ಬೇಸಿಗೆ (Summer) ಶುರುವಾಯ್ತು. ಇನ್ನೇನು ಹೊಸ ಹೊಸ ಕಾಯಿಲೆಗಳು ಸಹ ವಕ್ಕರಿಸಿಕೊಂಡು ಬಿಡುತ್ತವೆ. ವಿಪರೀತ ಧಗೆಗೆ ಅತಿಯಾದ ಬೆವರುವಿಕೆ, ಉರಿಯೂತ, ನಿರ್ಜಲೀಕರಣ ಮೊದಲಾದ ಸಮಸ್ಯೆ ಕಾಣಿಸಿಕೊಳ್ಳುತ್ತೆ. ಎಲ್ಲಾ ಸಮಸ್ಯೆಗೂ ಡಾಕ್ಟರ್ ಬಳಿ ಹೋಗಿ ಟ್ಯಾಬ್ಲೆಟ್ಸ್ ತೆಗೆದುಕೊಳ್ಳೋ ಮೊದಲು ಕಾಮ ಕಸ್ತೂರಿ (Subja Seeds) ಸೇವಿಸಿ ಸಾಕು.
ಸಬ್ಜಾ ಅಥವಾ ಕಾಮ ಕಸ್ತೂರಿ ಬೀಜಗಳನ್ನು ಮಸಾಲೆ ರೀತಿಯಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ. ಇದು ಆಹಾರಕ್ಕೆ ವಿಶಿಷ್ಟವಾದ ಪರಿಮಳವನ್ನು ಸೇರಿಸುತ್ತದೆ. ಆದರೆ ಸಬ್ಜಾ ಬೀಜ (Sabja Seeds)ಗಳು ಕೇವಲ ಮಸಾಲೆಯಾಗಿ ಮಾತ್ರವಲ್ಲ ಹಲವು ಆರೋಗ್ಯ ಪ್ರಯೋಜನಗಳಿಂದ ಕೂಡಿದೆ. ಕಪ್ಪು ಎಳ್ಳು ಬೀಜಗಳನ್ನು ಹೋಲುವ ಈ ಚಿಕ್ಕ ಕಪ್ಪು ಬೀಜಗಳು ಪೌಷ್ಟಿಕಾಂಶದ ಆಗರವಾಗಿದೆ.
ಕಾಮ ಕಸ್ತೂರಿಯ ಆರೋಗ್ಯ ಪ್ರಯೋಜನಗಳು
ಸಬ್ಜಾ ಬೀಜಗಳು ಹೆಚ್ಚಿನ ಪೋಷಕಾಂಶಗಳು ಮತ್ತು ರೋಗನಿರೋಧಕ ಶಕ್ತಿ (Immunity Power)ಯನ್ನು ಹೆಚ್ಚಿಸುವ ಗುಣಗಳಿಂದ ತುಂಬಿದೆ. ಅವು ಕಡಿಮೆ ಕ್ಯಾಲೋರಿಗಳನ್ನು ಹೊಂದಿರುತ್ತವೆ ಮತ್ತು 42% ಕಾರ್ಬೋಹೈಡ್ರೇಟ್‌ಗಳು, 20% ಪ್ರೋಟೀನ್‌ಗಳು ಮತ್ತು 25% ಉತ್ತಮ ಕೊಬ್ಬನ್ನು ಹೊಂದಿರುತ್ತವೆ. ಸಬ್ಜಾ ಬೀಜಗಳು ಹೆಚ್ಚಿನ ಫೈಬರ್‌ನ್ನು ಹೊಂದಿರುತ್ತವೆ ಮತ್ತು ಒಮೆಗಾ-3 ಕೊಬ್ಬಿನಾಮ್ಲಗಳ ಉತ್ತಮ ಮೂಲವಾಗಿದೆ. ಇದರಲ್ಲಿ ಪೊಟ್ಯಾಸಿಯಮ್, ಮ್ಯಾಂಗನೀಸ್, ತಾಮ್ರ, ಕ್ಯಾಲ್ಸಿಯಂ ಮತ್ತು ಮೆಗ್ನೀಸಿಯಮ್ ಮತ್ತು ವಿಟಮಿನ್ ಸಿ ಮತ್ತು ಫೋಲೇಟ್‌ಗಳಂತಹ ಉತ್ತಮ ಪ್ರಮಾಣದ ಖನಿಜಗಳು ಹೆಚ್ಚಾಗಿರುತ್ತವೆ. ಹಾಗಿದ್ರೆ ಬೇಸಿಗೆಯಲ್ಲಿ ಸಬ್ಜಾ ಬೀಜಗಳನ್ನು ಯಾಕೆ ತಿನ್ನಬೇಕು ? ಅದ್ರಿಂದೇನು ಪ್ರಯೋಜನ ಇಲ್ಲಿದೆ ಮಾಹಿತಿ.
