Karna Serial: ಆಸ್ಪತ್ರೆ ಸೀಜ್​! ನಿತ್ಯಾಗೆ ಹೊಟ್ಟೆ ಬಂದಿದ್ರೆ ಹೀಗೆ ಆಗ್ತಿರಲಿಲ್ಲ ಎನ್ನೋದಾ ನೆಟ್ಟಿಗರು?

ವಿಲನ್‌ಗಳ ಕುತಂತ್ರದಿಂದ ಕರ್ಣ ಜೈಲು ಸೇರಿದ್ದು, ಆತನ ಆಸ್ಪತ್ರೆ ಸೀಜ್ ಆಗಿದೆ. ಒಂದೆಡೆ ಕರ್ಣನನ್ನು ಉಳಿಸಲು ಬೇರೆ ಸೀರಿಯಲ್​ಗಳ ನಾಯಕಿಯರು ಬರುತ್ತಿದ್ದರೆ, ಮತ್ತೊಂದೆಡೆ ಗರ್ಭಿಣಿ ನಿತ್ಯಾಳಿಗೆ ಇನ್ನೂ ಹೊಟ್ಟೆ ಬಂದಿಲ್ಲವೇಕೆ ಎಂದು ನೆಟ್ಟಿಗರು ಟ್ರೋಲ್ ಮಾಡುತ್ತಿದ್ದಾರೆ.

ವಿಲನ್​ಗಳ ಮೇಲುಗೈ

ಕರ್ಣ ಸೀರಿಯಲ್​ (Karna Serial)ನಲ್ಲಿ ರಮೇಶ್​, ನಯನತಾರಾ, ಸಂಜಯ್​ ಎಲ್ಲರ ಕುತಂತ್ರದಿಂದಾಗಿ ಕರ್ಣ ಜೈಲು ಸೇರಿದ್ದಾರೆ. ಆಸ್ಪತ್ರೆಯಲ್ಲಿ ಎಕ್ಸ್​ಪೈರಿ ಡೇಟ್​ ಇರೋ ಮಾತ್ರೆ ಇಟ್ಟು ಕುತಂತ್ರಿಗಳು ಹೀಗೆ ಮಾಡಿದ್ದಾರೆ.

ಆಸ್ಪತ್ರೆ ಸೀಜ್​

ವಿಲನ್ಸ್​ ಕೈ ಮೇಲಾಗಿದೆ. ಅದೇ ಇನ್ನೊಂದೆಡೆ, ಆಸ್ಪತ್ರೆಯ ಲೈಸೆನ್ಸ್​ ಕಿತ್ತು ಹಾಕಲಾಗಿದ್ದು, ಆಸ್ಪತ್ರೆಯನ್ನು ಸೀಜ್​ ಮಾಡಲಾಗಿದೆ. ನಿತ್ಯಾ ಎಷ್ಟೇ ಬೇಡಿಕೊಂಡರೂ ಅಧಿಕಾರಿಗಳು ತಮಗೆ ಬಂದಿರುವ ಆದೇಶವನ್ನು ಪಾಲಿಸಿ ಹೋಗಿದ್ದಾರೆ.

ನಿತ್ಯಾಳ ಮೇಲೆ ಗೂಬೆ

ಇದೇ ಅವಕಾಶ ಎಂದುಕೊಂಡು ನಯನತಾರಾ, ನಿತ್ಯಾಳಿಗೆ ಬಾಯಿಗೆ ಬಂದ ಹಾಗೆ ಬೈಯುತ್ತಿದ್ದಾಳೆ. ನೀನು ಆಸ್ಪತ್ರೆಗೆ ಬಂದ ಮೇಲೆ ಈ ಘಟನೆ ನಡೆದಿದೆ. ನೀನು ಬರದೇ ಇದ್ದರೆ ಹೀಗೆ ಆಗುತ್ತಿರಲಿಲ್ಲ ಎಂದಿದ್ದಾಳೆ. ಅಲ್ಲಿಗೆ ನಿತ್ಯಾ ಕುಸಿದು ಹೋಗಿದ್ದಾಳೆ.ಅತ್ತೆಯ ಮಾತು ಅವಳಿಗೆ ನೆನಪಿಗೆ ಬಂದಿದೆ. ಈ ಆಸ್ಪತ್ರೆಯ ಮೇಲೆ ಮನೆಯವರು ಇಟ್ಟಿರುವ ವಿಶ್ವಾಸ ನೆನಪಿಸಿಕೊಂಡು ಅವಳು ಕುಗ್ಗಿ ಹೋಗಿದ್ದಾಳೆ.

