90% ಜನಕ್ಕೆ ಗೊತ್ತಿಲ್ಲ, ಈರುಳ್ಳಿ ರಸ ಈ ರೀತಿ ಬಳಸಿದ್ರೆ ಕೂದಲು ಎರಡು ಪಟ್ಟು ವೇಗವಾಗಿ ಬೆಳೆಯುತ್ತೆ!

ವೈದ್ಯರು ಈ ಪೋಸ್ಟ್‌ನಲ್ಲಿ  90% ಜನರಿಗೆ ಈರುಳ್ಳಿ ರಸವನ್ನು ಸರಿಯಾಗಿ ಬಳಸುವುದು ಹೇಗೆ ಎಂದು ತಿಳಿದಿಲ್ಲ ಎಂದು ಹೇಳಿದ್ದಾರೆ. 

ಅನೇಕ ಹೆಣ್ಣುಮಕ್ಕಳು ಉದ್ದ ಮತ್ತು ದಪ್ಪ ಕೂದಲಿಗಾಗಿ ನಾನಾ ಮನೆಮದ್ದುಗಳನ್ನು ಬಳಸುತ್ತಾರೆ. ಅವುಗಳಲ್ಲಿ ಒಂದು ಈರುಳ್ಳಿ. ಆದರೆ ಈರುಳ್ಳಿ ಬಳಸಿದ ನಂತರ ಯಾಕೆ ಕೂದಲು ಸರಿಯಾಗಿ ಬರುತ್ತಿಲ್ಲ ಅಂದುಕೊಳ್ಳುತ್ತೀರಿ. ನಿಜ ಹೇಳಬೇಕೆಂದರೆ ನಮ್ಮಲ್ಲಿ ಹಲವರಿಗೆ ಅದನ್ನು ಬಳಸುವ ಸರಿಯಾದ ವಿಧಾನವೇ ತಿಳಿದಿಲ್ಲ. ಆದ್ದರಿಂದ ಈರುಳ್ಳಿ ರಸ ಸರಿಯಾಗಿ ಬಳಸುವುದು ಹೇಗೆ ಎಂದು ನೋಡೋಣ...

ಪ್ರತಿಯೊಬ್ಬರೂ ಬಯಸುವುದು ಉದ್ದ ಮತ್ತು ದಪ್ಪ ಕೂದಲನ್ನು. ಆದರೆ ಮಾಲಿನ್ಯ, ಕೆಟ್ಟ ಆಹಾರ ಪದ್ಧತಿ ಮತ್ತು ಅಪೂರ್ಣ ನಿದ್ರೆ ಈ ಕನಸನ್ನು ನನಸಾಗಿಸಲು ಬಿಡುವುದಿಲ್ಲ.

ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಈರುಳ್ಳಿಯನ್ನು ಬಳಸಿ ಅನೇಕ ಉತ್ಪನ್ನಗಳನ್ನು ತಯಾರಿಸುತ್ತಾರೆ. ಕೆಲವರು ಮಾತ್ರ ಮನೆಯಲ್ಲಿಯೇ ನೇರವಾಗಿ ಈರುಳ್ಳಿ ಬಳಸುತ್ತಾರೆ. ಈರುಳ್ಳಿ ಬಳಸುವುದೇನೋ ಸರಿ, ಆದರೆ ಅದನ್ನು ಸರಿಯಾದ ರೀತಿಯಲ್ಲಿ ಬಳಸುವುದು ಹೇಗೆಂದು ಗೊತ್ತೇ ಇರುವುದಿಲ್ಲ. ಆದರೆ ಇತ್ತೀಚೆಗೆ ಚರ್ಮರೋಗ ತಜ್ಞ ಡಾ. ರಿತೇಶ್ ಬಜಾಜ್ ಅವರು ಇನ್ಸ್ಟಾಗ್ರಾಂನಲ್ಲಿ ವಿಡಿಯೋವೊಂದನ್ನು ಅಪ್ಲೋಡ್ ಮಾಡಿದ್ದು, ಇದರಲ್ಲಿ 90% ಜನರಿಗೆ ಈರುಳ್ಳಿ ರಸವನ್ನು ಸರಿಯಾಗಿ ಬಳಸುವುದು ಹೇಗೆ ಎಂದು ತಿಳಿದಿಲ್ಲ ಎಂದು ಹೇಳಿದ್ದಾರೆ.

