ಭಾರತದಲ್ಲಿ ನಡೆದ ಅತ್ಯಂತ ದುಬಾರಿ ಪಾರ್ಟಿಯಿದು. ಪಾರ್ಟಿಗೆ ಆಗಮಿಸುವ ಅತಿಥಿಗಳಿಗೆ ಪ್ರೈವೇಟ್ ಜೆಟ್‌ ಸಿದ್ಧಪಡಿಸಲಾಗಿತ್ತು. ಡೆಕೊರೇಶನ್‌ಗೆ ಥಾಯ್ಲೆಂಡ್‌ನಿಂದ ಹೂವು, ಬೆಳಕಿನ ಪ್ರದರ್ಶನಕ್ಕಾಗಿ ಸಿಂಗಾಪುರದಿಂದ ವಿಶೇಷ ತಂಡ ಬಂದಿತ್ತು. ದೇಶದ ಹೆಸರಾಂತ ಎಲ್ಲಾ ಉದ್ಯಮಿ, ಸೆಲೆಬ್ರಿಟಿಗಳು ಅಲ್ಲಿದ್ದರು. ಇಷ್ಟಕ್ಕೂ ಆ ಬರ್ತ್‌ಡೇ ಪಾರ್ಟಿ ಯಾರದ್ದು, ಖರ್ಚಾಗಿದ್ದೆಷ್ಟು?
ಭಾರತದಲ್ಲಿ ನಡೆದ ಅತ್ಯಂತ ದುಬಾರಿ ಪಾರ್ಟಿಯಿದು. ಪಾರ್ಟಿಗೆ ಆಗಮಿಸುವ ಅತಿಥಿಗಳಿಗೆ ಪ್ರೈವೇಟ್ ಜೆಟ್‌ ಸಿದ್ಧಪಡಿಸಲಾಗಿತ್ತು. ಡೆಕೊರೇಶನ್‌ಗೆ ಥಾಯ್ಲೆಂಡ್‌ನಿಂದ ಹೂವು, ಬೆಳಕಿನ ಪ್ರದರ್ಶನಕ್ಕಾಗಿ ಸಿಂಗಾಪುರದಿಂದ ವಿಶೇಷ ತಂಡ ಬಂದಿತ್ತು. ದೇಶದ ಹೆಸರಾಂತ ಎಲ್ಲಾ ಉದ್ಯಮಿ, ಸೆಲೆಬ್ರಿಟಿಗಳು ಅಲ್ಲಿದ್ದರು. ಅದು ನೀತಾ ಅಂಬಾನಿ ಬರ್ತ್‌ಡೇ ಪಾರ್ಟಿ.
ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಅವರ ಪತ್ನಿ ನೀತಾ ಅಂಬಾನಿ ತಮ್ಮ 50ನೇ ಹುಟ್ಟುಹಬ್ಬವನ್ನು ವೈಭವಯುತವಾಗಿ ಆಚರಿಸಿದ್ದರು. 2013ರಲ್ಲಿ ರಾಜಸ್ಥಾನದ ಜೋಧ್‌ಪುರದ ಉಮೇದ್ ಭವನ ಅರಮನೆಯಲ್ಲಿ ಅದ್ದೂರಿ ಎರಡು ದಿನಗಳ ಹುಟ್ಟುಹಬ್ಬದ ಆಚರಣೆ ನಡೆದಿತ್ತು. ಈ ಬರ್ತ್‌ಡೇ ಪಾರ್ಟಿಯನ್ನು ದೇಶದ ಅತ್ಯಂತ ದುಬಾರಿ ಹುಟ್ಟುಹಬ್ಬದ ಪಾರ್ಟಿ ಎಂದು ಹೇಳಲಾಗ್ತಿದೆ.