ಕರ್ಣನ ಕಾಪಾಡಲು ನಾಯಕಿಯರು

ಅತ್ತ ಕರ್ಣನ ಕಾಪಾಡಲು ವಿವಿಧ ಸೀರಿಯಲ್​ಗಳ ನಟಿಯರು ಬಂದಿದ್ದಾರೆ. ಇದಾಗಲೇ ರೋಗಿಗಳ ಜೀವನದಲ್ಲಿ ಚೆಲ್ಲಾಟ ಆಡುವ ಟಿಪ್ಸ್​ ಕೊಟ್ಟ ಸೀರಿಯಲ್​ ವಿರುದ್ಧ ನೆಟ್ಟಿಗರು ಗರಂ ಆಗುತ್ತಿದ್ದಾರೆ..

ಹೊಟ್ಟೆ ಬಂದಿದ್ರೆ...

ಇದೀಗ ಈ ಪ್ರೊಮೋ ಬಿಡುಗಡೆಯಾಗುತ್ತಲೇ, ಗರ್ಭಿಣಿ ನಿತ್ಯಾಳಿಗೆ ಇನ್ನೂ ಯಾಕೆ ಹೊಟ್ಟೆ ಬಂದಿಲ್ಲ ಎಂದು ನೆಟ್ಟಿಗರು ಕಾಲೆಳೆಯುತ್ತಿದ್ದಾರೆ. ಆಕೆಗೆ ಹೊಟ್ಟೆ ಬಂದಿದ್ದರೆ ಈ ಸಮಸ್ಯೆ ಆಗ್ತಿರಲಿಲ್ಲ. ಸುಮ್ಮನೇ ರೆಸ್ಟ್​ ಮಾಡಿಕೊಂಡು ಮನೆಯಲ್ಲಿ ಇರುತ್ತಿದ್ದಳು. ಇದಾಗಲೇ ನಾಲ್ಕೈದು ತಿಂಗಳ ಗರ್ಭಿಣಿ ಆದ್ರೂ ಹೊಟ್ಟೆ ಮಾತ್ರ ಸ್ವಲ್ಪವೂ ಬರಲಿಲ್ಲ ಯಾಕೆ ಎಂದು ಪ್ರಶ್ನಿಸುತ್ತಿದ್ದಾರೆ.

ಮೀಮ್ಸ್​ ಸುರಿಮಳೆ

ಒಟ್ಟಿನಲ್ಲಿ ಸೀರಿಯಲ್​ ಸೀರಿಯಸ್​ ಆಗಿ ಹೋಗುತ್ತಿದ್ದರೆ, ಇತ್ತ ನೆಟ್ಟಿಗರು ಮಾತ್ರ ತಮಾಷೆ ಮಾಡುತ್ತಿದ್ದಾರೆ. ಅದರಲ್ಲಿಯೂ ಕರ್ಣನ ಕಾಪಾಡಲು ಬೇರೆ ಬೇರೆ ಸೀರಿಯಲ್​ಗಳ ನಾಯಕಿಯರು ಬಂದಿರುವ ಬಗ್ಗೆ ಇದಾಗಲೇ ಮೀಮ್ಸ್​ಗಳು ಸುರಿಮಳೆಯೂ ಆಗುತ್ತಿದೆ.