ನುಗ್ಗೆಕಾಯಿ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಅನ್ನೋದು ಹಲವರಿಗೆ ಗೊತ್ತು. ಆದರೆ ಬೊಜ್ಜು ಕಡಿಮೆಯಾಗೋಕೆ ನುಗ್ಗೆಕಾಯಿ ಸೇವನೆ ನೆರವಾಗುತ್ತೆ ಅನ್ನೋ ವಿಷ್ಯ ನಿಮ್ಗೆ ಗೊತ್ತಿದ್ಯಾ? ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ನುಗ್ಗೆ ಕಾಯಿ (Drumstick) ಎಂದ ಕೂಡಲೇ ಇದು ಇಂಟಿಮೆಸಿ ಹೆಚ್ಚಿಸಲು ಸಹಾಯ ಮಾಡುತ್ತೆ ಅನ್ನೋದು ನಮ್ಮ ತಲೇಲಿ ಬರುತ್ತೆ. ಆದರೆ ನುಗ್ಗೆಕಾಯಿಯಿಂದ ಎಷ್ಟೊಂದು ಆರೋಗ್ಯ ಪ್ರಯೋಜನಗಳು ಇವೆ ಅನ್ನೋದು ಗೊತ್ತಾ ನಿಮಗೆ. ಹಸಿರು ಕೋಲಿನ ಆಕಾರದಲ್ಲಿರುವ ನುಗ್ಗೆಕಾಯಿ ರುಚಿ ಮತ್ತು ಆರೋಗ್ಯ ಎರಡರಲ್ಲೂ ತುಂಬಾ ಪರಿಣಾಮಕಾರಿ.
ನುಗ್ಗೆಕಾಯಿಯನ್ನು ಸಾರು, ಸಾಂಬಾರ್, ಪಲ್ಯ ಮಾಡಿ ನೀವು ತಿಂದಿರಬಹುದು. ಆದರೆ ಈ ಬಾರಿ ಇದರ ಕಷಾಯ ಕುಡಿಯೋದರಿಂದ ಏನೆಲ್ಲಾ ಪ್ರಯೋಜನಗಳಿವೆ ಅನ್ನೋದನ್ನು ತಿಳಿಸುತ್ತೇವೆ. ನುಗ್ಗೆಕಾಯಿ ಕಷಾಯ ಕುಡಿಯುವ ಮೂಲಕ ನೀವು ಕೆಲವೇ ದಿನಗಳಲ್ಲಿ ಸ್ಥೂಲಕಾಯತೆಯನ್ನು (reduce obesity) ಕಡಿಮೆ ಮಾಡುತ್ತೀರಿ. ಇದರಲ್ಲಿರುವ ವಿಟಮಿನ್ ಎ, ವಿಟಮಿನ್ ಬಿ 1, ವಿಟಮಿನ್ ಬಿ 2, ವಿಟಮಿನ್ ಬಿ 3, ವಿಟಮಿನ್ ಬಿ 6 ಮತ್ತು ವಿಟಮಿನ್ ಸಿ, ಪೊಟ್ಯಾಸಿಯಮ್, ಕಬ್ಬಿಣ, ಮೆಗ್ನೀಸಿಯಮ್, ರಂಜಕ, ಸತು ಮತ್ತು ಕ್ಯಾಲ್ಸಿಯಂನಂತಹ ಖನಿಜಗಳು ತೂಕ ಇಳಿಸಲು ಮತ್ತು ಉತ್ತಮ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತೆ.
ನುಗ್ಗೆಕಾಯಿ ಸೇವಿಸಿ ಬೊಜ್ಜು ಕಡಿಮೆ ಮಾಡುವುದು ಹೇಗೆ?
- ದೇಹದಲ್ಲಿ ಬೇಡವಾದ ಬೊಜ್ಜು ಹೆಚ್ಚು ಹೆಚ್ಚಾಗಿ ಬೆಳೆಯುತ್ತಿದೆಯೇ? ಹಾಗಿದ್ರೆ ನುಗ್ಗೆ ಕಾಯಿ ಕಷಾಯವನ್ನು ತಯಾರಿಸಿ ಕುಡಿಯಲು ಪ್ರಾರಂಭಿಸಿ. ನಂತರ ಕೊಬ್ಬು ಹೇಗೆ ಕರಗಲು ಪ್ರಾರಂಭಿಸುತ್ತದೆ ಎಂಬುದನ್ನು ನೋಡಿ.
