ಕಾಫಿ ಕುಡಿದರೆ ಹಾಸಿಗೆಯಲ್ಲಿ ಹುಲಿಯಂತೆ ಎಗರಾಡಬಹುದಾ?
ಸಾರಾಂಶ
ಕಾಫಿ ಕುಡಿಯುವುದರಿಂದ ಲೈಂಗಿಕ ಸಾಮರ್ಥ್ಯ ಹೆಚ್ಚುತ್ತದೆ ಎಂದು ಕೆಲವು ಅಧ್ಯಯನಗಳು ಸೂಚಿಸುತ್ತವೆ. ಇದು ಪುರುಷರಲ್ಲಿ ನಿಮಿರುವಿಕೆಯನ್ನು ಸುಧಾರಿಸಬಹುದು ಮತ್ತು ಲೈಂಗಿಕ ತ್ರಾಣವನ್ನು ಹೆಚ್ಚಿಸಬಹುದು. ಆದರೆ, ಅತಿಯಾದ ಕಾಫಿ ಸೇವನೆಯು ನಕಾರಾತ್ಮಕ ಪರಿಣಾಮಗಳನ್ನು ಬೀರಬಹುದು.
ಕಾಫಿ ಸೇವಿಸುವುದರ ಮೂಲಕ ನಿಮ್ಮ ಲೈಂಗಿಕ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಬಹುದು ಎಂದು ಯಾವತ್ತಾದರೂ ಯೋಚಿಸಿದ್ದೀರಾ? ಕಾಫಿ ಲಿಬಿಡೋ ಬೂಸ್ಟರ್ ಎಂಬುದು ತಜ್ಞರ ಅಭಿಮತ. ಪುರುಷರಲ್ಲಿ ಕಾಫಿ ಒಂದು ಅದ್ಭುತವಾದ ಪ್ರಯೋಜನವನ್ನು ನೀಡುತ್ತದೆ- ಅದೆಂದರೆ ದೀರ್ಘಕಾಲೀನ ನಿಮಿರುವಿಕೆ! ಇದು ಸುಳ್ಳಲ್ಲ. ಹೆಚ್ಚಾಗಿ ಪುರುಷರು ಇಷ್ಟಪಡುವುದು ಇದನ್ನೇ ತಾನೆ!
ಕಾಫಿ ಕುಡಿಯುವವರು ತಮ್ಮ ಆರೋಗ್ಯವನ್ನು ಚೆನ್ನಾಗಿಟ್ಟುಕೊಳ್ಳಲು ತಮ್ಮ ಅಭ್ಯಾಸವನ್ನು ಮುಂದುವರಿಸಬಹುದು. ಕಾಫಿ ಆಂಟಿ ಆಕ್ಸಿಡೆಂಟ್ಗಳಿಂದ ಸಮೃದ್ಧ. ಹೃದ್ರೋಗದ ಕಾರಣಗಳನ್ನು ಇದು ಕಡಿಮೆ ಮಾಡುತ್ತದೆ. ಇದೆಲ್ಲದರ ಜೊತೆಗೆ ಲೈಂಗಿಕ ಪ್ರಯೋಜನಗಳೂ ಇವೆ ಎಂಬುದು ರುಜುವಾತಾದ ವಿಷಯ.
ನಿಮ್ಮಲ್ಲಿ ಇರಬಹುದಾದ ಕಡಿಮೆ ಲೈಂಗಿಕಾಸಕ್ತಿಯನ್ನು ಹೆಚ್ಚಿಸಲು ಅಥವಾ ನಿಮಿರುವಿಕೆಯ ತೊಂದರೆಗೆ (ED) ಇದು ಸ್ವಲ್ಪ ಮಟ್ಟಿಗೆ ಮದ್ದು. ಕೆಲವು ಅಧ್ಯಯನಗಳು, ಕಾಫಿ ಕುಡಿಯುವುದು ರಕ್ತದ ಹರಿವು ಮತ್ತು ತ್ರಾಣವನ್ನು ಹೆಚ್ಚಿಸುವ ಮೂಲಕ ED ಅನ್ನು ಸುಧಾರಿಸಬಹುದು ಎಂದು ತೋರಿಸಿವೆ. ನಿಮ್ಮ ಬೆಳಗಿನ ಒಂದು ಕಪ್ ಕಾಫಿ ನಿಮ್ಮ ಲೈಂಗಿಕ ನಿಮಿರುವಿಕೆಯನ್ನು ಸುಧಾರಿಸುತ್ತದೆಯೇ, ಹೆಚ್ಚು ಕಾಲ ಇರಿಸಿಕೊಳ್ಳಲು ಸಹಾಯ ಮಾಡುತ್ತದೆಯೋ ಎಂಬುದನ್ನು ವಿವರವಾಗಿ ನೋಡೋಣ.
