ಆಸ್ಟಿಯೊಪೊರೋಸಿಸ್ ಮೂಳೆಗಳ ಕಾಯಿಲೆಯಾಗಿದೆ. ಈ ಕಾಯಿಲೆಯಿಂದ ಬಳಲುತ್ತಿರುವ ವ್ಯಕ್ತಿಯ ಕೆಮ್ಮು ಮತ್ತು ಬಾಗುವಿಕೆಯಿಂದ ಮೂಳೆ ಮುರಿಯುತ್ತದೆ ಎಂಬ ಅಂಶದಿಂದ ಇದರ ತೀವ್ರತೆಯನ್ನು ಅಂದಾಜು ಮಾಡಬಹುದು. ಆದರೆ ಆರಂಭಿಕ ಹಂತಗಳಲ್ಲಿ ಆಸ್ಟಿಯೊಪೊರೋಸಿಸ್ ರೋಗಲಕ್ಷಣಗಳನ್ನು ನಿರ್ಲಕ್ಷಿಸಿದಾಗ ಮಾತ್ರ ಇದು ಸಂಭವಿಸುತ್ತದೆ. ಹೀಗಾಗಿ ಈ ರೋಗದ ಬಗ್ಗೆ ಆರಂಭದಲ್ಲೇ ಎಲ್ಲಾ ವಿಚಾರ ತಿಳಿಯುವುದು ಮುಖ್ಯ.
ಪ್ರತಿ ವರ್ಷ ಅಕ್ಟೋಬರ್ 20ರಂದು ವಿಶ್ವ ಆಸ್ಟಿಯೊಪೊರೋಸಿಸ್ ದಿನ (World Osteoporosis Day0ವನ್ನು ವಿಶ್ವದಾದ್ಯಂತ ಆಚರಿಸಲಾಗುತ್ತದೆ. ಆಸ್ಟಿಯೊಪೊರೋಸಿಸ್ ಬಗ್ಗೆ ಜಾಗೃತಿ ಮೂಡಿಸುವುದು ಈ ದಿನವನ್ನು ಆಚರಿಸುವುದರ ಹಿಂದಿರುವ ಉದ್ದೇಶವಾಗಿದೆ. ಮುಂಚಿತ ರೋಗನಿರ್ಣಯ, ಚಿಕಿತ್ಸೆ ಮತ್ತು ಬಲವಾದ ಮೂಳೆಗಳಿಗೆ ಅಗತ್ಯವಾದ ಕ್ರಮಗಳ ಅಳವಡಿಕೆಗಾಗಿ ಈ ದಿನದಂದು ಅನೇಕ ಶಿಬಿರಗಳನ್ನು ನಡೆಸಲಾಗುತ್ತದೆ. ಆಸ್ಟಿಯೊಪೊರೋಸಿಸ್‌ಗೆ ಸಂಬಂಧಿಸಿದ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಆಸ್ಟಿಯೊಪೊರೋಸಿಸ್ ಎಲುಬುಗಳಿಗೆ ಸಂಬಂಧಿಸಿದ ಗಂಭೀರ ಕಾಯಿಲೆ (Disease)ಯಾಗಿದ್ದು, ಸಮಯಕ್ಕೆ ಚಿಕಿತ್ಸೆ (Treatment) ನೀಡದಿದ್ದರೆ ಅದು ನಿಮ್ಮನ್ನು ಜೀವನದುದ್ದಕ್ಕೂ ನಿಷ್ಕ್ರಿಯಗೊಳಿಸಬಹುದು. ಈ ರೋಗವು ಹೆಚ್ಚಾಗಿಬೆನ್ನುಹುರಿ ಮತ್ತು ಸೊಂಟದ ಮೂಳೆಗಳ (Bone) ಮೇಲೆ ಪರಿಣಾಮ ಬೀರುತ್ತದೆ. ಅನೇಕ ಸಂದರ್ಭಗಳಲ್ಲಿ ಇದು ಮಾರಣಾಂತಿಕವಾಗಿ ಬದಲಾಗುತ್ತದೆ. ರಿಸರ್ಚ್ ಗೇಟ್‌ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, 18-59 ವರ್ಷ ವಯಸ್ಸಿನ ಪ್ರತಿ 5 ಜನರಲ್ಲಿ ಒಬ್ಬರು ಭಾರತದಲ್ಲಿ ಮಾತ್ರ ಆಸ್ಟಿಯೊಪೊರೋಸಿಸ್‌ನಿಂದ ಬಳಲುತ್ತಿದ್ದಾರೆ. ಆಸ್ಟಿಯೊಪೊರೋಸಿಸ್ ರೋಗಿಗಳಲ್ಲಿ ಮಹಿಳೆಯರು (Woman) ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ ಎಂದು ತಿಳಿದುಬಂದಿದೆ.
