ನಮಗೆಲ್ಲರಿಗೂ ತಿಳಿದಿರುವಂತೆ, ಚಳಿಗಾಲ ಮುಗಿದಿದೆ. ನಿಧಾನವಾಗಿ ನಾವೆಲ್ಲರೂ ಬೇಸಿಗೆ ಕಾಲವನ್ನು ಪ್ರವೇಶಿಸುತ್ತಿದ್ದೇವೆ. ಈಗಾಗಲೇ ಫೆಬ್ರವರಿಯಲ್ಲೇ ಬಿಸಿಲಿನ ಬೇಗೆ ಹೇಗಿದೆ ಅನ್ನೋದನ್ನು ನೋಡಿದ್ದೇವೆ. ಬೇಸಿಗೆಯಲ್ಲಿ, ನಾವು ವಿವಿಧ ಸಮಸ್ಯೆಗಳನ್ನು ಎದುರಿಸುತ್ತೇವೆ, ಅವುಗಳಲ್ಲಿ ಅತ್ಯಂತ ಸಾಮಾನ್ಯವಾದದ್ದು ಹೊಟ್ಟೆಯ ಸಮಸ್ಯೆಗಳು.
ಬೇಸಿಗೆ(Summer) ಕಾಲದಲ್ಲಿ ಹಲವಾರು ಸಮಸ್ಯೆಗಳು ಕಾಡುತ್ತವೆ. ಅದರಲ್ಲೂ ಹೊಟ್ಟೆಯ ಸಮಸ್ಯೆ ಹೆಚ್ಚಾಗುತ್ತೆ. ಈ ದಿನಗಳಲ್ಲಿ ಕರುಳಿನಲ್ಲಿರುವ ಉತ್ತಮ ಬ್ಯಾಕ್ಟೀರಿಯಾ ಅಥವಾ ಕರುಳಿನ ಸೂಕ್ಷ್ಮಜೀವಿ ಸಮತೋಲನವನ್ನು ಮೀರುತ್ತೆ. ಇದು ನಮ್ಮ ಜೀರ್ಣಕಾರಿ ಆರೋಗ್ಯದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತೆ. ಬೇಸಿಗೆಯಲ್ಲಿ ಅತಿಸಾರ, ಆಗಾಗ್ಗೆ ಯುಟಿಐಗಳು, ತಲೆನೋವು, ಸೈನಸೈಟಿಸ್, ಮೊಡವೆಗಳು, ವಾಸನೆಯ ಬೆವರು ಮುಂತಾದ ಸಮಸ್ಯೆಗಳು ಹೆಚ್ಚಾಗಿ ಕಂಡುಬರುತ್ತವೆ.
ಆದರೆ ಒಳ್ಳೆಯ ವಿಷಯವೆಂದ್ರೆ ಬೇಸಿಗೆಯಲ್ಲಿ ನಿಮ್ಮ ಆಹಾರದಲ್ಲಿ ಕೆಲವು ಪಾನೀಯಗಳನ್ನು(Juice) ಸೇರಿಸುವ ಮೂಲಕ, ನೀವು ಕರುಳಿನಲ್ಲಿ ಉತ್ತಮ ಬ್ಯಾಕ್ಟೀರಿಯಾದ ಮಟ್ಟವನ್ನು ಸಾಮಾನ್ಯವಾಗಿರಿಸಬಹುದು ಮತ್ತು ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳಿಂದ ಪರಿಹಾರ ಪಡೆಯಬಹುದು.
ಆದರೆ ಆಗಾಗ್ಗೆ ಜನರು ಕರುಳಿನಲ್ಲಿ ಕರುಳಿನ ಸೂಕ್ಷ್ಮಜೀವಿಯನ್ನು ಕಾಪಾಡಿಕೊಳ್ಳಲು, ಪ್ರಿ ಮತ್ತು ಪ್ರೋಬಯಾಟಿಕ್ಸ್ (Probiotics) ಮಾತ್ರ ತೆಗೆದುಕೊಳ್ಳಬೇಕು ಎಂದು ಭಾವಿಸುತ್ತಾರೆ. ಆದರೆ ಇದು ಹಾಗಲ್ಲ. ಆಯುರ್ವೇದ ಡಾಕ್ಟರ್ ಹೇಳೋ ಪ್ರಕಾರ, ಶಾಖವು ಕರುಳಿನ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತೆ ಮತ್ತು ಅದನ್ನು ತೊಂದರೆಗೊಳಿಸುತ್ತೆ.
ಕರುಳಿನ ಸೂಕ್ಷ್ಮಜೀವಿಯನ್ನು ಸರಿಯಾದ ರೀತಿಯ ಪಾನೀಯಗಳ ಮೂಲಕ ಸಮತೋಲನಗೊಳಿಸೋದರಿಂದ ಬೇಸಿಗೆಯಲ್ಲಿ ಶಾಖದಿಂದ (Heat) ಉಂಟಾಗುವ ವಾತ-ಪಿತ್ತರಸದ ಅಸಮತೋಲನವನ್ನು ತಡೆಯಬಹುದು. ಕರುಳಿನಲ್ಲಿ ಉತ್ತಮ ಬ್ಯಾಕ್ಟೀರಿಯಾವನ್ನು ಕಾಪಾಡಿಕೊಳ್ಳಲು ಈ ಪಾನೀಯಗಳನ್ನು ತಜ್ಞರು ಸೂಚಿಸುತ್ತಾರೆ, ಇದು ನಿಮ್ಮ ಕರುಳಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಮತ್ತು ಹೊಟ್ಟೆಯ ಸಮಸ್ಯೆಗಳನ್ನು ತಡೆಗಟ್ಟಲು ಸಹಾಯ ಮಾಡುತ್ತೆ.
