ಸ್ಯಾನಿಟರಿ ಪ್ಯಾಡ್‌ಗಳಲ್ಲಿ ಬಳಸೋ ರಾಸಾಯನಿಕಗಳು ಕ್ಯಾನ್ಸರ್‌ಗೆ ಕಾರಣವಾಗುತ್ತದೆ ಎಂಬುದು ಅಧ್ಯಯನದಿಂದ ಬಯಲಾಗಿದೆ. ಈ ವಿಚಾರ ವೈರಲ್ ಆಗುತ್ತಿದ್ದಂತೆಯೇ ಮಹಿಳೆಯರು ಪ್ಯಾಡ್‌ಗೆ ಪರ್ಯಾಯವಾಗಿ ಇನ್ನೇನು ಬಳಸಬಹುದು ಎಂಬುದನ್ನು ಹುಡುಕಾಡ್ತಿದ್ದಾರೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.
ಪೀರಿಯೆಡ್ಸ್ ಬಂದಾಗ ಸಾಮಾನ್ಯವಾಗಿ ಎಲ್ಲರೂ ಸ್ಯಾನಿಟರಿ ಪ್ಯಾಡ್‌ಗಳನ್ನು ಬಳಸುತ್ತಾರೆ. ಕಠಿಣವಾದ ಋತುಚಕ್ರದ (Menstruation) ಸಮಯದಲ್ಲಿ ಇವು ಆರಾಮದಾಯಕವೆಂದು ಹೆಚ್ಚಿನವರು ಅಂದುಕೊಳ್ಳುತ್ತಾರೆ. ಆದರೆ ಕೆಲವು ಸ್ಯಾನಿಟರಿ ಪ್ಯಾಡ್‌ಗಳು ತ್ವಚೆಗೆ ಹಾನಿಯುಂಟುಮಾಡುವ ಸುಗಂಧ ದ್ರವ್ಯಗಳು ಮತ್ತು ರಾಸಾಯನಿಕಗಳನ್ನು (Chemical) ಒಳಗೊಂಡಿರುತ್ತವೆ. ಇವು ಆರೋಗ್ಯ ಸಮಸ್ಯೆ (Health tips)ಗಳನ್ನು ಸಹ ಉಂಟು ಮಾಡಬಹುದು ಬಗ್ಗೆ ನಿಮಗೆ ತಿಳಿದಿದೆಯೇ? ಹೊಸ ಅಧ್ಯಯನವೊಂದು ಈ ವಿಚಾರವನ್ನು ಬಹಿರಂಗಪಡಿಸಿದೆ. ಭಾರತದಲ್ಲಿ ಮಹಿಳೆಯರು ಸಾಮಾನ್ಯವಾಗಿ ಬಳಸುವ ಸ್ಯಾನಿಟರಿ ಪ್ಯಾಡ್‌ಗಳು ಕ್ಯಾನ್ಸರ್‌, ಬಂಜೆತನಕ್ಕೂ ಕಾರವಾಗಬಹುದು ಎಂದು ಹೇಳಿದೆ.
ಭಾರತದಲ್ಲಿ ಹೆಚ್ಚು ಮಾರಾಟವಾಗುವ ಎರಡು ಸ್ಯಾನಿಟರಿ ಪ್ಯಾಡ್‌ಗಳು ಆರು ವಿಧದ ಥಾಲೇಟ್‌ಗಳನ್ನು ಒಳಗೊಂಡಿವೆ ಎಂದು ಅಧ್ಯಯನದಲ್ಲಿ ಬಹಿರಂಗಪಡಿಸಲಾಗಿದೆ. ಥಾಲೇಟ್‌ಗಳ ಒಟ್ಟು ಸಾಂದ್ರತೆಯು ಬಹಳ ವಿಶಾಲ ವ್ಯಾಪ್ತಿಯಲ್ಲಿ ವ್ಯಾಪಿಸಿದೆ. ಪ್ರತಿ ಕೆಜಿಗೆ 10 ರಿಂದ 19,600 ಮೈಕ್ರೋಗ್ರಾಂಗಳವರೆಗಿದೆ. ಉತ್ಪನ್ನಗಳ ಶ್ರೇಣಿಯಲ್ಲಿ ಒಟ್ಟು 12 ವಿಭಿನ್ನ ಥಾಲೇಟ್‌ಗಳು ಕಂಡುಬಂದಿವೆ. ಇದು ಆರೋಗ್ಯದ ದೃಷ್ಟಿಯಿಂದ ಹಾನಿಕರವಾಗಿದೆ.
undefined
ಋತುಸ್ರಾವ ತಡವಾಗುತ್ತಿದೆಯೇ? ಇದಕ್ಕೆ ಕಾರಣಗಳು ಏನು ತಿಳಿಯಿರಿ !
ಥಾಲೇಟ್‌ ಎಂದರೇನು ?
