ನಿಮ್ಮ ದಿಂಬು, ಬೆಡ್ ಶೀಟ್, ಹಾಸಿಗೆ ಮೇಲೆ ಲಕ್ಷಾಂತರ ಬ್ಯಾಕ್ಟೀರಿಯಾ ಮತ್ತು ಕೀಟಾಣು ಇರುತ್ತವೆ. ಆದ್ದರಿಂದ, ನೀವು ಅವುಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಬೇಕು. ದಿಂಬುಗಳನ್ನು ಹೇಗೆ ಸ್ವಚ್ಛಗೊಳಿಸುವುದು ಎಂದು ನೋಡೋಣ
ಇತ್ತೀಚಿನ ದಿನಗಳಲ್ಲಿ ಬಹುತೇಕ ಎಲ್ಲರದ್ದು ಬ್ಯುಸಿ ಲೈಫ್‌, ಹಗಲೆಲ್ಲಾ ಕೆಲಸ ಮಾಡುತ್ತಲೇ ಇರುತ್ತಾರೆ. ಅಂತಹವರಿಗೆ ರಾತ್ರಿ ಮಲಗಿದಾಗ ಮಾತ್ರ ವಿಶ್ರಾಂತಿ ಸಿಗುತ್ತದೆ. ವಿಶೇಷವಾಗಿ ತುಂಬಾ ದಣಿದಿರುವಾಗ ಹಾಸಿಗೆಯ ಮೇಲೆ ಬಿದ್ದ ತಕ್ಷಣ ನಿದ್ದೆ ಬರುತ್ತದೆ. ಆದರೆ ನೀವು ಸುಖನಿದ್ದೆ ಮಾಡಲು ಕಾರಣವಾಗುವ ತಲೆದಿಂಬಿನಲ್ಲಿ ಟಾಯ್ಲೆಟ್‌ನಲ್ಲಿರುವುದಕ್ಕಿಂತಲೂ ಅಧಿಕ ಕ್ರಿಮಿಗಳು ಇರುತ್ತವೆ ಎಂಬ ವಿಚಾರ ನಿಮಗೆ ಗೊತ್ತಾ? ನೀವು ಓದಿದ್ದು ನಿಜ. ನಿಮ್ಮ ದಿಂಬು, ಬೆಡ್ ಶೀಟ್, ಹಾಸಿಗೆ ಮೇಲೆ ಲಕ್ಷಾಂತರ ಬ್ಯಾಕ್ಟೀರಿಯಾ, ಜರ್ಮ್ಸ್ ಇರುತ್ತವೆ. ಆದ್ದರಿಂದ.. ನೀವು ಅವುಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಬೇಕು. ದಿಂಬುಗಳನ್ನು ಹೇಗೆ ಸ್ವಚ್ಛಗೊಳಿಸುವುದು ಎಂದು ನೋಡೋಣ…
ಬೆಡ್ ಶೀಟ್ ಇಲ್ಲದೆ ಮಲಗುವುದು..
ಹಲವರಿಗೆ ಹಾಸಿಗೆಯ ಮೇಲೆ ಬೆಡ್ ಶೀಟ್ ಹಾಕಿಕೊಳ್ಳುವ ಅಭ್ಯಾಸ ಇರುವುದಿಲ್ಲ. ಇದು ತುಂಬಾ ದೊಡ್ಡ ತಪ್ಪು. ಏಕೆಂದರೆ.. ಹಾಸಿಗೆಯ ಮೇಲೆ ಬ್ಯಾಕ್ಟೀರಿಯಾ ಹೆಚ್ಚಾಗಿರುತ್ತದೆ. ಬೆಡ್ ಶೀಟ್ ಇಲ್ಲದೆ ಮಲಗುವುದರಿಂದ ಆ ಬ್ಯಾಕ್ಟೀರಿಯಾ ನಮಗೆ ಚರ್ಮ ಸಂಬಂಧಿ ಸಮಸ್ಯೆಗಳನ್ನು ತರುತ್ತದೆ. ಆದ್ದರಿಂದ ಆ ತಪ್ಪು ಮಾಡಬಾರದು. ಒಂದು ಸಂಶೋಧನೆಯಲ್ಲಿ ಕಂಡುಬಂದ ವಿಷಯವೆಂದರೆ.. ಟಾಯ್ಲೆಟ್ ಸೀಟ್‌ಗಳಿಗಿಂತಲೂ ದಿಂಬುಗಳು, ರಗ್ಗುಗಳು ಹೆಚ್ಚು ಬ್ಯಾಕ್ಟೀರಿಯಾವನ್ನು ಹೊಂದಿರುತ್ತವೆ. ಇತ್ತೀಚಿನ ಅಧ್ಯಯನದಲ್ಲಿ 4 ವಾರ ವಾಶ್ ಮಾಡದ ಬೆಡ್‌ಶೀಟ್‌ಗಳು ಮತ್ತು ದಿಂಬು ಕವರ್‌ಗಳಲ್ಲಿ 1 ಕೋಟಿಗೂ ಹೆಚ್ಚು ಬ್ಯಾಕ್ಟೀರಿಯಾ ಇರುವುದು ಕಂಡುಬಂದಿದೆ.
