ರಾಜಸ್ಥಾನದಲ್ಲಿ 60 ವರ್ಷದ ವ್ಯಕ್ತಿ 55 ವರ್ಷದ ಮಹಿಳೆಯನ್ನು ಮದುವೆಯಾದರು. ಮಕ್ಕಳ ಜೊತೆ ಜಮೀನು ವಿಚಾರದಲ್ಲಿ ಗಲಾಟೆ. ಪೊಲೀಸ್ ಕೇಸ್ ದಾಖಲು.
ಬಾರಾನ್ (ರಾಜಸ್ಥಾನ). ಪ್ರೀತಿಗೆ ವಯಸ್ಸಿಲ್ಲ ಅಂತಾರೆ. ಪ್ರೀತಿಗಾಗಿ ಏನು ಬೇಕಾದರೂ ಮಾಡ್ತಾರೆ. ರಾಜಸ್ಥಾನದ ಬಾರಾನ್ ಜಿಲ್ಲೆಯಲ್ಲಿ ಇಂಥದ್ದೇ ಒಂದು ಘಟನೆ ನಡೆದಿದೆ. ಇಲ್ಲಿ 60 ವರ್ಷದ ವ್ಯಕ್ತಿ 55 ವರ್ಷದ ಮಹಿಳೆಯನ್ನ ಪ್ರೀತಿಸಿ ಮದುವೆಯಾಗಿದ್ದಾರೆ. ಇದರಿಂದ ಮಕ್ಕಳಿಗೆ ಸಿಟ್ಟು ಬಂದು, ಜಮೀನು ಹಂಚಿಕೆ ವಿಚಾರದಲ್ಲಿ ಗಲಾಟೆ ಶುರುವಾಗಿದೆ. ಈಗ ವ್ಯಕ್ತಿಯ ಎರಡನೇ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾರೆ.
2 ವರ್ಷ ಹಿಂದೆ ಮೊದಲ ಪತ್ನಿ ತೀರಿಕೊಂಡಿದ್ದರು: ಈ ಘಟನೆ ಮೋಥ್‌ಪುರ ಠಾಣಾ ವ್ಯಾಪ್ತಿಯ ದಿಲೋದ್ ಹಾಥಿ ಗ್ರಾಮದಲ್ಲಿ ನಡೆದಿದೆ. ದೂರು ದಾಖಲಾದ ನಂತರ ಪೊಲೀಸರು ಮಗನನ್ನು ಶಾಂತಿಭಂಗದ ಆರೋಪದ ಮೇಲೆ ಬಂಧಿಸಿದ್ದಾರೆ. ಕಲ್ಯಾಣ್ ಎಂಬ 60 ವರ್ಷದ ವ್ಯಕ್ತಿಗೆ 2 ವರ್ಷಗಳ ಹಿಂದೆ ಪತ್ನಿ ತೀರಿಕೊಂಡಿದ್ದರು. ಇತ್ತೀಚೆಗೆ 55 ವರ್ಷದ ಮಹಿಳೆಯನ್ನು ಮದುವೆಯಾಗಿ, ಮಗಳ ಮನೆಯಲ್ಲಿಟ್ಟಿದ್ದರು. ಕಲ್ಯಾಣ್ ತನ್ನ ಹೊಸ ಪತ್ನಿಯನ್ನು ಮನೆಗೆ ಕರೆದುಕೊಂಡು ಹೋದಾಗ, ಮಗ ಕೌಶಲ್ ಕಿಶೋರ್ ಜಗಳ ಶುರು ಮಾಡಿದ.
ಗೆಳತಿ ಕರೆದಳೆಂದು ಮಧ್ಯರಾತ್ರಿ ಆಕೆಯ ಮನೆಗೆ ಹೋದ, ಬೆಳಗಾಗುವುದರೊಳಗೆ ಸಿಕ್ಕಿಬಿದ್ದು ಮದುವೆಯಾದ!
ಮಕ್ಕಳು ಮನೆಗೆ ಬರಲು ಬಿಡುತ್ತಿಲ್ಲ: ಕೌಶಲ್ ಕಿಶೋರ್ ಹೇಳುವ ಪ್ರಕಾರ, ತಂದೆ ಮದುವೆಯಾದ ಮಹಿಳೆಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ. ಅವರು ಕೌಶಲ್ ಕಿಶೋರ್‌ನಿಂದ 50 ಸಾವಿರ ರೂಪಾಯಿ ಸಾಲ ಪಡೆದು, ಈಗ ೮ ಎಕರೆ ಜಮೀನಿನ ಪಾಲು ಕೇಳುತ್ತಿದ್ದಾರೆ. ಅವರು ಕೌಶಲ್ ಕಿಶೋರ್‌ನನ್ನು ಮನೆಗೆ ಬರಲು ಬಿಡುತ್ತಿಲ್ಲ.
ಕುಡಿದು ಬಂದ ವರನ ರಂಪಾಟ, ಮಗಳ ಮದುವೆ ಕ್ಯಾನ್ಸಲ್ ಮಾಡಿದ ತಾಯಿಯ ನಿರ್ಧಾರಕ್ಕೆ ನೆಟ್ಟಿಗರ ಮೆಚ್ಚುಗೆ
ರಾಜಸ್ಥಾನದಾದ್ಯಂತ ಈ ಮದುವೆ ಚರ್ಚೆಯಲ್ಲಿದೆ: ಪೊಲೀಸರು ಈ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ. ದೂರುಗಳ ಆಧಾರದ ಮೇಲೆ ತನಿಖೆ ಆರಂಭಿಸಿದ್ದಾರೆ. ಸತ್ಯಾಸತ್ಯತೆ ಪರಿಶೀಲಿಸಿ, ನಂತರ ನಿರ್ಧಾರ ತೆಗೆದುಕೊಳ್ಳುವುದಾಗಿ ಪೊಲೀಸರು ತಿಳಿಸಿದ್ದಾರೆ. 60 ವರ್ಷದ ವ್ಯಕ್ತಿಯ ಈ ಮರುಮದುವೆ ಮತ್ತು ಗಲಾಟೆ ರಾಜಸ್ಥಾನದಾದ್ಯಂತ ಚರ್ಚೆಯಲ್ಲಿದೆ.
ಭಾವಿ ಸೊಸೆಯನ್ನೇ ಮದುವೆ ಆದ ಮಾವ, ಸನ್ಯಾಸಿಯಾದ ಮಗ!
ನಿಮ್ಮ ಜಾತಕದಲ್ಲಿ ಹೀಗಿದ್ದರೆ ಖಂಡಿತಾ ಎರಡು ಮದುವೆ ಆಗುತ್ತೀರಿ!
ವಿವಾಹದ ನಂತರವೂ ಪ್ರತ್ಯೇಕವಾಗಿ ವಾಸಿಸುವ 5 ಸೆಲೆಬ್ರಿಟಿ ಜೋಡಿಗಳು