ಚಳಿಗಾಲದಲ್ಲಿ ಮೂಲಂಗಿ, ಕ್ಯಾರೆಟ್, ಸೌತೆಕಾಯಿ ಮೊದಲಾದ ತರಕಾರಿಗಳನ್ನು ಹೆಚ್ಚು ತಿನ್ನಲಾಗುತ್ತದೆ. ಇವೆಲ್ಲವೂ ಆರೋಗ್ಯಕ್ಕೆ ಒಳ್ಳೆಯದು ನಿಜ. ಆದರೆ ಯಾವುದನ್ನೂ ಅತಿಯಾಗಿ ತಿನ್ನುವುದು ಒಳ್ಳೆಯದಲ್ಲ. ಹಾಗೆಯೇ, ನಿರ್ಧಿಷ್ಟ ತರಕಾರಿಯನ್ನು ಇನ್ನೊಂದರ ಜೊತೆ ಮಿಕ್ಸ್ ಮಾಡುವುದು ಆರೋಗ್ಯ ಸಮಸ್ಯೆಗೆ ಕಾರಣವಾಗಬಹುದು. ಆ ಬಗ್ಗೆ ತಿಳ್ಕೊಳ್ಳೋಣ.
ಚಳಿಗಾಲದಲ್ಲಿ ಮೂಲಂಗಿ (Radish), ಕ್ಯಾರೆಟ್, ಎಲೆಕೋಸು ಮತ್ತು ಗ್ರೀನ್ಸ್ ಸೇರಿದಂತೆ ವಿವಿಧ ತರಕಾರಿಗಳನ್ನು (Vegetables) ಹೇರಳವಾಗಿ ಉತ್ಪಾದಿಸಲಾಗುತ್ತದೆ. ಹಾಗೆಯೇ ಚಳಿಗಾಲದಲ್ಲಿ ದೇಹ (Body)ವನ್ನು ಬೆಚ್ಚಗಿಡಲು ತರಕಾರಿಗಳ ಸೇವನೆಯು ಆರೋಗ್ಯಕ್ಕೆ ಉತ್ತಮವೆಂದು ಪರಿಗಣಿಸಲಾಗಿದೆ. ಏಕೆಂದರೆ ಆರೋಗ್ಯಕ್ಕೆ (Health) ಬೇಕಾದ ಎಲ್ಲಾ ಪೋಷಕಾಂಶಗಳು ತರಕಾರಿಗಳಲ್ಲಿ ಕಂಡುಬರುತ್ತವೆ, ಇದು ದೇಹವನ್ನು ಆರೋಗ್ಯಕರವಾಗಿ ಮತ್ತು ಬಲವಾಗಿ ಮಾಡಲು ಅವಶ್ಯಕವಾಗಿದೆ. ಜೀವಸತ್ವಗಳು, ಖನಿಜಗಳು, ಫೈಬರ್ ಮತ್ತು ಪ್ರೋಟೀನ್ ಸೇರಿದಂತೆ ಎಲ್ಲಾ ಪೋಷಕಾಂಶಗಳು ತರಕಾರಿಗಳಲ್ಲಿ ಕಂಡುಬರುತ್ತವೆ.
ಮೂಲಂಗಿ, ವಿವಿಧ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿರುವ ಅಂತಹ ಒಂದು ತರಕಾರಿಯಲ್ಲಿ ಒಂದಾಗಿದೆ. ಇದನ್ನು ಚಳಿಗಾಲದಲ್ಲಿ ಸೇವಿಸಲಾಗುತ್ತದೆ. ಮೂಲಂಗಿಯನ್ನು ಸಲಾಡ್, ಉಪ್ಪಿನಕಾಯಿ, ಪರಾಠ ಮೊದಲಾದವುಗಳಿಗೆ ಸೇರಿಸಿ ತಿನ್ನುತ್ತಾರೆ. ಮೂಲಂಗಿಯು ವಿಟಮಿನ್ ಎ, ಬಿ ಮತ್ತು ಸಿ, ಪ್ರೋಟೀನ್‌ಗಳು, ಕ್ಯಾಲ್ಸಿಯಂ ಮತ್ತು ಕಬ್ಬಿಣದಂತಹ ಅನೇಕ ಖನಿಜಗಳಿಂದ ಸಮೃದ್ಧವಾಗಿದೆ ಎಂದು ತಿಳಿದುಬಂದಿದೆ. ಇದು ಜೀರ್ಣಕ್ರಿಯೆಗೆ ಉತ್ತಮ ತರಕಾರಿ ಮತ್ತು ಇದು ಗ್ಯಾಸ್ ಸಮಸ್ಯೆಗೆ ಸಾಕಷ್ಟು ಪರಿಹಾರ ನೀಡುತ್ತದೆ. ಆದರೆ ಅದನ್ನು ಸರಿಯಾದ ರೀತಿಯಲ್ಲಷ್ಟೇ ತಿನ್ನಬೇಕು.
