ಅಧಿಕ ಕೊಲೆಸ್ಟ್ರಾಲ್ ಹೊಂದಿರುವುದು ಹೃದಯಕ್ಕೆ ಅಪಾಯಕಾರಿ ಮತ್ತು ಹೃದಯಾಘಾತಕ್ಕೆ ಕಾರಣವಾಗಬಹುದು. ಈ ಸಮಸ್ಯೆ ಇದ್ದಲ್ಲಿ ಕೆಲವೊಂದು ಲಕ್ಷಣಗಳನ್ನು ಕಾಲುಗಳಲ್ಲಿ ಕಾಣಬಹುದು. ಹಾಗಾಗಿ ಈ ಲಕ್ಷಣ ಕಂಡು ಬಂದ ಕೂಡ್ಲೆ ವೈದ್ಯರ ಬಳಿ ಹೋಗೋಡನ್ನು ಮರೆಯಬೇಡಿ.
ಕೊಲೆಸ್ಟ್ರಾಲ್ (cholesterol) ಒಂದು ಕೊಳಕು ವಸ್ತು, ಇದು ರಕ್ತನಾಳಗಳಿಗೆ ಅಂಟಿಕೊಳ್ಳುತ್ತದೆ. ಈ ಕಾರಣದಿಂದಾಗಿ, ರಕ್ತನಾಳಗಳು ನಿರ್ಬಂಧಿಸಲ್ಪಡುತ್ತವೆ ಮತ್ತು ಹೃದಯಕ್ಕೆ ರಕ್ತ ಪೂರೈಕೆಯಾಗೋದಿಲ್ಲ. ಈ ಕಾರಣಕ್ಕಾಗಿ, ಹೃದಯಾಘಾತ ಸಂಭವಿಸುತ್ತದೆ ಮತ್ತು ರೋಗಿಯು ಸಾಯಲೂಬಹುದು. ಆದರೆ ನರಗಳು ನಿರ್ಬಂಧಿಸಲು ಪ್ರಾರಂಭಿಸಿದಾಗ, ಅದರ ಕೆಲವು ರೋಗಲಕ್ಷಣಗಳು ಕಾಲುಗಳಲ್ಲಿ ಕಾಣಿಸಿಕೊಳ್ಳಬಹುದು. ಈ ಸಮಸ್ಯೆಯನ್ನು ಬಾಹ್ಯ ಅಪಧಮನಿ ಕಾಯಿಲೆ ಅಥವಾ ಫೆರಿಫೆರಲ್ ಆರ್ಟರಿ ಡಿಸೀಸ್ ಎಂದು ಕರೆಯಲಾಗುತ್ತದೆ. ಇದರ ಲಕ್ಷಣಗಳು ಯಾವುವು ನೋಡೋಣ.
ಕಾಲುಗಳಲ್ಲಿ ಊತ
ಬಾಹ್ಯ ಅಪಧಮನಿ ಕಾಯಿಲೆಯು ಪಾದಗಳಲ್ಲಿ ಊತಕ್ಕೆ ಮುಖ್ಯ ಕಾರಣವಾಗಬಹುದು. ರಕ್ತನಾಳಗಳ ಮುಚ್ಚುವಿಕೆಯಿಂದಾಗಿ, ದೇಹದ ಕೆಳಭಾಗಕ್ಕೆ ಸಾಕಷ್ಟು ರಕ್ತ ಸಿಗುವುದಿಲ್ಲ ಮತ್ತು ಇದು ಊತಕ್ಕೆ ಕಾರಣವಾಗುತ್ತದೆ.
ಕಾಲುಗಳಲ್ಲಿ ನೋವು (leg pain)
ಕಾಲುಗಳಲ್ಲಿ ನೋವು ಈ ರೋಗದ ಸಾಮಾನ್ಯ ಚಿಹ್ನೆಯಾಗಿದೆ. ರೋಗಿಯು ಯಾವುದೇ ದೈಹಿಕ ಚಟುವಟಿಕೆಯನ್ನು ಮಾಡುವಾಗ ಅಥವಾ ವಿಶ್ರಾಂತಿ ಪಡೆಯುವಾಗ ಈ ನೋವನ್ನು ಅನುಭವಿಸಬಹುದು. ಇದರೊಂದಿಗೆ, ಪಾದಗಳಲ್ಲಿ ಸೂಜಿ ಚುಚ್ಚುವ ಭಾವನೆಯೂ ಇರಬಹುದು.
ಕಾಲುಗಳಲ್ಲಿ ಗಾಯಗಳು
ಪಾದಗಳಿಗೆ ರಕ್ತದ ಕೊರತೆಯಿದ್ದಾಗ ಗಾಯಗಳು ಉಂಟಾಗಬಹುದು. ಇಂತಹ ಗಾಯಗಳು ಹೆಚ್ಚಾಗಿ ಪಾದಗಳು, ಹಿಮ್ಮಡಿ, ಅಂಗಾಲುಗಳು ಮತ್ತು ಕಾಲ್ಬೆರಳುಗಳಲ್ಲಿ ಸಂಭವಿಸುತ್ತವೆ. ರಕ್ತದ ಕೊರತೆಯಿಂದಾಗಿ, ಜೀವಕೋಶಗಳು, ಅಂಗಾಂಶಗಳು ಮತ್ತು ನರಗಳು ಹಾನಿಗೊಳಗಾಗುತ್ತವೆ.
ವ್ಯಾಯಾಮದ ಸಮಯದಲ್ಲಿ ನೋವು
ಫೆರಿಫೆರಲ್ ಆರ್ಟರಿ ಡಿಸೀಸ್ ನೋವು, ಸೆಳೆತ, ಮರಗಟ್ಟುವಿಕೆ ಮತ್ತು ಆಯಾಸವನ್ನು ಉಂಟುಮಾಡುತ್ತದೆ, ಇದು ವ್ಯಾಯಾಮದ ಸಮಯದಲ್ಲಿ ಹೆಚ್ಚಾಗುತ್ತದೆ. ವ್ಯಾಯಾಮದ ಸಮಯದಲ್ಲಿ, ಸ್ನಾಯುಗಳಿಗೆ ಹೆಚ್ಚಿನ ರಕ್ತ ಪೂರೈಕೆಯ ಅಗತ್ಯವಿದೆ.
ಕಾಲ್ಬೆರಳ ಉಗುರುಗಳು ದಪ್ಪಗಾಗುತ್ತೆ
ಅಧಿಕ ಕೊಲೆಸ್ಟ್ರಾಲ್ ನಿಂದ ಉಂಟಾಗುವ ಫೆರಿಫೆರಲ್ ಆರ್ಟರಿ ಡಿಸೀಸ್ ಕಾಲ್ಬೆರಳ ಉಗುರುಗಳಲ್ಲಿ ಬದಲಾವಣೆಗಳಿಗೆ ಕಾರಣವಾಗಬಹುದು. ಉಗುರಿನ ಬೆಳವಣಿಗೆ ನಿಧಾನವಾಗಿರಬಹುದು ಮತ್ತು ಉಗುರು ದಪ್ಪಗಾಗುತ್ತೆ.