undefined
Health Tips : ನಾಚಿಕೆ ಬಿಟ್ಬಿಡಿ, ಪೈಲ್ಸ್ ಕಾಡಿದ್ರೆ ಈ ಆಹಾರದಿಂದ ದೂರವಿರಿ
ದೇಹದ ಉಷ್ಣತೆಯನ್ನು ಕಡಿಮೆ ಮಾಡುತ್ತದೆ
ಬೇಸಿಗೆಯಲ್ಲಿ ಕಾಮ ಕಸ್ತೂರಿ ಅಥವಾ ಸಬ್ಜಾ ಬೀಜಗಳನ್ನು ತಿನ್ನುವುದು ಆರೋಗ್ಯ (Health)ಕ್ಕೆ ತುಂಬಾ ಒಳ್ಳೆಯದು. ಯಾಕೆಂದರೆ ಇದು ನೈಸರ್ಗಿಕ ದೇಹ ಕೂಲರ್ ಆಗಿ ಕಾರ್ಯನಿರ್ವಹಿಸುತ್ತದೆ. ಸಬ್ಜಾ ಬೀಜದ ಪಾನೀಯಗಳು ಬೇಸಿಗೆಯ ಸುಡುವ ಶಾಖದಿಂದ ಉತ್ತಮ ಪರಿಹಾರವನ್ನು ನೀಡುತ್ತವೆ. ಸಬ್ಜಾ ಬೀಜಗಳು ದೇಹದ ಉಷ್ಣತೆಯನ್ನು ಕಡಿಮೆ ಮಾಡುತ್ತದೆ.. ಈ ಬೀಜಗಳನ್ನು ನಿಂಬೆ ಪಾನಕ, ತೆಂಗಿನ ನೀರು, ತೆಂಗಿನ ಹಾಲು, ಮಿಲ್ಕ್‌ಶೇಕ್‌ಗಳು, ಸ್ಮೂಥಿಗಳು, ಮೊಸರು ಮೊದಲಾದ ಪಾನೀಯಕ್ಕೆ ಸೇರಿಸಿ ಕುಡಿಯಬಹುದು.
ರಕ್ತದಲ್ಲಿ ಸಕ್ಕರೆಯ ಮಟ್ಟವನ್ನು ಕಡಿಮೆ ಮಾಡುತ್ತದೆ
ಸಬ್ಜಾ ಬೀಜಗಳು ಮಧುಮೇಹ (Diabetes) ವಿರೋಧಿ ಸಾಮರ್ಥ್ಯವನ್ನು ಹೊಂದಿವೆ ಎಂದು ಸಾಬೀತಾಗಿದೆ. ಸಬ್ಜಾ ಬೀಜಗಳಲ್ಲಿ ನಾರಿನಂಶ ಅಧಿಕವಾಗಿರುತ್ತದೆ. ಮಧುಮೇಹಿಗಳು ಊಟಕ್ಕೆ ಸ್ವಲ್ಪ ಮೊದಲು ಸಬ್ಜಾ ಬೀಜಗಳನ್ನು ನಿಯಮಿತವಾಗಿ ನೀಡಿದಾಗ, ಅದು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟದಲ್ಲಿನ ಏರಿಕೆಯನ್ನು ತಡೆಯುತ್ತದೆ. ಹೀಗಾಗಿ, ಟೈಪ್ 2 ಡಯಾಬಿಟಿಸ್ ರೋಗಿಗಳಲ್ಲಿ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಸಬ್ಜಾ ಬೀಜಗಳು ಉಪಯುಕ್ತವೆಂದು ಕಂಡುಬಂದಿದೆ..