undefined
30ರಲ್ಲೂ ಮೂಳೆ ಗಟ್ಟಿಯಾಗಿರಬೇಕು ಅಂದ್ರೆ ತಪ್ಪಿಯೂ ಇದನ್ನೆಲ್ಲಾ ತಿನ್ಬಾರ್ದು
ಆಸ್ಟಿಯೊಪೊರೋಸಿಸ್ ಆದಾಗ ಏನಾಗುತ್ತದೆ ?
ಆಸ್ಟಿಯೊಪೊರೋಸಿಸ್ ಹೊಂದಿರುವಾಗ, ನಿಮ್ಮ ದೇಹ (Body)ದಲ್ಲಿನ ಮೂಳೆಗಳು ದುರ್ಬಲವಾಗುತ್ತವೆ. ಇದರಿಂದಾಗಿ ಕೆಮ್ಮುವುದು (Coughing), ಸೀನುವುದು ಅಥವಾ ಬಾಗುವುದು ಮುಂತಾದ ಸಾಮಾನ್ಯ ದೈಹಿಕ ಕ್ರಿಯೆಯಿಂದಾಗಿ ಮೂಳೆಗಳು ಮುರಿಯಲು ಪ್ರಾರಂಭಿಸುತ್ತವೆ.
ಆಸ್ಟಿಯೊಪೊರೋಸಿಸ್ ಏಕೆ ಸಂಭವಿಸುತ್ತದೆ ?
ಹೊಸ ಮೂಳೆಗಳ ರಚನೆ ಮತ್ತು ಹಳೆಯ ಮೂಳೆಗಳು ಒಡೆಯುವುದು ದೇಹದಲ್ಲಿ ಸಾಮಾನ್ಯ ಪ್ರಕ್ರಿಯೆಯಾಗಿದೆ. ಆದರೆ ಈ ಪ್ರಕ್ರಿಯೆಯು 20ರ ದಶಕದ ಆರಂಭದ ನಂತರ ನಿಧಾನಗೊಳ್ಳುತ್ತದೆ ಮತ್ತು ಹೆಚ್ಚಿನ ಜನರು 30ನೇ ವಯಸ್ಸಿನಲ್ಲಿ ತಮ್ಮ ಮೂಳೆ ದ್ರವ್ಯರಾಶಿಯ ಅತ್ಯುನ್ನತ ಮಟ್ಟವನ್ನು ತಲುಪುತ್ತಾರೆ. ನೀವು ಆಸ್ಟಿಯೊಪೊರೋಸಿಸ್ ಅನ್ನು ಪಡೆಯುವ ಸಾಧ್ಯತೆ ಎಷ್ಟು ನಿಮ್ಮ ಯೌವನ (Youth)ದಲ್ಲಿ ನೀವು ಎಷ್ಟು ಮೂಳೆ ದ್ರವ್ಯರಾಶಿಯನ್ನು ಗಳಿಸಿದ್ದೀರಿ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಅದು ಹೆಚ್ಚಾದಷ್ಟೂ ಆಸ್ಟಿಯೊಪೊರೋಸಿಸ್ ಬರುವ ಸಾಧ್ಯತೆ ಕಡಿಮೆ.
ಆಸ್ಟಿಯೊಪೊರೋಸಿಸ್ ಅಪಾಯದಲ್ಲಿರುವವರು ಯಾರು?
ವಯಸ್ಸಿನ ನಿರ್ಬಂಧವಿಲ್ಲದೆ ಯಾರು ಸಹ ಆಸ್ಟಿಯೊಪೊರೋಸಿಸ್‌ನ್ನು ಪಡೆಯಬಹುದು. ಆದರೆ ಋತುಬಂಧದ ನಂತರ ಮಹಿಳೆಯರು ಹೆಚ್ಚು ಅಪಾಯ (Danger)ವನ್ನು ಹೊಂದಿರುತ್ತಾರೆ. ಅದೇ ಸಮಯದಲ್ಲಿ, ಪುರುಷರಲ್ಲಿ ಕಡಿಮೆ ಮಟ್ಟದ ಟೆಸ್ಟೋಸ್ಟೆರಾನ್ ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಹೆಚ್ಚಿಸುತ್ತದೆ. ಇದಲ್ಲದೆ, ದೇಹದಲ್ಲಿ ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಕೊರತೆ, ಕೆಲವು ರೀತಿಯ ಔಷಧಿಗಳು (Meicine), ಕಳಪೆ ಜೀವನಶೈಲಿ (Lifestyle), ಸಿಗರೇಟ್ ಮತ್ತು ಮದ್ಯದ ಅತಿಯಾದ ಸೇವನೆಯಂತಹ ಅಂಶಗಳು ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಹೆಚ್ಚಿಸುತ್ತವೆ.
