ನಿಮ್ಮ ಮಾತು ಹೀಗಿದ್ದರೆ ಮಾತ್ರ ಮನೆಯ ಹೊರಗೂ, ಒಳಗೂ ಸಕ್ಸಸ್ ನಿಮ್ಮದೇ...

ಪರಿಣಾಮಕಾರಿ ಸಂವಹನವು ವೃತ್ತಿಪರ ಜೀವನದಲ್ಲಿ ಮಾತ್ರವಲ್ಲದೆ, ವೈಯಕ್ತಿಕ ಜೀವನದಲ್ಲೂ ದೊಡ್ಡ ಪಾತ್ರವನ್ನು ವಹಿಸುತ್ತದೆ.

ಜೀವನದ ಪ್ರಮುಖ ಕೌಶಲ್ಯಗಳಲ್ಲಿ ಪರಿಣಾಮಕಾರಿಯಾಗಿ ಸಂವಹನ ನಡೆಸುವುದು ಒಂದಾಗಿದೆ. ಯಾರೂ ಉತ್ತಮ ಸಂವಹನ ಕೌಶಲ್ಯ ಹೊಂದಿರುತ್ತಾರೋ ಅವರಿಗೆ ಯಾರೊಂದಿಗೂ ಜಗಳವಾಡುವ ಪ್ರಮೇಯ ಬರುವುದಿಲ್ಲ, ಕೆಲಸ ಕಾರ್ಯದಲ್ಲಿ ಮುಂದಿರುತ್ತಾರೆ. ಜೀವನ ನಡೆಸಿಕೊಂಡು ಹೋಗುವುದು ತಿಳಿದಿರುತ್ತದೆ. ವೃತ್ತಿಪರ ಜೀವನದಲ್ಲಿಯಂತೂ ಈ ಕೌಶಲ್ಯಗಳು ಎಷ್ಟು ಮುಖ್ಯ ಎಂಬುದನ್ನು ನೀವು ತಿಳಿದಿರಬೇಕು. ನೀವು ಸಂದರ್ಶನಕ್ಕೆ ಎಲ್ಲಿಗೆ ಹೋದರೂ, ಅವರು ಮೊದಲು ನೋಡುವುದು ನಿಮ್ಮ ಸಂವಹನ ಕೌಶಲ್ಯವನ್ನು. ನಿಮ್ಮ ಸಂವಹನವು ಪರಿಣಾಮಕಾರಿಯಾಗಿದ್ದಾಗ ಮಾತ್ರ ನೀವು ಇತರರ ಮೇಲೆ ಪ್ರಭಾವ ಬೀರಲು ಸಾಧ್ಯವಾಗುತ್ತದೆ ಮತ್ತು ಪರಿಣಾಮಕಾರಿ ಸಂವಹನವು ವೃತ್ತಿಪರ ಜೀವನದಲ್ಲಿ ಮಾತ್ರವಲ್ಲದೆ, ವೈಯಕ್ತಿಕ ಜೀವನದಲ್ಲೂ ದೊಡ್ಡ ಪಾತ್ರವನ್ನು ವಹಿಸುತ್ತದೆ. ಯಾವುದೇ ಮಾಹಿತಿ ಅಥವಾ ಸಂದೇಶವನ್ನು ಇತರರಿಗೆ ಸರಿಯಾದ ಮತ್ತು ಸ್ಪಷ್ಟವಾದ ಪದಗಳಲ್ಲಿ ವಿವರಿಸಲು ಉತ್ತಮ ಸಂವಹನ ಕೌಶಲ್ಯಗಳು ಅವಶ್ಯಕ. ಆದ್ದರಿಂದ ನಿಮ್ಮ ಸಂವಹನ ಕೌಶಲ್ಯಗಳನ್ನು ಸುಧಾರಿಸಲು ನೀವು ಬಯಸಿದರೆ ಕೆಲವು ಸರಳ ವಿಷಯಗಳನ್ನ ತಿಳಿದುಕೊಳ್ಳಲೇಬೇಕು.

