ಕಲ್ಲುಪ್ಪಿಗಿಂತ ಚಿಕ್ಕದಾದ ಲೂಯಿಸ್‌ ವಿಟಾನ್‌ ಬ್ಯಾಗ್‌ ಹರಾಜಿನಲ್ಲಿ 51 ಲಕ್ಷಕ್ಕೆ ಸೇಲ್‌!

Louis Vuitton Handbag: ಕಲ್ಲುಪ್ಪಿಗಿಂತ ಚಿಕ್ಕದಾದ, ತೀರಾ ದಿಟ್ಟಿಸಿ ನೋಡಿದಾಗಲಷ್ಟೇ ಕಾಣುವ ಲೂಯಿಸ್‌ ವಿಟಾನ್‌ನ ಮೈಕ್ರೋಸ್ಕೋಪಿಕ್‌ ಬ್ಯಾಗ್‌ ಹರಾಜಿನಲ್ಲಿ ಬರೋಬ್ಬರಿ 51 ಲಕ್ಷ ರೂಪಾಯಿಗೆ ಮಾರಾಟವಾಗಿದೆ. ಈ ಬ್ಯಾಗ್‌ನ ಚಿತ್ರಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿವೆ.

ನವದೆಹಲಿ (ಜೂ.30):  ವಿಶ್ವದ ಅತ್ಯಂತ ದುಬಾರಿ ವಸ್ತುಗಳ ಬಗ್ಗೆ ನೀವು ಕೇಳಿರಬಹುದು. ಅವುಗಳನ್ನು ನೋಡುವ ಮೂಲಕ ಅವುಗಳ ಮೌಲ್ಯವನ್ನು ಅಂದಾಜು ಮಾಡಲು ಕಷ್ಟವಾಗುವ ಹಲವು ವಿಷಯಗಳಿವೆ. ಕಲ್ಲುಪ್ಪಿಗಿಂತ ಚಿಕ್ಕದಾಗಿರುವ ಹ್ಯಾಂಡ್‌ಬ್ಯಾಗ್‌ವೊಂದು ಪ್ಯಾರಿಸ್‌ ಫ್ಯಾಶನ್‌ ವೀಕ್‌ನ ಹರಾಜಿನಲ್ಲಿ ಬರೋಬ್ಬರಿ 51 ಲಕ್ಷ ರೂಪಾಯಿಗೆ ಹರಾಜಾಗಿದೆ. ಈ ಹ್ಯಾಂಡ್‌ಬ್ಯಾಗ್‌ಅನ್ನು ಆನ್‌ಲೈನ್‌ನಲ್ಲಿ ಹರಾಜು ಮಾಡಲಾಗಿತ್ತು. ಹಳದಿ ಹಾಗೂ ಸಣ್ಣ ಪ್ರಮಾಣದ ಹಸಿರು ಬಣ್ಣವನ್ನು ಹೊಂದಿರುವ ಈ ಹ್ಯಾಂಡ್‌ಬ್ಯಾಗ್‌ಅನ್ನು ವಿಶ್ವದ ದುಬಾರಿ ಹ್ಯಾಂಡ್‌ಬ್ಯಾಗ್‌ಗಳನ್ನು ತಯಾರಿಸುವಲ್ಲಿಯೇ ಹೆಸರುವಾಸಿಯಾಗಿರುವ ಲೂಯಿಸ್‌ ವಿಟಾನ್‌ ಕಂಪನಿಯ ಬ್ರ್ಯಾಂಡ್‌ನದ್ದಾಗಿದೆ. ಈ ಬ್ಯಾಗ್‌ಅನ್ನು ನ್ಯೂಯಾರ್ಕ್‌ ಆರ್ಟ್‌ ಗ್ರೂಪ್‌ ಎಂಎಸ್‌ಸಿಎಚ್‌ಎಫ್‌ ತಯಾರಿಸಿದೆ. ಮಾಧ್ಯಮ ವರದಿಗಳ ಪ್ರಕಾರ, ಈ ಬ್ಯಾಗ್‌ನ ಅಗಲ ಹೆಚ್ಚೆಂದರೆ 0.3 ಇಂಚುಗಳಿರಬಹುದು ಎನ್ನಲಾಗಿದೆ. ಈ ತಿಂಗಳ ಆರಂಭದಲ್ಲಿ ಎಂಎಸ್‌ಸಿಎಚ್‌ಎಫ್‌  ಇದರ ಚಿತ್ರವನ್ನು ಇನ್ಸ್‌ಟಾಗ್ರಾಮ್‌ ಹ್ಯಾಂಡಲ್‌ನಲ್ಲಿ ಪೋಸ್ಟ್‌ ಮಾಡಿತ್ತು. ಇದರ ಬೆನ್ನಲ್ಲಿಯೇ ಈ ಹ್ಯಾಂಡ್‌ಬ್ಯಾಂಗ್‌ನ ಚತ್ರ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು. ಇದು ಕಲ್ಲುಪ್ಪಿನ ಕಣಕ್ಕಿಂತ ಚಿಕ್ಕದಾದ ಬ್ಯಾಗ್‌ ಎಂದು ಹೆಮ್ಮೆಯಿಂದ ಎಂಎಸ್‌ಸಿಎಚ್‌ಎಫ್‌  ಬರೆದುಕೊಂಡಿತ್ತು.