ಸ್ಯಾನಿಟರಿ ನ್ಯಾಪ್‌ಕಿನ್‌ಗಳು ಸೇರಿದಂತೆ ವಿವಿಧ ಉತ್ಪನ್ನಗಳಲ್ಲಿ ಥಾಲೇಟ್‌ಗಳನ್ನು ಪ್ಲಾಸ್ಟಿಸೈಜರ್‌ಗಳಾಗಿ ಬಳಸಲಾಗುತ್ತದೆ. ಹೆಚ್ಚಾಗಿ, ಪ್ಲಾಸ್ಟಿಸೈಜರ್ ರಾಸಾಯನಿಕ (Chemical)ಗಳನ್ನು ಉತ್ಪನ್ನವನ್ನು ಮೃದುವಾಗಿ ಮತ್ತು ಹೊಂದಿಕೊಳ್ಳುವಂತೆ ಮಾಡಲು ಸೇರಿಸಲಾಗುತ್ತದೆ ಮತ್ತು ಮೇಲ್ಮೈಯಲ್ಲಿ ಅದರ ಘರ್ಷಣೆಯನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ರಾಸಾಯನಿಕಯುಕ್ತ ಪ್ಯಾಡ್‌ಗಳನ್ನು ಬಳಸೋ ಬದಲು ಇತರ ಪರ್ಯಾಯ ವಸ್ತುಗಳನ್ನು ಬಳಸಿಕೊಳ್ಳುವುದು ಸೂಕ್ತವಾಗಿದೆ.
ಟ್ಯಾಂಪೂನ್‌ಗಳು: ಟ್ಯಾಂಪೂನ್‌ಗಳು, ಸ್ಯಾನಿಟರಿ ಪ್ಯಾಡ್ ಬದಲು ಬಳಸಲು ವ್ಯಾಪಕವಾಗಿ ಲಭ್ಯವಿರುವ ಆಯ್ಕೆಗಳಲ್ಲಿ ಒಂದಾಗಿದೆ. ಇದನ್ನು ಬಳಸಲು ಸುಲಭ ಮತ್ತು ಸುರಕ್ಷಿತವಾಗಿದೆ. ಟ್ಯಾಂಪೂನ್‌ಗಳು ವಿವಿಧ ಗಾತ್ರಗಳಲ್ಲಿ ಲಭ್ಯವಿವೆ ಮತ್ತು ಇದನ್ನು ಸಾಗಿಸಲು ಸುಲಭವಾಗಿದೆ. ಸೋರಿಕೆ ಅಥವಾ ದದ್ದುಗಳ ಬಗ್ಗೆ ಚಿಂತಿಸದೆ ನಿಮ್ಮ ಪೀರಿಯಡ್ಸ್ ಸಮಯದಲ್ಲಿ ಬಳಸಬಹುದು. ಓಡಬಹುದು, ಈಜಬಹುದು, ಸ್ನಾನ ಮಾಡಬಹುದು ಮತ್ತು ಎಲ್ಲಾ ರೀತಿಯ ಚಟುವಟಿಕೆಗಳಲ್ಲಿ (Activities) ಪಾಲ್ಗೊಳ್ಳಬಹುದು. ಹೀಗಿದ್ದೂ, ಟ್ಯಾಂಪೂನ್‌ಗಳನ್ನು ಬಳಸಿದ ನಂತರ ಅನೇಕ ಮಹಿಳೆಯರು ಎದುರಿಸುವ ವಿಷಕಾರಿ ಆಘಾತ ಸಿಂಡ್ರೋಮ್‌ನ ಅಪಾಯದ ಬಗ್ಗೆ ವೈದ್ಯರು ಎಚ್ಚರಿಸಿದ್ದಾರೆ. ಟ್ಯಾಂಪೂನ್ ಅನ್ನು ಎಂಟು ಗಂಟೆಗಳಿಗಿಂತ ಹೆಚ್ಚು ಕಾಲ ಬಳಸಬಾರದು ಎಂದು ತಜ್ಞರು ಹೇಳುತ್ತಾರೆ.
ಮುಟ್ಟಿನ ಕಪ್: ಮುಟ್ಟಿನ ಕಪ್ ಸ್ಯಾನಿಟರಿ ಪ್ಯಾಡ್‌ಗಳಿಗೆ ಮತ್ತೊಂದು ಆರಾಮದಾಯಕ ಪರ್ಯಾಯವಾಗಿದೆ. ಇದು ಸಿಲಿಕೋನ್ ಅಥವಾ ರಬ್ಬರ್‌ನಿಂದ ಮಾಡಲ್ಪಟ್ಟಿದೆ. ಇದನ್ನು ಮುಟ್ಟಿನ ರಕ್ತವು ಸೋರಿಕೆಯಾಗದಂತೆ ತಡೆಯಲು ಯೋನಿಯಲ್ಲಿ (Vagina) ಸೇರಿಸಲಾಗುತ್ತದೆ. ಈ ಮುಟ್ಟಿನ ಕಪ್‌ಗಳನ್ನು ಸುಲಭವಾಗಿ ತೊಳೆಯಬಹುದು ಮತ್ತು ಸ್ವಚ್ಛಗೊಳಿಸಬಹುದು ಮತ್ತು ಮರು ಬಳಕೆ ಮಾಡಬಹುದು. ಹೀಗಾಗಿಯೇ ಇವು ಪರಿಸರ ಸ್ನೇಹಿಯಾಗಿವೆ. ಸ್ಯಾನಿಟರಿ ನ್ಯಾಪ್‌ಕಿನ್‌ಗೆ ಹೋಲಿಸಿದರೆ ಮುಟ್ಟಿನ ಕಪ್ 12 ಗಂಟೆಗಳ ಹರಿವನ್ನು ಹಿಡಿದಿಟ್ಟುಕೊಳ್ಳುತ್ತದೆ. ಒಂದು ಕಪ್ ಅನ್ನು ಹತ್ತು ವರ್ಷಗಳವರೆಗೆ ಬಳಸಬಹುದು ಎಂದು ಹೇಳುತ್ತಾರೆ.