ವಿಡಿಯೋದಲ್ಲಿ ಹೇಳಿರುವ ಹಾಗೆ ಈರುಳ್ಳಿ ರಸವನ್ನು ಕೂದಲಿಗೆ ತಪ್ಪಾದ ರೀತಿಯಲ್ಲಿ ಹಚ್ಚುವುದರಿಂದ ಯಾವುದೇ ಪರಿಣಾಮ ಬೀರುವುದಿಲ್ಲ. ಸರಿಯಾದ ರೀತಿಯಲ್ಲಿ ಹಚ್ಚಿದರೆ, ಕೂದಲು ಉದ್ದವಾಗಿ ಮತ್ತು ದಪ್ಪವಾಗಿ ಬೆಳೆಯುತ್ತದೆ ಎಂದು ಡಾ. ರಿತೇಶ್ ತಿಳಿಸಿದ್ದಾರೆ.

ನಮ್ಮಲ್ಲಿ ಹೆಚ್ಚಿನವರು ಈರುಳ್ಳಿ ರಸವನ್ನು ನೇರವಾಗಿ ಫಿಲ್ಟರ್ ಮಾಡಿ ಹಚ್ಚುತ್ತೇವೆ, ಆದರೆ ಹಾಗೆ ಮಾಡಬಾರದು ಎಂದು ಡಾ. ರಿತೇಶ್ ಹೇಳಿದರು. ಈ ರಸ ಹುದುಗುವವರೆಗೆ ನೀವು ಕಾಯಬೇಕು. ಈರುಳ್ಳಿ ರಸವನ್ನು 72 ಗಂಟೆಗಳ ಕಾಲ ಹುದುಗಿಸಿ ನಂತರ ಹಚ್ಚಿ.

ಬಳಸುವ ಸರಿಯಾದ ಮಾರ್ಗ

ನಿಮ್ಮ ಕೂದಲಿಗೆ ಈರುಳ್ಳಿ ರಸವನ್ನು ಹಚ್ಚಲು, ಮೊದಲು ನಿಮ್ಮ ನೆತ್ತಿಯನ್ನು ಒದ್ದೆ ಮಾಡಿ. ಈಗ ಹುದುಗಿಸಿದ ಈರುಳ್ಳಿ ರಸವನ್ನು ನಿಮ್ಮ ಕೂದಲಿಗೆ 2-3 ನಿಮಿಷಗಳ ಕಾಲ ಮಸಾಜ್ ಮಾಡಿ. ನಂತರ ಇಡೀ ಕೂದಲನ್ನು ಶವರ್ ಕ್ಯಾಪ್ ನಿಂದ ಮುಚ್ಚಿ. ಈಗ ಅದನ್ನು 30-60 ನಿಮಿಷಗಳ ಕಾಲ ಬಿಡಿ. ನಿಮ್ಮ ಕೂದಲನ್ನು ಎರಡು ಬಾರಿ ತೊಳೆದು ಶಾಂಪೂ ಹಾಕಿ. 4-6 ವಾರಗಳವರೆಗೆ ದಿನಕ್ಕೆ ಎರಡು ಬಾರಿ ಬಳಸಿ. ಈ ರೀತಿ ಬಳಸುವುದರಿಂದ ನೀವು ಅನೇಕ ಪ್ರಯೋಜನಗಳನ್ನು ನೋಡಬಹುದು.

ಗಮನಿಸಿ: ಈ ಲೇಖನವು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ಯಾವುದೇ ಮನೆಮದ್ದನ್ನು ಬಳಸುವ ಮೊದಲು ದಯವಿಟ್ಟು ತಜ್ಞ ವೈದ್ಯರನ್ನು ಸಂಪರ್ಕಿಸಿ.