ಈ ಅಲೋವೇರ್ ಜೆಲ್ ಮಾಡುತ್ತೆ ಮ್ಯಾಜಿಕ್ : ಕಂಕುಳಿನ ಕಪ್ಪು ಕಲೆಗೆ ಹೇಳಿ ಗುಡ್‌ಬೈ

ಕಂಕುಳಿನ ಕಪ್ಪಿಗೆ ಅಲೋವೆರಾ ಜೆಲ್: ಕಂಕುಳಿನ ಕಪ್ಪನ್ನು ಹೋಗಲಾಡಿಸಲು ಅಲೋವೆರಾ ಜೆಲ್ ತುಂಬಾ ಪರಿಣಾಮಕಾರಿಯಾಗಿದೆ. ಇದನ್ನು ಹೇಗೆ ಬಳಸುವುದು ಎಂಬ ಬಗ್ಗೆ ಇಲ್ಲಿ ಮಾಹಿತಿ ಇದೆ. 

ಕಂಕುಳಲ್ಲಿ ಕಪ್ಪಾಗಿರುವುದರಿಂದ ಅನೇಕ ಜನರು ತೊಂದರೆ ಅನುಭವಿಸುತ್ತಾರೆ. ಮುಖ್ಯವಾಗಿ ಹುಡುಗಿಯರು ತುಂಬಾ ಮುಜುಗರ ಪಡುತ್ತಾರೆ. ಕೈಗಳನ್ನು ಎತ್ತಲು ಸಹ ನಾಚಿಕೆ ಪಡುತ್ತಾರೆ. ಮುಖ್ಯವಾಗಿ ಸ್ಲೀವ್‌ಲೆಸ್ ಡ್ರೆಸ್‌ಗಳನ್ನು ಹಾಕಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಕಂಕುಳ ಕೆಳಗೆ ಕಪ್ಪಾಗಲು ಹಲವು ಕಾರಣಗಳಿವೆ. ಹಾರ್ಮೋನುಗಳ ಬದಲಾವಣೆಗಳು, ಬೆವರು, ಚರ್ಮದಲ್ಲಿ ಅಲರ್ಜಿ, ಕೂದಲು ತೆಗೆಯಲು ರೇಜರ್ ಮತ್ತು ಕ್ರೀಮ್ ಬಳಸುವುದು ಅಥವಾ ಹೆಚ್ಚಾಗಿ ಡಿಯೋಡರೆಂಟ್ ಬಳಸುವುದು ಮುಂತಾದ ಕಾರಣಗಳಿಂದ ಕಂಕುಳು ಕಪ್ಪಾಗುತ್ತದೆ.

ಕಂಕುಳಲ್ಲಿನ ಕಪ್ಪು ಹೋಗಲಾಡಿಸಲು ಹಲವು ರೀತಿಯ ಕ್ರಮಗಳನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಅವು ಹೆಚ್ಚಾಗಿ ಫಲಿತಾಂಶ ನೀಡುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಅಲೋವೆರಾ ಜೆಲ್ ಚೆನ್ನಾಗಿ ಉಪಯೋಗವಾಗುತ್ತದೆ. ಅಲೋವೆರಾ ಜೆಲ್ ಕಂಕುಳಲ್ಲಿರುವ ಕಪ್ಪನ್ನು ಸುಲಭವಾಗಿ ಕಡಿಮೆ ಮಾಡುತ್ತದೆ. ಅಲೋವೆರಾದಲ್ಲಿರುವ ಗುಣಗಳು ಚರ್ಮದ ಮೇಲಿನ ಕಲೆಗಳು ಮತ್ತು ಕಪ್ಪು ಗುರುತುಗಳನ್ನು ಹೋಗಲಾಡಿಸಲು ಚೆನ್ನಾಗಿ ಕೆಲಸ ಮಾಡುತ್ತವೆ. ಚರ್ಮದ ಬಣ್ಣವನ್ನು ಸಹ ಸುಧಾರಿಸುತ್ತವೆ. ಕಂಕುಳಲ್ಲಿನ ಕಪ್ಪು ಹೋಗಲಾಡಿಸಲು ಅಲೋವೆರಾ ಜೆಲ್ ಅನ್ನು ಹೇಗೆ ಉಪಯೋಗಿಸಬೇಕೆಂದು ಇಲ್ಲಿ ತಿಳಿಯೋಣ.

