☰
ನಡೆಯುವಾಗ ನೆಲದ ಮೇಲ್ಮೈ ವ್ಯಾಯಾಮದ ತೀವ್ರತೆ ಮತ್ತು ಕ್ಯಾಲೋರಿ ಕರಗುವಿಕೆಯ ಮೇಲೆ ಪರಿಣಾಮ ಬೀರುತ್ತದೆ. ಮರಳಿನ ಮೇಲೆ ನಡೆಯುವುದು ಹುಲ್ಲಿನ ಮೇಲೆ ನಡೆಯುವುದಕ್ಕಿಂತ ಹೆಚ್ಚು ಕ್ಯಾಲೊರಿಗಳನ್ನು ಕರಗಿಸುತ್ತದೆ, ಏಕೆಂದರೆ ಮರಳು ಹೆಚ್ಚು ಪ್ರತಿರೋಧವನ್ನು ಒದಗಿಸುತ್ತದೆ.
ನಡೆಯುವುದು ಆರೋಗ್ಯಕರ ಜೀವನಶೈಲಿಗೆ ಅತ್ಯಂತ ಮುಖ್ಯವಾದ ವ್ಯಾಯಾಮವಾಗಿದೆ. ಆದರೆ, ನೀವು ನಡೆಯುವ ನೆಲದ ಮೇಲ್ಮೈ (ಉದಾಹರಣೆಗೆ, ಮರಳು ಅಥವಾ ಹುಲ್ಲು) ನಿಮ್ಮ ವ್ಯಾಯಾಮದ ತೀವ್ರತೆ ಮತ್ತು ಕ್ಯಾಲೋರಿ ಕರಗುವುದರ ಮೇಳೆ ಪರಿಣಾಮ ಬೀರುತ್ತದೆ. ನಡಿಗೆ ಅತ್ಯಂತ ಸುಲಭವಾದ ಆದರೆ ಪರಿಣಾಮಕಾರಿ ವ್ಯಾಯಾಮಗಳಲ್ಲಿ ಒಂದಾಗಿದೆ, ಇದು ಹೃದಯರಕ್ತನಾಳದ ಆರೋಗ್ಯ, ಸ್ನಾಯುಗಳ ಬಲ ಮತ್ತು ಕ್ಯಾಲೊರಿ ಕರಗಿಸುವುದನ್ನು ಸುಧಾರಿಸುತ್ತದೆ. ಆದರೆ ನೀವು ನಡೆಯುವ ಸ್ಥಳವು ನಿಮ್ಮ ವ್ಯಾಯಾಮದ ಮೇಲೆ ದೊಡ್ಡ ವ್ಯತ್ಯಾಸವನ್ನುಂಟು ಮಾಡುತ್ತದೆ. ಸಾಮಾನ್ಯವಾಗಿ ಮರಳು ಅಥವಾ ಹುಲ್ಲಿನ ಮೇಲ್ಮೈ ಮೇಲೆ ನಡೆಯಲು ಎಲ್ಲರೂ ಇಷ್ಟಪಡುತ್ಥಾರೆ. ಆದರೆ, ಈ ಮೇಲ್ನೈಗಳು ವಿಭಿನ್ನ ಮಟ್ಟದ ಪ್ರತಿರೋಧವನ್ನು ಒದಗಿಸುತ್ತವೆ.
