ಮೊರಿಂಗಾ ಪರೋಟಾ ಪ್ರಧಾನಿ ಮೋದಿಯವರ ಅಚ್ಚುಮೆಚ್ಚಿನದು, ಇದರ ಆರೋಗ್ಯ ಪ್ರಯೋಜನಗಳ ಲಿಸ್ಟ್ ದೊಡ್ಡದೇ ಇದೆ. ನೀವು ಸಹ ಫಿಟ್ ಆಗಿರಲು ಬಯಸಿದ್ರೆ, ಪ್ರಧಾನಿ ಮೋದಿ ತರಹ ಮೊರಿಂಗಾ ಅಂದರೆ ನುಗ್ಗೆ ಸೊಪ್ಪಿನ ಪರೋಟ ತಿನ್ನೋಕೆ ಆರಂಭಿಸಿ.
ಪ್ರಮುಖ ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಮೊರಿಂಗಾದಿಂದ ತಯಾರಿಸಿದ ಪರೋಟಾವನ್ನು ಸೇವಿಸುವ ಮೂಲಕ ನೀವು ಅನೇಕ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ಪ್ರಧಾನಿ ಮೋದಿಯವರಿಗಂತೂ ಈ ಪರೋಟಾ ತುಂಬಾ ಇಷ್ಟ. ಏನಿದು ಮೊರಿಂಗಾ ಪರೋಟಾ (Moringa paratha) ಎಂದು ಯೋಚನೆ ಮಾಡ್ತಿದ್ರೆ, ಇಲ್ಲಿದೆ ಆ ಕುರಿತು ಸಂಪೂರ್ಣ ಮಾಹಿತಿ.
27
ಪರೋಟಾ ಎಲ್ಲರಿಗೂ ಇಷ್ಟ. ನಮ್ಮ ಪ್ರಧಾನಿ ಮೋದಿ ಕೂಡ ಪರೋಟಾದ ದೊಡ್ಡ ಅಭಿಮಾನಿ. ಆದಾಗ್ಯೂ, ಅವರ ನೆಚ್ಚಿನ ಪರೋಟ ರೆಸಿಪಿ ಸಾಮಾನ್ಯ ಪರೋಟಾಗಳಿಗಿಂತ ಸ್ವಲ್ಪ ಭಿನ್ನ. ಮೊರಿಂಗಾದಿಂದ ತಯಾರಿಸಿದ ಪರೋಟಾ ಅವರಿಗೆ ಬಲು ಇಷ್ಟ. ಈ ಪರೋಟಾ ತುಂಬಾ ಪೌಷ್ಟಿಕ ಮತ್ತು ರುಚಿಕರವಾಗಿದೆ. ಇದರ ಪೋಷಕಾಂಶಗಳು ನಿಮ್ಮ ಒಟ್ಟಾರೆ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಏನಿದು ಮೊರಿಂಗಾ ಅಂತ ಯೋಚನೆ ಮಾಡ್ತಿದ್ದೀರಾ? ಇದು ಬೇರೆನು ಅಲ್ಲ ನುಗ್ಗೆ ಸೊಪ್ಪು. ಈ ಪರೋಟದಿಂದ ಆಗುವ ಪ್ರಯೋಜನಗಳು ಯಾವುವು ನೋಡೋಣ.
37
ಮೊರಿಂಗಾ ಪರೋಟಾ ತಿನ್ನೋದ್ರಿಂದ ಏನೆಲ್ಲಾ ಪ್ರಯೋಜನಗಳಿವೆ?
ಪೋಷಕಾಂಶಗಳ ನಿಧಿಯಾಗಿದೆ
ನುಗ್ಗೆ ಸೊಪ್ಪಿನಲ್ಲಿ ಪ್ರೋಟೀನ್, ಕಾರ್ಬೋಹೈಡ್ರೇಟ್, ಫೈಬರ್, ಕ್ಯಾಲ್ಸಿಯಂ, ಕಬ್ಬಿಣ, ಮೆಗ್ನೀಷಿಯಮ್, ರಂಜಕ, ಪೊಟ್ಯಾಷಿಯಮ್, ಸೋಡಿಯಂ, ಸತು, ತಾಮ್ರ, ಮ್ಯಾಂಗನೀಸ್, ಸೆಲೆನಿಯಮ್, ವಿಟಮಿನ್ ಸಿ, ಥಯಾಮಿನ್, ರೈಬೋಫ್ಲಾವಿನ್, ವಿಟಮಿನ್ ಬಿ 6, ಫೋಲೇಟ್, ವಿಟಮಿನ್ ಎ ಮುಂತಾದ ಪ್ರಮುಖ ಪೋಷಕಾಂಶಗಳಿವೆ.
