ಮತ್ತೊಮ್ಮೆ ಅಮ್ಮ ಆಗ್ತಿರೋ Malaika Arora: 58 ವರ್ಷದ ಅರ್ಬಾಜ್ ಖಾನ್​​ಗೆ ಒಂದೆರಡು ದಿನದಲ್ಲಿ ಮಗು!

58 ವರ್ಷದ ನಟ ಅರ್ಬಾಜ್ ಖಾನ್ ಮತ್ತು ಅವರ ಪತ್ನಿ ಶುರಾ ಖಾನ್ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಡಿಸೆಂಬರ್ 2023 ರಲ್ಲಿ ವಿವಾಹವಾದ ಈ ಜೋಡಿ ಶೀಘ್ರದಲ್ಲೇ ಪೋಷಕರಾಗಲಿದ್ದು,   ವಯಸ್ಸಿನ ಅಂತರ ಮತ್ತು ಮಲೈಕಾ ಅರೋರಾ ಅವರ ಮಗ ಅರ್ಹಾನ್ ಜೊತೆಗಿನ ಕೌಟುಂಬಿಕ ಲೆಕ್ಕಾಚಾರ ಶುರುವಾಗಿದೆ. 

Image Credit : Social Media

ಇನ್ನೊಂದೆರಡು ದಿನದಲ್ಲಿ ಮತ್ತೊಂದು ಮಗು

ನಟ ಸಲ್ಮಾನ್​ ಖಾನ್​ ಸಹೋದರ, ನಟಿ ಮಲೈಕಾ ಶರಾವತ್​ ಮಾಜಿ ಪತಿ, ರೂಪದರ್ಶಿ ಜಾರ್ಜಿಯಾ ಆಂಡ್ರಿಯಾನಿ ಮಾಜಿ ಲಿವ್​ ಇನ್​ ಪಾರ್ಟನರ್​ ಅರ್ಬಾಜ್​ ಖಾನ್​ ಈಗ 58ನೇ ವಯಸ್ಸಿನಲ್ಲಿ ಮತ್ತೊಮ್ಮೆ ಅಪ್ಪ ಆಗುತ್ತಿದ್ದಾರೆ. ಇಂದೋ-ನಾಳೆಯ ಒಳಗೆ ಅವರಿಗೆ ಮಗು ಜನನ ಆಗಲಿದೆ. ಅವರ ಪತ್ನಿ ಶುರಾ ಖಾನ್​ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಕಾನೂನು ಬದ್ಧವಾಗಿ ಮಲೈಕಾ ಅರೋರಾ ಮತ್ತು ಅರ್ಬಾಜ್​ ಖಾನ್​ ದಂಪತಿ ಅಲ್ಲದಿದ್ದರೂ, ಸಂಬಂಧದಲ್ಲಿ ನೋಡಿದರೆ ಮಲೈಕಾ ಅರೋರಾ (Malaika Arora) ಮತ್ತೊಮ್ಮೆ ಅಮ್ಮ ಆಗಲಿದ್ದಾರೆ.

Image Credit : actor arbaaz khan wife sshura khan instagram

ಎರಡು ವರ್ಷಗಳ ಹಿಂದೆ ಮದುವೆ

ಅರ್ಬಾಜ್​ ಖಾನ್​ ಮತ್ತು ಶುರಾ ಖಾನ್​ 2023ರ ಡಿಸೆಂಬರ್​ನಲ್ಲಿ ಮದುವೆಯಾಗಿದ್ದರು. 56ನೇ ವಯಸ್ಸಿನಲ್ಲಿ ತಮಗಿಂತ 22 ವರ್ಷ ಚಿಕ್ಕವಳಾದ 33 ವರ್ಷದ ಶುರಾ ಖಾನ್​ (Sshura Khan ) ಅವರ ಕೈಹಿಡಿದಿದ್ದಾರೆ ಮಲೈಕಾ ಮಾಜಿ ಪತಿ. ಅದೇ ಇನ್ನೊಂದೆಡೆ ಮಲೈಕಾ ಹಲವಾರು ವರ್ಷ ಅರ್ಜುನ್​ ಕಪೂರ್​ ಜೊತೆ ಲಿವ್​ ಇನ್​ನಲ್ಲಿ ಇದ್ದು, ಈಗ ಅವರನ್ನೂ ತ್ಯಜಿಸಿದ್ದಾರೆ.

