ಬಿಂದಿಯ ಬಣ್ಣವು ನಮ್ಮ ಬಟ್ಟೆ ಹೊರತುಪಡಿಸಿ ಅನೇಕ ವಿಷಯಗಳನ್ನು ಅವಲಂಬಿಸಿರುತ್ತದೆ. ಈ ವಿಶೇಷ Fashion Tips ಮುಂಬರುವ ಹಬ್ಬಕ್ಕೆ ಅಥವಾ ಕಾರ್ಯಕ್ರಮಕ್ಕೆ ನಿಮಗೆ ತುಂಬಾ ಉಪಯುಕ್ತವಾಗುತ್ತವೆ.
ಮುಖಕ್ಕೆ ಬಿಂದಿ ಹಚ್ಚಿಕೊಳ್ಳುವುದರಿಂದ ನಮ್ಮ ಫೇಸ್ ಲುಕ್ಕೇ ಬದಲಾಗುವುದಲ್ಲದೆ, ಬ್ಯೂಟಿ ಕೂಡ ಹೆಚ್ಚುತ್ತದೆ. ಆದರೆ ನೀವು ನಿಮ್ಮ ಮುಖದ ಆಕಾರಕ್ಕೆ ಅನುಗುಣವಾಗಿ ಬಿಂದಿ ಆಯ್ಕೆ ಮಾಡದಿದ್ದರೆ ಅದು ನಿಮ್ಮ ಒಟ್ಟಾರೆ ಲುಕ್ ಮೇಲೆ ಎಫೆಕ್ಟ್ ಆಗುತ್ತದೆ. ನಮ್ಮ ಮೇಕಪ್ನಲ್ಲಿ ಗಮನಿಸಬೇಕಾದ ಹಲವು ವಿಷಯಗಳಿರುತ್ತವೆ. ಅದರಲ್ಲಿ ಬಿಂದಿ ಒಂದು ಭಾಗವಾಗಿದ್ದು, ಅದು ನಮ್ಮ ಅಂದ ಹೆಚ್ಚಿಸಲು ಕೆಲಸ ಮಾಡುತ್ತದೆ. ಆದರೆ ಅದು ಮುಖಕ್ಕೆ ಅನುಗುಣವಾಗಿಲ್ಲದಿದ್ದರೆ, ನೀವು ಎಷ್ಟೇ ತಯಾರಿ ಮಾಡಿಕೊಂಡರೂ ಮುಖದ ಹೊಳಪೇ ಹೋಗುತ್ತದೆ.
ನೀವು ಉದ್ದವಾದ ಬಿಂದಿ ಧರಿಸಿದಾಗ ಮುಖ ಉದ್ದವಾಗಿ ಕಾಣುತ್ತದೆ ಮತ್ತು ಚಿಕ್ಕ ಬಿಂದಿ ಧರಿಸಿದರೆ ಹಣೆಯು ಅಗಲವಾಗಿ ಕಾಣುತ್ತದೆ ಎಂಬುದನ್ನು ಎಂದಾದರೂ ಗಮನಿಸಿದ್ದೀರಾ. ಇದಕ್ಕೆ ಕಾರಣ ಸರಿಯಾದ ಆಕಾರದ ಬಿಂದಿ ಧರಿಸದಿರುವುದು. ನಿಮ್ಮ ಮುಖದ ಆಕಾರಕ್ಕೆ ತಕ್ಕಂತೆ ಸರಿಯಾದ ಬಿಂದಿ ಆರಿಸುವುದು ನಿಮಗೆ ಗೊತ್ತಿರದಿದ್ದರೆ ಈ ಲೇಖನದಿಂದ ಖಂಡಿತ ಹೆಲ್ಪ್ ಆಗುತ್ತೆ. ವಾಸ್ತವವಾಗಿ ಬಿಂದಿಯ ಬಣ್ಣವು ನಮ್ಮ ಬಟ್ಟೆ ಹೊರತುಪಡಿಸಿ ಅನೇಕ ವಿಷಯಗಳನ್ನು ಅವಲಂಬಿಸಿರುತ್ತದೆ. ಈ ವಿಶೇಷ ಫ್ಯಾಷನ್ ಸಲಹೆಗಳು ಮುಂಬರುವ ಹಬ್ಬಕ್ಕೆ ಅಥವಾ ಕಾರ್ಯಕ್ರಮಕ್ಕೆ ನಿಮಗೆ ತುಂಬಾ ಉಪಯುಕ್ತವಾಗುತ್ತವೆ.
