ಗಿಲ್ಲಿ ನಟನ ಹೆಸರಲ್ಲಿ ಮತ್ತೊಂದು ದಾಖಲೆ: Bigg Boss ಇನ್​ಸ್ಟಾಗ್ರಾಮ್​ನಲ್ಲಿಯೂ ಗೆದ್ದು ಬೀಗಿದ ಗಿಲ್ಲಿ

ಬಿಗ್‌ಬಾಸ್‌ ಸ್ಪರ್ಧಿ ಗಿಲ್ಲಿ ನಟ ದಾಖಲೆಯ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ತಮ್ಮ ವೈಯಕ್ತಿಕ ಖಾತೆ ಮಾತ್ರವಲ್ಲದೆ, ಕಲರ್ಸ್ ವಾಹಿನಿಯ ಅಧಿಕೃತ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಇವರು ಕಾಣಿಸಿಕೊಂಡ ಮೂರು ಪ್ರೊಮೋಗಳು 1 ಮಿಲಿಯನ್‌ಗೂ ಅಧಿಕ ಲೈಕ್ಸ್ ಪಡೆದು ಹೊಸ ಇತಿಹಾಸ ಸೃಷ್ಟಿಸಿವೆ.

ದಾಖಲೆ ಮೇಲೆ ದಾಖಲೆ

ಬಿಗ್​ಬಾಸ್​​ ಗಿಲ್ಲಿ ನಟ (Bigg Boss Gilli Nata) ಅಂತೂ ದಾಖಲೆಯ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ನಾಳೆ ನಡೆಯಲಿರುವ ಫಿನಾಲೆಯಲ್ಲಿ ಇವರೇ ವಿನ್​ ಆಗುವುದು ಎಂದು ಬಹುತೇಕ ಮಂದಿ ನುಡಿಯುತ್ತಿದ್ದರೂ, ಯಾರು, ಏನು ಎತ್ತ ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.

ಕೋಟ್ಯಂತರ ಮಂದಿ ಹೃದಯ ಗೆದ್ದವರು

ಬಿಗ್​ಬಾಸ್​​ ಈ ಬಾರಿಯ ಸೀಸನ್​ ಅನ್ನು ಗಿಲ್ಲಿ ನಟ ಗೆಲ್ಲುತ್ತಾರೋ, ಬಿಡುತ್ತಾರೋ ಅದು ಬೇರೆಯ ಮಾತು. ಆದರೆ, ಅವರ ಕ್ರೇಜ್​ ಎಷ್ಟಿದೆ ಎಂದರೆ, ಇದಾಗಲೇ ಅಭಿಮಾನಿಗಳ ಹೃದಯವನ್ನು ಆಳಿಬಿಟ್ಟಿದ್ದಾರೆ. ಬಿಗ್​ಬಾಸ್​ನಿಂದ ಹೊರಕ್ಕೆ ಬಂದ ಮೇಲೆ ಅವರಿಗೆ ಸಾಲು ಸಾಲು ಆಫರ್​ಗಳು ಸಿಗುವುದರಲ್ಲಿಯೂ ಯಾವುದೇ ಸಂದೇಹವಿಲ್ಲ.

ವೈಯಕ್ತಿಕವಾಗಿಯೂ ದಅಖಲೆ

ಇದಾಗಲೇ ತಮ್ಮ ಸೋಷಿಯಲ್​ ಮೀಡಿಯಾ ಖಾತೆಯಲ್ಲಿ ಮಿಲಿಯನ್​ಗಟ್ಟಲೆ ಫಾಲೋವರ್ಸ್​ ಪಡೆದುಕೊಳ್ಳುವ ಮೂಲಕ ದಾಖಲೆ ಬರೆದಿರುವ ಗಿಲ್ಲಿ, ತಮ್ಮ ವೈಯಕ್ತಿಕ ಖಾತೆ ಮಾತ್ರವಲ್ಲದೇ, ಇದೀಗ ಬಿಗ್​ಬಾಸ್​​ನ ಇನ್​ಸ್ಟಾಗ್ರಾಮ್​ ಅರ್ಥಾತ್​ ಕಲರ್ಸ್​ ವಾಹಿನಿಯ ಇನ್​ಸ್ಟಾಗ್ರಾಮ್​ನಲ್ಲಿಯೂ ದಾಖಲೆ ಬರೆದುಬಿಟ್ಟಿದ್ದಾರೆ.

