ವಿಶ್ವದ ಟಾಪ್ 10 ಅತ್ಯಂತ ಚಿಕ್ಕ ದೇಶ

ಪ್ರಪಂಚದ ಅತಿ ಚಿಕ್ಕ ದೇಶಗಳ ಬಗ್ಗೆ ತಿಳಿದುಕೊಳ್ಳಿ. ವ್ಯಾಟಿಕನ್ ಸಿಟಿಯಿಂದ ಮಾಲ್ಟಾ ವರೆಗೆ, ವಿಶಿಷ್ಟ ಇತಿಹಾಸ, ಸಂಸ್ಕೃತಿ ಮತ್ತು ನೈಸರ್ಗಿಕ ಸೌಂದರ್ಯವನ್ನು ಹೊಂದಿರುವ ಈ ದೇಶಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಸಲಾಗಿದೆ.

ವ್ಯಾಟಿಕನ್ ಸಿಟಿ

ವ್ಯಾಟಿಕನ್ ಸಿಟಿ - (ವಿಸ್ತೀರ್ಣ: 0.44 ಚ.ಕಿ.ಮೀ)

ರೋಮ್‌ನ ಮಧ್ಯಭಾಗದಲ್ಲಿರುವ ವ್ಯಾಟಿಕನ್ ಸಿಟಿ ವಿಶ್ವದ ಅತ್ಯಂತ ಚಿಕ್ಕ ದೇಶವಾಗಿದೆ. ಇದು ರೋಮನ್ ಕ್ಯಾಥೋಲಿಕ್ ಚರ್ಚಿನ ಆಧ್ಯಾತ್ಮಿಕ ಮತ್ತು ಆಡಳಿತ ಕೇಂದ್ರವಾಗಿದೆ. ಸೇಂಟ್ ಪೀಟರ್ಸ್ ಬೆಸಿಲಿಕಾ ಮತ್ತು ಸಿಸ್ಟೀನ್ ಚಾಪೆಲ್‌ನಂತಹ ಅದ್ಭುತ ಕಟ್ಟಡಗಳಿಗೆ ಹೆಸರುವಾಸಿಯಾಗಿದೆ.

ಮೊನಾಕೊ

ಮೊನಾಕೊ - (ವಿಸ್ತೀರ್ಣ: 1.95 ಚ.ಕಿ.ಮೀ)

ಫ್ರೆಂಚ್ ರಿವೇರಿಯಾದಲ್ಲಿರುವ ಮೊನಾಕೊ ಚಿಕ್ಕದಾಗಿದ್ದರೂ, ಕ್ಯಾಸಿನೊಗಳು, ಗ್ರ್ಯಾಂಡ್ ಪ್ರಿಕ್ಸ್ ಮತ್ತು ಮೆಡಿಟರೇನಿಯನ್ ಕರಾವಳಿಯೊಂದಿಗೆ ಶ್ರೀಮಂತರಿಗೆ ಮತ್ತು ಪ್ರಸಿದ್ಧರಿಗೆ ಆಕರ್ಷಕ ತಾಣವಾಗಿದೆ.

ನೌರು

ನೌರು - (ವಿಸ್ತೀರ್ಣ: 21 ಚ.ಕಿ.ಮೀ)

ಮಧ್ಯ ಪೆಸಿಫಿಕ್ ಸಾಗರದಲ್ಲಿರುವ ನೌರು ದ್ವೀಪ ರಾಷ್ಟ್ರ. ಉಷ್ಣವಲಯದ ಪ್ರಕೃತಿ, ಸಮುದ್ರ ಜೀವವೈವಿಧ್ಯ, ಹವಳದ ದಿಬ್ಬಗಳು ಮತ್ತು ತಾಳೆ ಮರಗಳಿಂದ ಕೂಡಿದ ಕಡಲತೀರಗಳಿಗೆ ಹೆಸರುವಾಸಿ.

ಟುವಾಲು

ಟುವಾಲು - (ವಿಸ್ತೀರ್ಣ: 26 ಚ.ಕಿ.ಮೀ)

ಒಂಬತ್ತು ದ್ವೀಪಗಳ ಸಮೂಹವಾದ ಟುವಾಲು. ಸುಂದರ ಕಡಲತೀರಗಳು, ಸ್ವಚ್ಛ ನೀರು ಮತ್ತು ಸಮುದ್ರ ಜೀವಿಗಳಿಂದ ತುಂಬಿರುವ ಈ ದಕ್ಷಿಣ ಪೆಸಿಫಿಕ್ ದೇಶ ಪ್ರವಾಸಿಗರನ್ನು ಆಕರ್ಷಿಸುತ್ತದೆ.

ಸ್ಯಾನ್ ಮರಿನೋ

ಸ್ಯಾನ್ ಮರಿನೋ - (ವಿಸ್ತೀರ್ಣ: 61 ಚ.ಕಿ.ಮೀ)

ಅಪೆನ್ನೈನ್ ಪರ್ವತಗಳಿಂದ ಕೂಡಿದ ಸ್ಯಾನ್ ಮರಿನೋ ವಿಶ್ವದ ಅತ್ಯಂತ ಹಳೆಯ ದೇಶಗಳಲ್ಲಿ ಒಂದಾಗಿದೆ. ಇಟಲಿಯಿಂದ ಸುತ್ತುವರಿದ ಈ ದೇಶವು ಶ್ರೀಮಂತ ಸಾಂಸ್ಕೃತಿಕ ಪರಂಪರೆಗೆ ಹೆಸರುವಾಸಿಯಾಗಿದೆ.

