ಮಕ್ಕಳಿಗೆ ಪೀನಟ್ ಬಟರ್‌ನಿಂದ ಮಾಡಿಕೊಡಬಹುದಾದ 8 ರುಚಿರುಚಿಯಾದ ತಿನಿಸುಗಳು

ಶೇಂಗಾ ಬಟರ್‌ನಿಂದ ದೇಹಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಪ್ರೋಟೀನ್‌ಗಳು ಸಿಗುತ್ತವೆ. ಇದಕ್ಕಾಗಿ ನೀವು ಮಕ್ಕಳಿಗೆ ಇದನ್ನು ವಿವಿಧ ರೀತಿಯ ತಿನಿಸುಗಳಲ್ಲಿ ಹಾಕಿ ಕೊಡಬಹುದು.

ಸ್ಮೂಥಿ:

2 ಟೇಬಲ್ಸ್ಪೂನ್ ಶೇಂಗಾ ಬಟರ್, 1 ಬಾಳೆಹಣ್ಣು, 1 ಕಪ್ ಹಾಲು (ಸಾಮಾನ್ಯ ಹಾಲು ಅಥವಾ ಬಾದಾಮಿ ಹಾಲು), 1 ಟೇಬಲ್ಸ್ಪೂನ್ ಚಿಯಾ ಬೀಜಗಳು (ಹೆಚ್ಚುವರಿ ಪ್ರೋಟೀನ್‌ಗಾಗಿ), ಸ್ವಲ್ಪ ಜೇನುತುಪ್ಪ ಸೇರಿಸಿ ಎಲ್ಲಾ ಪದಾರ್ಥಗಳನ್ನು ಬ್ಲೆಂಡರ್‌ನಲ್ಲಿ ಹಾಕಿ ಮೃದುವಾಗಿ ರುಬ್ಬಿ ತಕ್ಷಣವೇ ಬಡಿಸಿ. ಇದು ತ್ವರಿತ ಮತ್ತು ಸುಲಭವಾದ ಬೆಳಗಿನ ಉಪಾಹಾರ ಅಥವಾ ವ್ಯಾಯಾಮದ ನಂತರದ ತಿಂಡಿಯಾಗಿದೆ.

ಟೋಸ್ಟ್ :

2 ಫೀಸ್‌ ಗೋಧಿ ಬ್ರೆಡ್, 2 ಟೇಬಲ್ಸ್ಪೂನ್ ಶೇಂಗಾ ಬಟರ್, ತೆಳುವಾಗಿ ಹೆಚ್ಚಿದ ಬಾಳೆಹಣ್ಣು ಅಥವಾ ಸೇಬಿನ ತುಂಡುಗಳನ್ನು ತೆಗೆದುಕೊಳ್ಳಿ, ಮೊದಲು ಬ್ರೆಡ್ ಅನ್ನು ಟೋಸ್ಟ್ ಮಾಡಿ. ಅದರ ಮೇಲೆ ಶೇಂಗಾ ಬಟರ್ ಹರಡಿ, ಬಾಳೆಹಣ್ಣು ಅಥವಾ ಸೇಬಿನ ತುಂಡುಗಳನ್ನು ಜೋಡಿಸಿ ಬಡಿಸಿ. ಇದು ಸರಳವಾದ ಬೆಳಗಿನ ಉಪಾಹಾರವಾಗಿದೆ.

ಓಟ್ಸ್ :

ಅರ್ಧ ಕಪ್ ಓಟ್ಸ್, 1 ಕಪ್ ಹಾಲು ಅಥವಾ ನೀರು, 1 ಟೇಬಲ್ಸ್ಪೂನ್ ಶೇಂಗಾ ಬಟರ್, ಸ್ವಲ್ಪಕಾಳುಗಳು (ಬಾದಾಮಿ, ಅಕ್ರೋಟ್), ಸ್ವಲ್ಪ ಜೇನುತುಪ್ಪ ತೆಗೆದುಕೊಳ್ಳಿ, ಮೊದಲು ಓಟ್ಸ್ ಮತ್ತು ಹಾಲು/ನೀರನ್ನು ಒಂದು ಪಾತ್ರೆಯಲ್ಲಿ ಸೇರಿಸಿ ಕಡಿಮೆ ಉರಿಯಲ್ಲಿ 5-7 ನಿಮಿಷ ಬೇಯಿಸಿ. ನಂತರ ಒಲೆಯನ್ನು ಆರಿಸಿ, ಶೇಂಗಾ ಬಟರ್, ಬೀಜಗಳು ಮತ್ತು ಜೇನುತುಪ್ಪವನ್ನು ಸೇರಿಸಿ ಬಡಿಸಿ. ಇದು ಆರೋಗ್ಯಕರ ಮತ್ತು ಪ್ರೋಟೀನ್‌ಯುಕ್ತ ಬೆಳಗಿನ ಉಪಾಹಾರವಾಗಿದೆ.