ಲೈಂಗಿಕವಾಗಿ ಕಾಫಿಯ ಪ್ರಯೋಜನಗಳು
ಹೆಚ್ಚಿನ ಕಾಮ, ಹೆಚ್ಚಿದ ಲೈಂಗಿಕ ತ್ರಾಣ ಮತ್ತು ಹೆಚ್ಚಿನ ಕಾಲ ನಿಮಿರುವಿಕೆಯಂತಹ ಕೆಲವು ಸಂಭಾವ್ಯ ಲೈಂಗಿಕ ಪ್ರಯೋಜನಗಳನ್ನು ಕಾಫಿ ನೀಡುತ್ತದೆ. ಕಾಫಿ, ಚಾಕೊಲೇಟ್ ಇವು ಲೈಂಗಿಕ ಬಯಕೆಯನ್ನು ಹೆಚ್ಚಿಸಬಹುದು ಎಂದು ಅನೇಕ ತಜ್ಞರು ಹೇಳುತ್ತಾರೆ. ಆದರೆ ಈ ಬಗ್ಗೆ ಸೀಮಿತ ಸಂಶೋಧನೆ ಮಾತ್ರ ಆಗಿದೆ. ಹಾಗಾಗಿ ಈ ಸಮಸ್ಯೆಗಳಿದ್ದರೆ ಕಾಫಿ ಕುಡೀತಾ ವೈದ್ಯರನ್ನು ಕೌನ್ಸೆಲ್ ಮಾಡುವುದು ಬಿಡಬೇಡಿ.
ಒಂದು ಅಧ್ಯಯನದ ಪ್ರಕಾರ, ಕೆಫೀನ್ ನರಮಂಡಲದ ಮೂಲಕ ಜನನಾಂಗದ ಪ್ರಚೋದನೆಯನ್ನು ಹೆಚ್ಚಿಸಬಹುದು. ಕೆಲವು ಹಳೆಯ ಸಂಶೋಧನೆಗಳ ಪ್ರಕಾರ ಕೆಫೀನ್ಗೂ ಹೆಚ್ಚಿನ ಟೆಸ್ಟೋಸ್ಟೆರಾನ್ ಮಟ್ಟಕ್ಕೂ ಲಿಂಕ್ ಇದೆ. ಇದು ನಿಮ್ಮ ಕಾಮಾಸಕ್ತಿಯನ್ನು ಹೆಚ್ಚಿಸಬಹುದು. ಕೆಲವು ಕಪ್ ಕಾಫಿ ಅಥವಾ ಕೆಫೀನ್ ತುಂಬಿದ ಶಕ್ತಿ ಪಾನೀಯಗಳು ನಿಮ್ಮ ಮಲಗುವ ಕೋಣೆಯಲ್ಲಿ ನಿಮ್ಮ ಶಕ್ತಿಯ ಮಟ್ಟವನ್ನು ಹೆಚ್ಚಿಸಬಹುದು.
ಕೆಫೀನ್ ಒಂದು ಉತ್ತೇಜಕ. ಅದು ತಾತ್ಕಾಲಿಕವಾಗಿ ನಿಮ್ಮ ಅರಿವನ್ನು ಹೆಚ್ಚಿಸುತ್ತದೆ ಮತ್ತು ಆಯಾಸವನ್ನು ಕಡಿಮೆ ಮಾಡುತ್ತದೆ. ಇದು ಪರೋಕ್ಷವಾಗಿ ಲೈಂಗಿಕ ಕಾರ್ಯಕ್ಷಮತೆಯನ್ನು ಸುಧಾರಿಸುತ್ತದೆ. ಆದರೆ ಇದಕ್ಕೆ ತುಸು ಅಡ್ಡಪರಿಣಾಮವೂ ಇದೆ. ಸ್ವಲ್ಪ ಆತಂಕ, ಹೆಚ್ಚಿದ ಹೃದಯ ಬಡಿತ ಮತ್ತು ಕೈನಡುಕ ಮುಂತಾದವು ಉಂಟಾಗಬಹುದು.
2015ರ ಒಂದು ಅಧ್ಯಯನವು 3,000ಕ್ಕಿಂತ ಹೆಚ್ಚು ಪುರುಷರ ಮೇಲೆ ಕೆಫೀನ್ ಸೇವನೆಯ ಪರಿಣಾಮಗಳನ್ನು ನೋಡಿದೆ. ದಿನಕ್ಕೆ ಎರಡರಿಂದ ಮೂರು ಕಪ್ ಕಾಫಿ ಕುಡಿಯುವುದು ಒಟ್ಟಾರೆ ನಿಮಿರುವಿಕೆಯನ್ನು ಉತ್ತಮಗೊಳಿಸಿದೆ ಎಂದು ಅದು ಕಂಡುಹಿಡಿದಿದೆ. ಬೊಜ್ಜು, ಅಧಿಕ ತೂಕ ಮತ್ತು ಅಧಿಕ ರಕ್ತದೊತ್ತಡದ ಪುರುಷರಲ್ಲಿಯೂ ಇದು ಕೆಲಸ ಮಾಡಿದೆ. ಸಹ. ರಕ್ತನಾಳಗಳನ್ನು ಹಿಗ್ಗಿಸಲು ಮತ್ತು ರಕ್ತದ ಹರಿವನ್ನು ಹೆಚ್ಚಿಸಲು ಕೆಫೀನ್ ನೆರವಾಗುತ್ತದೆ.
