ಈ ದಿನಗಳಲ್ಲಿ ಐಶ್ವರ್ಯಾ ರೈ (Aishwarya Rai Bachchan ) ತಮ್ಮ ಮುಂಬರುವ ಚಿತ್ರ 'ಪೊನ್ನಿಯಿನ್ ಸೆಲ್ವನ್-1' ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಈ ನಡುವೆ ಐಶ್ವರ್ಯಾ ರೈ ಬಚ್ಚನ್ ಅವರ ಹೆಚ್ಚಿದ ತೂಕದ ಕಾರಣ ಜನ ಟ್ರೋಲ್ ಮಾಡುತ್ತಿದ್ದಾರೆ ಮತ್ತು ಐಶ್ವರ್ಯಾ ಗರ್ಭಿಣಿಯೇ ಎಂದು ಕೇಳುತ್ತಿದ್ದಾರೆ.
ಶುಕ್ರವಾರ ರಾತ್ರಿ ಮುಂಬೈ ವಿಮಾನ ನಿಲ್ದಾಣದಲ್ಲಿ ಐಶ್ವರ್ಯಾ ರೈ ಬಚ್ಚನ್ ಕಾಣಿಸಿಕೊಂಡಿದ್ದಾರೆ. ಆದರೆ, ಅವರ ಪ್ರಯಾಣದ ಬಗ್ಗೆ ಯಾವುದೇ ಎಂಬ ಮಾಹಿತಿ ಬಹಿರಂಗವಾಗಿಲ್ಲ. ಈ ಸಮಯದಲ್ಲಿ, ಐಶ್ವರ್ಯಾ ಕಪ್ಪು ಟಿ-ಶರ್ಟ್ ಮತ್ತು ಟೈಟ್‌ ಲೆಗ್ಗಿಂಗ್ಸ್‌ ಮೇಲೆ ಉದ್ದವಾದ ಬಿಳಿ ಓವರ್‌ಕೋಟ್ ಧರಿಸಿದ್ದರು.
ತನ್ನ ನೋಟವನ್ನು ಪೂರ್ಣಗೊಳಿಸಲು, ಐಶ್ವರ್ಯಾ ಶೂಗಳನ್ನು ಧರಿಸಿದ್ದರು ಮತ್ತು ಕಪ್ಪು ಹ್ಯಾಂಡ್‌ ಬ್ಯಾಗ್‌ ಹಿಡಿದಿದ್ದರು. ಐಶ್ವರ್ಯಾ ಸ್ವಲ್ಪ ದಪ್ಪವಾಗಿ ಕಾಣುತ್ತಿದ್ದರು, ಇದರಿಂದಾಗಿ ಸಾಮಾಜಿಕ ಮಾಧ್ಯಮ ಬಳಕೆದಾರರು ಆಕೆ ಪ್ರೆಗ್ನೆಂಟ್‌ ಇರಬಹುದು ಎಂದು ಊಹಿಸುತ್ತಿದ್ದಾರೆ
ಐಶ್ವರ್ಯಾ ರೈ ಬಚ್ಚನ್ ಅವರ ಅನೇಕ ಫೋಟೋಗಳು ಮತ್ತು ವೀಡಿಯೊಗಳು ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿವೆ ಇವುಗಳನ್ನು ನೋಡಿ ಜನ ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ. 'ನಾನು ಅವಳು ಗರ್ಭಿಣಿ ಎಂದು ಭಾವಿಸಿದೆ' ಎಂದು ಒಬ್ಬಬಳಕೆದಾರರು ಬರೆದಿದ್ದಾರೆ. 'ಗರ್ಭಿಣಿಯಂತೆ ತೋರುತ್ತಿದೆ. ಖಂಡಿತವಾಗಿ ಒಳ್ಳೆಯ ಸುದ್ದಿಗಾಗಿ ಆಶಿಸುತ್ತೇನೆ' ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.