ಗಿಲ್ಲಿ ನಟನ ಪ್ರೊಮೋಗಳು

ಇವರು, ಕಾಣಿಸಿಕೊಂಡಿರುವ ಕಾರಣಕ್ಕೆ, ಮೂರು ಪ್ರೊಮೋಗಳಿಗೆ ಹತ್ತು ಲಕ್ಷ ಅರ್ಥಾತ್​ ಒಂದು ಮಿಲಿಯನ್​ಗೂ ಅಧಿಕ ಲೈಕ್ಸ್​ ಬಂದಿರೋದು ದಾಖಲೆಯೇ ಆಗಿದೆ ಎನ್ನಲಾಗುತ್ತಿದೆ.

ಪ್ರೊಮೋದಲ್ಲಿ ದಾಖಲೆ

ಕಲರ್ಸ್​ ವಾಹಿನಿ ಮತ್ತು ಜಿಯೋಸ್ಟಾರ್​ನಲ್ಲಿ ಬಿಗ್​ಬಾಸ್​​ಗೆ ಸಂಬಂಧಿಸಿದ ಪ್ರೊಮೋಗಳು ಬರುತ್ತಿರುತ್ತವೆ. ಅವುಗಳಲ್ಲಿ ಗಿಲ್ಲಿ ಇರುವ ಹಲವು ಪ್ರೊಮೋಗಳೂ ಬಂದು ಹೋಗಿವೆ. ಆದರೆ ಮೂರು ಪ್ರೊಮೋಗಳಲ್ಲಿ ಒಂದು ಮಿಲಿಯನ್​ಗೂ ಅಧಿಕ ಲೈಕ್ಸ್​ ಬಂದಿರುವುದು ದಾಖಲೆ ಎನ್ನಲಾಗುತ್ತಿದೆ.

10 ಲಕ್ಷಕ್ಕೂ ಅಧಿಕ ಲೈಕ್ಸ್​

ಈ ಹಿಂದೆ ಸುದೀಪ್ ಅವರನ್ನು ಗಿಲ್ಲಿ ಇಮಿಟೇಟ್ ಮಾಡಿದ್ದ ಪ್ರೋಮೊ ಮೊದಲ ಬಾರಿಗೆ 10 ಲಕ್ಷಕ್ಕೂ ಅಧಿಕ ಲೈಕ್ಸ್​ ಪಡೆದುಕೊಂಡಿತ್ತು. ಅದಾದ ಬಳಿಕ, ಫ್ಯಾಮಿಲಿ ರೌಂಡ್‌ನಲ್ಲಿ ಗಿಲ್ಲಿ ತಂದೆ, ತಾಯಿ ಮನೆ ಒಳಗೆ ಹೋಗಿದ್ದರು. ಆಗಲೂ ಇಷ್ಟೇ ಲೈಕ್ಸ್​ ಅದಕ್ಕೆ ಸಂಬಂಧಿಸಿದ ಪ್ರೋಮೊ ಸಹ 1 ಮಿಲಿಯನ್ ಲೈಕ್ಸ್ ಸಾಧಿಸಿತ್ತು. 3ನೆಯದ್ದು ಎಂದರೆ ಈಚೆಗೆ, ಕೆಲ ದಿನಗಳ ಹಿಂದೆ ಸ್ಪರ್ಧಿಗಳಿಗೆ ಅಭಿಮಾನಿಗಳನ್ನು ಭೇಟಿಯಾಗುವ ಅವಕಾಶ ನೀಡಲಾಗಿತ್ತು. ಆ ಸಮಯದಲ್ಲಿ ಗಿಲ್ಲಿ ಭೇಟಿ ಮಾಡಿ ಅಭಿಮಾನಿಗಳ ಜೊತೆ ಮಾತನಾಡಿದ ಒಂದು ಪ್ರೊಮೋಗೆ ಕೆಲವೇ ಗಂಟೆಗಳಲ್ಲಿ 10 ಲಕ್ಷಕ್ಕೂ ಅಧಿಕ ಲೈಕ್ಸ್​ ಬಂದಿವೆ.