Health Tips: ಬಾದಾಮಿ ಹಾಲಿನಲ್ಲಿ ಪ್ರೋಟೀನ್ ಹೆಚ್ಚಿದೆ ಅಂತಾರೆ ನಿಜಾನ?
ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ
ಸಬ್ಜಾ ಬೀಜಗಳು ಪ್ರೋಟೀನ್ ಮತ್ತು ಕರಗುವ ಫೈಬರ್ ಅನ್ನು ಹೊಂದಿರುತ್ತವೆ. ಈ ಎರಡೂ ಪೋಷಕಾಂಶಗಳು ನಿಮ್ಮ ಜೀರ್ಣಾಂಗ ವ್ಯವಸ್ಥೆಯಲ್ಲಿ ದೀರ್ಘಕಾಲ ಉಳಿಯುತ್ತವೆ. ಹೀಗಾಗಿ ಸಬ್ಜಾ ಬೀಜಗಳನ್ನು ಸೇವಿಸಿದಾಗ, ದೀರ್ಘಕಾಲದ ವರೆಗೆ ಹಸಿವಾಗುವುದಿಲ್ಲ. ಹಸಿವಾಗದಿದ್ದಾಗ ಸುಮ್ಮ ಸುಮ್ಮನೆ ಜಂಕ್‌ಫುಡ್‌ಗಳನ್ನು ಸೇವಿಸುವುದು ತಪ್ಪುತ್ತದೆ. ಇದು ತೂಕ (Weight)ವನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ.
ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಬಹುದು
ಸಬ್ಜಾ ಬೀಜಗಳಲ್ಲಿ ಇರುವ ಒಂದು ರೀತಿಯ ಕರಗುವ ಫೈಬರ್ ಪೆಕ್ಟಿನ್. ಇದು ನಮ್ಮ ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಕರುಳಿನಲ್ಲಿ ಕೊಲೆಸ್ಟ್ರಾಲ್ (Cholesterol) ಹೀರಿಕೊಳ್ಳುವುದನ್ನು ತಡೆಯುತ್ತದೆ. ಫ್ಲೇವನಾಯ್ಡ್‌ಗಳಲ್ಲಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸುವುದರಿಂದ ಕ್ಯಾನ್ಸರ್ ಮತ್ತು ಹೃದಯ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡಬಹುದು. ಉರಿಯೂತದ ಸಮಸ್ಯೆಯನ್ನು ಸಹ ಇದು ಶಮನಗೊಳಿಸುತ್ತದೆ.
ಕೂದಲ ಆರೋಗ್ಯಕ್ಕೆ ಒಳ್ಳೆಯದು
ಸಬ್ಜಾ ಬೀಜಗಳು ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿವೆ. ಈ ಪ್ರೊಟೀನ್ ಕೂದಲು (Hair) ಉದುರುವಿಕೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸಬ್ಜಾ ಸೀಡ್ ಎಣ್ಣೆಯಿಂದ ನೀವು ತಲೆಹೊಟ್ಟು ತೊಡೆದುಹಾಕಬಹುದು. ನೀವು ಬಳಸುವ ಎಣ್ಣೆಯನ್ನು ಸಬ್ಜಾ ಬೀಜದ ಪುಡಿಯೊಂದಿಗೆ ಸೇರಿಸಿ, ನಿಮ್ಮ ನೆತ್ತಿಯನ್ನು ಮಸಾಜ್ ಮಾಡಿ. ಇದರಿಂದ ಸುಂದರವಾದ ಮತ್ತು ಬಲವಾದ ಕೂದಲು ನಿಮ್ಮದಾಗುತ್ತದೆ.
