ಬೆಳ್ಳಂಬೆಳಗ್ಗೆ ಥಳುಕು ಬಳುಕಿನ ಬಳ್ಳಿಯರು ಸ್ಫೋರ್ಟ್ಸ್ ವೇರ್ ಶೂ ಧರಿಸಿ ಮ್ಯಾರಥಾನ್ ಓಡುವುದು ನೋಡಿರುತ್ತೀರಿ, ಸಾವಿರಾರು ನಾರಿಯರು ಸೀರೆಯುಟ್ಟು ರಸ್ತೆಮೇಲೆ ರನ್ನಿಂಗ್ ಮಾಡುವುದು ಎಂದಾದರೂ ನೋಡಿದ್ದೀರಾ? ಅಯ್ಯೋ ಸೀರೆಯುಟ್ಟು ನಡೆದಾಡುವುದೇ ಕಷ್ಟ, ರನ್ನಿಂಗ್ ಮಾಡೋಕೆ ಸಾಧ್ಯವಾ ಅಂತೀರಾ? ಹೌದು ಸಾಧ್ಯವಾಗಿಸಿದ ನಾರಿಯರು!
ಹೌದು ಬೆಂಗಳೂರಿನಲ್ಲಿಂದು ಬೆಳ್ಳಂಬೆಳಗ್ಗೆಯೇ ಸೀರೆಯುಟ್ಟ ಸಾವಿರಾರು ನಾರಿಯರು ರಸ್ತೆಗಿಳಿದು ರನ್ ಮಾಡಿದ್ದಾರೆ. ಆರೋಗ್ಯದ ಕುರಿತು ಜನರಲ್ಲಿ ಜಾಗೃತಿ ಮೂಡಿಸುವ ಸಲುವಾಗಿ ಇಂದು ಸೀರೆಯುಟ್ಟುಕೊಂಡೇ ಬರೋಬ್ಬರಿ ಎರಡು ಕಿಮೀ ರನ್ನಿಂಗ್ ಮಾಡಿದ ನಾರಿಯರು. ರಸ್ತೆಯುದ್ದಕ್ಕೂ 'ನಾರಿ ಶಕ್ತಿ ಮಹಾಶಕ್ತಿ' ಎಂದು ಘೋಷಣೆ ಕೂಗುತ್ತಲೇ ರನ್ನಿಂಗ್ ಮಾಡಿದ ಮಹಿಳೆಯರು. ನಗರದ ವೆಗಾ ಸಿಟಿ ಮಾಲ್‌ನಿಂದ ಪ್ರಾರಂಭವಾದ ಮ್ಯಾರಥಾನ್ ಸುಮಾರು ಎರಡು ಕಿಮೀವರೆಗೆ ಹೋಗಿ ಪುನಃ ವೆಗಾ ಸಿಟಿ ಮಾಲ್‌ಗೆ ತಲುಪಿದ ನಾರಿಯರು.
ಬರೋಬ್ಬರಿ ಎರಡು ಕಿಮೀ ರನ್ನಿಂಗ್ ಮಾಡಿದ ಬಳಿಕ ಸುಸ್ತಾಗಿ ಕೂಡದೇ ಡ್ಯಾನ್ಸ್ ಮಾಡಿದ ಮಹಿಳಯರು. ಬಣ್ಣ ಬಣ್ಣದ ಸೀರೆಯುಟ್ಟು ಕಪ್ಪು ಕನ್ನಡಕ ಧರಿಸಿ ಸಕತ್ ಸ್ಟೆಪ್ ಹಾಕಿದ ನಾರಿಯರು. ಪತ್ನಿಯರ ಡ್ಯಾನ್ಸ್ ಕಂಡು ಪತಿಯರು ಶಿಳ್ಳೆ ಒಡೆಯುವುದೊಂದೇ ಬಾಕಿ ಸಖತ್ ಎಂಜಾಯ್ ಮಾಡಿದ ಗಂಡಂದಿರು
ರನ್ನಿಂಗ್ ನಲ್ಲಿ ಭಾಗಿಯಾದ ಮಹಿಳೆಯರಿಗೆ ಮೆಡಲ್ ಕೊಡುವ ಮೂಲಕ ಪ್ರೋತ್ಸಾಹಿಸಿದರು. ಒಂದು ತಿಂಗಳ ಸತತ ಪ್ರಯತ್ನದಿಂದ ಈ ಕಾರ್ಯ ಸಫಲವಾಗಿದೆ ಎಂದ ಸಾಗರ್ ಆಸ್ಪತ್ರೆಯ ಮೆಡಿಕಲ್ ನಿರ್ದೇಶಕ ಸುನಯ್ ಮಹೇಶ್
ಬೆಳ್ಳಂಬೆಳಗ್ಗೆಯೇ ಒಂದು ಸಾವಿರಕ್ಕೂ ಅಧಿಕ ಸಂಖ್ಯೆಯ ಮಹಿಳೆಯರು ಸೀರೆಯುಟ್ಟು ರನ್ ಮಾಡುತ್ತಿದ್ದಾರೆ. ನಾರಿಯರನ್ನ ನೋಡುವುದಕ್ಕೆಂದೇ ರಸ್ತೆಯುದ್ಧಕ್ಕೂ ಪುರುಷರು ನಿಂತಿರುವುದು ಕಂಡುಬಂತು.
ಸಾಗರ್ ಆಸ್ಪತ್ರೆಯಿಂದ ಆಯೋಜನೆ ಮಾಡಲಾಗಿದ್ದ ಕಾರ್ಯಕ್ರಮ. ಈ ಕಾರ್ಯಕ್ರಮದಲ್ಲಿ 18ನೇ ವಯಸ್ಸಿನಿಂದ 80ರ ಇಳಿವಯಸ್ಸಿನ ಮಹಿಳೆಯರು ಉತ್ಸಾಹದಿಂದ ಭಾಗಿಯಾದರು. ಹೆಂಡತಿಯರು ಓಡುವುದು ನೋಡಲು ಪಂಚೆಯುಟ್ಟು ಹಿಂದೆಯೇ ಬಂದಿದ್ದ ಗಂಡಂದಿರು. ಪತ್ನಿಯರು ಪಿಟಿ ಉಷಾ ರೀತಿ ಓಡುವುದು ಕಂಡು ಫುಲ್ ಖುಷಿಯಾದರು.