ಪ್ರೋಟೀನ್ ಬಾಲ್

1 ಕಪ್ ಓಟ್ಸ್, ಅರ್ಧ ಕಪ್ ಶೇಂಗಾ ಬಟರ್, ಕಾಲು ಕಪ್ ಜೇನುತುಪ್ಪ, ಕಾಲು ಕಪ್ ಚಾಕೊಲೇಟ್ ಚಿಪ್ಸ್ ಅಥವಾ ಹೆಚ್ಚಿದ ಬೀಜಗಳು. ಇವೆಲ್ಲವನ್ನೂ ಒಂದು ದೊಡ್ಡ ಪಾತ್ರೆಯಲ್ಲಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ ಸಣ್ಣ ಉಂಡೆಗಳನ್ನಾಗಿ ಮಾಡಿ. 30 ನಿಮಿಷಗಳ ಕಾಲ ರೆಫ್ರಿಜರೇಟರ್‌ನಲ್ಲಿ ಇರಿಸಿ ನಂತರ ಬಡಿಸಿ. ಇದು ಪ್ರಯಾಣದಲ್ಲಿ ಮತ್ತು ಕೆಲಸ ಮಾಡುವಾಗ ತಿನ್ನಲು ಸೂಕ್ತವಾದ, ಪೌಷ್ಟಿಕ ಪ್ರೋಟೀನ್ ಚೆಂಡುಗಳಾಗಿವೆ. 

ಸಾಸ್ :

2 ಟೇಬಲ್ಸ್ಪೂನ್ ಶೇಂಗಾ ಬಟರ್, 1 ಟೇಬಲ್ಸ್ಪೂನ್ ಸೋಯಾ ಸಾಸ್, 1 ಟೇಬಲ್ಸ್ಪೂನ್ ನಿಂಬೆ ರಸ, 1 ಟೀಸ್ಪೂನ್ ಜೇನುತುಪ್ಪ, ಸ್ವಲ್ಪ ತುರಿದ ಶುಂಠಿ ಮತ್ತು ಸ್ವಲ್ಪ ಮೆಣಸಿನ ಪುಡಿ ಇವೆಲ್ಲವನ್ನೂ ಒಂದು ಸಣ್ಣ ಪಾತ್ರೆಯಲ್ಲಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ, ಬಿಸಿ ನೂಡಲ್ಸ್ ಅಥವಾ ಸಲಾಡ್ ಮೇಲೆ ಸುರಿದು ಬಡಿಸಿ. ಏಷ್ಯನ್ ಶೈಲಿಯ ನೂಡಲ್ಸ್ ಅಥವಾ ಸಲಾಡ್‌ಗಳಿಗೆ ಇದು ಸೂಕ್ತವಾದ ರುಚಿಕರವಾದ ಸಾಸ್ ಆಗಿದೆ.

ಸ್ಯಾಂಡ್‌ವಿಚ್ :

2 ಸ್ಲೈಸ್ ಗೋಧಿ ಬ್ರೆಡ್, 2 ಟೇಬಲ್ಸ್ಪೂನ್ ಶೇಂಗಾ ಬಟರ್ ಮತ್ತು ಜಾಮ್ ತೆಗೆದುಕೊಳ್ಳಿ, ಬ್ರೆಡ್ ಸ್ಲೈಸ್‌ಗಳ ಮೇಲೆ ಶೇಂಗಾ ಬಟರ್ ಹರಡಿ, ಇನ್ನೊಂದು ಸ್ಲೈಸ್‌ನಿಂದ ಮುಚ್ಚಿ. ಜಾಮ್ ಸೇರಿಸಿ ಬಡಿಸಿ. ಇದು ಶಾಲೆಗೆ ಹೋಗುವ ಮಕ್ಕಳಿಗೆ ಬೆಳಿಗ್ಗೆ ಅಥವಾ ತ್ವರಿತ ಮಧ್ಯಾಹ್ನದ ಊಟಕ್ಕೆ ಸೂಕ್ತವಾಗಿದೆ.

ಚಾಕೊಲೇಟ್ ಕಪ್ :

ಅರ್ಧ ಕಪ್ ಶೇಂಗಾ ಬಟರ್, ಕಾಲು ಕಪ್ ಕೋಕೋ ಪೌಡರ್ (ಸಕ್ಕರೆ ಇಲ್ಲದೆ), ಕಾಲು ಕಪ್ ತೆಂಗಿನ ಎಣ್ಣೆ (ಕರಗಿದ), 2-3 ಟೇಬಲ್ಸ್ಪೂನ್ ಜೇನುತುಪ್ಪ ಇವೆಲ್ಲವನ್ನೂ ಒಂದು ಸಣ್ಣ ಪಾತ್ರೆಯಲ್ಲಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಮಫಿನ್ ಕಪ್‌ಗಳಲ್ಲಿ ಅಥವಾ ಸಣ್ಣ ಸಿಲಿಕಾನ್ ಅಚ್ಚುಗಳಲ್ಲಿ ಸುರಿದು ಫ್ರೀಜರ್‌ನಲ್ಲಿ 30 ನಿಮಿಷ ಇರಿಸಿ ಗಟ್ಟಿಯಾದ ನಂತರ ಬಡಿಸಿ. ಇದು ಚಾಕೊಲೇಟ್ ಪ್ರಿಯರಿಗೆ ಆರೋಗ್ಯಕರ ಪರ್ಯಾಯ ಸಿಹಿತಿಂಡಿಯಾಗಿದೆ.