ಕಾಲ ಬದಲಾದಂತೆ ಮನುಷ್ಯರ ಜೀವನಶೈಲಿ, ಆಹಾರಕ್ರಮ ಎಲ್ಲವೂ ಬದಲಾಗುತ್ತಿದೆ. ಮಕ್ಕಳು ಸಹ ಹಿರಿಯರನ್ನು ಅನುಸರಿಸಿ ಅಂಥದ್ದೇ ಜೀವನಕ್ರಮವನ್ನು ರೂಢಿಸಿಕೊಳ್ಳುತ್ತಾರೆ. ಹೀಗಾಗಿ ಇವತ್ತಿನ ಮಕ್ಕಳ ಫೇವರಿಟ್ ಜಂಕ್‌ಫುಡ್. ಆದ್ರೆ ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಷ್ಯ. ಹಾಗಿದ್ರೆ ಮಕ್ಕಳ ಜಂಕ್‌ಫುಡ್ ಅಡಿಕ್ಷನ್ ಹೋಗಲಾಡಿಸುವುದು ಹೇಗೆ?
ಕಾಲ ಬದಲಾದಂತೆ ಮನುಷ್ಯರ ಜೀವನಶೈಲಿ, ಆಹಾರಕ್ರಮ ಎಲ್ಲವೂ ಬದಲಾಗುತ್ತಿದೆ. ಮಕ್ಕಳು ಸಹ ಹಿರಿಯರನ್ನು ಅನುಸರಿಸಿ ಅಂಥದ್ದೇ ಜೀವನಕ್ರಮವನ್ನು ರೂಢಿಸಿಕೊಳ್ಳುತ್ತಾರೆ. ಹೀಗಾಗಿ ಇವತ್ತಿನ ಮಕ್ಕಳ ಫೇವರಿಟ್ ಜಂಕ್‌ಫುಡ್. ಆದ್ರೆ ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಷ್ಯ. ಆದ್ರೆ ಒಂದು ಸಾರಿ ಮಕ್ಕಳು ಜಂಕ್‌ಫುಡ್ ತಿನ್ನಲು ಶುರು ಮಾಡಿದರೆ ಆ ಅಭ್ಯಾಸವನ್ನು ಬಿಡಿಸುವುದು ಕಷ್ಟ. ಯಾವಾಗ್ಲೂ ಮನೆಯ ಹೆಲ್ದೀ ಆಹಾರವನ್ನು ಬಿಟ್ಟು ಜಂಕ್‌ಫುಡ್‌ನ್ನೇ ತಿನ್ನುತ್ತಾರೆ. ಹಾಗಿದ್ರೆ ಮಕ್ಕಳ ಜಂಕ್‌ಫುಡ್ ಅಡಿಕ್ಷನ್ ಹೋಗಲಾಡಿಸುವುದು ಹೇಗೆ? ಮಕ್ಕಳಲ್ಲಿ ಈ ಚಟವನ್ನು ಸುಲಭವಾಗಿ ಹೋಗಲಾಡಿಸಲು ತಜ್ಞರು ಸೂಚಿಸಿದ ಕೆಲವು ಸಲಹೆಗಳು ಇಲ್ಲಿವೆ.
ಜಂಕ್ ಫುಡ್‌ನ ಅನಾನುಕೂಲಗಳನ್ನು ವಿವರಿಸಿ
ಮಕ್ಕಳ ಈ ಚಟವನ್ನು ಹೋಗಲಾಡಿಸಲು ಮೊದಲಿಗೆ ಜಂಕ್ ಫುಡ್ ತಿನ್ನುವುದರಿಂದ ಏನೆಲ್ಲಾ ಅನಾನುಕೂಲತೆಗಳಾಗಬಹುದು ಎಂಬುದನ್ನು ಅವರಿಗೆ ವಿವರಿಸಿ. ಇಂತಹವುಗಳನ್ನು ತಿಂದರೆ ದಪ್ಪಗಾಗುತ್ತಾರೆ, ಹಲ್ಲುಗಳು ಹಾಳಾಗುತ್ತವೆ, ಸದಾ ಹೊಟ್ಟೆ ಹುಣ್ಣಾಗುತ್ತವೆ, ದಣಿವು, ಸುಸ್ತಾಗುವುದು, ಇಷ್ಟದ ಕೆಲಸಗಳನ್ನು ಮಾಡಲು ಆಗುವುದಿಲ್ಲ ಎಂದು ಹೇಳಿ. ಈ ರೀತಿ ವಿವರಿಸಿದರೆ ಮಕ್ಕಳು ವಿಷಯವನ್ನು ಗಂಭೀರವಾಗಿ ಪರಿಗಣಿಸುತ್ತಾರೆ.
ಮಕ್ಕಳಲ್ಲಿ ಈ ಸಮಸ್ಯೆ ಕಾಣಿಸಿದ್ರೆ ತಕ್ಷಣ ವೈದ್ಯರಿಗೆ ತೋರಿಸಿ, ಡಯಾಬಿಟಿಸ್ ಸೂಚನೆ ಆಗಿರ್ಬೋದು!
