VIROSH: ಏನೇ ಕೇಳಿ, ಈ ವಿಡಿಯೋ ನೋಡಿದ್ಮೇಲೆ ನಿಮ್ಮ ಮೇಲಿರೋ ಸಿಟ್ಟು ಕರಗಿಹೋಯ್ತು ಎಂದ ನೆಟ್ಟಿಗರು!

ವಿಜಯ ದೇವರಕೊಂಡ ಜೊತೆಗಿನ ಮದುವೆಯ ನಂತರ ರಶ್ಮಿಕಾ ಮಂದಣ್ಣ ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ. ಮೈತುಂಬಾ ಸೀರೆ, ಮಲ್ಲಿಗೆ ಹೂವು ಹಾಗೂ ಮಂಗಳಸೂತ್ರ ಧರಿಸಿ ಸಾಂಪ್ರದಾಯಿಕವಾಗಿ ಕಾಣಿಸಿಕೊಂಡಿದ್ದು, ಅವರ ಈ ನಡೆ ಎಲ್ಲರ ಗಮನ ಸೆಳೆದಿದೆ.

ವಿರೋಶ್​ ಜೋಡಿ

ರಶ್ಮಿಕಾ ಮಂದಣ್ಣ ಮತ್ತು ವಿಜಯ ದೇವರಕೊಂಡ (Rashmika Manadanna and Vijaya Devarakonda) ಅವರ ಮದುವೆ ಭರ್ಜರಿಯಾಗಿ ನಡೆದಿದೆ. ಇದಾಗಲೇ ಫೋಟೋಗೆ ಹೆಚ್ಚಿನ ಕ್ಲಿಕ್ ಸೇರಿದಂತೆ ಈ ಮದುವೆ ಕೆಲವು ದಾಖಲೆಗಳನ್ನೂ ಬರೆದಿದೆ.

ದಾಖಲೆ ಸುರಿಮಳೆ

ವಜ್ರದ ಸೋಂಕು ಇಲ್ಲದೇ, ಕೆಜಿಗಟ್ಟಲೆ ಚಿನ್ನಾಭರಣಗಳನ್ನು ತೊಟ್ಟುಕೊಂಡಿದ್ದ ಜೋಡಿ ಒಂದಾದರೆ, ಗಂಡು ಮಕ್ಕಳಿಗೆ ಚಿನ್ನ ಹಾಕಿಕೊಳ್ಳಲು ಅವಕಾಶವೇ ಇಲ್ಲ ಎನ್ನುವವರಿಗೆ ಮಾದರಿಯಾಗಿ ನಿಂತವರು ವಿಜಯ ದೇವರಕೊಂಡ. ಗಂಡು ಹೆತ್ತವರ ಬಗ್ಗೆ ಇದಾಗಲೇ ಮೀಮ್ಸ್​ಗಳ ಸುರಿಮಳೆಯೇ ಆಗುತ್ತಿದೆ ಎನ್ನಿ.

ರಶ್ಮಿಕಾ ಮೇಲೆ ಕೋಪ

ಕನ್ನಡಿಗರ ಪೈಕಿ ಹಲವರಿಗೆ ರಶ್ಮಿಕಾ ಮೇಲೆ ಕೋಪ ಇದೆ. ರಕ್ಷಿತ್​ ಶೆಟ್ಟಿ ಜೊತೆಗಿನ ಮದುವೆ ಮುರಿದದ್ದು ಯಾಕೋ ಗೊತ್ತಿಲ್ಲ, ಆದರೂ ರಶ್ಮಿಕಾ ಮೇಲೆಯೇ ಹಲವರು ಗೂಬೆ ಕೂಡ್ರಿಸುತ್ತಿದ್ದಾರೆ. ರಕ್ಷಿತ್​ ಅವರನ್ನು ತಮ್ಮ ಕರಿಯರ್ ಏಣಿಯಾಗಿ ಬಳಸಿಕೊಂಡ್ರು ಎನ್ನುವ ಗಂಭೀರ ಆರೋಪವನ್ನೂ ಮಾಡುತ್ತಿದ್ದಾರೆ.

ಎಲ್ಲವೂ ಈಗಿನವರಿಗೆ ಫ್ಯಾಷನ್​

ಅದೇನೇ ಇರಲಿ. ಆದರೆ ಹೆಚ್ಚಿನ ಸೆಲೆಬ್ರಿಟಿಗಳು, ಸೆಲೆಬ್ರಿಟಿಗಳು ಅಷ್ಟೇ ಏಕೆ, ಈಗಿನ ಹೆಣ್ಣುಮಕ್ಕಳು ಕೂಡ, ಸೀರೆ, ತಾಳಿ, ಕಾಲುಂಗುರ, ಕುಂಕುಮ ಎನ್ನುವುದನ್ನು ಕೇವಲ ಫ್ಯಾಷನ್​ ಆಗಿ ತೆಗೆದುಕೊಂಡಿದ್ದಾರೆ. ಇನ್ನು ಮಲ್ಲಿಗೆ ಹೂವು ಅಂತು ಬಿಡಿ ಅದು ದೇವರಿಗೇ ಪ್ರೀತಿ ಎನ್ನುವ ಹಾಗಿದೆ.

ದೇವಸ್ಥಾನಕ್ಕೆ ವಿರೋಶ್​ ದಂಪತಿ

ಆದರೆ, ಮದುವೆಯ ಬಳಿಕ ರಶ್ಮಿಕಾ ಮಂದಣ್ಣ, ಪತಿಯ ಜೊತೆ ದೇವಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ. ಮೈತುಂಬಾ ಸೀರೆ, ಕೂದಲಿಗೆ ಉದ್ದನೆಯ ಮಲ್ಲಿಗೆಯ ಮಾಲೆ ತೊಟ್ಟು ಬಂದಿರುವುದು ವಿಶೇಷ ಗಮನ ಸೆಳೆದಿದೆ. ಮದುವೆಯಾಗುತ್ತಿದ್ದಂತೆಯೇ ತಮಗೆ ಸೂಟ್​ ಆಗುವುದಿಲ್ಲ ಎಂದು ಮಂಗಳಸೂತ್ರವನ್ನು ಮನೆಯಲ್ಲಿ ಇಟ್ಟು ಬರುವವರ ನಡುವೆ, ರಶ್ಮಿಕಾ ಅವರ ಕತ್ತನ್ನು ನೋಡಿದವರೂ ಆಕೆಯನ್ನು ನಮಸ್ಕರಿಸುತ್ತಿದ್ದಾರೆ. ಈ ವಿಡಿಯೋ ಅನ್ನು ಇನ್​ಸ್ಟಾ ಬಾಲಿವುಡ್​ ಶೇರ್​ ಮಾಡಿದೆ.

ಸೆಲೆಬ್ರಿಟಿಗಳು ಮಾಡೋದೇನು?

ಸಾಮಾನ್ಯವಾಗಿ ಮದುವೆಯ ಬಳಿಕ ಸೆಲೆಬ್ರಿಟಿಗಳು ದೇವಸ್ಥಾನಕ್ಕೆ ಬರುವಾಗಲೂ ಮಾಡರ್ನ್​ ಡ್ರೆಸ್​ ಧರಿಸಿ ಬರುವುದು ಉಂಟು. ಇನ್ನು ಸೀರೆ ಉಟ್ಟರೆ, ಅದು ಸೀರೆ ಹೌದೋ, ಅಲ್ಲವೋ ಎಂದು ಡೌಟ್​ ಪಡುವ ರೀತಿಯಲ್ಲಿ ಪ್ರದರ್ಶನ ನಡೆಯುವುದು ಉಂಟು.