ಲಿಚ್ಟೆನ್‌ಸ್ಟೈನ್

ಲಿಚ್ಟೆನ್‌ಸ್ಟೈನ್ - (ವಿಸ್ತೀರ್ಣ: 160 ಚ.ಕಿ.ಮೀ)

ಸ್ವಿಟ್ಜರ್‌ಲ್ಯಾಂಡ್ ಮತ್ತು ಆಸ್ಟ್ರಿಯಾ ನಡುವೆ ಇರುವ ಲಿಚ್ಟೆನ್‌ಸ್ಟೈನ್ ಆಲ್ಪೈನ್ ಪ್ರಕೃತಿ ದೃಶ್ಯಗಳು ಮತ್ತು ಕಡಿಮೆ ತೆರಿಗೆ ದರಗಳಿಗೆ ಹೆಸರುವಾಸಿ. ಜನರ ಜೀವನ ಮಟ್ಟ ತುಂಬಾ ಉತ್ತಮವಾಗಿದೆ.

ಮಾರ್ಷಲ್ ದ್ವೀಪಗಳು

ಮಾರ್ಷಲ್ ದ್ವೀಪಗಳು - (ವಿಸ್ತೀರ್ಣ: 181 ಚ.ಕಿ.ಮೀ)

ಪೆಸಿಫಿಕ್ ಸಾಗರದಲ್ಲಿ ಹರಡಿರುವ ಮಾರ್ಷಲ್ ದ್ವೀಪಗಳು ತಾಳೆ ಮರಗಳಿಂದ ಕೂಡಿದ ಕಡಲತೀರಗಳು ಮತ್ತು ಎರಡನೇ ಮಹಾಯುದ್ಧದ ಸ್ಮಾರಕಗಳಿಗೆ ಹೆಸರುವಾಸಿ. ಸಾಂಪ್ರದಾಯಿಕ ಮೈಕ್ರೋನೇಷಿಯನ್ ಜೀವನವನ್ನು ಇಲ್ಲಿ ಕಾಣಬಹುದು.

ಸೇಂಟ್ ಕಿಟ್ಸ್ & ನೆವಿಸ್

ಸೇಂಟ್ ಕಿಟ್ಸ್ & ನೆವಿಸ್ - (ವಿಸ್ತೀರ್ಣ: 261 ಚ.ಕಿ.ಮೀ)

ಕ್ಯಾರಿಬಿಯನ್‌ನಲ್ಲಿರುವ ಈ ದ್ವೀಪ ರಾಷ್ಟ್ರ ಹಸಿರು ಕಾಡುಗಳು ಮತ್ತು ಬಿಳಿ ಮರಳಿನ ಕಡಲತೀರಗಳಿಗೆ ಹೆಸರುವಾಸಿ. ಆಫ್ರಿಕನ್, ಬ್ರಿಟಿಷ್ ಮತ್ತು ಕೆರಿಬಿಯನ್ ಸಂಸ್ಕೃತಿಗಳ ಮಿಶ್ರಣವಾಗಿದೆ.

ಮಾಲ್ಡೀವ್ಸ್

ಮಾಲ್ಡೀವ್ಸ್ - (ವಿಸ್ತೀರ್ಣ: 298 ಚ.ಕಿ.ಮೀ)

ಹಿಂದೂ ಮಹಾಸಾಗರದಲ್ಲಿರುವ ಮಾಲ್ಡೀವ್ಸ್ 1000 ಹವಳದ ದಿಬ್ಬಗಳಿಂದ ಕೂಡಿದ ದ್ವೀಪ ರಾಷ್ಟ್ರ. ನೀರೊಳಗಿನ ಬಂಗಲೆಗಳು ಮತ್ತು ವರ್ಣರಂಜಿತ ಹವಳದ ದಿಬ್ಬಗಳು ಪ್ರವಾಸಿಗರನ್ನು, ವಿಶೇಷವಾಗಿ ನವವಿವಾಹಿತರನ್ನು ಆಕರ್ಷಿಸುತ್ತವೆ.

ಮಾಲ್ಟಾ

ಮಾಲ್ಟಾ - (ವಿಸ್ತೀರ್ಣ: 316 ಚ.ಕಿ.ಮೀ)

ಮೆಡಿಟರೇನಿಯನ್ ಸಮುದ್ರದಲ್ಲಿರುವ ಮಾಲ್ಟಾ ಸಾವಿರಾರು ವರ್ಷಗಳ ಇತಿಹಾಸ ಹೊಂದಿರುವ ದ್ವೀಪ ಸಮೂಹ. ಪ್ರಾಚೀನ ದೇವಾಲಯಗಳು, ಕೋಟೆಗಳು, ಅರಮನೆಗಳು ಮತ್ತು ನೀಲಿ ಗುಹೆಗಳು ಇಲ್ಲಿನ ವಿಶೇಷತೆಗಳು.