ನಿಮ್ಮ ದಿಂಬು ಕವರ್‌ ನಿಮ್ಮ ದಿಂಬುಗಳಿಗಿಂತ ಕೊಳಕಾಗಿರುತ್ತದೆ. ಏಕೆಂದರೆ ನಮ್ಮ ಕೂದಲು, ಮುಖ, ಸತ್ತ ಚರ್ಮವು ದಿಂಬಿನ ಕವರ್‌ನೊಂದಿಗೆ ನೇರವಾಗಿ ಸ್ಪರ್ಶಿಸುವುದರಿಂದ ದಿಂಬಿನ ಮೇಲೆ ಬೆವರು ಮತ್ತು ಧೂಳು ಸಂಗ್ರಹವಾಗುತ್ತದೆ. '4 ವಾರಗಳ ಕಾಲ ಬಳಸುವ ಒಂದು ದಿಂಬಿನಲ್ಲಿ 12 ಮಿಲಿಯನ್ ಬ್ಯಾಕ್ಟೀರಿಯಾ ಇರುತ್ತದೆ.
ಹಾಸಿಗೆಯ ಮೇಲೆ ಇರುವ ನಿದ್ದೆಗೆ ಬಳಸುವ ದಿಂಬನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಬೇಕು. ತಲೆಯ ಮೇಲೆ ಎಣ್ಣೆ ಸಂಗ್ರಹವಾಗುವುದರಿಂದ, ದಿಂಬುಗಳು ಕ್ರಮೇಣ ಕೊಳಕಾಗುತ್ತವೆ. ಅವುಗಳನ್ನು ಸ್ವಚ್ಛಗೊಳಿಸುವುದು ತುಂಬಾ ಕಷ್ಟವಾಗುತ್ತದೆ.
ದಿಂಬುಗಳನ್ನು ಸ್ವಚ್ಛಗೊಳಿಸಲು, ದಿಂಬು ಕವರ್‌ಗಳು ಅಥವಾ ಪ್ರೊಟೆಕ್ಟರ್‌ಗಳನ್ನು ತೆಗೆದುಹಾಕುವ ಮೊದಲು ದಿಂಬುಗಳ ಮೇಲೆ ಬೇಕಿಂಗ್ ಸೋಡಾದಿಂದ ಚೆನ್ನಾಗಿ ಚಿಮುಕಿಸಿ. ಎರಡೂ ಬದಿಗಳಲ್ಲಿ ದಿಂಬು ಮುಚ್ಚಿರುವುದನ್ನು ಖಚಿತಪಡಿಸಿಕೊಳ್ಳಿ. ನಂತರ ವಿನೆಗರ್ ದ್ರಾವಣದಲ್ಲಿ ಬೇಕಿಂಗ್ ಸೋಡಾವನ್ನು ಸಿಂಪಡಿಸಿ. ಇದನ್ನು ಮಾಡಲು, ಸ್ಪ್ರೇ ಬಾಟಲಿಯಲ್ಲಿ ಸಮ ಪ್ರಮಾಣದಲ್ಲಿ ನೀರು ಮತ್ತು ಬಿಳಿ ವಿನೆಗರ್ ಮಿಶ್ರಣ ಮಾಡಿ.