ಸೆಕ್ಸ್ ಮತ್ತು ಮೆನ್ ಸ್ಟ್ರುವಲ್ ಹೈಜಿನ್ ಬಗ್ಗೆ ಮಕ್ಕಳಿಗೆ ತಿಳಿ ಹೇಳಲೇಬೇಕಾದ ವಿಷಯಗಳಿವು…
ತೊಳೆಯಬಹುದಾದ ಹತ್ತಿ ಪ್ಯಾಡ್‌ಗಳು: ತೊಳೆಯಬಹುದಾದ ಮತ್ತು ಮರುಬಳಕೆ (Re-use) ಮಾಡಬಹುದಾದ ಹತ್ತಿ ಪ್ಯಾಡ್‌ಗಳು ಹಲವಾರು ಶೈಲಿಗಳು ಮತ್ತು ದಪ್ಪಗಳಲ್ಲಿ ಲಭ್ಯವಿದೆ. ಈ ಬಟ್ಟೆಯ ಪ್ಯಾಡ್‌ಗಳು ರಾಸಾಯನಿಕ ಮುಕ್ತವಾಗಿರುತ್ತವೆ. ಇವು ದದ್ದು ಅಥವಾ ಇತರ ಬ್ಯಾಕ್ಟೀರಿಯಾ ಅಥವಾ ಶಿಲೀಂಧ್ರಗಳ ಸೋಂಕನ್ನು ಉಂಟುಮಾಡುವುದಿಲ್ಲ.
ಅವಧಿಯ ಪ್ಯಾಂಟಿಗಳು: ಇವುಗಳು ವಿಶೇಷ ಒಳ ಉಡುಪುಗಳಾಗಿದ್ದು, ಋತುಚಕ್ರದ ಸಮಯದಲ್ಲಿ ಇದನ್ನು ಬಳಸಬಹುದಾಗಿದೆ. ಸ್ಯಾನಿಟರಿ ಪ್ಯಾಡ್‌ಗಳಿಗೆ ಉತ್ತಮ ಪರ್ಯಾಯಗಳಲ್ಲಿ ಒಂದಾದ ಅವಧಿಯ ಪ್ಯಾಂಟಿಗಳು ಅತ್ಯಂತ ಆರಾಮದಾಯಕ, ಬಳಕೆದಾರ ಮತ್ತು ಪರಿಸರ ಸ್ನೇಹಿ ಮತ್ತು ಸೋರಿಕೆಯನ್ನು ತಡೆಗಟ್ಟಲು ಹಲವು ಪದರಗಳಿಂದ ಮಾಡಲ್ಪಟ್ಟಿದೆ.
ಮುಟ್ಟಿನ ಸ್ಪಾಂಜ್: ಮುಟ್ಟಿನ ಸ್ಪಾಂಜ್ ನೈಸರ್ಗಿಕ ಮತ್ತು ಪರಿಸರ ಸ್ನೇಹಿ ಸಂಪನ್ಮೂಲವಾಗಿದ್ದು, ಸ್ಯಾನಿಟರಿ ಪ್ಯಾಡ್‌ಗಳಿಗೆ ಉತ್ತಮ ಪರ್ಯಾಯವಾಗಿದೆ. ಇವು ಮೆತ್ತನೆಯ ಸ್ಪಂಜುಗಳಿಂದ ಮಾಡಲ್ಪಟ್ಟಿದೆ. ನೋಡಲು ಸ್ನಾನದ ಸ್ಪಂಜುಗಳಂತೆ ಕಂಡರೂ ಅವಧಿಯ ಸಮಯದಲ್ಲಿ ರಕ್ತದ ಹರಿವನ್ನು ಉತ್ತಮವಾಗಿ ತಡೆಯುತ್ತದೆ. ಋತುಚಕ್ರದ ಸಮಯದಲ್ಲಿ ಬಳಸಿದ ನಂತರ ಇದನ್ನು ನೀರು ಮತ್ತು ವಿನೇಗರ್‌ನಿಂದ ಸುಲಭವಾಗಿ ಸ್ವಚ್ಛಗೊಳಿಸಬಹುದು ಮತ್ತು ಆರು ತಿಂಗಳವರೆಗೆ ಇದನ್ನು ಬಳಸುತ್ತಿರಬಹುದು.