ಯಶ್- ರಾಧಿಕಾ ಪುತ್ರಿಗೆ 7 ವರ್ಷಗಳ ಸಂಭ್ರಮ: ಹುಟ್ಟುಹಬ್ಬದ ಕ್ಯೂಟ್​ ಫೋಟೋಗಳು ಇಲ್ಲಿವೆ

ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಅವರ ಪುತ್ರಿ ಆಯ್ರಾಳ 7ನೇ ವರ್ಷದ ಹುಟ್ಟುಹಬ್ಬವನ್ನು ಬೆಂಗಳೂರಿನ ಐಷಾರಾಮಿ ಹೋಟೆಲ್‌ನಲ್ಲಿ ಅದ್ಧೂರಿಯಾಗಿ ಆಚರಿಸಲಾಯಿತು. ರಾಜಕುಮಾರಿಯಂತೆ ಕಂಗೊಳಿಸಿದ ಆಯ್ರಾ ಕೇಕ್ ಕತ್ತರಿಸುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಯಶ್​-ರಾಧಿಕಾ ಮಗಳ ಹುಟ್ಟುಹಬ್ಬ

ರಾಕಿಂಗ್​ ಸ್ಟಾರ್​ ಯಶ್​ ಮತ್ತು ಸ್ಯಾಂಡಲ್​ವುಡ್​ ಸಿಂಡ್ರೆಲ್ಲಾ ಎಂದೇ ಫೇಮಸ್​ ಆಗಿರೋ ನಟಿ ರಾಧಿಕಾ ಪಂಡಿತ್​ ಅವರ ಹಿರಿಯ ಪುತ್ರಿ ಆಯ್ರಾಗೆ ಇದೇ 2ರಂದು ಏಳು ವರ್ಷಗಳು ತುಂಬಿವೆ. 2018ರ ಡಿಸೆಂಬರ್ 2ರಂದು ಜನಿಸಿರೋ ಆಯ್ರಾ ಹುಟ್ಟುಹಬ್ಬವನ್ನು ಭರ್ಜರಿಯಾಗಿ ಮಾಡಲಾಗಿದೆ.

ಪಾಪು ಫೋಟೋ ಶೇರ್​

ಮೊನ್ನೆ (ಡಿ.2) ನಡೆದ ಈ ಹುಟ್ಟುಹಬ್ಬದ ವಿಡಿಯೋ ಈಗ ವೈರಲ್​ ಆಗಿದೆ. ಯಶ್​ ಮತ್ತು ರಾಧಿಕಾ ಇಬ್ಬರೂ ಆಯ್ರಾ ಚಿಕ್ಕಪಾಪು ಆಗಿದ್ದಾಗಿನ ಫೋಟೋಗಳನ್ನು ಹುಟ್ಟುಹಬ್ಬದ ದಿನ ಶೇರ್​ ಮಾಡಿಕೊಂಡು ಬರ್ತ್​ಡೇ ವಿಷಸ್​ ತಿಳಿಸಿದ್ದಾರೆ. ಆದರೆ ಹುಟ್ಟುಹಬ್ಬದ ಫೋಟೋಗಳನ್ನು ಅವರು ಶೇರ್​ ಮಾಡಲಿಲ್ಲ.

ಐಷಾರಾಮಿ ಹೋಟೆಲ್​ನಲ್ಲಿ ಸಂಭ್ರಮ

ಆದರೆ ಬೆಂಗಳೂರಿನ ಐಷಾರಾಮಿ ಹೋಟೆಲ್‌ ಒಂದರಲ್ಲಿ ಹುಟ್ಟುಹಬ್ಬವನ್ನು ಆಯೋಜಿಸಲಾಗಿದ್ದು, ಅದರ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ಶೇರ್​ ಆಗುತ್ತಿದೆ.

ಕ್ಯೂಟ್​ ವಿಡಿಯೋ

ಚಿತ್ರಸಂತೆ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಆಯ್ರಾ ಹುಟ್ಟುಹಬ್ಬದ ಸೆಲೆಬ್ರೇಷನ್​ನ ಕ್ಯೂಟ್​ ವಿಡಿಯೋಗಳನ್ನು ಶೇರ್​ ಮಾಡಿಕೊಳ್ಳಲಾಗಿದೆ. ಇದರಲ್ಲಿ ಯಶ್​ ಮತ್ತು ರಾಧಿಕಾ ಕುಟುಂಬಸ್ಥರು ಹಾಗೂ ಆತ್ಮೀಯರಿಗೆ ಆಹ್ವಾನ ನೀಡಿರುವುದನ್ನು ನೋಡಬಹುದು.

ರಾಜಕುಮಾರಿಯಂತೆ ಅಲಂಕಾರ

ಆಯ್ರಾ ರಾಜಕುಮಾರಿಯಂತೆ ಕಂಗೊಳಿಸುತ್ತಿದ್ದಾಳೆ. ಕೇಕ್ ಕಟ್ ಮಾಡುವ ಮೂಲಕ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಾಗಿದೆ.ಈ ಸಂದರ್ಭದಲ್ಲಿ ಯಶ್​ ಅವರ ಸಹೋದರಿ ನಂದಿನಿ ಕೂಡ ಹಾಜರು ಇರುವುದನ್ನು ನೋಡಬಹುದು.

ಇಬ್ಬರು ಮಕ್ಕಳು

ಅಂದಹಾಗೆ ಯಶ್​ ಅವರಿಗೆ ಇಬ್ಬರು ಮಕ್ಕಳು. ಆಯ್ರಾಗೆ ಈಗ ಏಳು ವರ್ಷವಾಗಿದ್ದರೆ ಚಿಕ್ಕವ ಯಥರ್ವ್​ಗೆ ಈಗ ಆರು ವರ್ಷ. ಈಚೆಗಷ್ಟೇ ಆತನ ಹುಟ್ಟುಹಬ್ಬ ಕೂಡ ನಡೆದಿತ್ತು.