ಸ್ಪಷ್ಟ, ಸರಳ, ನಿಖರವಾಗಿರಲಿ
ಯಾವುದೇ ವಿಷಯವನ್ನು ಇತರಿಗೆಗೆ ಹೇಳುವುದಾದರೂ ಅದು ಸ್ಪಷ್ಟವಾಗಿ ಮತ್ತು ನಿಖರವಾಗಿರಬೇಕು. ನೀವು ಹೇಳಲು ಬಯಸುವುದನ್ನು ಸರಳ ಪದಗಳಲ್ಲಿ ಹೇಳಿ. ಸಂವಹನವನ್ನು ಸುಧಾರಿಸಲು ಇನ್ನು ಉತ್ತಮ ಮಾರ್ಗವೆಂದರೆ ಗೊಂದಲವನ್ನು ಉಂಟುಮಾಡುವ ದಾಟಿಯಲ್ಲಿ ಮಾತನಾಡುವುದು. ನೀವು ಮಾತನಾಡುತ್ತಿರುವ ವ್ಯಕ್ತಿಗೆ ಅದು ಅರ್ಥವಾಗುತ್ತದೆಯೇ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಸಹ ಮುಖ್ಯವಾಗಿದೆ. ನಿಮ್ಮ ಭಾಷೆ, ನಿಮ್ಮ ಪದಗಳು ಸರಳವಾಗಿದ್ದಷ್ಟೂ ಇತರ ವ್ಯಕ್ತಿಗೆ ಅರ್ಥಮಾಡಿಕೊಳ್ಳುವುದು ಸುಲಭವಾಗುತ್ತದೆ. ನೀವು ಕಚೇರಿಯಲ್ಲಿದ್ದರೆ ಕೆಲಸದ ಬಗ್ಗೆ ಮಾತನಾಡಿ, ಇಲ್ಲಿ ಸಮಯ ವ್ಯರ್ಥ ಮಾಡಬೇಡಿ. ನೀವು ಹೆಚ್ಚು ತಮಾಷೆ ಮಾಡುವುದರಲ್ಲಿ ಸಮಯ ವ್ಯರ್ಥ ಮಾಡುವ ಬದಲು ಬೇಗನೆ ವಿಷಯಕ್ಕೆ ಬರುವುದು ಉತ್ತಮ. ಜೋರಾಗಿ ಮಾತನಾಡುವ ಬದಲು ನಿರಾಳ ಮತ್ತು ಆರೋಗ್ಯಕರ ಸಂಭಾಷಣೆ ನಡೆಸಿ.

ಫ್ರೆಂಡ್ಲಿಯಾಗಿ ಮಾತನಾಡಿ
ಅನೇಕ ಬಾರಿ ನಾವು ಜೋರಾಗಿ ಕೂಗುವುದು ಅಥವಾ ಮಾತನಾಡುವುದು ಮಾಡುತ್ತೇವೆ. ಹೀಗೆ ಮಾಡಿದರೆ ನಾವು ಚೆನ್ನಾಗಿ ಸಂವಹನ ನಡೆಸುತ್ತಿದ್ದೇವೆ ಎಂಬ ತಪ್ಪು ಕಲ್ಪನೆಯಲ್ಲಿರುತ್ತೇವೆ. ಆದರೆ ಇದು ನಿಜವಲ್ಲ. ಜನರು ನಿಮ್ಮನ್ನು ಸುಲಭವಾಗಿ ಅರ್ಥಮಾಡಿಕೊಳ್ಳಲು ಮತ್ತು ನಿಮ್ಮೊಂದಿಗೆ ಮಾತನಾಡಲು ಯಾವಾಗಲೂ ನಿಮ್ಮ ಟೋನ್ ಸ್ನೇಹಪರವಾಗಿರಬೇಕು. ಈ ಸಾಫ್ಟ್ ಟೋನ್ ನಮಗೆ ಉಪಯುಕ್ತವಾಗಿದೆ. ಕಚೇರಿಗಳಲ್ಲಿ ಉನ್ನತ ಸ್ಥಾನದಲ್ಲಿ ಇರುವವರು ತಮ್ಮ ಕಿರಿಯರೊಂದಿಗೆ ಒರಟಾಗಿ ಮಾತನಾಡುತ್ತಾರೆ. ಯಾವುದೇ ಸಮಸ್ಯೆಗೆ ಪರಿಹಾರ ಸಿಗಬೇಕೆಂದರೆ ಸಹೋದ್ಯೋಗಿಗಳೊಂದಿಗೆ ಮಾತನಾಡುವುದು ಸಹ ನಿಮ್ಮ ಕೆಲಸದ ಒಂದು ಭಾಗವಾಗಿದೆ ಎಂಬುದನ್ನು ಮರೆಯಬಾರದು. ಆದ್ದರಿಂದ ನಿಮ್ಮ ಸುತ್ತಲೂ ಸ್ನೇಹಪರ ಮತ್ತು ಆರೋಗ್ಯಕರ ವಾತಾವರಣವನ್ನು ಸೃಷ್ಟಿಸಿ. ಕೆಲಸದ ಬಗ್ಗೆ ಹರ್ಷಚಿತ್ತದಿಂದಿರಿ. ಸ್ನೇಹಪರರಾಗಿರಿ ಮತ್ತು ಗಟ್ಟಿ ಸ್ವರದಲ್ಲಿ ಮಾತನಾಡಬೇಡಿ.

ಕೇಳುವುದನ್ನ ಕಲಿಯಿರಿ
ನಿಮ್ಮ ಸಂವಹನ ಕೌಶಲ್ಯ ಸುಧಾರಿಸಲು ಬಯಸಿದರೆ ನೀವು ಮಾತನಾಡಲು ಕಲಿಯುವಷ್ಟೇ ಪರಿಣಾಮಕಾರಿಯಾಗಿ ಕೇಳಲು ಕಲಿಯಬೇಕು. ಸಂವಹನವು ಎರಡಕ್ಕೂ ಸಂಬಂಧಿಸಿದೆ. ಇಂದು ಕೇಳುಗರು ಕಡಿಮೆಯಾಗಿದ್ದಾರೆ. ಆದ್ದರಿಂದ ನಿಮ್ಮ ಆಲಿಸುವ ಕೌಶಲ್ಯವನ್ನು ಸುಧಾರಿಸಬೇಕಾಗಿದೆ. ಮೊದಲು ಏನು ಹೇಳುತ್ತಿದ್ದಾರೆ ಎಂಬುದರ ಬಗ್ಗೆ ಗಮನ ಕೊಡಿ ಮತ್ತು ಗೌರವ ತೋರಿಸಿ. ನಿಮ್ಮ ಬಳಿ ಉತ್ತರವಿದ್ದರೂ ಸರದಿ ಬರುವವರೆಗೆ ಕಾಯಿರಿ. ಆದರೆ ಅಲ್ಲಿಯವರೆಗೆ ಜಾಗರೂಕರಾಗಿರಿ. ಯಾವುದೇ ಕಾರಣಕ್ಕೂ ಅಡ್ಡಿಪಡಿಸಬೇಡಿ.

