ಜೋಧಪುರಕ್ಕೆ ನೀವು ಯಾವತ್ತಾದ್ರೂ ಹೋಗಿದ್ದೀರಾ? ಅಥವಾ ಅಲ್ಲಿನ ಫೋಟೋಗಳನ್ನು ನೋಡಿದ್ದೀರಾ? ಅಲ್ಲಿ ಎಲ್ಲಾ ಮನೆಗಳಿಗೆ ನೀಲಿ ಬಣ್ಣವನ್ನು ಬಳಿದಿರುತ್ತಾರೆ. ಆದ್ರೆ ಯಾಕೆ ಅಲ್ಲಿನ ಎಲ್ಲಾ ಮನೆಗಳ ಬಣ್ಣ ನೀಲಿಯಾಗಿದೆ ಅನ್ನೋದು ಗೊತ್ತಾ?.
ರಾಜಸ್ಥಾನದಲ್ಲಿ ಕೆಲವು ನಗರಗಳಿವೆ, ಇದನ್ನು ಅನೇಕ ಜನರು ಅಡ್ಡಹೆಸರಿನಿಂದಲೂ ಕರೆಯುತ್ತಾರೆ. ಉದಾಹರಣೆಗೆ, ಜೈಪುರವನ್ನು ಪಿಂಕ್ ಸಿಟಿ, ಜೈಸಲ್ಮೇರ್ ಅನ್ನು ಚಿನ್ನದ ನಗರ ಮತ್ತು (Pink city) ಉದಯಪುರವನ್ನು ಬಿಳಿ ನಗರ ಎಂದು ಕರೆಯಲಾಗುತ್ತದೆ.
ಆದರೆ ಜೈಪುರ, ಉದಯಪುರ ಮತ್ತು ಜೈಸಲ್ಮೇರ್ ಹೊರತುಪಡಿಸಿ, ರಾಜಸ್ಥಾನದಲ್ಲಿ ಒಂದು ನಗರವಿದೆ, ಇದನ್ನು ಅನೇಕರು 'ಬ್ಲೂ ಸಿಟಿ' (blue city)ಎಂದೂ ಕರೆಯುತ್ತಾರೆ. ಹೌದು, ಜೋಧಪುರದ ಬಗ್ಗೆ ಮಾತನಾಡುತ್ತಿದ್ದೇವೆ. ಜೋಧಪುರದಲ್ಲಿ ಹೆಚ್ಚಿನ ಮನೆಗಳಿಗೆ ನೀಲಿ ಬಣ್ಣವನ್ನು ಬಳಿಯುತ್ತಾರೆ. ಹಾಗಾಗಿ ಈ ನಗರ ಪೂರ್ತಿಯಾಗಿ ನೀಲಿ ಬಣ್ಣದಿಂದ ಕಂಗೊಳಿಸುತ್ತೆ.
ಯಾಕಪ್ಪಾ ಇಲ್ಲಿನ ಮನೆಗಳಿಗೆ ನೀಲಿ ಬಣ್ಣ ಬಳಿಯುತ್ತಾರೆ ಎಂದು ನೀವೂ ಯೋಚನೆ ಮಾಡಿರಬಹುದು ಅಲ್ವಾ? ಜೋಧಪುರದ (Jodhpur) ಎಲ್ಲಾ ಮನೆಗಳಿಗೆ ನೀಲಿ ಬಣ್ಣವನ್ನು ಏಕೆ ಬಳಿಯಲಾಗಿದೆ ಅನ್ನೋದರ ಬಗ್ಗೆ ಪೂರ್ತಿಯಾಗಿ ಮಾಹಿತಿ ತಿಳಿಯಲು ಇದನ್ನ ಓದಿ..
ಮನೆಗಳಿಗೆ ನೀಲಿ ಬಣ್ಣ ಬಳಿಯಲು ಕಾರಣಗಳು
ನೀಲಿ ನಗರವಾದ ಜೋಧಪುರ ರಾಜಸ್ಥಾನದ (Rajasthan) ಒಂದು ಸುಂದರ ನಗರವಾಗಿದೆ. ಈ ಸುಂದರವಾದ ಸ್ಥಳವನ್ನು ರಾವ್ ಜೋಧಾ ನಿರ್ಮಿಸಿದರು. ಮಧ್ಯಯುಗದಲ್ಲಿ ಈ ಸುಂದರವಾದ ನಗರವನ್ನು ಬಹಳ ಹಿಂದೆಯೇ ಮಾರ್ವಾರ್ ಎಂದೂ ಕರೆಯಲಾಗುತ್ತಿತ್ತು ಎಂದು ಹೇಳಲಾಗುತ್ತದೆ.
