ಟೀ ಜೊತೆ ಬಿಸ್ಕೇಟ್ ಇರ್ಲೇಬೇಕು ಅನ್ನೋರು ಹೀಗ್ ಮಾಡಿ, ಆರೋಗ್ಯ ಚೆನ್ನಾಗಿರುತ್ತೆ!

Chai and Biscuits: ಆಹಾರ ತಜ್ಞೆ ಡಾ. ಅಮ್ರೀನ್ ಶೇಖ್ ಅವರ ಪ್ರಕಾರ, ಬಿಸ್ಕೇಟ್ ಆಯ್ಕೆ ಮಾಡುವಾಗ ಮೊದಲು ಅದರ ಲೇಬಲ್ ಅನ್ನು ನೋಡಿ.

ಭಾರತದಲ್ಲಿ ಟೀ ಜೊತೆ ಬಿಸ್ಕೇಟ್ ತಿನ್ನುವುದು ಕೇವಲ ಅಭ್ಯಾಸ ಮಾತ್ರವಲ್ಲ, ಬದಲಾಗಿ ಒಂದು ಸಂಪ್ರದಾಯವಾಗಿದೆ. ಅದು ಗ್ಲೂಕೋಸ್ ಬಿಸ್ಕೇಟ್ ಆಗಲಿ, ಮಾರಿ ಬಿಸ್ಕೇಟ್ ಆಗಲಿ ಅಥವಾ ಉಪ್ಪು ಸಹಿತ ಜೀರಿಗೆ ಬಿಸ್ಕೇಟ್ ಆಗಲಿ ಒಟ್ಟಿನಲ್ಲಿ ಟೀ ಜೊತೆ ಅದ್ದಿ ತಿನ್ನೋದು ಎಲ್ಲರಿಗೂ ಫೇವರಿಟ್. ಆದರೆ ಈ ಬಿಸ್ಕೇಟ್ ನಿಜವಾಗಿಯೂ ಆರೋಗ್ಯಕರವೇ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ?.

ಇಂಡಿಯಾ ಟುಡೇನಲ್ಲಿ ಪ್ರಕಟವಾದ ಸುದ್ದಿಯ ಪ್ರಕಾರ , ಹೆಚ್ಚಿನ ಬಿಸ್ಕೇಟ್ ಅನ್ನು ಸಂಸ್ಕರಿಸಿದ ಹಿಟ್ಟು, ಸಂಸ್ಕರಿಸಿದ ಫ್ಯಾಟ್ಸ್ ಮತ್ತು ಸಕ್ಕರೆಯಿಂದ ತಯಾರಿಸಲಾಗುತ್ತದೆ. ಇವುಗಳಲ್ಲಿ ಬಹುತೇಕ ಫೈಬರ್ ಅಥವಾ ಅಗತ್ಯ ಪೋಷಕಾಂಶ ಇರುವುದಿಲ್ಲ. ಒಂದು ವೇಳೆ ನೀವು ಪ್ರತಿದಿನ ಬೆಳಗ್ಗೆ ಮತ್ತು ಸಂಜೆ ಚಹಾದೊಂದಿಗೆ ಎರಡು ಅಥವಾ ಮೂರು ಬಿಸ್ಕೇಟ್ ಸೇವಿಸಿದರೆ ಈ ಅಭ್ಯಾಸವು ಕ್ರಮೇಣ ಬೊಜ್ಜು, ರಕ್ತದಲ್ಲಿನ ಸಕ್ಕರೆ ಮತ್ತು ಹೃದ್ರೋಗದಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಇತ್ತೀಚೆಗೆ ಭಾರತ ಸರ್ಕಾರವು ನಾಗ್ಪುರದ AIIMS ನಲ್ಲಿ ಬಿಸ್ಕೇಟ್ ಮಾರಾಟಗಾರರ ಬಳಿ ಸಿಗರೇಟ್‌ ತರಹದ್ದೇ ಎಚ್ಚರಿಕೆ ಫಲಕಗಳನ್ನು ಅಳವಡಿಸುವ ಉಪಕ್ರಮವನ್ನು ಪ್ರಾರಂಭಿಸಿದೆ. ಈ ಹೆಜ್ಜೆಯು ನಮ್ಮ ದೈನಂದಿನ ಆಹಾರ ಆಯ್ಕೆಗಳ ಬಗ್ಗೆ ನಾವು ಹೆಚ್ಚು ಜಾಗೃತರಾಗಿರಬೇಕು ಎಂಬುದನ್ನು ತೋರಿಸಲು ಉದ್ದೇಶಿಸಲಾಗಿದೆ. ಅಂದಹಾಗೆ ನೀವೂ ಟೀ ಜೊತೆ ಬಿಸ್ಕತ್ತು ತಿನ್ನುವವರಾಗಿದ್ದರೆ ಏನೆಲ್ಲಾ ಪರಿಣಾಮ ಬೀರಲಿದೆ ನೋಡಿ..

