ಆಮೀರ್ ಖಾನ್ (Aamir Khan) ಬಾಲಿವುಡ್‌ನ ಅದ್ಭುತ ನಟ. ಮಿಸ್ಟರ್ ಪರ್ಫೆಕ್ಷನಿಸ್ಟ್ ಎಂದೇ ಫೇಮಸ್‌. ಮಾರ್ಚ್ 14 ರಂದು ಅಮೀರ್ ಖಾನ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ.ತಮ್ಮ ಸಿನಿಮಾ ಹಾಗೂ ಅಭಿನಯದಜೊತೆ ಆಮೀರ್ ಅವರ ಲವ್‌ ಲೈಫ್‌ ಸಹ ಹೆಡ್‌ಲೈನ್‌ ನ್ಯೂಸ್‌ನಲ್ಲಿದೆ. ಆಮೀರ್ ಖಾನ್ ಎರಡು ಮದುವೆ ಮಾಡಿಕೊಂಡಿದ್ದಾರೆ ಆದರೆ ಪ್ರಸ್ತುತ ಒಂಟಿಯಾಗಿದ್ದಾರೆ. ಮೊದಲ ಪತ್ನಿ ರೀನಾ ದತ್ತಾಗೆ ವಿಚ್ಛೇದನ ನೀಡಿದ ನಂತರ ಅವರು ತಮ್ಮ ಎರಡನೇ ಪತ್ನಿ ಕಿರಣ್ ರಾವ್ ಅವರಿಂದಲೂ ಬೇರ್ಪಟ್ಟರು.
ಆಮೀರ್ ಮತ್ತು ರೀನಾ ಅವರ ಮನೆ ಹತ್ತಿರದಲ್ಲಿತ್ತು ಎಂದು ಹೇಳಲಾಗುತ್ತದೆ ಮತ್ತು ಆಮೀರ್ ಖಾನ್ ಮೊದಲ ನೋಟದಲ್ಲೇ ರೀನಾ ದತ್ತಾ ಅವರನ್ನು ಇಷ್ಟಪಡಲು ಪ್ರಾರಂಭಿಸಿದರು. ಇಷ್ಟೇ ಅಲ್ಲ ರೀನಾ ದತ್ತಾ ಅವರ ಮೇಲಿನ ಪ್ರೀತಿಯನ್ನು ಪ್ರೇಮ ಪತ್ರ ಬರೆಯುವ ಮೂಲಕ ಅಮೀರ್ ವ್ಯಕ್ತಪಡಿಸಿದ್ದಾರೆ.
ಅವರು ರಕ್ತದಿಂದ ಈ ಪ್ರೇಮ ಪತ್ರವನ್ನು ಬರೆದಿದ್ದರು. ಅದರ ಮೇಲೆ ರೀನಾ ದತ್ತಾ ಕೋಪಗೊಂಡಿದ್ದರು. ಆದರೆ, ಸ್ವಲ್ಪ ಸಮಯದ ನಂತರ ರೀನಾ ದತ್ತಾ ಕೂಡ ಅಮೀರ್ ಅನ್ನು ಪ್ರೀತಿಸುತ್ತಿದ್ದರು. ಇದರ ನಂತರ, ಇಬ್ಬರೂ 18 ಏಪ್ರಿಲ್ 1986 ರಂದು ರಹಸ್ಯವಾಗಿ ವಿವಾಹವಾದರು.
ಆಮೀರ್ ಖಾನ್ ಮತ್ತು ರೀನಾ ದತ್ತಾ ಅವರ ಪ್ರೇಮ ಜೀವನ ಚೆನ್ನಾಗಿ ಸಾಗುತ್ತಿತ್ತು. ಇಬ್ಬರೂ ಜುನೈದ್ ಖಾನ್ ಮತ್ತು ಇರಾ ಖಾನ್ ಎಂಬ ಇಬ್ಬರು ಮಕ್ಕಳಿಗೂ ಪೋಷಕರಾದರು.
ಆದರೆ ನಂತರ ಆಮೀರ್ ಖಾನ್ ಮತ್ತು ರೀನಾ ದತ್ತಾ ದಂಪತಿಗಳ ನಡುವೆ ಜಗಳ ಪ್ರಾರಂಭವಾಯಿತು. ಆಮೀರ್ ಸಹನಟಿಯೊಂದಿಗಿನ ಸಂಪರ್ಕದಿಂದಾಗಿ ಅವರ ಮೊದಲ ಮದುವೆ ಮುರಿದುಬಿದ್ದಿದೆ ಎಂದು ಹೇಳಲಾಗುತ್ತದೆ.
