ರಾಜ್ಯದಲ್ಲಿ ಹಲವಾರು ದೇವಸ್ಥಾನಗಳಿವೆ. ಪುರಾತನ ದೇವಾಲಯಗಳು ತಮ್ಮದೇ ಆದ ಇತಿಹಾಸವನ್ನು ಹೊಂದಿದ್ದು, ಇಲ್ಲಿಗೆ ಪ್ರತಿನಿತ್ಯ ಸಾವಿರಾರು ಮಂದಿ ಭೇಟಿ ನೀಡುತ್ತಾರೆ. ಆದ್ರೆ ಬೆಂಗಳೂರಿನ ಮಂದಿ ಅತಿ ಹೆಚ್ಚು ಭೇಟಿ ಮಾಡೋ ದೇವಸ್ಥಾನಗಳು ಯಾವುವು ನಿಮಗೆ ಗೊತ್ತಿದ್ಯಾ?
ದೊಡ್ಡ ಬಸವಣ್ಣನ ದೇವಸ್ಥಾನ
ಇದು ಬೆಂಗಳೂರಿನ ಹಳೆಯ ದೇವಾಲಯಗಳಲ್ಲಿ ಒಂದಾಗಿದೆ. ಹೆಸರೇ ಸೂಚಿಸುವಂತೆ ಇದು ಶಿವನ ವಾಹನ ನಂದಿಗೆ ಸಮರ್ಪಿತವಾಗಿದೆ. ಗ್ರಾನೈಟ್ ಏಕಶಿಲೆಯಿಂದ ಕೆತ್ತಿದ ನಂದಿಯ ಬೃಹತ್ ಪ್ರತಿಮೆ ಇಲ್ಲಿನ ಪ್ರಮುಖ ಆಕರ್ಷಣೆಯಾಗಿದೆ. ಈ ದೇವಾಲಯಕ್ಕೆ ಪ್ರತಿದಿನ ನೂರಾರು ಮಂದಿ ಭೇಟಿ ನೀಡುತ್ತಾರೆ.
ಗವಿ ಗಂಗಾಧರೇಶ್ವರ ದೇವಸ್ಥಾನ
ಗವಿ ಗಂಗಾದರೇಶ್ವರ ದೇವಾಲಯವು 9ನೇ ಶತಮಾನದಲ್ಲಿ ನಿರ್ಮಿಸಲಾದ ಗುಹೆ ದೇವಾಲಯವಾಗಿದೆ. ಈ ದೇವಾಲಯವನ್ನು ವಾಸ್ತವವಾಗಿ ಒಂದೇ ಬಂಡೆಯಿಂದ ನಿರ್ಮಿಸಲಾಗಿದೆ ಎಂದು ಪುರಾಣ ಹೇಳುತ್ತದೆ. ಈ ದೇವಾಲಯವು ಎರಡು ತಲೆ ಮತ್ತು ಮೂರು ಕಾಲುಗಳನ್ನು ಹೊಂದಿರುವ ಅಗ್ನಿ ದೇವರ ಅಪರೂಪದ ವಿಗ್ರಹವನ್ನು ಹೊಂದಿದೆ.
ಆದಿಯೋಗಿ, ಚಿಕ್ಕಬಳ್ಳಾಪುರ
ಇತ್ತೀಚಿಗೆ ಬೆಂಗಳೂರಿಗರು ಅತೀ ಹೆಚ್ಚು ಭೇಟಿ ನೀಡುವ ಜಾಗಗಳಲ್ಲೊಂದು ಚಿಕ್ಕಬಳ್ಳಾಪುರದ ಆದಿಯೋಗಿ. ಇದು ಇಶಾ ಫೌಂಡೇಶನ್‌ನ ಹೊಸ ಕೇಂದ್ರವಾಗಿದ್ದು,112 ಅಡಿ ಆದಿಯೋಗಿ ಪ್ರತಿಮೆಯನ್ನು ಉಕ್ಕಿನಿಂದ ಮಾಡಲಾಗಿದೆ. ಇದು ಸುಮಾರು 500 ಟನ್ ತೂಕ, 34 ಮೀಟರ್ ಎತ್ತರವಿದೆ. 45 ಮೀಟರ್ ಉದ್ದ ಮತ್ತು 25 ಮೀಟರ್ ಅಗಲವಿದೆ. ಗಿನ್ನೆಸ್ ವಿಶ್ವ ದಾಖಲೆಗಳ ಪ್ರಕಾರ ಇದು ವಿಶ್ವದ ಅತಿದೊಡ್ಡ ಶಿಲ್ಪವಾಗಿದೆ.