ಬಿಸ್ಕೇಟ್‌ನಲ್ಲೇನಿದೆ?
ಚಹಾದೊಂದಿಗೆ ಬಿಸ್ಕೇಟ್ ತಿನ್ನುವುದು ಅನೇಕ ಜನರಿಗೆ ಖುಷಿ ಕೊಟ್ಟರೆ, ಮತ್ತೆ ಕೆಲವರಿಗೆ ಹೊಟ್ಟೆ ತುಂಬಿಸುತ್ತದೆ. ಆದರೆ ನಾವು ಸೇವಿಸುವ ಬಿಸ್ಕೇಟ್ ಸಂಸ್ಕರಿಸಿದ ಹಿಟ್ಟು, ಟ್ರಾನ್ಸ್ ಫ್ಯಾಟ್ ಮತ್ತು ಸಕ್ಕರೆಯನ್ನು ಹೊಂದಿರುತ್ತದೆ. ಇವೆಲ್ಲವೂ ಕ್ರಮೇಣ ದೇಹದಲ್ಲಿ ಬೊಜ್ಜು ಮತ್ತು ರಕ್ತದಲ್ಲಿನ ಸಕ್ಕರೆಯ ಅಸಮತೋಲನವನ್ನು ಹೆಚ್ಚಿಸಬಹುದು. ಈ ಬಿಸ್ಕೇಟ್ ಕಡಿಮೆ ಪೌಷ್ಟಿಕಾಂಶ ಮತ್ತು ಹೆಚ್ಚಿನ ಕ್ಯಾಲೊರಿಗಳನ್ನು ಹೊಂದಿರುತ್ತವೆ.

ಟೈಪ್ 2 ಮಧುಮೇಹ
ನೀವು ಪ್ರತಿದಿನ ಚಹಾ ಅಥವಾ ಟೀಯೊಂದಿಗೆ ಬಿಸ್ಕೇಟ್ ಸೇವಿಸಿದರೆ ಈ ಅಭ್ಯಾಸವು ಕ್ರಮೇಣ ತೂಕ ಹೆಚ್ಚಾಗಲು ಮತ್ತು ಟೈಪ್ 2 ಮಧುಮೇಹಕ್ಕೆ ಕಾರಣವಾಗಬಹುದು . ಹೆಚ್ಚಿನ ಪ್ರಮಾಣದ ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್ಸ್ ಮತ್ತು ಸಂಸ್ಕರಿಸಿದ ಸಕ್ಕರೆಯು ದೇಹದ ಇನ್ಸುಲಿನ್ ಮಟ್ಟದ ಮೇಲೆ ಪರಿಣಾಮ ಬೀರುತ್ತದೆ. ಸಣ್ಣ ಪ್ರಮಾಣದ ಬಿಸ್ಕೇಟ್‌ನಲ್ಲಿಯೂ ಸಹ 4-6 ಗ್ರಾಂ ಸಕ್ಕರೆ ಇರಬಹುದು. ಇದನ್ನ ದಿನಕ್ಕೆ ಎರಡು ಬಾರಿ ಸೇವಿಸಿದರೆ ಅಪಾಯಕಾರಿ ಮಟ್ಟವನ್ನು ತಲುಪಬಹುದು.