ಮರಳಿನ ಮೇಲೆ ನಡೆದರೆ ಹೆಚ್ಚಿನ ವ್ಯಾಯಾಮ: ಮರಳು ಮೃದುವಾದ ಮತ್ತು ಚಲನೆಯುತ ಮೇಲ್ಮೈಯಾಗಿದ್ದು, ಅದರಲ್ಲಿ ನಡೆಯುವುದು ಹೆಚ್ಚು ಶ್ರಮದಾಯಕ ಎನ್ನಲಾಗುತ್ತದೆ. ಮರಳಿನ ಮೇಲೆ ನಡೆಯುವಾಗ, ನಿಮ್ಮ ದೇಹವು ಸ್ಥಿರತೆಯನ್ನು ಕಾಯ್ದುಕೊಳ್ಳಲು ಹೆಚ್ಚು ಶ್ರಮಿಸಬೇಕು, ಇದು ಹೆಚ್ಚಿನ ಸ್ನಾಯುಗಳನ್ನು ಸಕ್ರಿಯಗೊಳಿಸುತ್ತದೆ. ವಿಜ್ಞಾನ ಸಂಶೋಧನೆಗಳು ತೋರಿಸುತ್ತವೆ, ಮರಳಿನ ಮೇಲೆ ನಡೆಯುವುದು ಕಠಿಣ ಮೇಲ್ಮೈಗಳಾದ ಇಂಟರ್‌ಲಾಕ್‌ ಅಥವಾ ಹುಲ್ಲಿನ ಮೇಲೆ ನಡೆಯುವಂತೆ ಹೋಲಿಸಿದಾಗ 30–50% ಹೆಚ್ಚು ಕ್ಯಾಲೊರಿಗಳನ್ನು ಖರ್ಚು ಮಾಡುತ್ತದೆ. ಪ್ರತಿ ಹೆಜ್ಜೆಯು ಮರಳಿನಲ್ಲಿ ಮುಳುಗುವುದರಿಂದ, ಮುಂದಿನ ಹೆಜ್ಜೆಗೆ ಹೆಚ್ಚು ಶಕ್ತಿ ಬೇಕಾಗುತ್ತದೆ, ಇದು ಹಾರ್ಟ್‌ರೇಟ್‌ಅನ್ನುಹೆಚ್ಚಿಸುತ್ತದೆ ಮತ್ತು ಹೃದಯಸಂಬಂಧಿ ಆರೋಗ್ಯವನ್ನು ಸುಧಾರಿಸುತ್ತದೆ. ಮರಳು ಮೃದುವಾದ ಮೇಲ್ಮೈಯಾಗಿರುವುದರಿಂದ, ಇದು ಮೊಣಕಾಲುಗಳು ಮತ್ತು ಕಾಲುಗಳ ಮೇಲೆ ಒತ್ತಡವನ್ನು ಕಡಿಮೆ ಮಾಡುತ್ತದೆ, ಇದು ಗಾಯದಿಂದ ಚೇತರಿಸಿಕೊಳ್ಳುತ್ತಿರುವವರು ಅಥವಾ ಸಂಧಿ ನೋವು ಹೊಂದಿರುವವರಿಗೆ ಉತ್ತಮ ಆಯ್ಕೆಯಾಗಿದೆ.
ಹುಲ್ಲಿನ ಮೇಲೆ ನಡೆಯುವುದು ಮಧ್ಯಮ ತೀವ್ರತೆಯ ವ್ಯಾಯಾಮ: ಹುಲ್ಲು, ಇಂಟರ್‌ಲಾಕ್‌ (ಪೇವ್‌ಮೆಂಟ್‌) ಮೇಲ್ಮೈಗಿಂತ ಮೃದುವಾದ ಮೇಲ್ಮೈಯಾಗಿದ್ದು, ಮರಳಿಗಿಂತ ಕಠಿಣವಾಗಿದೆ. ಇದು ಪ್ರತಿರೋಧ ಮತ್ತು ಚಲನೆಯ ನಡುವಿನ ಸಮತೋಲನವನ್ನು ಒದಗಿಸುತ್ತದೆ. ಹುಲ್ಲಿನ ಮೇಲೆ ನಡೆಯುವುದು ಪೇವ್‌ಮೆಂಟ್‌ಗಿಂತ ಹೆಚ್ಚು ಕ್ಯಾಲೊರಿಗಳನ್ನು ಖರ್ಚು ಮಾಡುತ್ತದೆ, ಆದರೆ ಮರಳಿಗಿಂತ ಕಡಿಮೆ. ಆದರೆ ಇದು ಸ್ನಾಯುಗಳ ಮೇಲೆ ಹೆಚ್ಚು ಒತ್ತಡವನ್ನು ಹಾಕುವುದಿಲ್ಲ. ಹುಲ್ಲು ಗಾಯದ ಅಪಾಯವನ್ನು ಕಡಿಮೆ ಮಾಡುತ್ತದೆ, ಇದು ನಿರಂತರ, ದೀರ್ಘಕಾಲದ ನಡೆಯುವ ವ್ಯಾಯಾಮಗಳಿಗೆ ಸೂಕ್ತವಾಗಿದೆ.
