Amruthadhaare: ಭೂಮಿಕಾಗೆ 2 ಬಾರಿ ಕುಡಿಸಾಯ್ತು- ಈಗ ದೀಪಿಕಾ ಸರದಿ! ಬಾಯಿ ಬಿಡೋ ಟೈಮ್​ ಬಂದಾಯ್ತು

ಅಮೃತಧಾರೆ ಧಾರಾವಾಹಿಯಲ್ಲಿ ಭೂಮಿಕಾಳಾಗಿ ದೀಪಿಕಾ ನಟಿಸುತ್ತಿದ್ದು, ಶಕುಂತಲಾ ಎಲ್ಲವನ್ನೂ ನಿಭಾಯಿಸುತ್ತಿದ್ದಾಳೆ. ಆದರೆ ಅನುಮಾನಗೊಂಡಿರುವ ಗೌತಮ್, ಸತ್ಯ ತಿಳಿಯಲು ಆಕೆಗೆ ಮದ್ಯ ಕುಡಿಸುವ ಕೊನೆಯ ಅಸ್ತ್ರ ಪ್ರಯೋಗಿಸಲು ಮುಂದಾಗಿದ್ದಾನೆ. ಇದರಿಂದ ಧಾರಾವಾಹಿ ಮುಕ್ತಾಯವಾಗಲಿದೆಯೇ ಎಂಬ ಕುತೂಹಲ ಮೂಡಿದೆ.

ಭೂಮಿಕಾ ಡ್ರಿಂಕ್ಸ್​

ಅಮೃತಧಾರೆ ಸೀರಿಯಲ್​ (Amruthadhaare Serial)ನಲ್ಲಿ ಇದಾಗಲೇ ಎರಡು ಬಾರಿ ಭೂಮಿಕಾಗೆ ಮದ್ಯ ಕುಡಿಸಿ ಆಗಿದೆ. ಗೌತಮ್​ ಮತ್ತು ಭೂಮಿಕಾರ ಪ್ರೇಮ ನಿವೇದನೆಗಾಗಿ ಈ ರೀತಿ ಟ್ರಿಕ್ಸ್​ ಸೀರಿಯಲ್​ನಲ್ಲಿ ಬಳಲಾಗಿದೆ. ಅಷ್ಟಕ್ಕೂ ಅಮೃತಧಾರೆ ಸೀರಿಯಲ್​​ ಮಾತ್ರವಲ್ಲ, ಇದಾಗಲೇ ಹಲವಾರು ಸೀರಿಯಲ್​ಗಳಲ್ಲಿ ಇದೇ ರೀತಿ ನಾಯಕಿಯರಿಗೆ ಮದ್ಯ ಸೇವನೆ ಮಾಡಿಸಿಯಾಗಿದೆ.

ಮ್ಯಾನೇಜ್​ ಮಾಡ್ತಿರೋ ಶಕುಂತಲಾ

ಈಗ ದೀಪಿಕಾ ಸರದಿ. ಏಕೆಂದರೆ, ಭೂಮಿಕಾ ಆಗಿ ದೀಪಿಕಾ ಎಂಟ್ರಿಕೊಟ್ಟಿದ್ದಾಳೆ. ಆದರೆ ಮನೆಯಲ್ಲಿ ಯಾರಿಗೂ ಇದರ ಬಗ್ಗೆ ಡೌಟ್​ ಬಂದಿಲ್ಲ. ಏಕೆಂದರೆ ಶಕುಂತಲಾ ಎಲ್ಲಾ ಮ್ಯಾನೇಜ್​ ಮಾಡುತ್ತಿದ್ದಾಳೆ. ಆ್ಯಕ್ಸಿಡೆಂಟ್​ ಆಗಿ ತಲೆಗೆ ಪೆಟ್ಟು ಬಿದ್ದಿರುವ ಹಿನ್ನೆಲೆಯಲ್ಲಿ, ಭೂಮಿಕಾ ವಿಚಿತ್ರವಾಗಿ ವರ್ತಿಸುತ್ತಿದ್ದಾಳೆ ಎಂದು ಹೇಳಿಯಾಗಿದೆ.

ಗೌತಮ್​ಗೆ ಏನೋ ಡೌಟ್​

ಆದರೆ, ಗೌತಮ್​ಗೆ ಏನೋ ಡೌಟ್​ ಶುರುವಾಗಿದೆ. ಆದರೆ ಆಕೆ ಭೂಮಿಕಾ ಅಲ್ಲ ಅನ್ನುವ ಸತ್ಯ ಮಾತ್ರ ಗೊತ್ತಾಗ್ತಿಲ್ಲ. ಆದ್ದರಿಂದ ಹೇಗಾದರೂ ಮಾಡಿ ಈ ಭೂಮಿಕಾಗೆ ಹಿಂದಿನದ್ದನ್ನೆಲ್ಲಾ ನೆನಪು ಮಾಡಿಸಬೇಕು ಎಂದುಕೊಂಡಿದ್ದಾನೆ.

ಜೀವಾ ಸಾಥ್​

ಅದಕ್ಕೆ ಜೀವಾ ಸಾಥ್​ ಕೊಟ್ಟಿದ್ದಾನೆ. ಹೀಗೆ ಮಾಡಬೇಕು ಎಂದರೆ ಭೂಮಿಕಾಗೆ ಡ್ರಿಂಕ್ಸ್​ನಲ್ಲಿ ಏನಾದ್ರೂ ಮಿಕ್ಸ್​ ಮಾಡಿ ಕೊಡಬೇಕು ಎನ್ನೋದು ಪ್ಲ್ಯಾನ್​.

ಕೊನೆಯ ಅಸ್ತ್ರ

ಸದ್ಯ ಇದು ಬೇಡ ಎಂದಿದ್ದಾನೆ ಗೌತಮ್​. ಆದರೆ ಭೂಮಿಕಾಗೆ ಏನೂ ನೆನಪು ಬರದೇ ಹೋದರೆ, ಕೊನೆಯ ಅಸ್ತ್ರವಾಗಿ ಅದನ್ನೇ ಮಾಡೋಣ ಅಂದಿದ್ದಾನೆ.

ಸೀರಿಯಲ್​ ಮುಕ್ತಾಯ?

ಅಲ್ಲಿಗೆ ಈಗ ದೀಪಿಕಾಗೂ ಡ್ರಿಂಕ್ಸ್ ಕುಡಿಸೋ ಟೈಮ್​ ಬಂದಾಯ್ತು. ಅಲ್ಲಿಗೆ ಅವಳು ಎಲ್ಲಾ ಸತ್ಯವನ್ನೂ ಹೊರಕ್ಕೆ ಹಾಕುವ ಟೈಮೂ ಬಂದಾಯ್ತು ಎಂದಾಯ್ತು. ಇಷ್ಟಾದರೆ ಅಲ್ಲಿಗೆ ಸೀರಿಯಲ್​ ಮುಕ್ತಾಯವಾದಂತೆ!