ತಕ್ಷಣ ಪ್ರತಿಕ್ರಿಯೆ ಕೊಡಬೇಡಿ
ನೀವು ಸರಿಯಾಗಿ ಕೇಳಲು ಸಾಧ್ಯವಾಗದಿದ್ದರೆ ಉತ್ತರಿಸಲು ಸಹ ಸಾಧ್ಯವಾಗುವುದಿಲ್ಲ. ಆದ್ದರಿಂದ ಕೇಳಿದ ನಂತರ ಇನ್ನೊಬ್ಬ ವ್ಯಕ್ತಿ ಮಾತನಾಡಿರುವುದಕ್ಕೆ ಎಚ್ಚರಿಕೆಯಿಂದ ಉತ್ತರಿಸಿ. ನೀವು ಪ್ರತಿಕ್ರಿಯಿಸಲೇ ಬೇಕಂತೇನಿಲ್ಲ. ಉತ್ತಮ ಸಂವಹನಕ್ಕಾಗಿ ರಿಯಾಕ್ಟ್ ಮಾಡುವುದನ್ನ ತಪ್ಪಿಸಬೇಕು. ಇನ್ನೊಬ್ಬ ವ್ಯಕ್ತಿ ಏನು ಹೇಳುತ್ತಿದ್ದಾರೆಂದು ಅರ್ಥಮಾಡಿಕೊಳ್ಳಿ. ಯೋಚಿಸಿದ ನಂತರ ನಿಮ್ಮ ಉತ್ತರವನ್ನು ನೀಡಿ . ನೀವು ಬೇರೆಯವರೊಂದಿಗೆ ಭಿನ್ನಾಭಿಪ್ರಾಯ ಹೊಂದಿದ್ದರೆ ನಿಮ್ಮ ಅಭಿಪ್ರಾಯವನ್ನು ಹೇರುವ ಬದಲು ಅವರ ದೃಷ್ಟಿಕೋನದಿಂದ ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿ. ನೀವು ಏನನ್ನಾದರೂ ತಕ್ಷಣ ಉಚ್ಚರಿಸುವ ಮೊದಲು ಏನು ಹೇಳಬೇಕೆಂದು ಯೋಚಿಸಿ. ಬೇರೆಯವರ ಆಲೋಚನೆಗಳನ್ನು ತಿರಸ್ಕರಿಸಿ ಕೆಳಗಿಳಿಸಬೇಡಿ. ಪರಿಹಾರವಷ್ಟೇ ನಿಮ್ಮ ಗುರಿಯಾಗಿರಬೇಕು.

ಕಣ್ಣಿನ ಸಂಪರ್ಕವೂ ಬಹಳ ಮುಖ್ಯ
ಉತ್ತಮ ಸಂವಹನ ಕೌಶಲ್ಯಕ್ಕಾಗಿ ಕಣ್ಣಿನ ಸಂಪರ್ಕವು ಬಹಳ ಮುಖ್ಯ . ಇನ್ನೊಬ್ಬ ವ್ಯಕ್ತಿಯು ನಿಮ್ಮೊಂದಿಗೆ ಕಣ್ಣಿನ ಸಂಪರ್ಕವನ್ನು ಮಾಡದಿದ್ದಾಗ, ನೀವು ಎರಡು ವಿಷಯಗಳನ್ನು ಗಮನಿಸಬಹುದು. ಅವನಿಗೆ ಆಸಕ್ತಿ ಇಲ್ಲ ಅಥವಾ ಅವನು ತುಂಬಾ ಆತಂಕಕ್ಕೊಳಗಾಗಿದ್ದಾನೆ. ಆದ್ದರಿಂದ ನೀವು ಮಾಡಬಾರದ ಏಕೈಕ ವಿಷಯ ಇದು. ನಿಮ್ಮ ಮುಂದೆ ಇರುವ ವ್ಯಕ್ತಿಯೊಂದಿಗೆ ನೀವು ಮಾತನಾಡುವಾಗಲೆಲ್ಲಾ ಅವರೊಂದಿಗೆ ಕಣ್ಣಿನ ಸಂಪರ್ಕವನ್ನು ಕಾಪಾಡಿಕೊಳ್ಳಿ. ಇದು ನಿಮ್ಮನ್ನು ಆತ್ಮವಿಶ್ವಾಸದಿಂದ ಕಾಣುವಂತೆ ಮಾಡುತ್ತದೆ. ಯಾರ ಜೊತೆ ಮಾತನಾಡಿದರೂ ಎಲ್ಲರೊಂದಿಗೂ ಕಣ್ಣಿನ ಸಂಪರ್ಕವನ್ನು ಕಾಪಾಡಿಕೊಳ್ಳಿ. ಮಾತನಾಡುವಾಗ ನಿಮ್ಮ ಫೋನ್ ನೋಡಬೇಡಿ ಅಥವಾ ನಿಮ್ಮ ಕಣ್ಣುಗಳನ್ನು ಮಿಟುಕಿಸಬೇಡಿ. ಇದು ಇತರ ವ್ಯಕ್ತಿಗೆ ತಪ್ಪು ಸಂದೇಶವನ್ನು ಕಳುಹಿಸಬಹುದು. ಇದನ್ನು ಎಂದಿಗೂ ಮಾಡಬೇಡಿ. ನೀವು ನಿಮ್ಮ ಸಂಪೂರ್ಣ ಗಮನವನ್ನು ಮಾತನಾಡುವುದರ ಮೇಲೆ ಕೇಂದ್ರಿಕರಿಸಿದರೆ ಕಣ್ಣಿನ ಸಂಪರ್ಕವು ಸ್ವಯಂಚಾಲಿತವಾಗಿ ಆಗುತ್ತದೆ.