ಕರುಳಿನಲ್ಲಿ ಬ್ಯಾಕ್ಟೀರಿಯಾವನ್ನು ಹೆಚ್ಚಿಸುವ ಉತ್ತಮ ಪಾನೀಯಗಳು ಹೀಗಿವೆ -
1. ಮಜ್ಜಿಗೆ ಕುಡಿಯಿರಿ
ಬೇಸಿಗೆಯ ಶಾಖವನ್ನು ಸೋಲಿಸಲು ಮಜ್ಜಿಗೆಗಿಂತ ಉತ್ತಮವಾದುದು ಯಾವುದೂ ಇಲ್ಲ. ಇದು ದೇಹದ ಶಾಖವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತೆ. ತೂಕ ಇಳಿಸಿಕೊಳ್ಳಲು(Weightloss) ಪ್ರಯತ್ನಿಸುತ್ತಿರುವವರಿಗೆ ಇದು ತುಂಬಾ ಪ್ರಯೋಜನಕಾರಿ.
2. ಎಳನೀರು(Tendercoconut water) ಕುಡಿಯಿರಿ
ಮೂತ್ರದಲ್ಲಿ ಕಿರಿಕಿರಿಯನ್ನು ಎದುರಿಸುತ್ತಿರುವ ಮತ್ತು ಪಿತ್ತ ಹೊಂದಿರುವವರಿಗೆ ಇದು ಉತ್ತಮ ಪಾನೀಯವಾಗಿದೆ. ಇದು ಎಲೆಕ್ಟ್ರೋಲೈಟ್ ಗಳನ್ನು ಸಮತೋಲನಗೊಳಿಸಲು ಮತ್ತು ದೇಹವನ್ನು ತಂಪಾಗಿಸಲು ಸಹಾಯ ಮಾಡುತ್ತೆ.
3. ಕಬ್ಬನ್ನು ತಿನ್ನಿ ಅಥವಾ ಅದರ ರಸವನ್ನು(Sugarcane juice) ಕುಡಿಯಿರಿ
ತೆಳ್ಳಗಿನ ಮತ್ತು ಪಿತ್ತ ಹೊಂದಿರುವ ಪುರುಷರಿಗೆ ಇದು ಉತ್ತಮ ಪಾನೀಯವಾಗಿದೆ. ಇದು ದೇಹಕ್ಕೆ ತ್ವರಿತ ಶಕ್ತಿಯನ್ನು ಸಹ ಒದಗಿಸುತ್ತೆ. ಹಾಗಾಗಿ ಈ ಬೇಸಿಗೆಯಲ್ಲಿ ತಪ್ಪದೆ ಕಬ್ಬು ಜ್ಯೂಸ್ ಸೇವಿಸಿ.
4. ಬಾಳೆ ದಿಂಡಿನ ಜ್ಯೂಸ್ (Banana stem juice)
ಬಾಳೆ ದಿಂಡು ಹಲವಾರು ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಇದನ್ನು ಅಡುಗೆಯಲ್ಲೂ ಸಹ ಬಳಕೆ ಮಾಡಲಾಗುತ್ತೆ. ಮಧುಮೇಹ ರೋಗಿಗಳು ಬಾಳೆ ದಿಂಡಿನ ಜ್ಯೂಸ್ ಸೇವಿಸಬಹುದು, ತಮ್ಮ ದೇಹದಲ್ಲಿ ಉರಿಯೂತ ಇರುವವರಿಗೆ ಇದು ತುಂಬಾ ಪ್ರಯೋಜನಕಾರಿ.
6. ನಿಂಬೆ ಜ್ಯೂಸ್ (Lemon juice)
ನಿಂಬೆ ಜ್ಯೂಸ್ನಲ್ಲಿ ಚಿಯಾ ಬೀಜಗಳನ್ನು ಬೆರೆಸಿ ಸೇವಿಸಿ, ಆದರೆ ಶುಂಠಿಯನ್ನು ಸೇರಿಸಬೇಡಿ. ಬಿಸಿಯಿಂದ ಸಾಕಷ್ಟು ಶುಷ್ಕ ಮತ್ತು ದಣಿವನ್ನು ಅನುಭವಿಸುವವರಿಗೆ ಇದು ತುಂಬಾ ಪ್ರಯೋಜನಕಾರಿ. ಇದು ದೇಹದಲ್ಲಿನ ಎಲೆಕ್ಟ್ರೋಲೈಟ್ ಗಳ ಸಮತೋಲನವನ್ನು ಉತ್ತೇಜಿಸುತ್ತೆ .