ಯಾವುದು ಹೆಚ್ಚು ಕ್ಯಾಲೊರಿಗಳನ್ನು ಖರ್ಚು ಮಾಡುತ್ತದೆ?: ಮರಳಿನ ಮೇಲೆ ನಡೆಯುವುದು ಹುಲ್ಲಿನ ಮೇಲೆ ನಡೆಯುವುದಕ್ಕಿಂತ ಹೆಚ್ಚು ಕ್ಯಾಲೊರಿಗಳನ್ನು ಖರ್ಚು ಮಾಡುತ್ತದೆ, ಏಕೆಂದರೆ ಪ್ರತಿರೋಧ ಮತ್ತು ಅಸ್ಥಿರತೆ ಹೆಚ್ಚು. ಕಾಲಾವಧಿ ಮತ್ತು ವೇಗದ ಮೇಲೆ ಅವಲಂಬಿಸಿ, ಮರಳಿನ ಮೇಲೆ ನಡೆಯುವಾಗ 30% ರಿಂದ 50% ಹೆಚ್ಚು ಕ್ಯಾಲೊರಿಗಳನ್ನು ಖರ್ಚು ಮಾಡಬಹುದು. ಹುಲ್ಲು ಮಧ್ಯಮ ತೀವ್ರತೆಯ ವ್ಯಾಯಾಮವನ್ನು ಒದಗಿಸುತ್ತದೆ, ಇದು ಆರಂಭಿಕರು ಅಥವಾ ಕಡಿಮೆ ತೀವ್ರತೆಯ ವ್ಯಾಯಾಮವನ್ನು ಬಯಸುವವರಿಗೆ ಸೂಕ್ತವಾಗಿದೆ.
ನಡಿಗೆ: ವಾಕಿಂಗ್ ಮಾಡ್ತಾ ತೂಕ ಇಳಿಸ್ಬೇಕಾ? ಹಾಗಾದ್ರೆ ಹೀಗೆ ಮಾಡಿ, ವರ್ಕ್ ಆಗುತ್ತೆ
ನೀವು ಹೆಚ್ಚು ಕ್ಯಾಲೊರಿಗಳನ್ನು ಖರ್ಚು ಮಾಡಲು ಮತ್ತು ಸ್ನಾಯು ಸಕ್ರಿಯತೆಯನ್ನು ಹೆಚ್ಚಿಸಲು ಬಯಸಿದರೆ, ಮರಳಿನ ಮೇಲೆ ನಡೆಯುವುದು ಉತ್ತಮ ಆಯ್ಕೆಯಾಗಿದೆ. ಆದರೆ, ನೀವು ಕಡಿಮೆ ತೀವ್ರತೆಯ, ಕಡಿಮೆ ಒತ್ತಡದ ವ್ಯಾಯಾಮವನ್ನು ಬಯಸಿದರೆ, ಹುಲ್ಲಿನ ಮೇಲೆ ನಡೆಯುವುದು ಉತ್ತಮ ಪರ್ಯಾಯವಾಗಿದೆ. ಅಂತಿಮವಾಗಿ, ನಿಮ್ಮ ವ್ಯಾಯಾಮ ನಿಯಮದಲ್ಲಿ ಎರಡನ್ನೂ ಪರ್ಯಾಯವಾಗಿ ಬಳಸುವುದು ಸಹನಶೀಲತೆ, ಶಕ್ತಿ ಮತ್ತು ಒಟ್ಟು ಆರೋಗ್ಯದ ಸಮತೋಲನ ಅನುಭವವನ್ನು ನೀಡಬಹುದು.
ಯಾವ ವಯಸ್ಸಿನವರು ಎಷ್ಟು ವಾಕ್ ಮಾಡಿದ್ರೆ ಆರೋಗ್ಯಕ್ಕೆ ಒಳ್ಳೆಯದು? ಇಲ್ಲಿದೆ ಗೈಡ್