ಗಿಡಮೂಲಿಕೆ ಚಹಾ ಸೇವಿಸುವುದು ಒಳ್ಳೆದು ಯಾಕ್‌ ಗೊತ್ತೆ? ಈ ಸ್ಟೋರಿ ಓದಿ
ಆದರೆ, ಮೂಲಂಗಿ ಆರೋಗ್ಯಕ್ಕೆ ಉತ್ತಮವೆಂದು ಯಾವ ಯಾವುದೋ ಆಹಾರದೊಂದಿಗೆ ಮಿಕ್ಸ್ ಮಾಡಿದರೆ ಆಗುವುದಿಲ್ಲ. ಕೆಲವು ಆಹಾರಗಳು ಮತ್ತು ಪಾನೀಯಗಳ ಜೊತೆ ಮೂಲಂಗಿಯನ್ನು ತಿನ್ನುವುದನ್ನು ತಪ್ಪಿಸಬೇಕು. ಏಕೆಂದರೆ ಅವು ವ್ಯಕ್ತಿಯ ಆರೋಗ್ಯಕ್ಕೆ ಮಾರಕವಾಗಬಹುದು. ಅವು ಯಾವುವು ಎಂಬುದನ್ನು ತಿಳಿದುಕೊಳ್ಳೋಣ.
ಮೂಲಂಗಿಯೊಂದಿಗೆ ಹಾಲು ಕುಡಿಯುವುದನ್ನು ತಪ್ಪಿಸಿ: ಮೂಲಂಗಿಯನ್ನು ಸೇವಿಸಿದ ಬಳಿಕ ಎಂದಿಗೂ ಹಾಲನ್ನು (Milk) ಸೇವಿಸಬಾರದು ಎಂದು ವೈದ್ಯರು ಹೇಳುತ್ತಾರೆ. ಇದಕ್ಕೆ ಕಾರಣವೆಂದರೆ ಇದು ಚರ್ಮದ ಸಮಸ್ಯೆಗಳನ್ನು ಉಂಟುಮಾಡುತ್ತದೆ ಮತ್ತು ಕೆಲವೊಮ್ಮೆ ಗುಣವಾಗಲು ಬಹಳ ಸಮಯ ತೆಗೆದುಕೊಳ್ಳುತ್ತದೆ.
ಮೂಲಂಗಿ ಜೊತೆ ಪುಡ್ಡಿಂಗ್‌: ಮೂಲಂಗಿ ಅಥವಾ ಅದರಿಂದ ಮಾಡಿದ ಯಾವುದೇ ಖಾದ್ಯವನ್ನು ತಿನ್ನುವ ಮೊದಲು ಅಥವಾ ನಂತರ ನೀವು ಎಂದಿಗೂ ಹಾಲಿನಿಂದ ಮಾಡಿದ ಖೀರ್ ಅನ್ನು ತಿನ್ನಬಾರದು. ಇದಕ್ಕೆ ಕಾರಣ ಇದು ಚರ್ಮದ ಸಮಸ್ಯೆಗಳಿಗೆ Skin problem) ಕಾರಣವಾಗಬಹುದು.
ಮೂಲಂಗಿ ಜೊತೆ ಹಾಗಲಕಾಯಿ: ಹಾಗಲಕಾಯಿ ಕೂಡಾ ಚಳಿಗಾಲದಲ್ಲಿ ಅತಿ ಹೆಚ್ಚು ಸೇವಿಸುವ ತರಕಾರಿಯಾಗಿದೆ. ಆದರೆ ಹಾಗಲಕಾಯಿ (Bittergourd)ಯನ್ನು ಮೂಲಂಗಿಯೊಂದಿಗೆ ಎಂದಿಗೂ ತಿನ್ನಬಾರದು ಎಂಬುದನ್ನು ನೆನಪಿನಲ್ಲಿಡಿ. ಇದಕ್ಕೆ ಕಾರಣವೆಂದರೆ ಅದು ನಿಮಗೆ ಉಸಿರಾಟದ ತೊಂದರೆಗಳನ್ನು ಉಂಟುಮಾಡುತ್ತದೆ. ರಾತ್ರಿ ವೇಳೆ ಈ ಸಮಸ್ಯೆ ಮತ್ತಷ್ಟು ಹೆಚ್ಚುತ್ತದೆ.