ಕಂಕುಳಲ್ಲಿನ ಕಪ್ಪು ಹೋಗಲಾಡಿಸಲು ಅಲೋವೆರಾ ಜೆಲ್ ಜೊತೆ ರೋಸ್ ವಾಟರ್ ಬೆರೆಸಿ ಅದನ್ನು ಕಂಕುಳಲ್ಲಿ ಹಚ್ಚಿ 30 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ನಂತರ ನೀರಿನಿಂದ ತೊಳೆಯಿರಿ. ಇದನ್ನು ನಿರಂತರವಾಗಿ ಮಾಡುತ್ತಾ ಬಂದರೆ ಬೇಗನೆ ಉತ್ತಮ ಫಲಿತಾಂಶ ಸಿಗುತ್ತದೆ.

ನಿಂಬೆಯಲ್ಲಿ ವಿಟಮಿನ್ ಸಿ ಹೆಚ್ಚಾಗಿರುತ್ತದೆ. ಇದು ಚರ್ಮದ ಮೇಲಿನ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಮತ್ತು ಬಣ್ಣವನ್ನು ಸುಧಾರಿಸಲು ಚೆನ್ನಾಗಿ ಉಪಯೋಗವಾಗುತ್ತದೆ. ಅದೇ ರೀತಿ ಅಲೋವೆರಾ ಚರ್ಮವನ್ನು ಮೃದುವಾಗಿ ಮತ್ತು ಹೊಳೆಯುವಂತೆ ಮಾಡುತ್ತದೆ. 2 ಚಮಚ ಅಲೋವೆರಾ ಜೆಲ್ ಜೊತೆ, 1 ಚಮಚ ನಿಂಬೆ ರಸವನ್ನು ಬೆರೆಸಿ ಅದನ್ನು ಕಂಕುಳಲ್ಲಿ ಹಚ್ಚಿ ಸ್ವಲ್ಪ ಹೊತ್ತು ಹಾಗೆಯೇ ಬಿಟ್ಟ ನಂತರ ನೀರಿನಿಂದ ತೊಳೆಯಿರಿ. ಈ ಟಿಪ್ಸ್ ಅನ್ನು ವಾರಕ್ಕೆ 2, 3 ಬಾರಿ ಅನುಸರಿಸಬಹುದು.

ಅಲೋವೆರಾ ಜೆಲ್, ಅರಿಶಿನ:ಅರಿಶಿನದಲ್ಲಿರುವ ಬ್ಯಾಕ್ಟೀರಿಯಾ ನಿರೋಧಕ, ಆಂಟಿ ಆಕ್ಸಿಡೆಂಟ್ ಗುಣಲಕ್ಷಣಗಳು ಚರ್ಮದ ಮೇಲಿನ ಕೊಳೆಯನ್ನು ಸ್ವಚ್ಛಗೊಳಿಸಲು ಮತ್ತು ಚರ್ಮದ ಕಪ್ಪನ್ನು ಹೋಗಲಾಡಿಸಲು ತುಂಬಾ ಉಪಯುಕ್ತವಾಗಿವೆ. 2 ಚಮಚ ಅಲೋವೆರಾ ಜೆಲ್ ಜೊತೆ, ಸ್ವಲ್ಪ ಅರಿಶಿನ ಪುಡಿಯನ್ನು ಬೆರೆಸಿ ಚೆನ್ನಾಗಿ ಮಿಕ್ಸ್ ಮಾಡಿ ಅದನ್ನು ಕಂಕುಳಲ್ಲಿ ಹಚ್ಚಿ 15 ನಿಮಿಷಗಳ ನಂತರ ತೊಳೆಯಿರಿ. ಈ ವಿಧಾನವನ್ನು ವಾರಕ್ಕೆ ಎರಡು ಅಥವಾ ಮೂರು ಬಾರಿ ಉಪಯೋಗಿಸಬಹುದು.

ಅಕ್ಕಿ ಹಿಟ್ಟು ಚರ್ಮವನ್ನು ಎಕ್ಸ್‌ಫೋಲಿಯೇಟ್ ಮಾಡಲು ಸಹಾಯ ಮಾಡುತ್ತದೆ. ಮತ್ತು ಚರ್ಮದ ಮೇಲಿನ ಕೊಳೆ ಮತ್ತು ಕಪ್ಪನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಇದಕ್ಕೆ 2 ಚಮಚ ಅಲೋವೆರಾ ಜೆಲ್ ಜೊತೆ, 2 ಚಮಚ ಅಕ್ಕಿ ಹಿಟ್ಟು ಬೆರೆಸಿ ಕಂಕುಳಲ್ಲಿ ಹಚ್ಚಿ 15 ನಿಮಿಷಗಳ ನಂತರ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ.