Facial paralysisಗೆ ಒಳಗಾಗಿದ್ದರಂತೆ ಅನುಪಮ್ ಖೇರ್!

ಅನುಪಮ್ ಖೇರ್ (Anupam Kher) ಸೋಮವಾರ ತಮ್ಮ 67 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಅತ್ಯುತ್ತಮ ನಟ, ಖೇರ್ ಬಾಲಿವುಡ್ ಮತ್ತು ಹಾಲಿವುಡ್‌ನಲ್ಲಿ ಹಲವಾರು ಬ್ಲಾಕ್‌ಬಸ್ಟರ್ ಪ್ರದರ್ಶನಗಳನ್ನು ನೀಡಿದ್ದಾರೆ. ಆದರೆ ಒಂದು ಸಮಯದಲ್ಲಿ ಅವರು ಮುಖದ ಪಾರ್ಶ್ವವಾಯುವಿಗೆ ಒಳಗಾಗಿದ್ದರು ಎಂದು ನಿಮಗೆ ತಿಳಿದಿದೆಯೇ? ಇಲ್ಲಿದೆ ವಿವರ.

ಅನುಪಮ್ ಖೇರ್ ತಮ್ಮ ವೃತ್ತಿಜೀವನದಲ್ಲಿ ಸಾಕಷ್ಟು ಕಷ್ಟಪಟ್ಟಿದ್ದಾರೆ. ಅವರ ಕೇರಿಯರ್‌ ಗ್ರಾಫ್‌ ಉತ್ತುಂಗಕ್ಕೇರಲು ಪ್ರಾರಂಭಿಸಿದಾಗ ಅನೇಕ ಅಡೆತಡೆಗಳು ಮತ್ತು ಸವಾಲುಗಳನ್ನು ಎದುರಿಸಿದರು. ಅವರು ತಮ್ಮ ವೃತ್ತಿಜೀವನದ ಆರಂಭಿಕ ದಿನಗಳಲ್ಲಿ ಅನುಭವಿಸಿದ ಸವಾಲುಗಳನ್ನು ಒಮ್ಮೆ ಬಹಿರಂಗಪಡಿಸಿದರು.

‘ಹಮ್ ಆಪ್ಕೆ ಹೇ ಕೌನ್’ ಸಿನಿಮಾದ ವೇಳೆ ಅವರಿಗೆ ಮುಖದ ಪಾರ್ಶ್ವವಾಯು ಕಾಣಿಸಿಕೊಂಡಿತ್ತು. ಆದರೆ ಅನುಪಮ್ ಖೇರ್ ಚಿತ್ರದ ಚಿತ್ರೀಕರಣದ ಆಲೋಚನೆಯನ್ನು ಎಂದಿಗೂ ಬಿಡಲಿಲ್ಲ. ಅವರು ಮುಖದ ಪಾರ್ಶ್ವವಾಯು ಜೊತೆ ಹೋರಾಡುವುದನ್ನು ಮುಂದುವರೆಸಿದರು ಮತ್ತು ಅದನ್ನು ಸೋಲಿಸುವಲ್ಲಿ ಯಶಸ್ವಿಯಾದರು. ವೈದ್ಯರ ಸಲಹೆಯ ಹೊರತಾಗಿಯೂ ಚಿತ್ರದ ಶೂಟಿಂಗ್ ನಿಲ್ಲಿಸದೆ ಕಷ್ಟವಾದರೂ ಚಿತ್ರೀಕರಣ ಮುಂದುವರೆಸಿದ್ದಾರೆ.

ರಜತ್ ಶರ್ಮಾ ಅವರ 'ಆಪ್ಕಿ ಅದಾಲತ್' ಕಾರ್ಯಕ್ರಮದಲ್ಲಿ ಅನುಪಮ್ ಖೇರ್ ತಮ್ಮ ಮುಖದ ಪಾರ್ಶ್ವವಾಯು ಬಗ್ಗೆ ಬಹಿರಂಗಪಡಿಸಿದ್ದರು. ಅದನ್ನು ನೆನಪಿಸಿಕೊಳ್ಳುತ್ತಾ, ಒಮ್ಮೆ ಅವರು ಅನಿಲ್ ಕಪೂರ್ ಅವರ ನಿವಾಸದಲ್ಲಿ ಊಟಕ್ಕೆ ಹೋದಾಗ, ಅವರ ಪತ್ನಿ ಸುನೀತಾ ಕಪೂರ್ ಅವರು ಅನುಪಮ್‌ ಒಂದು ಕಣ್ಣು ಮಿಟುಕಿಸುತ್ತಿಲ್ಲ ಎಂದು ಹೈಲೈಟ್ ಮಾಡಿದರು. ಆಯಾಸವೇ ಕಾರಣ ಎಂದು ಖೇರ್ ಭಾವಿಸಿದರು. 