ಅವಳು ಗರ್ಭಿಣಿಯೇ? ಎಂದು ಕೇಳಿದ್ದಾರೆ. ಒಬ್ಬ ಬಳಕೆದಾರರು ಅವಳು ಖಂಡಿತವಾಗಿಯೂ ಗರ್ಭಿಣಿಯಾಗಿದ್ದಾಳೆ ಮತ್ತು ಮರೆಮಾಡಲು ಪ್ರಯತ್ನಿಸುತ್ತಿದ್ದಾಳೆ' ಎಂದು ಬರೆದಿದ್ದಾರೆ. ಇನ್ನೊಬ್ಬರು 'ಗರ್ಭಿಣಿ, ಎರಡನೇ ಬೇಬಿ ಬಚ್ಚನ್ ಶೀಘ್ರದಲ್ಲೇ ಬರಲಿದ್ದಾರೆ' ಎಂದು ಕಾಮೆಂಟ್ ಮಾಡಿದ್ದಾರೆ.
ನವೆಂಬರ್‌ನಲ್ಲಿ ಐಶ್ವರ್ಯಾ 49 ನೇ ವರ್ಷಕ್ಕೆ ಕಾಲಿಡಲಿದ್ದಾರೆ. ಐಶ್ವರ್ಯಾ ರೈ ಗರ್ಭಿಣಿಯೇ ಅಥವಾ ಆಕೆಯ ಸ್ಥೂಲಕಾಯಕ್ಕೆ ಬೇರೆ ಕಾರಣವಿದೆಯೇ? ಅವರು ಮಾತ್ರ ಇದನ್ನು ಹೇಳಬಲ್ಲರು. 2007 ರಲ್ಲಿ ಅಭಿಷೇಕ್ ಬಚ್ಚನ್ ಜೊತೆ ವಿವಾಹವಾದ ಐಶ್ವರ್ಯಾ ಅವರಿಗೆ 2011 ರಲ್ಲಿ ಅವರ ಮಗಳು ಆರಾಧ್ಯ ಜನಿಸಿದ್ದಾಳೆ,
ಐಶ್ವರ್ಯಾ ರೈ ಕೊನೆಯದಾಗಿ 2018 ರಲ್ಲಿ ಬಿಡುಗಡೆಯಾದ 'ಫೇನ್ನಿ ಖಾನ್' ಚಿತ್ರದಲ್ಲಿ ಕಾಣಿಸಿಕೊಂಡರು, ಇದು ಗಲ್ಲಾಪೆಟ್ಟಿಗೆಯಲ್ಲಿ ಫ್ಲಾಪ್‌ ಎಂದು ಸಾಬೀತಾಯಿತು. ಅತುಲ್ ಮಂಜ್ರೇಕರ್ ಅವರ ಈ ಚಿತ್ರದಲ್ಲಿ ಅನಿಲ್ ಕಪೂರ್ ಮತ್ತು ರಾಜ್‌ಕುಮಾರ್ ರಾವ್ ಸಹ ಪ್ರಮುಖ ಪಾತ್ರಗಳಲ್ಲಿದ್ದರು.
ಐಶ್ವರ್ಯಾ ರೈ ಅವರ ಮುಂದಿನ ಚಿತ್ರ 'ಪೊನ್ನಿಯಿನ್ ಸೆಲ್ವನ್-1', ಇದು ತಮಿಳು, ಹಿಂದಿ, ತೆಲುಗು, ಮಲಯಾಳಂ ಮತ್ತು ಕನ್ನಡ ಭಾಷೆಗಳಲ್ಲಿ ಸೆಪ್ಟೆಂಬರ್ 30 ರಂದು ಬಿಡುಗಡೆಯಾಗಲಿದೆ. ಮಣಿರತ್ನಂ ನಿರ್ದೇಶನದ ಈ ಚಿತ್ರದಲ್ಲಿ ಚಿಯಾನ್ ವಿಕ್ರಮ್, ಜಯಂ ರವಿ, ಕಾರ್ತಿ, ತ್ರಿಶಾ, ಐಶ್ವರ್ಯ ಲಕ್ಷ್ಮಿ ಮತ್ತು ಸೋಭಿತಾ ಧೂಳಿಪಾಲ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸುಮಾರು 500 ಕೋಟಿ ಬಜೆಟ್‌ನಲ್ಲಿ ತಯಾರಾಗಿರುವ ಈ ಚಿತ್ರ ಭಾರತದ ಅತ್ಯಂತ ದುಬಾರಿ ಚಿತ್ರ ಎಂದು ಹೇಳಲಾಗುತ್ತಿದೆ.