ಆರೋಗ್ಯಕರ ಆಹಾರ ಆಯ್ಕೆ ಮಾಡಿ
ಆರೋಗ್ಯಕರ ಆಯ್ಕೆಗಳೊಂದಿಗೆ ಅನಾರೋಗ್ಯಕರ ಆಹಾರವನ್ನು ಬದಲಾಯಿಸಿ. ಉದಾಹರಣೆಗೆ, ಮಗುವು ತಂಪು ಪಾನೀಯವನ್ನು ಕುಡಿಯಲು ಒತ್ತಾಯಿಸಿದರೆ, ತಂಪು ಪಾನೀಯದಂತೆಯೇ ಹೆಚ್ಚು ಅಥವಾ ಕಡಿಮೆ ರುಚಿಯಿರುವ ಶರಬತ್ತು ನೀಡಿ. ಅವರು ಐಸ್ ಕ್ರೀಮ್ ಕೇಳಿದರೆ, ಅವರಿಗೆ ತಿನ್ನಲು ಸಿಹಿ ಲಸ್ಸಿ ಅಥವಾ ಮನೆಯಲ್ಲಿ ತಯಾರಿಸಿದಜ್ಯೂಸ್ ನೀಡಿ. ಶೇಕ್ಸ್ ಮತ್ತು ಸ್ಮೂಥಿಗಳನ್ನು ನೀಡಿ. ಈ ಪದಾರ್ಥಗಳನ್ನು ತಿನ್ನುವುದು ಆರೋಗ್ಯಕರ ಮಾತ್ರವಲ್ಲ, ಹೊಟ್ಟೆಯೂ ತುಂಬುತ್ತದೆ. ಇದರಿಂದಾಗಿ ಜಂಕ್‌ಫುಡ್ ತಿನ್ನುವುದು ತಪ್ಪುತ್ತದೆ.
ಅಡುಗೆ ಮನೆಯಲ್ಲಿ ಮಕ್ಕಳನ್ನು ಕೆಲಸದಲ್ಲಿ ತೊಡಗಿಸಿಕೊಳ್ಳಿ
ಇದು ಬಾಲ್ಯದಿಂದಲೂ ರೂಢಿಸಿಕೊಳ್ಳಬೇಕಾದ ಆರೋಗ್ಯಕರ ಅಭ್ಯಾಸಗಳಲ್ಲಿ ಒಂದಾಗಿದೆ. ಇದಕ್ಕಾಗಿ ಅಡುಗೆ ಮನೆಯ ಸಣ್ಣಪುಟ್ಟ ಕೆಲಸಗಳನ್ನು ಮಕ್ಕಳಿಂದಲೇ ಮಾಡಿಸಿ. ಬೆಳಗ್ಗೆ ಉಪಾಹಾರಕ್ಕಾಗಿ ಸ್ಯಾಂಡ್‌ವಿಚ್ ಮಾಡಲು ಯೋಜಿಸಿದರೆ, ಬ್ರೆಡ್‌ಗೆ ಬೆಣ್ಣೆ, ಹಣ್ಣುಗಳು ಅಥವಾ ತರಕಾರಿಗಳನ್ನು ಹಚ್ಚಲು ಮಕ್ಕಳ ಸಹಾಯ ಪಡೆಯಿರಿ. ಇದರಿಂದ ಮಕ್ಕಳಿಗೆ ಖುಷಿಯಾಗುತ್ತದೆ. ವಿಷಯಗಳ ಬಗ್ಗೆ ಹೆಚ್ಚು ತಿಳಿದುಕೊಳ್ಳುತ್ತಾ. ಆರೋಗ್ಯಕರ ಆಹಾರದ ಮೇಲೆ ಗಮನ ಕೇಂದ್ರೀಕರಿಸುತ್ತಾರೆ.
ಮಕ್ಕಳನ್ನು ಕಾಡೋ ಹೊಟ್ಟೆ ಹುಳು ಹೋಗಲಾಡಿಸಲು ಬೆಸ್ಟ್ ಮನೆಮದ್ದು
ಹೆಲ್ದೀ ಆಹಾರದ ಬಗ್ಗೆ ಮಾಹಿತಿ ನೀಡಿ
ಮಗುವಿಗೆ ಓದಲು ಮತ್ತು ಬರೆಯಲು ತಿಳಿದಿದ್ದರೆ, ಅವನ/ಅವಳ ಉಪಹಾರ ಮೆನುವನ್ನು ಸಿದ್ಧಪಡಿಸುವಂತೆ ಮಾಡಿ. ಆರೋಗ್ಯಕರ ಆಯ್ಕೆಗಳನ್ನು ಹುಡುಕುವ ಮತ್ತು ಅವುಗಳನ್ನು ಚಾರ್ಟ್‌ಗೆ ಸೇರಿಸುವ ಕೆಲಸವನ್ನು ಅವರಿಗೆ ನೀಡಿ. ಅಲ್ಲದೆ, ಅವರು ಅದನ್ನು ಇಡೀ ವಾರ ಅನುಸರಿಸಿದರೆ, ಅವರಿಗೆ ಬಹುಮಾನವನ್ನು ನೀಡಿ. ಇದು ಜಂಕ್‌ಫುಡ್ ಬಿಡಲು ಪ್ರೇರಣೆಯನ್ನು ನೀಡುತ್ತದೆ, ಇದರಿಂದಾಗಿ ಮಕ್ಕಳು ಆರೋಗ್ಯಕರ ತಿನ್ನುವ ಬಗ್ಗೆ ಮಾತ್ರ ಯೋಚಿಸುತ್ತಾರೆ.