ಲಭ್ಯ ಮಾಹಿತಿಯ ಪ್ರಕಾರ, ಈ ಬ್ಯಾಗ್‌ಅನ್ನು ಎರಡು ಫೋಟೋ ಪಾಲಿಮರೀಕರಣವನ್ನು ಬಳಸಿ ತಯಾರಿಸಲಾಗುತ್ತದೆ. ಇದನ್ನು 3D ಪ್ರಿಂಟ್ ಮೈಕ್ರೋ-ಸ್ಕೇಲ್ ಪ್ಲಾಸ್ಟಿಕ್ ಭಾಗಗಳಿಗೆ ಬಳಸಲಾಗುತ್ತದೆ. ಈ ಬ್ಯಾಗ್‌ನೊಂದಿಗೆ ಡಿಜಿಟಲ್ ಡಿಸ್‌ಪ್ಲೇ ಹೊಂದಿರುವ ಮೈಕ್ರೋಸ್ಕೋಪ್‌ನೊಂದಿಗೆ ಮಾರಾಟ ಮಾಡಲಾಗಿದೆ. ಖರೀದಿದಾರರು ಈ ಬ್ಯಾಗ್‌ಅನ್ನು ನೋಡಬೇಕಾದರೆ, ಮೈಕ್ರೋಸ್ಕೋಪಿಕ್‌ ಮೂಲವೇ ನೋಡಲು ಸಾಧ್ಯವಾಗಿದೆ. ಈ ಬ್ಯಾಗ್‌ನ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಅನೇಕ ಬಳಕೆದಾರರು ಈ ಬ್ಯಾಗ್‌ನಿಂದ ಏನು ಪ್ರಯೋಜನ ಎಂದು ಕಾಮೆಂಟ್‌ ಮಾಡಿದ್ದಾರೆ.

ಒಂದೇ ದಿನದಲ್ಲಿ 92,620 ಕೋಟಿ ಕಳೆದುಕೊಂಡ ವಿಶ್ವದ ಶ್ರೀಮಂತ ವ್ಯಕ್ತಿ ಬರ್ನಾರ್ಡ್ ಅರ್ನಾಲ್ಟ್!

ಯಾರಿದು ಎಂಎಸ್‌ಸಿಎಚ್‌ಎಫ್‌?: MSCHF ಅನ್ನು 2016 ರಲ್ಲಿ ಸ್ಥಾಪಿಸಲಾಗಿದೆ. ಇದು ಇಂಥದ್ದೇ ಬ್ಯಾಗ್‌ಗಳು, ಹರಾಜಿಗೆ ಆಗುವಂಥ ಉತ್ಪನ್ನಗಳನ್ನು ತಯಾರಿಸುವಲ್ಲಿ ಹೆಸರುವಾಸಿಯಾಗಿದೆ. 2021ರಲ್ಲಿ MSCHF ಬಿರ್ಕಿನ್‌ ಬ್ಯಾಗ್‌ಗಳಿಂದ ಸ್ಯಾಂಡಲ್‌ಗಳನ್ನು ತಯಾರಿಸಿತ್ತು. . ಲೂಯಿ ವಿಟಾನ್ ಬಗ್ಗೆ ಮಾತನಾಡುತ್ತಾ, ಇದು ಅಂತರರಾಷ್ಟ್ರೀಯ ಐಷಾರಾಮಿ ಬ್ರಾಂಡ್ ಆಗಿದೆ. ಇದರ ಪ್ರತಿ ಚೀಲದ ಬೆಲೆ ಲಕ್ಷಗಟ್ಟಲೆ. ಲೂಯಿ ವಿಟಾನ್ ಬ್ಯಾಗ್ ಕಂಪನಿಯು ವಿಶ್ವದಲ್ಲಿಯೇ ಅತ್ಯಂತ ದುಬಾರಿ ಬೆಲೆಯ ಬ್ಯಾಗ್‌ಗಳನ್ನು ತಯಾರಿಸುವಲ್ಲಿ ಹೆಸರುವಾಸಿಯಾಗಿದೆ.