ಈ ಪಾರ್ಟಿಗೆ ತಗುಲಿದ ಒಟ್ಟು ವೆಚ್ಚವು USD 30 ಮಿಲಿಯನ್‌ ಆಗಿದೆ. ಅಂದರೆ ಸುಮಾರು 220 ಕೋಟಿ ರೂಪಾಯಿಗಳಿಗೆ ಸಮನಾಗಿರುತ್ತದೆ. ನವೆಂಬರ್ 1, 2013ರಂದು ನಡೆದ ಅತಿರಂಜಿತ ಉತ್ಸವಗಳು, ಸುಮಾರು 250 ಪ್ರಸಿದ್ಧ ಗೆಸ್ಟ್‌ಗಳನ್ನು ಒಳಗೊಂಡಿದ್ದರು. ಅತಿಥಿಗಳು ಬರೋಬ್ಬರಿ 32 ಚಾರ್ಟರ್ಡ್ ಫ್ಲೈಟ್‌ಗಳ ಮೂಲಕ ಸ್ಥಳಕ್ಕೆ ಆಗಮಿಸಿದರು. ಇದರ ವೆಚ್ಚವನ್ನು ರಿಲಯನ್ಸ್ ಗ್ರೂಪ್ ಭರಿಸಿತ್ತು.
ಈ ಆಚರಣೆಯು ನವೆಂಬರ್ 1 ರಂದು ಧನ್ತೇರಸ್ ಪೂಜೆಯೊಂದಿಗೆ ಪ್ರಾರಂಭವಾಯಿತು, ಇದರಲ್ಲಿ ನೀತಾ ಅಂಬಾನಿ ಹೆಸರನ್ನು ಒಳಗೊಂಡ ದೀಪಗಳು ಬೆಳಗಿದವು. ಧೀರೂಭಾಯಿ ಅಂಬಾನಿಯವರ ಮುಖವನ್ನು ರೂಪಿಸುವ ಬೆಳಕಿನ ಪ್ರದರ್ಶನವು ಆಕಾಶವನ್ನು ಅಲಂಕರಿಸಿತು. ಕಾರ್ಯಕ್ರಮಕ್ಕೆ ಆಗಮಿಸಿದ ಪ್ರೇಕ್ಷಕರನ್ನು ಮೋಡಿಮಾಡಿತು. ಈ ಬೆಳಕಿನ ಬೆರಗನ್ನು ಮೂಡಿಸಲು ಸಿಂಗಾಪುರದಿಂದ ವಿಶೇಷವಾದ ತಂಡವೊಂದು ಆಗಮಿಸಿತ್ತು.
ಅತಿಥಿ ಪಟ್ಟಿಯಲ್ಲಿ ಮಿತ್ತಲ್ಸ್, ಮಹೀಂದ್ರಾಗಳು, ಬಿರ್ಲಾಗಳು, ಗೋದ್ರೇಜ್‌ಗಳು, ಶಾರುಖ್ ಖಾನ್, ಅಮೀರ್ ಖಾನ್, ಕರಿಷ್ಮಾ ಕಪೂರ್ ಮತ್ತು ರಾಣಿ ಮುಖರ್ಜಿ ಅವರಂತಹ ಅನೇಕ ವ್ಯಾಪಾರ ಕುಟುಂಬಗಳು ಮತ್ತು ಸೆಲೆಬ್ರಿಟಿಗಳು ಮತ್ತು ಇಡೀ ಮುಂಬೈ ಇಂಡಿಯನ್ಸ್ ಐಪಿಎಲ್ ತಂಡವನ್ನು ಒಳಗೊಂಡಿತ್ತು.
ಕಾರ್ಯಕ್ರಮಕ್ಕಾಗಿ ಹೂವುಗಳನ್ನು ವಿಶೇಷವಾಗಿ ಥೈಲ್ಯಾಂಡ್‌ನಿಂದ ಆರ್ಡರ್ ಮಾಡಲಾಗಿತ್ತು. ಮಕ್ಕಳ ಮನರಂಜನೆಗಾಗಿ ಲಂಡನ್‌ನಿಂದ ಮಕ್ಕಳ ಸ್ನೇಹಿ ಸವಾರಿಗಳನ್ನು ತರಲಾಯಿತು. ಈ ಆಚರಣೆಯಲ್ಲಿ ಸಂಗೀತ ಮಾಂತ್ರಿಕ ಎ.ಆರ್. ರೆಹಮಾನ್, ಪ್ರಿಯಾಂಕಾ ಚೋಪ್ರಾ ಮತ್ತು ನೀತಾ ಅಂಬಾನಿ ಅವರ ಪುತ್ರಿ ಇಶಾ ಅಂಬಾನಿಯವರಿಂದ ವಿಶೇಷ ನೃತ್ಯ ಕಾರ್ಯಕ್ರಮ ನಡೀತು.