ಮನೆಯಲ್ಲಿ ಸಾಕುಪ್ರಾಣಿಗಳಿಗೆ ಉಣ್ಣೆ, ಚಿಗಟ ಕಾಟವೇ ಸುಲಭವಾಗಿ ತೊಡೆದು ಹಾಕಲು ಇಷ್ಟು ಮಾಡಿ ಸಾಕು!

ಪ್ರಾಣಿಗಳ ಉತ್ತಮ ಆರೋಗ್ಯ ಮತ್ತು ಸೌಕರ್ಯಕ್ಕಾಗಿ ಚಿಗಟಗಳನ್ನು ತಡೆಗಟ್ಟುವುದು ಮುಖ್ಯ. ಚಿಗಟಗಳನ್ನು ತಡೆಗಟ್ಟಲು ಈ ಸಲಹೆಗಳನ್ನು ಪಾಲಿಸಿ.

ಚಿಗಟಗಳು ಮನೆಯಲ್ಲಿ ಸಾಕುವ ಪ್ರಾಣಿಗಳಿಗೆ ತುಂಬಾ ತೊಂದರೆ ಕೊಡುತ್ತವೆ. ಇದು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಪ್ರಾಣಿಗಳ ಉತ್ತಮ ಆರೋಗ್ಯ ಮತ್ತು ಸೌಕರ್ಯಕ್ಕಾಗಿ ಚಿಗಟಗಳನ್ನು ತಡೆಗಟ್ಟುವುದು ಮುಖ್ಯ. ಚಿಗಟಗಳನ್ನು ತಡೆಗಟ್ಟಲು ಈ ಸಲಹೆಗಳನ್ನು ಪಾಲಿಸಿ.

ಚಿಗಟಗಳು ಬರಲು ಕಾರಣ

ಬಿಸಿ ವಾತಾವರಣದಲ್ಲಿ ಚಿಗಟಗಳು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತವೆ. ಸಾಮಾನ್ಯವಾಗಿ ಹುಲ್ಲಿನಲ್ಲಿ ಮತ್ತು ಮರಗಳಲ್ಲಿ ಚಿಗಟಗಳು ಕಂಡುಬರುತ್ತವೆ. ಆದರೆ ಇವು ಪ್ರಾಣಿಗಳ ದೇಹದ ಮೇಲೂ ಬೆಳೆಯುತ್ತವೆ. ಇವು ಪ್ರಾಣಿಗಳ ರಕ್ತವನ್ನು ಹೀರುತ್ತವೆ ಮತ್ತು ರೋಗಗಳನ್ನು ಹರಡುತ್ತವೆ.

ಇದನ್ನೂ ಓದಿ: ಮನೆಗೆ ಗೋಲ್ಡ್‌ಫಿಶ್‌ ತರುವ ಮೊದಲು ಈ 8 ವಿಚಾರಗಳು ನಿಮ್ಮಗಮನದಲ್ಲಿರಲಿ

ಸ್ವಚ್ಛತೆ

ಯಾವಾಗಲೂ ಸ್ವಚ್ಛವಾಗಿಟ್ಟರೆ ಚಿಗಟಗಳ ಕಾಟ ತಪ್ಪಿಸಬಹುದು. ರೋಮಗಳನ್ನು ಯಾವಾಗಲೂ ಬಾಚಿ ಸ್ವಚ್ಛವಾಗಿಡಿ. ಕಿವಿ, ಕುತ್ತಿಗೆ, ಬಾಲ, ಹೊಟ್ಟೆ ಮುಂತಾದ ಭಾಗಗಳಲ್ಲಿ ಚಿಗಟಗಳು ಅಡಗಿಕೊಳ್ಳುತ್ತವೆ. ಇದನ್ನು ಮನಸ್ಸಿನಲ್ಲಿಟ್ಟುಕೊಂಡು ಎಲ್ಲಾ ಭಾಗಗಳನ್ನು ಸ್ವಚ್ಛಗೊಳಿಸಿದರೆ ಚಿಗಟಗಳನ್ನು ತೊಡೆದುಹಾಕಬಹುದು.

ಮನೆಯಲ್ಲೂ ಸ್ವಚ್ಛತೆ ಮುಖ್ಯ

ಮನೆ ಸ್ವಚ್ಛವಾಗಿದ್ದರೆ ಮಾತ್ರ ಚಿಗಟಗಳ ಕಾಟ ಕಡಿಮೆಯಾಗುತ್ತದೆ. ಕಾರ್ಪೆಟ್, ಪೀಠೋಪಕರಣಗಳು, ಪೆಟ್ ಬೆಡ್‌ಗಳನ್ನು ವ್ಯಾಕ್ಯೂಮ್ ಕ್ಲೀನರ್‌ನಿಂದ ಸ್ವಚ್ಛಗೊಳಿಸಿದರೆ ಚಿಗಟಗಳು ಮತ್ತು ಇತರ ಕೀಟಗಳನ್ನು ತೊಡೆದುಹಾಕಬಹುದು.

ಔಷಧಿಗಳು

ಚಿಗಟಗಳನ್ನು ತಡೆಗಟ್ಟಲು ಔಷಧಿಗಳನ್ನು ಬಳಸಬಹುದು. ಆದರೆ ಇವುಗಳನ್ನು ಬಳಸುವ ಮೊದಲು ಪಶುವೈದ್ಯರ ಸಲಹೆ ಪಡೆಯುವುದು ಒಳ್ಳೆಯದು.

ಪಶುವೈದ್ಯರನ್ನು ಭೇಟಿ ಮಾಡಿ

ಸಾಕುಪ್ರಾಣಿಗಳ ಉತ್ತಮ ಆರೋಗ್ಯಕ್ಕಾಗಿ ನಿಯಮಿತವಾಗಿ ಪಶುವೈದ್ಯರನ್ನು ಭೇಟಿ ಮಾಡುವುದು ಮುಖ್ಯ. ಇದರಿಂದ ಸಾಕುಪ್ರಾಣಿಗಳಿಗೆ ಯಾವುದೇ ರೋಗಗಳಿದ್ದರೆ ಬೇಗನೆ ತಿಳಿದು ಚಿಕಿತ್ಸೆ ನೀಡಬಹುದು.

ಇದನ್ನೂ ಓದಿ: ಸಾವಿನಂಚಿನಲ್ಲಿದ್ದ ಗಬ್ಬ ನಾಯಿಗೆ ವಿಪರೀತ ರಕ್ತಸ್ರಾವ, ರಕ್ತ ನೀಡಿ ದೇವರಾದ ಮೂಖ ಪ್ರಾಣಿ

ಪ್ರಾಣಿಗಳ ನಡವಳಿಕೆ

ಪ್ರಾಣಿಗಳ ನಡವಳಿಕೆಯಲ್ಲಿನ ಬದಲಾವಣೆಗಳನ್ನು ಗಮನಿಸಬೇಕು. ಹೆಚ್ಚಾಗಿ ನೆಕ್ಕುವುದು, ಕೆರೆದುಕೊಳ್ಳುವುದು, ರೋಮ ಉದುರುವುದು, ಚರ್ಮದ ತೊಂದರೆಗಳು ಮುಂತಾದ ಲಕ್ಷಣಗಳು ಕಂಡುಬಂದರೆ ಚಿಗಟಗಳಿವೆ ಎಂದು ಅರ್ಥ.