ಅಂಡಾಕಾರ, ದುಂಡಗಿನ ಮುಖದವರು
ಮುಖದ ಆಕಾರ ಅಂಡಾಕಾರದಲ್ಲಿದ್ದರೆ, ಹಣೆಯ ಮತ್ತು ಗಲ್ಲದ ಭಾಗವು ಸಮಾನವಾಗಿರುತ್ತದೆ ಮತ್ತು ಅಂತಹ ಜನರ ಕೆನ್ನೆಯ ಮೂಳೆಗಳು ಎದ್ದು ಕಾಣುತ್ತವೆ. ಈ ರೀತಿಯ ಮುಖದ ಆಕಾರದಲ್ಲಿ ಪ್ರತಿಯೊಂದು ರೀತಿಯ ಬಿಂದಿ ಚೆನ್ನಾಗಿ ಕಾಣುತ್ತದೆ ಮತ್ತು ಮುಖದ ಲುಕ್ ಇನ್ನಷ್ಟು ಹೆಚ್ಚಾಗುತ್ತದೆ.
ಅನೇಕ ಮಹಿಳೆಯರಿಗೆ ದುಂಡಗಿನ ಮುಖವಿರುತ್ತದೆ. ಅಂದರೆ ನಿಮ್ಮ ಮುಖವು ಎಲ್ಲಾ ಕೋನಗಳಿಂದ ಸಮಾನವಾಗಿರುತ್ತದೆ. ಅಂತಹ ಸಮಯದಲ್ಲಿ ನೀವು ಯಾವುದೇ ಸೀರೆ ಅಥವಾ ಸೂಟ್ ಧರಿಸಿದರೆ ಅದರೊಂದಿಗೆ ಸಣ್ಣ ಬಿಂದಿ ಅಥವಾ ಲಂಬ ಆಕಾರದ ಬಿಂದಿ ಧರಿಸಿ. ದೊಡ್ಡ ಗಾತ್ರದ ದುಂಡಗಿನ ಬಿಂದಿ ಧರಿಸಬೇಡಿ ಎಂಬುದನ್ನು ನೆನಪಿನಲ್ಲಿಡಿ. ಇಲ್ಲದಿದ್ದರೆ ನಿಮ್ಮ ಲುಕ್ ಹಾಳಾಗಬಹುದು.
ಚೌಕಾಕಾರ, ಚದರ ಹೃದಯಾಕಾರದ ಮುಖದವರಿಗೆ..
ನಿಮ್ಮ ಮುಖದ ಆಕಾರ ಚೌಕಾಕಾರವಾಗಿದ್ದರೆ ಸಾಮಾನ್ಯ ಗಾತ್ರದ ದುಂಡಗಿನ ಬಿಂದಿ ಚೆನ್ನಾಗಿ ಕಾಣುತ್ತದೆ. ಚದರ ಮುಖದ ಆಕಾರ ಹೊಂದಿರುವ ಜನರು ವಜ್ರ ಅಥವಾ ಇತರ ಜ್ಯಾಮಿತೀಯ ಆಕಾರದ ಬಿಂದಿ ತಪ್ಪಿಸಬೇಕು. ನಿಮ್ಮ ಮುಖದ ಆಕಾರವು ತ್ರಿಕೋನವಾಗಿದ್ದರೆ, ಈ ರೀತಿಯ ಮುಖಕ್ಕೆ ಪ್ರತಿಯೊಂದು ರೀತಿಯ ಬಿಂದಿ ತುಂಬಾ ಚೆನ್ನಾಗಿ ಕಾಣುತ್ತದೆ. ಆದ್ದರಿಂದ ನೀವು ಏನು ಧರಿಸಿದ್ದರೂ ನಿಮ್ಮ ಆಯ್ಕೆಯ ಯಾವುದೇ ಬಿಂದಿ ಹಣೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ನಿಮ್ಮ ಮುಖವೂ ಹೃದಯ ಆಕಾರದಲ್ಲಿದ್ದರೆ ಸಣ್ಣ ಬಿಂದಿ ತುಂಬಾ ಸುಂದರವಾಗಿ ಕಾಣುತ್ತದೆ, ತಪ್ಪಾಗಿ ಸಹ ದೊಡ್ಡ ಬಿಂದಿ ಧರಿಸಬೇಡಿ, ಇಲ್ಲದಿದ್ದರೆ ಇಡೀ ಲುಕ್ ಹಾಳಾಗಬಹುದು.