Image Credit : actor arbaaz khan wife sshura khan instagram

ಮೊದಲ ಮಗನಿಗೆ 22 ವರ್ಷ

ಮಲೈಕಾ ಅರೋರಾ ಮತ್ತು ಅರ್ಬಾಜ್​ ಖಾನ್​ ದಾಂಪತ್ಯದಿಂದ ಹುಟ್ಟಿರೋ ಅರ್ಹಾನ್​ ಖಾನ್​ಗೆ ಈಗ 22 ವರ್ಷ. ಹಾಗೆ ನೋಡಿದರೆ ಅರ್ಬಾಜ್​ ಖಾನ್​ಗೆ ಈಗ ಹುಟ್ಟಲಿರೋ ಮಗು ಮತ್ತು ಆ ಮಗುವಿನ ಅಣ್ಣನಿಗೆ 22 ವರ್ಷ ವಯಸ್ಸಿನ ಅಂತರವಾಗುತ್ತದೆ. ಅಷ್ಟೇ ಅಲ್ಲದೇ, ಶುರಾ ಖಾನ್​ಗೆ ಅರ್ಹಾನ್​ ಅಮ್ಮ ಆಗಬೇಕು. ಇದನ್ನೀಗ ಲೆಕ್ಕಾಚಾರ ಹಾಕಲಾಗುತ್ತಿದ್ದು, ಅಮ್ಮ- ಮಗನಿಗೆ 13 ವರ್ಷ ವ್ಯತ್ಯಾಸವಿದೆ.

Image Credit : actor arbaaz khan wife sshura khan instagram

ಶುರಾ ಖಾನ್​ಗೆ 10 ವರ್ಷದ ಮಗಳು

ಶುರಾ ಖಾನ್ ಅವರಿಗೆ ಈಗಾಗಲೇ ಹಿಂದಿನ ಮದುವೆಯಿಂದ 10 ವರ್ಷದ ಮಗಳಿದ್ದಾಳೆ. ದುಡ್ಡಿದ್ದರೆ ಎಲ್ಲವೂ ಸಾಧ್ಯ ಎಂದು ಹಲವರು ಹೇಳಿದರೆ, ಬಾಲಿವುಡ್​ ಮಾತ್ರವಲ್ಲ ಇಲ್ಲಿ ಕೆಲವು ಕಡೆಗಳಲ್ಲಿ ಇಂಥ ದೃಶ್ಯಗಳು ಸಾಮಾನ್ಯವಾಗಿವೆ. ಅಜ್ಜಂದಿರ ಅಪ್ರಾಪ್ತೆಯರನ್ನು ಮದುವೆಯಾಗುವುದು ನಡೆದೇ ಇದೆ. ಅಂಥ ಸಂದರ್ಭದಲ್ಲಿ ಇದೇನೂ ದೊಡ್ಡ ವಿಷಯವಲ್ಲ ಎನ್ನುತ್ತಿದ್ದಾರೆ.

Image Credit : Social Media

ಪಾಪರಾಜಿಗಳಿಂದ ತಪ್ಪಿಸಿಕೊಳ್ತಿದ್ದ ಶುರಾ ಖಾನ್​

ಅಷ್ಟಕ್ಕೂ, ಇಂದಿಗೂ ವಯಸ್ಸಿನ ಅಂತರದ ಕಾರಣದಿಂದ ಟ್ರೋಲ್​ ಎದುರಿಸುತ್ತಲೇ ಇದೆ ಈ ಜೋಡಿ. ಇವರ ವಯಸ್ಸಿನ ಅಂತರ ನೋಡಿ ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಚರ್ಚೆಯಾಗುತ್ತಿದೆ. ಈ ಜೋಡಿ ಸಕತ್​ ಟ್ರೋಲ್​​ ಕೂಡ ಆಗುತ್ತಿದೆ. ಮದುವೆ ಮನೆಗೆ ಬರುವಾಗಿನಿಂದಲೂ ಹಲವು ವಿಡಿಯೋಗಳಲ್ಲಿ ಶುರಾ ಖಾನ್​ ಪಾಪರಾಜಿಗಳ ಕ್ಯಾಮೆರಾ ಎದುರು ನೇರವಾಗಿ ಮುಖಕೊಡದೇ ಮುಖ ಮುಚ್ಚಿಕೊಳ್ಳುತ್ತಲೇ ಇರುತ್ತಾರೆ.

Image Credit : our own

ಅರ್ಬಾಜ್​-ಶುರಾ ಭೇಟಿಯಾಗಿದ್ದು ಹೇಗೆ?

ಶುರಾ ಖಾನ್​ ಮೇಕಪ್ ಕಲಾವಿದೆಯಾಗಿ ಕೆಲಸ ಮಾಡುತ್ತಿದ್ದಾರೆ. ಶುರಾ ಖಾನ್ ಮತ್ತು ಅರ್ಬಾಜ್​ ಖಾನ್​ (Arbaaz Khan) ಅವರು ಪಾಟ್ನಾ ಶುಕ್ಲಾ ಸೆಟ್‌ನಲ್ಲಿ ಭೇಟಿಯಾದರು. ಅಲ್ಲಿಂದ ಇವರ ನಡುವೆ ಪ್ರೀತಿ ಅರಳಿದೆ ಎನ್ನಲಾಗಿದೆ. ಶುರಾ ಖಾನ್​ ಅವರು, ರವೀನಾ ಟಂಡನ್ ಮತ್ತು ಅವರ ಮಗಳು ರಾಶಾ ಥದಾನಿ ಅವರ ಮೇಕಪ್ ಕಲಾವಿದರಾಗಿ ಕೆಲಸ ಮಾಡುತ್ತಿದ್ದಾರೆ.