ಕ್ಯಾಲ್ಸಿಯಂ ಕೊರತೆ, ಕೈ, ತೋಳು, ಪಾದ ಕೀಲೂ ನೋವಿಗೂ ಕಾರಣವಾಗುತ್ತೆ
ಆಸ್ಟಿಯೊಪೊರೋಸಿಸ್‌ನ ಲಕ್ಷಣಗಳು
ಕ್ಲೀವ್ಲ್ಯಾಂಡ್ ಕ್ಲಿನಿಕ್ ಪ್ರಕಾರ, ಆಸ್ಟಿಯೊಪೊರೋಸಿಸ್ ಯಾವುದೇ ರೋಗಲಕ್ಷಣಗಳನ್ನು (Symptoms) ಉಂಟುಮಾಡುವುದಿಲ್ಲ. ಅದಕ್ಕಾಗಿಯೇ ಇದನ್ನು ಕೆಲವೊಮ್ಮೆ ಸೈಲೆಂಟ್ ಡಿಸೀಸ್‌ ಎಂದು ಕರೆಯಲಾಗುತ್ತದೆ. ಆದರೆ, ಉಸಿರಾಟದ ತೊಂದರೆ, ಕಡಿಮೆ ಬೆನ್ನು ನೋವು, ಭಂಗಿಯಲ್ಲಿ ಬದಲಾವಣೆ ಮೊದಲಾದ ಯಾವುದೇ ರೋಗಲಕ್ಷಣಗಳನ್ನು ನೀವು ಗಮನಿಸಿದರೆ, ತಕ್ಷಣ ನಿಮ್ಮ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು..
ಆಸ್ಟಿಯೊಪೊರೋಸಿಸ್ ಗುಣಪಡಿಸಿಕೊಳ್ಳುವುದು ಹೇಗೆ ?
ಆಸ್ಟಿಯೊಪೊರೋಸಿಸ್ ಒಂದು ಕಾಯಿಲೆ ಎಂದು ನಿಮಗೆ ಈಗಾಗಲೇ ತಿಳಿದಿದೆ. ಇದು ಕಡಿಮೆ ಮೂಳೆ ದ್ರವ್ಯರಾಶಿಯ ಸಂದರ್ಭದಲ್ಲಿ ದೇಹದ ಮೂಳೆಗಳನ್ನು ದುರ್ಬಲಗೊಳಿಸುತ್ತದೆ. ಆದರೆ ಆಸ್ಟಿಯೊಪೊರೋಸಿಸ್‌ನ್ನು ಸಂಪೂರ್ಣವಾಗಿ ಗುಣಪಡಿಸಲು ಸಾಧ್ಯವಿಲ್ಲ ಆದರೆ ಅಪಾಯವನ್ನು ಕಡಿಮೆ ಮಾಡಲು, ನಿಯಮಿತವಾಗಿ ವ್ಯಾಯಾಮ ಮಾಡುವ ಅಭ್ಯಾಸ ಒಳ್ಳೆಯದು. ಜೀವಸತ್ವಗಳು ಮತ್ತು ಪೂರಕಗಳನ್ನು ಒಳಗೊಂಡಂತೆ ಕೆಲವು ಔಷಧಿಗಳನ್ನು ತೆಗೆದುಕೊಳ್ಳಲು ವೈದ್ಯರು ನಿಮಗೆ ಸಲಹೆ ನೀಡಬಹುದು. ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಸಮೃದ್ಧವಾಗಿರುವ ಎಲ್ಲಾ ಆಹಾರವನ್ನು ಸೇವಿಸಿ. ಇದು ಮೂಳೆಗಳನ್ನು ಬಲಪಡಿಸಲು ಕೆಲಸ ಮಾಡುತ್ತದೆ.