ಬ್ಲೂ ಸಿಟಿ ಎಂದು ಕರೆಯಲ್ಪಡುವ ಹಿಂದಿನ ಮೊದಲ ಕಾರಣವೆಂದರೆ ಈ ನಗರದ ಅನೇಕ ಮನೆಗಳು ಮತ್ತು ಅರಮನೆಗಳು ನೀಲಿ ಬಣ್ಣದ ಕಲ್ಲುಗಳನ್ನು ಹೊಂದಿವೆ, ಈ ಕಾರಣದಿಂದಾಗಿ ಇದನ್ನು ನೀಲಿ ನಗರ ಎಂದು ಕರೆಯಲಾಗುತ್ತದೆ. ಈಗಲೂ ನೀವು ಎಲ್ಲೆಡೆ ಮನೆಗಳನ್ನು ನೀಲಿ ಬಣ್ಣದಲ್ಲಿ ಕಾಣಬಹುದು.
ಇದು ಶಿವನಿಗೆ ಸಂಬಂಧಿಸಿದೆ ಎನ್ನಲಾಗುತ್ತೆ
ಜೋಧಪುರದಲ್ಲಿರುವ ಎಲ್ಲಾ ನೀಲಿ ಬಣ್ಣದ ಮನೆಗಳು ಸಹ ಶಿವನಿಗೆ ಸಂಬಂಧಿಸಿವೆ ಎಂದು ಜನರು ನಂಬುತ್ತಾರೆ. ಸಮುದ್ರ ಮಂಥನದ ಸಮಯದಲ್ಲಿ ಭಗವಾನ್ ಶಂಕರರು ವಿಷವನ್ನು ಕುಡಿದಾಗ, ಅವರ ದೇಹವು ನೀಲಿ ಬಣ್ಣಕ್ಕೆ ತಿರುಗಿತು ಎನ್ನಲಾಗುತ್ತೆ. ಈ ಕಾರಣಕ್ಕಾಗಿ, ಜೋಧಪುರ ಸ್ಥಳೀಯರು ತಮ್ಮ ಮನೆಗಳಿಗೆ ನೀಲಿ ಬಣ್ಣ ಬಳಿಯುತ್ತಾರೆ.
ಶಾಖದಿಂದ ದೂರವಿರಲು
ರಾಜಸ್ಥಾನದ ಬಹುತೇಕ ಪ್ರತಿಯೊಂದು ನಗರವು ಹೆಚ್ಚು ಶಾಖವನ್ನು ಅನುಭವಿಸುತ್ತದೆ. ಅನೇಕ ನಗರಗಳಲ್ಲಿ, ತಾಪಮಾನವು ಸುಮಾರು 40 ಡಿಗ್ರಿಗಳನ್ನು (40 degree tempreture) ಮೀರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಬೇಸಿಗೆಯಲ್ಲಿ ಮನೆಗಳನ್ನು ತಂಪಾಗಿಡಲು ನೀಲಿ ಬಣ್ಣವು ಸಹಾಯ ಮಾಡುತ್ತದೆ ಎಂದು ನಂಬಲಾಗಿದೆ. ಇದಲ್ಲದೆ, ನೀಲಿ ಬಣ್ಣವು ಸೂರ್ಯನ ಕಿರಣಗಳನ್ನು ನಿರ್ಬಂಧಿಸುತ್ತದೆ ಎನ್ನಲಾಗುತ್ತೆ. ಈ ಕಾರಣಕ್ಕಾಗಿ, ಎಲ್ಲಾ ಮನೆಗಳಿಗೆ ನೀಲಿ ಬಣ್ಣ ಬಳಿಯಲಾಗುತ್ತದೆ.
ಸುಂದರ ನೋಟ
ಜೋಧಪುರದ ಮೆಹ್ರಾನ್ಗಡ್ ವಿಶ್ವಪ್ರಸಿದ್ಧ ಕೋಟೆಯಾಗಿದೆ. ಕೋಟೆಯ ಮೇಲಿನ ಭಾಗದಿಂದ ಬಣ್ಣ ಹಚ್ಚಿದ ಮನೆಗಳನ್ನು ನೀಲಿ ಬಣ್ಣದಲ್ಲಿ ನೋಡಿದಾಗ, ಬಹಳ ಸುಂದರವಾದ ನೋಟವನ್ನು ಕಾಣಬಹುದು. ಆದ್ದರಿಂದ, ಪ್ರವಾಸಿಗರು ಜೋಧಪುರಕ್ಕೆ ಭೇಟಿ ನೀಡಲು ಹೋದಾಗಲೆಲ್ಲಾ, ಅವರು ಖಂಡಿತವಾಗಿಯೂ ಮೆಹ್ರಾನ್ಗಢ ಕೋಟೆಯಿಂದ ಜೋಧಪುರದ ಸುಂದರ ನೋಟವನ್ನು ನೋಡಲು ಬರುತ್ತಾರೆ.