರ ಎಂದರೆ, ಮಗಳು ಕೂಡ ತುಂಬು ಮನಸ್ಸಿನಿಂದ ಅಪ್ಪನನ್ನು ಮದುವೆಯಾಗಲು ಒಪ್ಪಿಕೊಂಡಿದ್ದಾಳೆ! ತಾನು ಅಪ್ಪನನ್ನು ಪ್ರೀತಿಸುತ್ತಿರುವುದಾಗಿ ಅವಳು ಹೇಳಿದ್ದಾಳೆ. ಈ ವಿಡಿಯೋ ಆರಂಭವಾಗುವುದು, ಯೂಟ್ಯೂಬರ್ ನೀವೂ ಮುಸ್ಲಿಂ, ಈಕೆಯೂ ಮುಸ್ಲಿಂ ಅಲ್ವಾ ಎಂದು. ಅದಕ್ಕೆ ಇಬ್ಬರೂ ಹೌದು ಎಂದಿದ್ದಾರೆ. ಹಾಗಾದರೆ ಕುಂಕುಮ, ಸಿಂಧೂರ ಇಟ್ಟಿದ್ದು ಯಾಕೆ ಎಂದು ಯುಟ್ಯೂಬರ್ ಪ್ರಶ್ನಿಸಿದ್ದಾರೆ. ಆಗ ಸತ್ಯ ಹೊರ ಬಂದಿದೆ. ಅದೇನೆಂದರೆ, ಯುವತಿಯ ಅಮ್ಮ ಹಿಂದೂ ಆಗಿದ್ದರು ಎನ್ನುವುದು. ಹಿಂದೂ ರೀತಿಯಲ್ಲಿ ಮದ್ವೆಯಾಗುವುದು ಅವಳಿಗೆ ಇಷ್ಟವಿತ್ತು. ಅದಕ್ಕಾಗಿಯೇ ಕುಂಕುಮ, ಸಿಂಧೂರ ಇಟ್ಟಿದ್ದಾಳೆ ಎಂದಿದ್ದಾರೆ ಈ ಅಪ್ಪ.
ಹೀಗೆ ಸಾಗುವ ವಿಡಿಯೋದಲ್ಲಿ ತಂದೆ ಮತ್ತು ಮಗಳು ಇಬ್ಬರೂ ಮಾತನಾಡಿದ್ದು, ನಿಖಾ ಮಾಡಿಕೊಳ್ಳುವುದು ಇಬ್ಬರಿಗೂ ಇಷ್ಟವಾಗಿದೆ ಎಂದು ಹೇಳಿದ್ದಾರೆ. ಅಷ್ಟಕ್ಕೂ ಇಲ್ಲಿರುವ ತಂದೆಗೆ ಎರಡು ಮದುವೆಯಾಗಿದೆ. ಈ ವಿಡಿಯೋದಲ್ಲಿ ಇರುವ ಯುವಕ, ಅಪ್ಪನ ಮೊದಲ ಪತ್ನಿಯ ಮಗ. ಆಕೆ ಸತ್ತ ಮೇಲೆ ಇನ್ನೊಂದು ಮದ್ವೆಯಾಗಿದ್ದಾರೆ ಈ ಅಪ್ಪ. ಆದರೆ ಮದುವೆಯ ಸಂದರ್ಭದಲ್ಲಿ ಆ ಮಹಿಳೆಗೆ ಇದಾಗಲೇ ಮದುವೆಯಾಗಿದ್ದು, ಮೊದಲ ಪತಿಯಿಂದ ಮಗಳು ಇದ್ದಳು. ಅವರ ಮದುವೆಯ ಸಂದರ್ಭದಲ್ಲಿ ಈ ಮಗಳಿಗೆ ಕೇವಲ ಐದು ವರ್ಷ ವಯಸ್ಸಾಗಿತ್ತು. ಸಂಬಂಧದಲ್ಲಿ ಇಬ್ಬರೂ ಅಪ್ಪ-ಮಗಳು ಆಗಬೇಕು. ಆದರೆ ತಮ್ಮದು ರಕ್ತ ಸಂಬಂಧವಲ್ಲ, ಮದ್ವೆಯಾದ್ರೆ ತಪ್ಪೇನು ಎನ್ನುವುದು ಅಪ್ಪನ ವಾದ. ಅವಳಿಗೂ ನನ್ನನ್ನು ಮದುವೆಯಾಗುವ ಇಚ್ಛೆ ಇತ್ತು ಎಂದಿದ್ದಾರೆ. ಇದಕ್ಕೆ ಮಗನ ವಿರೋಧವಿದೆ. ಇದು ಸಂಪೂರ್ಣ ತಪ್ಪು. ಸಂಬಂಧದಲ್ಲಿ ಇಬ್ಬರೂ ಅಪ್ಪ-ಮಗಳು. ಸಮಾಜ ಇದನ್ನು ಒಪ್ಪುವುದಿಲ್ಲ. ನೀವಾದ್ರೂ ಬುದ್ಧಿ ಹೇಳಿ ಇದನ್ನು ತಪ್ಪಿಸಿ ಎಂದು ಪರಿಪರಿ ಬೇಡಿಕೊಳ್ಳುತ್ತಿದ್ದಾನೆ ಮಗ. ಆದರೆ ಇಬ್ಬರೂ ಇದಕ್ಕೆ ಸುತರಾಂ ಒಪ್ಪಲಿಲ್ಲ.