ರೀನಾ ದತ್ತಾಗೆ ವಿಚ್ಛೇದನ ನೀಡಿದ ನಂತರಆಮೀರ್ ಖಾನ್ ಕಿರಣ್ ರಾವ್ ಕೈ ಹಿಡಿದರು. ಇವರಿಬ್ಬರು ಮೊದಲು ಭೇಟಿಯಾದದ್ದು ‘ಲಗಾನ್’ ಚಿತ್ರದ ಸೆಟ್‌ನಲ್ಲಿ. ವೃತ್ತಿಪರವಾಗಿ ಪರಸ್ಪರ ಭೇಟಿಯಾದ ಇಬ್ಬರೂ ಶೀಘ್ರದಲ್ಲೇ ಪರಸ್ಪರ ಹತ್ತಿರವಾದರು. ಈ ಕಾರಣದಿಂದಾಗಿ ಇಬ್ಬರೂ ತಮ್ಮ ಜೀವನವನ್ನು ಒಟ್ಟಿಗೆ ಕಳೆಯಲು ನಿರ್ಧರಿಸಿದರು.
2005 ರಲ್ಲಿ ಇಬ್ಬರೂ ವಿವಾಹವಾದರು. 2011 ರಲ್ಲಿ, ಆಮೀರ್ ಖಾನ್ ಮತ್ತು ಕಿರಣ್ ರಾವ್ ಬಾಡಿಗೆ ತಾಯ್ತನದ ಸಹಾಯದಿಂದ ಮಗ ಆಜಾದ್ ರಾವ್ ಖಾನ್‌ಗೆ ಪೋಷಕರಾದರು.
ಆಮೀರ್ ಖಾನ್ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡುವುದು ಅಪರೂಪ. ಹೀಗಿರುವಾಗ ಏಕಾಏಕಿ ತಮ್ಮ ಹಾಗೂ ಕಿರಣ್ ರಾವ್ ವಿಚ್ಛೇದನವನ್ನು ಘೋಷಿಸಿದ್ದು ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ. ಆಮೀರ್ ಮತ್ತು ಕಿರಣ್ ಜಂಟಿ ಹೇಳಿಕೆಯ ಮೂಲಕ 2021 ರಲ್ಲಿ ವಿಚ್ಛೇದನವನ್ನು ಘೋಷಿಸಿದರು.
ಈ ಸಂದರ್ಭದಲ್ಲಿ ಇಬ್ಬರೂ ತಮ್ಮ ಜೀವನದಲ್ಲಿ ಹೊಸ ಅಧ್ಯಾಯವನ್ನು ಪ್ರಾರಂಭಿಸುತ್ತಿದ್ದೇವೆ. ಅವರು ಇನ್ನು ಮುಂದೆ ಗಂಡ ಮತ್ತು ಹೆಂಡತಿಯಾಗಿಲ್ಲ ಆದರೆ ಪೋಷಕರು ಮತ್ತು ಕುಟುಂಬವಾಗಿ ಒಟ್ಟಿಗೆ ವಾಸಿಸುತ್ತಾರೆ ಎಂದರು. ಆದರೆ, ಆಮೀರ್ ಮತ್ತು ಕಿರಣ್ ರಾವ್ ವಿಚ್ಛೇದನಕ್ಕೆ ಯಾವುದೇ ಕಾರಣವನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ.
ಆಮೀರ್ ಖಾನ್ ಮತ್ತು ಫಾತಿಮಾ ಸನಾ ಶೇಖ್ ಸಂಬಂಧದ ವದಂತಿಗಳು. ಆಮೀರ್ ಖಾನ್ ಮತ್ತು ಫಾತಿಮಾ ಸನಾ ಶೇಖ್ 'ದಂಗಲ್' ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಆಮೀರ್ ಮತ್ತು ಫಾತಿಮಾ ಈ ಚಿತ್ರದಲ್ಲಿ ತಂದೆ ಮತ್ತು ಮಗಳ ಪಾತ್ರವನ್ನು ನಿರ್ವಹಿಸಿದ್ದಾರೆ ಆದರೆ ಚಿತ್ರದಲ್ಲಿ ಕೆಲಸ ಮಾಡುವಾಗ ಇಬ್ಬರ ನಡುವೆ ನಿಕಟತೆ ಬೆಳೆಯಿತು ಎಂದು ಹೇಳಲಾಗುತ್ತದೆ. ಈ ಹಿಂದೆ ಅಮೀರ್ ಮತ್ತು ಫಾತಿಮಾ ಸನಾ ಶೇಖ್ ವಿವಾಹದ ಬಗ್ಗೆ ವದಂತಿಗಳು ಹರಡಿದ್ದವು, ನಂತರ ಅದು ಸುಳ್ಳೆಂದು ಸಾಬೀತಾಯಿತು.