ಬನಶಂಕರಿ ದೇವಸ್ಥಾನ
ಬೆಂಗಳೂರಿನಲ್ಲಿರುವ ಪ್ರಸಿದ್ಧ ದೇವಾಲಯಗಳಲ್ಲಿ ಒಂದಾದ ಬನಶಂಕರಿ ದೇವಸ್ಥಾನವು ಬನಶಂಕರಿ ಅಮ್ಮನಿಗೆ ಸಮರ್ಪಿತವಾಗಿದೆ. ಬನಶಂಕರಿ ಅಮ್ಮನ ಭಕ್ತರು ರಾಹುಕಾಲದಲ್ಲಿ ವಿಶೇಷ ಪ್ರಾರ್ಥನೆಗಳನ್ನು ಮಾಡುತ್ತಾರೆ. 1915ರಲ್ಲಿ. ಸೋಮಣ್ಣ ಶೆಟ್ಟಿ ಎಂಬುವವರು ಬನಶಂಕರಮ್ಮನವರ ವಿಗ್ರಹವನ್ನು ಬಿಜಾಪುರಜಿಲ್ಲೆಯ ಬಾದಾಮಿಯಿಂದ ತೆಗೆದುಕೊಂಡು ಬಂದು ಬೆಂಗಳೂರಿನ 'ಬನಶಂಕರಿ ದೇವಾಲಯ'ದಲ್ಲಿ ಸ್ಥಾಪಿಸಿದರು ಎಂದು ಹೇಳುತ್ತಾರೆ.
ಇಸ್ಕಾನ್ ಟೆಂಪಲ್
ವಿಶ್ವದ ಅತಿದೊಡ್ಡ ಕೃಷ್ಣ-ಹಿಂದೂ ದೇವಾಲಯಗಳಲ್ಲಿ ಒಂದಾಗಿದೆ. ಇದು ಭಾರತದ ಕರ್ನಾಟಕ ರಾಜ್ಯದಲ್ಲಿ ಬೆಂಗಳೂರಿನಲ್ಲಿ ನೆಲೆಗೊಂಡಿದೆ . ಈ ದೇವಾಲಯವು ಹಿಂದೂ ದೇವತೆಗಳಾದ ರಾಧಾ ಕೃಷ್ಣನಿಗೆ ಸಮರ್ಪಿತವಾಗಿದೆ. ದೇವಾಲಯವು ಬೆಳಿಗ್ಗೆ 4:30 ರಿಂದ 5:00 ರವರೆಗೆ ತೆರೆದಿರುತ್ತದೆ.
ಶಿವೋಹಂ ಶಿವ ದೇವಸ್ಥಾನ
ಶಿವೋಹಂ ಶಿವ ದೇವಾಲಯವು ಭಾರತದ ಬೆಂಗಳೂರಿನ ಹಳೆಯ ವಿಮಾನ ನಿಲ್ದಾಣ ರಸ್ತೆಯಲ್ಲಿ ನೆಲೆಗೊಂಡಿರುವ ದೇವಾಲಯವಾಗಿದ್ದು , ಹಿಂದೂ ದೇವತೆಯಾದ ಶಿವನಿಗೆ ಸಮರ್ಪಿತವಾಗಿದೆ. 1995ರಲ್ಲಿ ನಿರ್ಮಿಸಲಾದ ಇದು 65 ಅಡಿ (20 ಮೀ) ಶಿವನ ಪ್ರತಿಮೆಯನ್ನು ಹೊಂದಿದೆ . ಮಹಾ ಶಿವರಾತ್ರಿಯ ಸಂದರ್ಭದಲ್ಲಿ 100,000 ಮತ್ತು 150,000 ನಡುವೆ ಸೇರಿದಂತೆ ಪ್ರತಿ ವರ್ಷ ಅಂದಾಜು 500,000 ಆರಾಧಕರು ಮತ್ತು ಸಂದರ್ಶಕರು ಈ ದೇವಾಲಯಕ್ಕೆ ಬರುತ್ತಾರೆ.