ಹೆಣ್ಣೆಂದು ತಿಳಿದು ಆ ರಾಜಕಾರಣಿ ಸಂಬಂಧ ಬೆಳೆಸಿದ್ರು, ಆಮೇಲೆ... ಕಾಂಗ್ರೆಸ್ ಮುಖಂಡೆ ಚರಿತಾ ನೋವಿನ ನುಡಿ...
ಕೊನೆಗೆ ಯೂಟ್ಯೂಬರ್ ಯುವತಿಯ ಬಳಿ ಬಂದು, ನಿಮಗೆ ಇವರ ಮೇಲೆ ಪ್ರೀತಿ ಹುಟ್ಟಿದ್ದು ಹೇಗೆ ಎಂದು ಪ್ರಶ್ನಿಸಿದ್ದಾರೆ. ಅಪ್ಪನ ಕೆಲಸಗಳನ್ನು ನೋಡಿ ನನಗೆ ಖುಷಿಯಾಯಿತು. ಮದುವೆಯಾದ್ರೆ ತಪ್ಪೇನು ಎಂದು ಪ್ರಶ್ನಿಸಿದ್ದಾಳೆ. ಒಟ್ಟಿನಲ್ಲಿ ಈ ಮದುವೆಯ ಬಗ್ಗೆ ಈಗ ಭಾರಿ ಚರ್ಚೆ ಶುರುವಾಗಿದೆ. ಅಷ್ಟಕ್ಕೂ ಅಮ್ಮ ಮತ್ತು ಮಗನ ನಡುವಿನ ಪ್ರೇಮ ಸಂಬಂಧವನ್ನು ಈಡಿಪಸ್ ಕಾಂಪ್ಲೆಕ್ಸ್ (Oedipus complex) ಎಂದೂ ಅಪ್ಪ ಮತ್ತು ಮಗಳ ಸಂಬಂಧವನ್ನು ಎಲೆಕ್ಟ್ರಾ ಕಾಂಪ್ಲೆಕ್ಸ್ (Electra complex) ಎಂದೂ ಕರೆಯಲಾಗುತ್ತಿದೆ. ಗ್ರೀಕ್ ಪುರಾಣದಲ್ಲಿ ಈಡಿಪಸ್ ಕಥೆ ನೀವು ಕೇಳಿರಬಹುದು. ಆತ ತನ್ನ ತಂದೆಯನ್ನು ಕೊಲ್ಲುತ್ತಾನೆ ಎಂಬ ಭವಿಷ್ಯವಾಣಿ ಇದ್ದಿದ್ದರಿಂದ ಅವನ ತಂದೆ ಈತನನ್ನು ತ್ಯಜಿಸಿದ್ದ. ಈಡಿಪಸ್ಗೆ ಹೆತ್ತವರ ಬಗ್ಗೆ ಹಾಗೂ ಅಪ್ಪನಿಗೆ ಮಗನ ಗೊತ್ತೇ ಇರುವುದಿಲ್ಲ. ಅದೊಂದು ಸಂದರ್ಭದಲ್ಲಿ ಅಪ್ಪ-ಮಗನ ನಡುವೆ ಕದನವಾಗಿ ಈಡಿಪಸ್ ತಂದೆಯನ್ನು ಕೊಲ್ಲುತ್ತಾನೆ. ಆಗಿನ ಸಂಪ್ರದಾಯದಂತೆ, ರಾಜನನ್ನು ಸೋಲಿಸಿದ ಬಳಿಕ ಆತನ ಪತ್ನಿಯನ್ನು ವಿವಾಹವಾಗಬೇಕಾಗುತ್ತದೆ. ಈಡಿಪಸ್ ಕೂಡ ಹಾಗೆಯೇ ಮಾಡುತ್ತಾನೆ. ಆತನಿಗೆ ಆಕೆ ತನ್ನ ತಾಯಿ ಎನ್ನುವ ಅರಿವೇ ಇರುವುದಿಲ್ಲ. ಬಳಿಕ ಮಗುವೂ ಆಗುತ್ತದೆ. ಬಳಿಕ ಇಬ್ಬರಿಗೂ ಸತ್ಯದ ಅರಿವಾಗುತ್ತದೆ. ಈ ವೇಳೆ ಈಡಿಪಸ್‌ನಲ್ಲಿ ರೂಪುಗೊಳ್ಳುವ ಮನೋವಿಕಾರವನ್ನು ಫ್ರಾಯ್ಡ್ ‘ಈಡಿಪಸ್ ಕಾಂಪ್ಲೆಕ್ಸ್’ ಎಂದು ಕರೆದಿದ್ದಾನೆ. ಇದರ ಮತ್ತೊಂದು ವರ್ಷನ್ ಎಲೆಕ್ಟ್ರಾ ಕಾಂಪ್ಲೆಕ್ಸ್.