ಸ್ಕಿನ್ ಕಲರ್ಗೆ ಮ್ಯಾಚ್ ಆಗುವ ಬಿಂದಿ ಆರಿಸಿ
* ನೀವು ತಿಳಿ ಚರ್ಮದ ಬಣ್ಣ ಹೊಂದಿದ್ದರೆ ನೀಲಿ ಅಥವಾ ನೇರಳೆ ಬಿಂದಿಯನ್ನು ಪ್ರಯತ್ನಿಸಿ. ಮಂದ ಚರ್ಮದ ಬಣ್ಣ ಹೊಂದಿದ್ದರೆ ಕೆಂಪು ಬಿಂದಿಯನ್ನು ಧರಿಸಬಹುದು.
* ಮದುವೆ ಅಥವಾ ಔಪಚಾರಿಕ ಕಾರ್ಯಕ್ರಮಕ್ಕಾಗಿ ಸಾಂಪ್ರದಾಯಿಕ ಕೆಂಪು ಬಿಂದಿಯನ್ನು ಆರಿಸಿ. ಸಾಂದರ್ಭಿಕ ದಿನ ಅಥವಾ ಹಬ್ಬಕ್ಕಾಗಿ, ಬಣ್ಣದ ಬಿಂದಿಯನ್ನು ಪ್ರಯತ್ನಿಸಿ.
ಇದು ಗಮನದಲ್ಲಿರಲಿ
*ನಿಮ್ಮ ಲಿಪ್ಸ್ಟಿಕ್ ಬಣ್ಣಕ್ಕೆ ಹೊಂದಿಕೆಯಾಗುವ ಬಿಂದಿಯನ್ನು ಸಹ ಹಚ್ಚಬಹುದು. ಇದು ತುಂಬಾ ಸುಂದರವಾಗಿ ಕಾಣುತ್ತದೆ ಮತ್ತು ವಿಭಿನ್ನವಾಗಿಯೂ ಕಾಣುತ್ತದೆ.
*ನಿಮ್ಮ ಉಡುಪಿನ ಮುಖ್ಯ ಬಣ್ಣಕ್ಕೆ ಹೊಂದಿಕೆಯಾಗುವ ಬಿಂದಿಯನ್ನು ಆರಿಸಿ. ಉದಾಹರಣೆಗೆ ಉಡುಗೆ ಕೆಂಪು ಅಥವಾ ಗುಲಾಬಿ ಬಣ್ಣದ್ದಾಗಿದ್ದರೆ, ಗೋಲ್ಡ್ ಅಥವಾ ಕಪ್ಪು ಬಿಂದಿಯನ್ನು ಹಚ್ಚಿ. ಉಡುಗೆ ನೀಲಿ ಅಥವಾ ಹಸಿರು ಬಣ್ಣದ್ದಾಗಿದ್ದರೆ ಹಳದಿ, ಕಿತ್ತಳೆ ಅಥವಾ ಬಿಳಿ ಬಿಂದಿಯನ್ನು ಹಚ್ಚಿ. ನಿಮ್ಮ ಉಡುಗೆ ಬೀಜ್, ಬಿಳಿ ಅಥವಾ ಬೂದು ಬಣ್ಣದ್ದಾಗಿದ್ದರೆ ನೀವು ದಪ್ಪ ಬಣ್ಣದ ಬಿಂದಿಯನ್ನು ಪ್ರಯತ್ನಿಸಬಹುದು.
ಬಿಂದಿ ಧರಿಸುವುದರಿಂದ ಮಹಿಳೆಯ ಸೌಂದರ್ಯ ಹೆಚ್ಚಾಗುತ್ತದೆ ಎಂದು ಹೇಳಲಾಗುತ್ತದೆ. ಇದು ನಿಜ. ಇದರ ಹೊರತಾಗಿ ಇತ್ತೀಚಿನ ದಿನಗಳಲ್ಲಿ ಅವಿವಾಹಿತ ಹುಡುಗಿಯರು ಸಹ ತಮ್ಮ ಎಥ್ನಿಕ್ ಲುಕ್ಗೆ ಬಿಂದಿ ಧರಿಸಲು ಇಷ್ಟಪಡುತ್ತಾರೆ. ಆದರೆ ಉಡುಪಿನ ಹೊರತಾಗಿ ನಿಮ್ಮ ಮುಖದ ಆಕಾರಕ್ಕೆ ಅನುಗುಣವಾಗಿ ಬಿಂದಿ ಧರಿಸುವುದು ಮುಖ್ಯ .