ಚರ್ಮಕ್ಕೆ ಒಳ್ಳೆಯದು
ಸಬ್ಜಾ ಬೀಜಗಳು ನೈಸರ್ಗಿಕವಾಗಿ ದೇಹವನ್ನು ನಿರ್ವಿಷಗೊಳಿಸುತ್ತವೆ ಮತ್ತು ನಮ್ಮ ಆಂತರಿಕ ವ್ಯವಸ್ಥೆಯನ್ನು ತೆರವುಗೊಳಿಸುತ್ತವೆ. ಇದು ನಮ್ಮ ಚರ್ಮ (Skin)ವನ್ನು ದೋಷರಹಿತವಾಗಿ ಕಾಣುವಂತೆ ಮಾಡುತ್ತದೆ ಮತ್ತು ಮೊಡವೆಗಳು ಅಥವಾ ಯಾವುದೇ ರೀತಿಯ ಬಿರುಕುಗಳನ್ನು ದೂರವಿಡುತ್ತದೆ. ಸಬ್ಜಾ ಬೀಜಗಳು ಆಂಟಿಮೈಕ್ರೊಬಿಯಲ್ ಮತ್ತು ಆಂಟಿಫಂಗಲ್ ಗುಣಲಕ್ಷಣಗಳನ್ನು ಹೊಂದಿದ್ದು ಅದು ಚರ್ಮದ ಸೋಂಕಿನಿಂದ ನಮ್ಮನ್ನು ರಕ್ಷಿಸುತ್ತದೆ. ಸಬ್ಜಾ ಬೀಜಗಳು ಜೀವಸತ್ವಗಳು ಮತ್ತು ಖನಿಜಗಳಿಂದ ಸಮೃದ್ಧವಾಗಿರುವುದರಿಂದ, ಅವು ನಮ್ಮ ಚರ್ಮಕ್ಕೆ ನೈಸರ್ಗಿಕ ಹೊಳಪನ್ನು ನೀಡುತ್ತವೆ.
ಸಬ್ಜಾ ಬೀಜಗಳನ್ನು ಸೇವಿಸುವುದು ಹೇಗೆ ?
ಸುಮಾರು 2 ಟೀ ಚಮಚ ಸಬ್ಜಾ ಬೀಜಗಳನ್ನು ಒಂದು ಕಪ್ ಬೆಚ್ಚಗಿನ ನೀರಿನಲ್ಲಿ ಸುಮಾರು 15 ನಿಮಿಷಗಳ ಕಾಲ ನೆನೆಸಿಡಿ. ಅವು ಉಬ್ಬುತ್ತವೆ ಮತ್ತು ಪ್ರತಿ ಕಪ್ಪು ಬೀಜದ ಸುತ್ತಲೂ ಅರೆಪಾರದರ್ಶಕ ಬೂದು ಫಿಲ್ಮ್ ಲೇಪನವು ಬೆಳೆಯುತ್ತದೆ, ಏಕೆಂದರೆ ಅವು ಗಾತ್ರದಲ್ಲಿ ಹೆಚ್ಚಾಗುತ್ತವೆ.ನೀವು ಈಗ ಈ ಬೀಜಗಳನ್ನು ನಿಂಬೆ ಪಾನಕ, ಮಿಲ್ಕ್‌ಶೇಕ್‌ಗಳು, ತೆಂಗಿನ ನೀರು, ಸ್ಮೂಥಿಗಳು, ಮಜ್ಜಿಗೆ, ಸೂಪ್‌ಗಳು ಮತ್ತು ಮುಂತಾದ ವಿವಿಧ ಪಾನೀಯಗಳ ಭಾಗವಾಗಿ ಸೇರಿಸಬಹುದು.