Bigg Bossಗೆ ನನ್ನಮ್ಮ ಎಂಟ್ರಿ ಕೊಟ್ಟಾಗ್ಲೇ ಗೆಲ್ಲುವ ಸ್ಪರ್ಧಿ ಬಗ್ಗೆ ರಿವೀಲ್​ ಮಾಡಿಬಿಟ್ಟಿದ್ರು ಎಂದ ಸೂರಜ್​ ಸಿಂಗ್​!

ಬಿಗ್​ಬಾಸ್​ ಮನೆಯಿಂದ ಹೊರಬಂದಿರುವ ಸೂರಜ್​ ಸಿಂಗ್​, ತಮ್ಮ ಆಸೆಯಂತೆ ರಾಶಿಕಾ ಅಥವಾ ಅಶ್ವಿನಿ ಗೆಲ್ಲುವುದಿಲ್ಲ ಎಂದಿದ್ದಾರೆ. ಬದಲಾಗಿ, ಕುಟುಂಬದವರು ಮನೆಗೆ ಬಂದಾಗಲೇ ಈ ಸೀಸನ್​ನ ವಿಜೇತ  ಯಾರು ಎಂಬುದು ತಮಗೆ ಖಚಿತವಾಗಿತ್ತು ಎಂದು ಅಚ್ಚರಿಯ ಹೇಳಿಕೆ ನೀಡಿದ್ದಾರೆ.

ಬಿಗ್​ಬಾಸ್​ ಕ್ರಷ್​

ಬಿಗ್​ಬಾಸ್​​ 12 (Bigg Boss 12)ರ ಸ್ಪರ್ಧಿ, ಬಿಗ್​ಬಾಸ್​ ಕ್ರಷ್​ ಎಂದೇ ಫೇಮಸ್​ ಆಗಿದ್ದ ಸೂರಜ್​ ಸಿಂಗ್​ ಅವರು ಎಲಿಮಿನೇಟ್​ ಆಗಿ ಹೊರಕ್ಕೆ ಬಂದಿದ್ದು, ಇದೀಗ ಹಲವು ವಿಷಯಗಳ ಬಗ್ಗೆ ಮಾತನಾಡುತ್ತಿದ್ದಾರೆ.

ರಾಶಿಕಾ ಜೊತೆ ಬಾಂಡಿಂಗ್​

ರಾಶಿಕಾ ಶೆಟ್ಟಿ ಜೊತೆ ತಮ್ಮ ಬಾಂಡಿಂಗ್​ ಬಗ್ಗೆಯೂ ಇದಾಗಲೇ ಸೂರಜ್​ ಹೇಳಿದ್ದಾರೆ. ತಮ್ಮಿಬ್ಬರನ್ನು ಕೇವಲ ಸ್ನೇಹ ಮಾತ್ರ ಎನ್ನುವುದನ್ನು ಸ್ಪಷ್ಟಪಡಿಸಿದ್ದಾರೆ.

ಇವರು ಗೆಲ್ಲಬೇಕು

ಇದೇ ವೇಳೆ, ರಾಶಿಕಾ ಶೆಟ್ಟಿ ಅಥವಾ ಅಶ್ವಿನಿ ಗೌಡ ಅವರು ಈ ಬಾರಿಗೆ ಬಿಗ್​ಬಾಸ್​ ವಿನ್​ ಆಗಬೇಕು ಎನ್ನುವುದು ತಮ್ಮ ಆಸೆ ಎಂದಿರುವ ಸೂರಜ್​ ಸಿಂಗ್​ (Bigg Boss Suraj Singh) ಅವರು ಆದರೆ ವಿನ್​ ಆಗುವವರು ಮಾತ್ರ ಗಿಲ್ಲಿ ನಟ (Bigg Boss winner Gilli Nata) ಎಂದು ಹೇಳಿದ್ದಾರೆ.

ಅಮ್ಮ ಬಂದಾಗ

ಕಳೆದ ವಾರ ಕುಟುಂಬದವರೆಲ್ಲಾ ಮನೆಗೆ ಬಂದಾಗಲೇ ನನಗೆ ಬಿಗ್​ಬಾಸ್​​ ವಿನ್ನರ್​ ಯಾರು ಎನ್ನುವುದು ತಿಳಿದು ಹೋಯ್ತು. ನನ್ನ ಅಮ್ಮ ಬಂದಾಗಲೂ ನನ್ನನ್ನು ಸಪೋರ್ಟ್​ ಮಾಡುವುದನ್ನು ಬಿಟ್ಟು ಗಿಲ್ಲಿ ಗಿಲ್ಲಿ ಎನ್ನುತ್ತಿದ್ದರು. ಆಗಲೇ ಹೊರಗಡೆ ಗಿಲ್ಲಿ ನಟನ ಬಗ್ಗೆ ಕ್ರೇಜ್​ ಎಷ್ಟು ಇದೆ ಎನ್ನುವುದು ತಿಳಿಯಿತು ಎಂದಿದ್ದಾರೆ ಸೂರಜ್​.

ಎಲ್ಲಾ ಕುಟುಂಬದವರು

ನನ್ನಮ್ಮ ಮಾತ್ರವಲ್ಲದೇ ಬಹುತೇಕ ಸ್ಪರ್ಧಿಗಳ ಕುಟುಂಬದವರು ಮನೆಗೆ ಬಂದಾಗಲೂ ಗಿಲ್ಲಿ ನಟನನ್ನೇ ಮಾತನಾಡಿಸುತ್ತಿದ್ದರು. ಇವೆಲ್ಲಾ ನೋಡಿದ ಕಾರಣದಿಂದ ಈ ಬಾರಿ ಗೆಲ್ಲುವುದು ಅವರೇ ಎನ್ನುವುದು ಕನ್​ಫರ್ಮ್​ ಆಗಿದೆ ಎಂದಿದ್ದಾರೆ.