ಆದರೆ, ಮರುದಿನ ಎದ್ದು ಹಲ್ಲುಜ್ಜಲು ಹೋದಾಗ ಒಂದು ಕಡೆಯಿಂದ ನೀರು ಬರುತ್ತಿತ್ತು. ಅನುಪಮ್ ಖೇರ್ ನಂತರ ಯಶ್ ಚೋಪ್ರಾ ಅವರ ನಿವಾಸಕ್ಕೆ ಹೋಗಿ ಅವರಿಗೆ ಏನಾಗುತ್ತಿದೆ ಎಂದು ಹೇಳಿದರು. ಚಲನಚಿತ್ರ ನಿರ್ಮಾಪಕರು ತಕ್ಷಣ ವೈದ್ಯರನ್ನು ಭೇಟಿ ಮಾಡಲು ಕೇಳಿಕೊಂಡರು.

ಅನುಪಮ್ ಖೇರ್ ಅವರ ಸ್ಥಿತಿಯನ್ನು ನೋಡಿದ ಅವರು, ಅವರು ಎರಡು ತಿಂಗಳವರೆಗೆ ಅವರ ಎಲ್ಲಾ ಕೆಲಸಗಳನ್ನು ನಿಲ್ಲಿಸುವಂತೆ ಹೇಳಿದರು, ಅವರಿಗೆ ಔಷಧಿಗಳನ್ನು ಬರೆದುಕೊಟ್ಟರು ಮತ್ತು ಅವರಿಗೆ ಮುಖದ ಪಾರ್ಶ್ವವಾಯು ಇದೆ ಎಂದು ಹೇಳಿದರು. 

ಅನುಪಮ್ ಖೇರ್ 'ಹಮ್ ಆಪ್ಕೆ ಹೈ ಕೌನ್' ಚಿತ್ರೀಕರಣದ ಸಮಯದಲ್ಲಿ ಈ ಆರೋಗ್ಯ ಸಮಸ್ಯೆ ಎದುರಾಗಿತ್ತು.   ಮನೆಯಲ್ಲಿಯೇ ಇರಲು ನಿರ್ಧರಿಸಿದರೆ, ಅವರು ತಮ್ಮ ಜೀವನದುದ್ದಕ್ಕೂ ಮನೆಯಲ್ಲಿಯೇ ಕುಳಿತುಕೊಳ್ಳಬೇಕಾಗುತ್ತದೆ ಎಂಧು ಅನುಮಪ್‌ ಖೇರ್‌ ಯೋಚಿಸಿದರು ಮತ್ತು ರೆಸ್ಟ್ ತೆಗೆದು ಕೊಳ್ಳುವ ನಿರ್ಧಾರ ಬಿಟ್ಟು ಶೂಟಿಂಗ್‌ಗೆ ಹೊರಟರು.

ಬಹಳ ಸಮಯದವರೆಗೆ ಸಲ್ಮಾನ್ ಖಾನ್ ಮತ್ತು ಮಾಧುರಿ ದೀಕ್ಷಿತ್ ಅವರು ಅನುಪಮ್‌ ಖೇರ್‌ ಫನ್ನಿ ಫೆಸ್‌ ಮಾಡಲು ಪ್ರಯತ್ನಿಸುತ್ತಿದ್ದಾರೆ ಎಂದೇ ಭಾವಿಸಿದ್ದರು ಎಂದು ಅನುಪಮ್ ಖೇರ್ ಬಹಿರಂಗಪಡಿಸಿದರು. ನಂತರ  ತನ್ನ ಮುಖದ ಪಾರ್ಶ್ವವಾಯು ಬಗ್ಗೆ ಎಲ್ಲರಿಗೂ ತಿಳಿಸಿದರು. ಅದರ ನಂತರ, ಅವರು ಸಾಕಷ್ಟು ವಿಶ್ರಾಂತಿ ಪಡೆಯುವಂತೆ ಮತ್ತು ಅದೇ ಸಮಯದಲ್ಲಿ, ಶೂಟಿಂಗ್ ಅನ್ನು ಸಹ ಮುಂದುವರಿಸುವಂತೆ ಅವರ ಪಾತ್ರವನ್ನು ಸ್ವಲ್ಪಮಟ್ಟಿಗೆ ಬದಲಾಯಿಸಲಾಯಿತು.