ಹಾಗೆಂದು ಕಾಫಿಯ ಅಡ್ಡಪರಿಣಾಮಗಳೂ ನಿಮಗೆ ಗೊತ್ತಿರಲಿ. ಕೆಫೀನ್ ಮೂತ್ರವರ್ಧಕ. ಇದರರ್ಥ ನಿಮ್ಮ ದೇಹವು ನೀರನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ. ಇದು ನಿಮ್ಮ ರಕ್ತದೊತ್ತಡದ ಮೇಲೆ ಪರಿಣಾಮ ಬೀರಬಹುದು. ನಿರ್ಜಲೀಕರಣ ಮತ್ತು ಅಧಿಕ ರಕ್ತದೊತ್ತಡವು ಆರೋಗ್ಯಕರ ನಿಮಿರುವಿಕೆಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.
ಟಾಯ್ಲೆಟ್ನಲ್ಲೂ ಮೊಬೈಲ್ ನೋಡ್ತಾ ಇರ್ತೀರಾ? ಹಾಗಿದ್ರೆ ಈ ಕಾಯಿಲೆ ಖಚಿತ!
ಕಾಫಿ ಸೇವನೆಯ ಇತರ ನಕಾರಾತ್ಮಕ ಅಡ್ಡಪರಿಣಾಮಗಳು- ತಲೆನೋವು, ನಿದ್ರಾಹೀನತೆ, ಹೊಟ್ಟೆನೋವು, ವೇಗದ ಹೃದಯ ಬಡಿತ ಇತ್ಯಾದಿ. ಕೆಲವು ಅಧ್ಯಯನಗಳು ಕೆಫೀನ್ ಸೇವನೆಯನ್ನು ಖಿನ್ನತೆ ಮತ್ತು ಆತಂಕದೊಂದಿಗೆ ಲಿಂಕ್ ಮಾಡುತ್ತವೆ. ಇದು ನಿಮ್ಮ ಕಾಮ ಮತ್ತು ಲೈಂಗಿಕ ಜೀವನದ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು.
ಕೆಫೀನ್, ಟೆಸ್ಟೋಸ್ಟೆರಾನ್ ಮಟ್ಟವನ್ನು ಹೆಚ್ಚಿಸುತ್ತದೆ ಎಂದು ಈ ಮೇಲೆ ಹೇಳಲಾದ ಅದೇ ಅಧ್ಯಯನದಲ್ಲಿಯೇ, ಕೆಫೀನ್ ಲೈಂಗಿಕ ಹಾರ್ಮೋನುಗಳಿಗಿಂತ ಹೆಚ್ಚು ಕಾರ್ಟಿಸೋಲ್ ಅನ್ನು ಹೆಚ್ಚಿಸುತ್ತದೆ ಎಂದು ಕಂಡುಹಿಡಿದಿದೆ. ಇದು ಹೆಚ್ಚಿನ ಒತ್ತಡದ ಮಟ್ಟಗಳಿಗೆ ಕಾರಣವಾಗುತ್ತದೆ. ಎಲಿವೇಟೆಡ್ ಕಾರ್ಟಿಸೋಲ್ - ಒತ್ತಡದ ಹಾರ್ಮೋನ್ - ನಿಮ್ಮ ಕಾರ್ಯ ಸಾಮರ್ಥ್ಯದ ಮೇಲೆ ಕೆಲವು ಋಣಾತ್ಮಕ ಪರಿಣಾಮಗಳನ್ನು ಬೀರಬಹುದು. ಆದ್ದರಿಂದ, ಲೈಂಗಿಕ ಕ್ರಿಯೆಯ ಸಮಸ್ಯೆಗಳನ್ನು ತಪ್ಪಿಸಲು ನಿಮ್ಮ ಕೆಫೀನ್ ಸೇವನೆಯನ್ನು ಮಿತಿಗೊಳಿಸಲು ನೀವು ಬಯಸಬಹುದು. ದಿನಕ್ಕೆ ಒಂದು ಕಪ್ ಅಥವಾ ಎರಡು ಕಪ್ ಪರವಾಗಿಲ್ಲ. ಆದರೆ ಅದಕ್ಕಿಂತ ಹೆಚ್ಚು ಕಾಫಿ ಸೇವನೆ ಬೇಡ.
ವೀರ್ಯ ನಾಶ ಮಾಡಿಕೊಂಡ್ರೆ ಆಗೋದೇನು? ಶುಕ್ರ ಧಾತು ಬಗ್ಗೆ ಎಲ್ಲೂ ಸಿಗದ ಅತ್ಯಮೂಲ್ಯ ಮಾಹಿತಿ, ಪುರುಷರಿಗಾಗಿ..
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.