ಹಾವಿನ ಮಲವು ಬೇರೆ ಪ್ರಾಣಿಗಳ ಮಲದಂತೆ ಇರೋದಿಲ್ಲ. ಪಕ್ಷಿಗಳಂತೆ ಹಾವುಗಳು ಕೂಡ ಮಲವನ್ನು ಒಂದೇ ದ್ವಾರದಿಂದ ( ಕ್ಲೋಕಾ ) ಹೊರಹಾಕುತ್ತವೆ. ಇದರಲ್ಲಿ ದ್ರವ, ಗಟ್ಟಿ ಮಲ ಕೂಡ ಮಿಕ್ಸ್ ಆಗಿರುತ್ತದೆ.
ಮಲವು ಸಾಮಾನ್ಯವಾಗಿ ಕಡು ಕಂದು ಅಥವಾ ಕಪ್ಪು ಬಣ್ಣದಲ್ಲಿರುತ್ತದೆ. ಮಲದ ತುದಿಯಲ್ಲಿ ಬಿಳಿ ಅಥವಾ ಆಫ್-ವೈಟ್ ಬಣ್ಣದ ಭಾಗ ಇರುತ್ತದೆ. ಇದು ಯೂರಿಕ್ ಆಸಿಡ್ (Uric acid) ಆಗಿರುತ್ತದೆ, ಅಂದರೆ ಹಾವಿನ ಗಟ್ಟಿ ರೂಪದ ಮೂತ್ರವಾಗಿರಲಿದೆ. ಕಡು ಬಣ್ಣದ, ಕೊಳವೆಯಾಕಾರದ, ಒಂದು ತುದಿಯಲ್ಲಿ ಸೀಮೆಸುಣ್ಣದಂತಹ ಬಿಳಿ ಬಣ್ಣದ ಮೊಗ್ಗು ಇರುವ ತ್ಯಾಜ್ಯವನ್ನು ಕಂಡರೆ, ಅದು ಹಾವಿನ ಮಲ ಆಗಿರುತ್ತದೆ. ಹಸಿಯಾದ ಮಲವು ಮೃದುವಾಗಿರುತ್ತದೆ, ನಯವಾಗಿರುತ್ತದೆ. ಅದು ಒಣಗಿದಾ, ಬಣ್ಣ ತಿಳಿಯಾಗುವುದು, ಪುಡಿಯಾಗುವುದು.
ಹಾವಿನ ಮಲದಲ್ಲಿ ಅವುಗಳು ತಿಂದ ಪ್ರಾಣಿಗಳ ತುಪ್ಪಳ (ಗೂದಲು), ಮೂಳೆ, ಹಲ್ಲು ಇರುತ್ತವೆ. ಹಾವಿನ ಮಲದಲ್ಲಿ ಯಾವುದೇ ಸಸ್ಯದ ನಾರು ಇರುವುದಿಲ್ಲ. ಸಣ್ಣ ಮೂಳೆ, ಕೂದಲನ್ನು ಹೊಂದಿರುವ, ಯಾವುದೇ ಸಸ್ಯದ ಅಂಶವಿಲ್ಲದ ಮಲ ಕಂಡರೆ, ಅದು ಹಾವಿನದ್ದೇ ಆಗಿರುತ್ತದೆ.