- ನುಗ್ಗೆ ಕಾಯಿ ಕಷಾಯವನ್ನು ಕುಡಿಯುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವು (blood sugar level) ನಿಯಂತ್ರಣಕ್ಕೆ ಬರುತ್ತದೆ. ಆದರೆ ಅದರ ಕಷಾಯವನ್ನು ಕುಡಿಯುವ ಮೊದಲು, ನೀವು ವೈದ್ಯರನ್ನು ಸಂಪರ್ಕಿಸಬೇಕು. ಇಲ್ಲದಿದ್ದರೆ ಅದು ಸಕ್ಕರೆ ಮಟ್ಟವನ್ನು ಹಾಳು ಮಾಡುತ್ತದೆ.
- ನುಗ್ಗೆ ಕಾಯಿ ಕಷಾಯವು ಮೂಳೆಗಳನ್ನು ಬಲಪಡಿಸುತ್ತದೆ. ಇದರ ಎಲೆಗಳು ಕ್ಯಾಲ್ಸಿಯಂ ಮತ್ತು ರಂಜಕವನ್ನು ಹೊಂದಿರುತ್ತವೆ, ಇದು ಆಸ್ಟಿಯೊಪೊರೋಸಿಸ್ ಸಮಸ್ಯೆಯನ್ನು ನಿವಾರಿಸುತ್ತದೆ. ಸದೃಢ ಶರೀರಕ್ಕಾಗಿ (strong bones) ನೀವು ನುಗ್ಗೆ ಕಷಾಯ ಮಾಡಿ ಸೇವಿಸಬಹುದು ಅಥವಾ ನುಗ್ಗೆ ಸೊಪ್ಪನ್ನು ಪಲ್ಯ ಮಾಡಿ ಸೇವಿಸಬಹುದು. ಆಯ್ಕೆ ನಿಮ್ಮದು.
- ನುಗ್ಗೆ ಕಾಯಿ ಕಷಾಯದಲ್ಲಿರುವ ಪೋಷಕಾಂಶಗಳು ಹೊಟ್ಟೆಗೆ ತುಂಬಾ ಪ್ರಯೋಜನಕಾರಿ. ಇದು ಮಲಬದ್ಧತೆಯಿಂದ ಪರಿಹಾರವನ್ನು ನೀಡುತ್ತದೆ. ಅಲ್ಲದೆ, ಹೊಟ್ಟೆಯುಬ್ಬರದ ಸಮಸ್ಯೆಯೂ ನಿವಾರಣೆಯಾಗುತ್ತದೆ. ಬೇಸಿಗೆಯಲ್ಲಿ ಮಲಬದ್ಧತೆ ಸಮಸ್ಯೆ (constipation) ಹೆಚ್ಚಾಗಿ ಕಾಡೋದರಿಂದ ನೀವು ಇದನ್ನ ಟ್ರೈ ಮಾಡಬಹುದು.
- ಈ ತರಕಾರಿ ರಕ್ತಹೀನತೆಯ ಸಮಸ್ಯೆಗೆ ತುಂಬಾ ಪ್ರಯೋಜನಕಾರಿ ಎಂದು ತಿಳಿದು ಬಂದಿದೆ. ನಿಮಗೆ ಈ ಸಮಸ್ಯೆ ಇದ್ದರೆ, ಇಂದಿನಿಂದ ನುಗ್ಗೆ ಕಾಯಿ ತಿನ್ನಲು ಪ್ರಾರಂಭಿಸಿ. ನುಗ್ಗೆ ಕಾಯಿಯಲ್ಲಿ ಕಂಡುಬರುವ ಪೋಷಕಾಂಶಗಳು ರಕ್ತಹೀನತೆಯ ವಿರುದ್ಧ ಹೋರಾಡುವ ಸಾಮರ್ಥ್ಯವನ್ನು ನೀಡುತ್ತವೆ.
- ಮೆದುಳಿಗೆ ಸಂಬಂಧಿಸಿದ ಯಾವುದೇ ಸಮಸ್ಯೆ ಇದ್ದರೆ, ನುಗ್ಗೆ ಕಾಯಿ ಸೇವಿಸಿ. ಇದನ್ನು ಸೇವಿಸೋದ್ರಿಂದ ಮೆದುಳನ್ನು ಆರೋಗ್ಯಕರವಾಗಿಸುವುದಲ್ಲದೆ ಜ್ಞಾಪಕ ಶಕ್ತಿಯನ್ನು (improve memory power) ಸುಧಾರಿಸುತ್ತದೆ. ನೀವು ನುಗ್ಗೆ ಕಾಯಿ ಅಡುಗೆಯಲ್ಲಿ ಬಳಸಬಹುದು, ಕಷಾಯ ಮಾಡಿ ಕುಡಿಯಬಹುದು ಅಥವಾ ನೀವು ಅದರ ಸೂಪ್ ತಯಾರಿಸಿ ಕುಡಿಯಬಹುದು. ಒಟ್ಟಲ್ಲಿ ಉತ್ತಮ ಆರೋಗ್ಯ ನಿಮ್ಮದಾಗುತ್ತೆ.