ಮಕ್ಕಳ ಲಂಚ್ ಬಾಕ್ಸ್‌ಗೇನಿಡೋದು?

ಮಕ್ಕಳ ಬಾಕ್ಸ್ ರೆಡಿ ಮಾಡುವುದು ಎಂದರೆ ಅಮ್ಮನಿಗೆ ಎಲ್ಲಿಲ್ಲದ ತಲೆಬಿಸಿ. ಮಕ್ಕಳಿಗೆ ಖುಷಿ ನೀಡುವಂಥ ಆಹಾರ ನೀಡುವುದೆಂದರೆ ತಾಯಂದಿರಿಗೊಂದು ದೊಡ್ಡ ಚಾಲೆಂಜ್. ಇಲ್ಲಿದೆ ನೋಡಿ ಸಿಂಪಲ್ ಟಿಪ್ಸ್... 

- ಮಕ್ಕಳಿಗೆ ಖುಷಿ ಎನಿಸುವಂಥ ಲಂಚ್ ಬಾಕ್ಸ್ ಕೊಂಡು ಕೊಳ್ಳಿ. ಅದನ್ನು ನೋಡಿಯೇ ಮಕ್ಕಳು ತಿನ್ನಲು ಮನಸ್ಸು ಮಾಡುವಂತಿರಬೇಕು. ಆದರಿದು ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರಬಲ್ಲ ಪ್ಲಾಸ್ಟಿಕ್‌ನದ್ದಾಗಿರಬಾರದು. 
- ಬಾಕ್ಸ್‌ನಲ್ಲಿ ಬಾಳೆಹಣ್ಣು ಮತ್ತು ಖರ್ಜೂರ ಹಾಕಿ ನೀಡಿ ಇದು ಮಕ್ಕಳ ಆರೋಗ್ಯಕ್ಕೂ ಉತ್ತಮ. ಮಕ್ಕಳಿಗೆ ಇಷ್ಟವಾಗದ ಹಣ್ಣುಗಳಿದ್ದರೆ, ವಿಧ ವಿಧವಾದ ಆಕಾರದಲ್ಲಿ ಕಟ್ ಮಾಡಿಟ್ಟು ನೋಡಿ. 
- ರಾತ್ರಿಯೇ ಬೆಳಗ್ಗೆ ಮಾಡಬೇಕಾದ ಲಂಚ್ ತಯಾರಿಟ್ಟುಕೊಳ್ಳಿ. ಸ್ಯಾಂಡ್‌ವಿಚ್ ಫಿಲ್ಲಿಂಗ್, ರೋಲ್ ಫಿಲ್ಲಿಂಗ್ ಮಾಡಿ ಫ್ರಿಡ್ಜ್‌ನಲ್ಲಿಡಿ. ಇದರಿಂದ ಬೆಳಗ್ಗೆ ಬೇಗ ಬೇಗನೆ ಅಡುಗೆ ತಯಾರಿ ಮಾಡಬಹುದು. 
- ಮಕ್ಕಳಿಗೆ ಆಹಾರದ ಜೊತೆಗೆ ಅವರಿಗೆ ಇಷ್ಟವಾದ ಜ್ಯೂಸು, ಸ್ಮೂದಿ ಮಾಡಿ ಬಾಟಲ್‌‌ನಲ್ಲಿ ಹಾಕಿ ನೀಡಿ. 
- ತರಕಾರಿಗಳನ್ನು ಕಿಚನ್ ಪೇಪರ್‌ನಲ್ಲಿ ಸುತ್ತಿಡಿ. 
- ನಿಮ್ಮ ಮಗುವಿನ ಮೇಲೆ ಪ್ರೀತಿ ಇನ್ನು ಹೆಚ್ಚಾಗಲು ಟಿಫಿನ್‌ನಲ್ಲಿ ನೋಟ್, ಸ್ಟಿಕ್ಕರ್ ಅಥವಾ ಒಂದು ಸಣ್ಣ ಚಾಕಲೇಟ್ ಇಟ್ಟರೆ ಮಕ್ಕಳು ಖುಷಿಯಾಗಿ ಅದನ್ನು ಸೇವಿಸುತ್ತಾರೆ. 

ಮಹಿಳೆ: ಮತ್ತಷ್ಟು ಲೇಖನಗಳಿಗೆ ಇಲ್ಲಿ ಓದಿ