Garlic In Winters: ಚಳಿಗಾಲದಲ್ಲಿ ಬೆಳ್ಳುಳ್ಳಿ ತಿಂದು ಹೃದಯದ ಆರೋಗ್ಯ ಕಾಪಾಡಿ
ಮೂಲಂಗಿ ಜೊತೆ ಕಿತ್ತಳೆ: ಕಿತ್ತಳೆ ಚಳಿಗಾಲದಲ್ಲಿ ಹೇರಳವಾಗಿ ಉತ್ಪತ್ತಿಯಾಗುತ್ತದೆ ಮತ್ತು ತಿನ್ನಲಾಗುತ್ತದೆ. ಆದರೆ ನೀವು ಎಂದಿಗೂ ಮೂಲಂಗಿಯೊಂದಿಗೆ ಕಿತ್ತಳೆ ತಿನ್ನಬಾರದು ಏಕೆಂದರೆ ಇದು ಮಲಬದ್ಧತೆಗೆ ಕಾರಣವಾಗಬಹುದು. ಅಷ್ಟೇ ಅಲ್ಲ, ಈ ಸಂಯೋಜನೆಯು ನಿಮ್ಮ ಹೊಟ್ಟೆಯ ಅಸ್ವಸ್ಥತೆಗೆ ಕಾರಣವಾಗಬಹುದು.
ಮೂಲಂಗಿ ಜೊತೆ ಚಹಾ: ಈ ಸಂಯೋಜನೆಯು ಅತ್ಯಂತ ಅಪಾಯಕಾರಿ. ಚಹಾ (Tea) ಜೊತೆ ಮೂಲಂಗಿ ತಿನ್ನೋ ಅಭ್ಯಾಸ, ಮಲಬದ್ಧತೆ ಮತ್ತು ಆಮ್ಲೀಯತೆಗೆ ಕಾರಣವಾಗಬಹುದು. ಏಕೆಂದರೆ ಮೂಲಂಗಿ ತಣ್ಣಗಿರುತ್ತದೆ ಮತ್ತು ಚಹಾದ ಪರಿಣಾಮವು ಬಿಸಿಯಾಗಿರುತ್ತದೆ ಮತ್ತು ಎರಡೂ ಸಂಪೂರ್ಣವಾಗಿ ಪರಸ್ಪರ ವಿರುದ್ಧವಾಗಿರುತ್ತವೆ. ಚಹಾ ಮತ್ತು ಮೂಲಂಗಿಯ ಸಂಯೋಜನೆಯು ಹೊಂದಿಕೆಯಾಗುವುದಿಲ್ಲ ಎಂದು ಹೇಳಲು ಇದು ಕಾರಣವಾಗಿದೆ.
ಮೂಲಂಗಿ ಜೊತೆ ಸೌತೆಕಾಯಿ: ಜನರು ಸೌತೆಕಾಯಿ ಮತ್ತು ಮೂಲಂಗಿಯನ್ನು ಅತ್ಯುತ್ತಮ ಸಂಯೋಜನೆ ಎಂದು ಪರಿಗಣಿಸುತ್ತಾರೆ ಮತ್ತು ಅದನ್ನು ಸಲಾಡ್ ಆಗಿ ತಿನ್ನುತ್ತಾರೆ. ಆದರೆ ಸೌತೆಕಾಯಿ ಮತ್ತು ಮೂಲಂಗಿಯನ್ನು ಒಟ್ಟಿಗೆ ತಿನ್ನಬಾರದು ಎಂದು ನಿಮಗೆ ತಿಳಿದಿದೆಯೇ. ಏಕೆಂದರೆ ಸೌತೆಕಾಯಿಯಲ್ಲಿ ಆಸ್ಕೋರ್ಬೇಟ್ ಇದೆ, ಇದು ವಿಟಮಿನ್ ಸಿ ಹೀರಿಕೊಳ್ಳಲು ಕೆಲಸ ಮಾಡುತ್ತದೆ.
ಮೂಲಂಗಿ ಜೊತೆ ಕಾಟೇಜ್ ಚೀಸ್: ಮೂಲಂಗಿ ಮತ್ತು ಪನೀರ್ ಎರಡನ್ನೂ ಚಳಿಗಾಲದಲ್ಲಿ ಸೇವಿಸಲಾಗುತ್ತದೆ. ನೀವು ಮೂಲಂಗಿಯನ್ನು ತಿನ್ನುತ್ತಿದ್ದರೆ, ಅದರ ನಂತರ ನೀವು ಪನೀರ್ ತಿನ್ನಬಾರದು. ನಿಸ್ಸಂಶಯವಾಗಿ ಇದು ನಿಮ್ಮ ಚರ್ಮದ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸಬಹುದು ಎಂದು ತಜ್ಞರು ಹೇಳುತ್ತಾರೆ.