47
ಮಧುಮೇಹವನ್ನು ತಡೆಯುತ್ತದೆ
ಈ ಎಲ್ಲಾ ಪೋಷಕಾಂಶಗಳು ಆರೋಗ್ಯಕ್ಕೆ ಬಹಳ ಮುಖ್ಯ. ಮಧುಮೇಹ ವಿರೋಧಿ (anti diabetes) ಗುಣಲಕ್ಷಣಗಳು ನುಗ್ಗೆ ಎಲೆಗಳಲ್ಲಿ ಕಂಡು ಬರುತ್ತವೆ ಮತ್ತು ಇದು ರಕ್ತದಲ್ಲಿನ ಗ್ಲೂಕೋಸ್ (Glucose) ಮಟ್ಟವನ್ನು ಸಾಮಾನ್ಯಗೊಳಿಸಲು ಸಹಾಯ ಮಾಡುತ್ತದೆ. ಇದಲ್ಲದೆ, ಇದು ದೇಹದಲ್ಲಿ ಗುಣಪಡಿಸುವ ಶಕ್ತಿಯನ್ನು ಹೆಚ್ಚಿಸುತ್ತದೆ, ಇದರಿಂದಾಗಿ ಯಾವುದೇ ರೀತಿಯ ಗಾಯದಿಂದ ಬೇಗನೆ ಚೇತರಿಸಿಕೊಳ್ಳಬಹುದು.
57
ಮೂತ್ರಪಿಂಡದ ಆರೋಗ್ಯದ ಬಗ್ಗೆಯೂ ಕಾಳಜಿ ವಹಿಸುತ್ತದೆ
ನುಗ್ಗೆ ಕಾಯಿಗಳು (drumsticks) ಅದರ ಎಲೆಗಳು ಮತ್ತು ಹೂವು ಮೂತ್ರಪಿಂಡದ ಆರೋಗ್ಯಕ್ಕೆ ಪ್ರಯೋಜನಕಾರಿ. ಕಿಡ್ನಿ ಸಂಬಂಧಿ ಸಮಸ್ಯೆಗಳಿದ್ದರೆ ಖಂಡಿತಾ ಸೇವಿಸಿ. ಇದಲ್ಲದೆ, ಇದರಲ್ಲಿ ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳು ಕಂಡುಬರುತ್ತವೆ, ಇದು ದೇಹವನ್ನು ಸ್ವತಂತ್ರ ರಾಡಿಕಲ್ಗಳ ಪರಿಣಾಮಗಳಿಂದ ರಕ್ಷಿಸುತ್ತದೆ. ಅದೇ ಸಮಯದಲ್ಲಿ, ಅದರ ಆಂಟಿಬ್ಯಾಕ್ಟೀರಿಯಲ್ ಮತ್ತು ಆಂಟಿಫಂಗಲ್ ಗುಣಲಕ್ಷಣಗಳು ಸೋಂಕುಗಳ ವಿರುದ್ಧ ಹೋರಾಡಲು ದೇಹವನ್ನು ಸಿದ್ಧಪಡಿಸುತ್ತವೆ.
67
ಮೊರಿಂಗಾದ ಸೇವನೆಯು ರಕ್ತದೊತ್ತಡ (blood pressure) ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ, ಇದು ಹೃದಯ ಸಂಬಂಧಿ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ನೀವು ಈಗಾಗಲೇ ಹೃದಯ ಸಂಬಂಧಿ ಸಮಸ್ಯೆಗಳಿಂದ ಬಳಲುತ್ತಿದ್ದರೆ, ಅವುಗಳನ್ನು ಸುಧಾರಿಸಲು ಆಹಾರದಲ್ಲಿ ಮೊರಿಂಗಾವನ್ನು ಸೇರಿಸಿಕೊಳ್ಳಬಹುದು.
77
ಮೊರಿಂಗಾ ಪರೋಟ:
ಆಲೂ ಪರೋಟ ಮಾಡುವಂತೆ ನುಗ್ಗೆ ಸೊಪ್ಪನ್ನು ಗೋಧಿ ಹಿಟ್ಟಿನ ಜೊತೆ ಸೇರಿಸಿ ಪರೋಟ ಮಾಡಿ ಸೇವಿಸೋದ್ರಿಂದ ಆರೋಗ್ಯ ಉತ್ತಮವಾಗಿರುತ್ತೆ, ಅಲ್ಲದೇ ದೇಹಕ್ಕೆ ಬೇಕಾದ ಶಕ್ತಿಯನ್ನು ಸಹ ಇದು ಒದಗಿಸುತ್ತೆ. ಇವತ್ತಿಂದಾನೇ ಈ ರೆಸಿಪಿ ಟ್ರೈ ಮಾಡಿ ನೋಡಿ.