ಯಾವ ಬಿಸ್ಕೇಟ್ ತಿನ್ಬೇಕು?
ಆಹಾರ ತಜ್ಞೆ ಡಾ. ಅಮ್ರೀನ್ ಶೇಖ್ ಅವರ ಪ್ರಕಾರ, ಬಿಸ್ಕೇಟ್ ಆಯ್ಕೆ ಮಾಡುವಾಗ ಮೊದಲು ಅದರ ಲೇಬಲ್ ಅನ್ನು ನೋಡಿ. ಮೊದಲ ಮೂರು ಪದಾರ್ಥಗಳು ಸಂಸ್ಕರಿಸಿದ ಹಿಟ್ಟು, ಹೈಡ್ರೋಜನೀಕರಿಸಿದ ಎಣ್ಣೆ ಅಥವಾ ಸಕ್ಕರೆಯಾಗಿದ್ದರೆ, ಆ ಬಿಸ್ಕತ್ತು ಆರೋಗ್ಯಕರವೆಂದು ಪರಿಗಣಿಸಲಾಗುವುದಿಲ್ಲ. ಹೆಚ್ಚಿನ ಫೈಬರ್, ರಾಗಿಯಿರುವ ಮತ್ತು ಸಕ್ಕರೆ ಇಲ್ಲದ ಆಯ್ಕೆಗಳು ಉತ್ತಮ.

ಆರೋಗ್ಯದ ಬಗ್ಗೆ ಜಾಗೃತಿ
ಡೈಜೆಸ್ಟಿವ್, ಮಲ್ಟಿಗ್ರೇನ್ ಅಥವಾ ಡಯಟ್ ಬಿಸ್ಕೇಟ್‌ನಂತಹ ಹೆಸರುಗಳು ಆಕರ್ಷಕವಾಗಿ ಕಾಣಿಸಬಹುದು, ಆದರೆ ಅವು ಹೆಚ್ಚಾಗಿ ಸೀಕ್ರೆಟ್ ಶುಗರ್ ಮತ್ತು ಕೊಬ್ಬನ್ನು ಹೊಂದಿರುತ್ತವೆ. ಪ್ಯಾಕೇಜಿಂಗ್‌ನಲ್ಲಿ ಆರೋಗ್ಯಕರವಾಗಿ ಕಾಣುವಂತೆ ಮಾಡುವ ಹಕ್ಕುಗಳು ದಾರಿ ತಪ್ಪಿಸಬಹುದು. ವಾಸ್ತವದಲ್ಲಿ, ಈ ಬಿಸ್ಕೇಟ್ ಸಾಮಾನ್ಯ ಗ್ಲೂಕೋಸ್ ಬಿಸ್ಕೇಟ್‌ನಂತೆಯೇ ಇರುತ್ತವೆ. ನಾಗ್ಪುರದ AIIMS ನಲ್ಲಿ ಶೋ ಮಾಡಲಾದ ಸಿಗರೇಟ್ ಶೈಲಿಯ ಎಚ್ಚರಿಕೆ ಫಲಕಗಳು ಕೆಲವು ಆಹಾರ ಆಯ್ಕೆಗಳು ಗಂಭೀರ ಕಾಯಿಲೆಗಳಿಗೆ ಕಾರಣವಾಗಬಹುದು ಎಂದು ತೋರಿಸುತ್ತವೆ. ಈ ಉಪಕ್ರಮವು ಕೇವಲ ಎಚ್ಚರಿಕೆಯಲ್ಲ, ಬದಲಾಗಿ ಸಮಾಜದಲ್ಲಿ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸುವತ್ತ ಒಂದು ಪ್ರಮುಖ ಹೆಜ್ಜೆಯಾಗಿದೆ.

ಚಹಾದೊಂದಿಗೆ ಏನನ್ನಾದರೂ ತಿನ್ನುವ ಅಭ್ಯಾಸ ನಿಮಗಿದ್ದರೆ ಬಿಸ್ಕೇಟ್‌ ಬದಲಿಗೆ ನೀವು ಮಖಾನಾ, ಕಡಲೆಕಾಯಿ, ಹುರಿದ ಕಡಲೆ ಅಥವಾ ಒಣ ಹಣ್ಣುಗಳನ್ನು ಸೇರಿಸಬಹುದು. ನೀವು ಮನೆಯಲ್ಲಿ ಓಟ್ಸ್, ರಾಗಿ ಅಥವಾ ರಾಗಿಯಿಂದ ಮಾಡಿದ ಆರೋಗ್ಯಕರ ಬಿಸ್ಕೇಟ್‌ ಸಹ ಮಾಡಬಹುದು. ಸ್ವಲ್ಪ ಬುದ್ಧಿವಂತಿಕೆಯಿದ್ದರೆ ಚಹಾ ಸಮಯವನ್ನು ರುಚಿಕರ ಮತ್ತು ಆರೋಗ್ಯಕರವಾಗಿ ಮಾಡಬಹುದು.