ಎಲ್ಲರೊಂದಿಗೂ ಹೊಂದಿಕೊಳ್ಳಿ
ಅದು ಸಮ್ಮೇಳನ ಸಭಾಂಗಣವಾಗಿರಲಿ ಅಥವಾ ನಿಮ್ಮ ಸ್ನೇಹಿತರೊಂದಿಗೆ ಇರಲಿ ಎಲ್ಲರನ್ನೂ ಸಮಾನವಾಗಿ ನೋಡಿ ಮತ್ತು ಅವರನ್ನು ನಿಮ್ಮ ಸಂಭಾಷಣೆಯಲ್ಲಿ ಸೇರಿಸಿಕೊಳ್ಳಿ. ನೀವು ಯಾರನ್ನಾದರೂ ಇಷ್ಟಪಡುತ್ತೀರೋ ಇಲ್ಲವೋ ಅವರು ನಿಮ್ಮೊಂದಿಗಿದ್ದರೆ ಮಾತನಾಡಿ ಅಷ್ಟೇ. ಆ ಸಮಯದಲ್ಲಿ ನಿಮ್ಮ ಸಂಪೂರ್ಣ ಗಮನವು ನಿಮ್ಮ ಗುರಿಯ ಮೇಲೆ ಇರಬೇಕು. ಈ ರೀತಿಯಾಗಿ ಜನರು ನಿಮ್ಮನ್ನು ಉತ್ತಮವಾಗಿ ನಂಬಲು ಸಾಧ್ಯವಾಗುತ್ತದೆ. ಎಲ್ಲರೊಂದಿಗೆ ಮಾತನಾಡುವಾಗ, ಯಾವಾಗಲೂ ನಿಮ್ಮ ಸ್ವರ ಮೆಲುವಾಗಿರಲಿ ನಗುತ್ತಾ ಮಾತನಾಡಿ. ಇನ್ನೊಂದು ವಿಷಯವೆಂದರೆ ಯಾರನ್ನೂ ಹೊಗಳಬೇಡಿ. ಇದು ನಿಮ್ಮನ್ನು ಕೆಟ್ಟದಾಗಿ ಕಾಣುವಂತೆ ಮಾಡಬಹುದು. ಜನರ ಬೆನ್ನ ಹಿಂದೆ ಮಾತನಾಡುವುದನ್ನು ಸಂಪೂರ್ಣವಾಗಿ ತಪ್ಪಿಸಿ. ಅದು ಏನೇ ಇರಲಿ, ಅದನ್ನು ಎಲ್ಲರ ಮುಂದೆ ಸ್ಪಷ್ಟವಾಗಿ ಮತ್ತು ನಯವಾಗಿ ಹೇಳಿ. ಯಾವುದೇ ಗೌಪ್ಯ ವಿಷಯವನ್ನು ಚರ್ಚಿಸುವಾಗ ನಿಮ್ಮ ಸುತ್ತಲೂ ಯಾರಿದ್ದಾರೆಂದು ಗಮನದಲ್ಲಿರಲಿ.