ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ವಿಶ್ವದ ಶ್ರೀಮಂತ ವ್ಯಕ್ತಿಗಳ ಪಟ್ಟಿಯಲ್ಲಿದ್ದಾರೆ. ಹೀಗಾಗಿಯೇ ಇವರ ಏಕೈಕ ಪುತ್ರಿ ಇಶಾ ಅಂಬಾನಿ, ಕಡಿಮೆ ಶ್ರೀಮಂತರಲ್ಲ. ಅದ್ದೂರಿ ಜೀವನಶೈಲಿಯನ್ನು ನಡೆಸುತ್ತಾರೆ. ಅವರಲ್ಲಿರೋ ಕೋಟಿ ಕೋಟಿ ಬೆಲೆಬಾಳುವ ಬಂಗಲೆ, ಕಾರು, ಬ್ಯಾಗ್‌ಗಳ ಬಗ್ಗೆ ತಿಳಿಯಿರಿ.
ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ದಂಪತಿಯ ಏಕೈಕ ಪುತ್ರಿ ಇಶಾ ಅಂಬಾನಿ. ತಮ್ಮ ತಂದೆಯಂತೆ ಬೃಹತ್‌ ಉದ್ಯಮಿಯೂ ಹೌದು. ಇಶಾ ಅಂಬಾನಿ ರಿಲಯನ್ಸ್ ಜಿಯೋ ಮತ್ತು ರಿಲಯನ್ಸ್ ರಿಟೇಲ್‌ನಲ್ಲಿ ಇಶಾ ಅಂಬಾನಿ ಪ್ರಮುಖ ಕಾರ್ಯನಿರ್ವಾಹಕರಾಗಿದ್ದಾರೆ. 2023ರಲ್ಲಿ ಮುಂಬೈನಲ್ಲಿ ಪ್ರಾರಂಭಿಸಲಾದ ನೀತಾ ಮುಖೇಶ್ ಅಂಬಾನಿ ಸಾಂಸ್ಕೃತಿಕ ಕೇಂದ್ರದ ಚಟುವಟಿಕೆಗಳನ್ನು ನಿರ್ವಹಿಸುತ್ತಿದ್ದಾರೆ. ಇಶಾ ಅಂಬಾನಿ ತಮ್ಮ ಶಾಲಾ ಶಿಕ್ಷಣವನ್ನು ಮುಂಬೈನ ಧೀರೂಭಾಯಿ ಅಂಬಾನಿ ಇಂಟರ್‌ನ್ಯಾಶನಲ್ ಸ್ಕೂಲ್‌ನಲ್ಲಿ ಪೂರ್ಣಗೊಳಿಸಿದ್ದಾರೆ. ನಂತರ ಅವರು US ಗೆ ತೆರಳಿದರು ಮತ್ತು ಯೇಲ್ ವಿಶ್ವವಿದ್ಯಾನಿಲಯದಿಂದ ಮೊದಲು ಸೈಕಾಲಜಿ ಮತ್ತು ಸೌತ್ ಏಷ್ಯನ್ ಸ್ಟಡೀಸ್‌ನಲ್ಲಿ ಪದವಿ ಪಡೆದರು, ನಂತರ ಸ್ಟ್ಯಾನ್‌ಫೋರ್ಡ್ ಗ್ರಾಜುಯೇಟ್ ಸ್ಕೂಲ್ ಆಫ್ ಬ್ಯುಸಿನೆಸ್‌ನಿಂದ MBA ಪದವಿ ಪಡೆದರು.
ರಿಲಯನ್ಸ್‌ನಲ್ಲಿ ಮುಕೇಶ್ ಅಂಬಾನಿಯ ಬಿಸಿನೆಸ್‌ ಸೇರುವ ಮೊದಲು, ಇಶಾ ಅಂಬಾನಿ ನ್ಯೂಯಾರ್ಕ್‌ನ ಮೆಕಿನ್ಸೆ ಮತ್ತು ಕಂಪನಿಯಲ್ಲಿ ವ್ಯಾಪಾರ ವಿಶ್ಲೇಷಕರಾಗಿ ಕೆಲಸ ಮಾಡಿದರು. 23ನೇ ವಯಸ್ಸಿನಲ್ಲಿ, ಅವರು ತಮ್ಮ ತಂದೆಯೊಂದಿಗೆ ಕೆಲಸ ಮಾಡಲು ಪ್ರಾರಂಭಿಸಿದರು. ಅಕ್ಟೋಬರ್ 2014 ರಲ್ಲಿ ರಿಲಯನ್ಸ್ ರಿಟೇಲ್ ಮತ್ತು ರಿಲಯನ್ಸ್ ಜಿಯೋ ಮಂಡಳಿಗಳಿಗೆ ನೇಮಕಗೊಂಡರು. ಇಶಾ ಅಂಬಾನಿ ಈಗ ರಿಲಯನ್ಸ್ ರಿಟೇಲ್‌ನ ಕಾರ್ಯಾಚರಣೆಯನ್ನು ನೋಡಿಕೊಳ್ಳುತ್ತಿದ್ದಾರೆ. ಅದನ್ನು ಇನ್ನಷ್ಟು ಲಾಭದಾಯಕ ಕಂಪೆನಿಯಾಗಿ ಬದಲಾಯಿಸುವ ಜವಾಬ್ದಾರಿ ಅವರ ಮೇಲಿದೆ.
ದುಬೈನಲ್ಲಿ 650 ಕೋಟಿಯ ಬಂಗಲೆ, ಡೈಮಂಡ್ ನೆಕ್ಲೇಸ್; ಅಂಬಾನಿ ದಂಪತಿ, ಮಕ್ಕಳಿಗೆ ಕೊಟ್ಟಿರೋ ದುಬಾರಿ ಗಿಫ್ಟ್‌ಗಳಿವು!
ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ವಿಶ್ವದ ಶ್ರೀಮಂತ ವ್ಯಕ್ತಿಗಳ ಪಟ್ಟಿಯಲ್ಲಿದ್ದಾರೆ. ಹೀಗಾಗಿಯೇ ಇವರ ಏಕೈಕ ಪುತ್ರಿ ಇಶಾ ಅಂಬಾನಿ, ಕಡಿಮೆ ಶ್ರೀಮಂತರಲ್ಲ. ಅದ್ದೂರಿ ಜೀವನಶೈಲಿಯನ್ನು ನಡೆಸುತ್ತಾರೆ.
ಇಶಾ ಅಂಬಾನಿ ನಿವ್ವಳ ಮೌಲ್ಯ ಬರೋಬ್ಬರಿ 835 ಕೋಟಿ ರೂ. ಅವರು ರಿಲಯನ್ಸ್ ರಿಟೇಲ್‌ನ ನಿರ್ದೇಶಕರಾಗಿದ್ದು, ವಾರ್ಷಿಕ 4.5 ಕೋಟಿ ರೂ ಲಾಭ ಪಡೆಯುತ್ತಾರೆ. ಇಶಾ ಅಂಬಾನಿ ಸಂಭಾವನೆ ಬಹುತೇಕ ಅವರ ಸಹೋದರರಾದ ಆಕಾಶ್ ಅಂಬಾನಿ ಮತ್ತು ಆನಂದ್ ಅಂಬಾನಿಯವರ ಸಂಬಳಕ್ಕೆ ಸಮವಾಗಿದೆ. ಇಶಾ ಅಂಬಾನಿ, ಡಿಸೆಂಬರ್ 2018ರಿಂದ ಪಿರಾಮಲ್ ಗ್ರೂಪ್‌ನ ಹಣಕಾಸು ಸೇವಾ ವ್ಯವಹಾರಗಳ ಮುಖ್ಯಸ್ಥರಾಗಿರುವ ಆನಂದ್ ಪಿರಾಮಲ್ ಅವರನ್ನು ವಿವಾಹವಾಗಿದ್ದಾರೆ. ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಅವಳಿ ಮಕ್ಕಳಾದ ಕೃಷ್ಣ ಮತ್ತು ಮಗಳು ಆದಿಯಾರನ್ನು ಹೊಂದಿದ್ದಾರೆ. ಇಶಾ ಅಂಬಾನಿ ತಮ್ಮ ಪತಿ ಆನಂದ್ ಪಿರಾಮಲ್ ಅವರೊಂದಿಗೆ ಮುಂಬೈನ ವರ್ಲಿ ಪ್ರದೇಶದಲ್ಲಿ ಬಂಗಲೆಯನ್ನು ಹೊಂದಿದ್ದಾರೆ.
50,000 ಚದರ ಅಡಿ ವಿಸ್ತೀರ್ಣದ ಈ ಮಹಲು ಕುಲಿತಾ ಎಂದು ಹೆಸರಿಸಲಾಗಿದ್ದು, ಇದು ಆನಂದ್ ಅವರ ಪೋಷಕರಾದ ಅಜಯ್ ಪಿರಮಾಲ್ ಮತ್ತು ಸ್ವಾತಿ ಪಿರಾಮಲ್ ಅವರಿಗೆ ಮದುವೆಯ ಉಡುಗೊರೆಯಾಗಿತ್ತು. ವರದಿಗಳ ಪ್ರಕಾರ ಮುಂಬೈನಲ್ಲಿ ಇಶಾ ಅಂಬಾನಿ ಮನೆ ಖರೀದಿಸಿದಾಗ ಅದರ ಬೆಲೆ 452 ಕೋಟಿ ರೂ. ಸದ್ಯ ಇದರ ಮೌಲ್ಯ 1000 ಕೋಟಿ ರೂಪಾಯಿ ಎಂದು ಹೇಳಲಾಗುತ್ತಿದೆ. ಲಂಡನ್ ಮೂಲದ ಆರ್ಕಿಟೆಕ್ಚರ್ ಸಂಸ್ಥೆ ಎಕರ್ಸ್ಲೆ ಒ'ಕಲ್ಲಾಘನ್ ಈ ಮುಂಬೈ ಮನೆಯನ್ನು ವಿನ್ಯಾಸಗೊಳಿಸಿದೆ.
ಅನಂತ್ ಅಂಬಾನಿ-ರಾಧಿಕಾ ಪ್ರಿ ವೆಡ್ಡಿಂಗ್ ಇವೆಂಟ್‌ ವೆಚ್ಚ ಭರ್ತಿ 1200 ಕೋಟಿ, ಮದುವೆಗೆ ಖರ್ಚು ಮಾಡ್ತಿರೋದೆಷ್ಟು?
ಮಾತ್ರವಲ್ಲ ಇಶಾ ಅಂಬಾನಿ 31 ಲಕ್ಷ ಮೌಲ್ಯದ ಹರ್ಮ್ಸ್ ಮಿನಿ ಕೆಲ್ಲಿ ಬ್ಯಾಗ್‌ನ್ನು ಹೊಂದಿದ್ದಾರೆ. 2023ರ MET ಗಾಲಾಗೆ ಇಶಾ ಅಂಬಾನಿ ತೆಗೆದುಕೊಂಡು ಹೋಗಿದ್ದ ಶನೆಲ್ ಡಾಲ್ ಬ್ಯಾಗ್ ಬೆಲೆ 24 ಲಕ್ಷ ರೂಪಾಯಿ. ಇಶಾ ಅಂಬಾನಿ 10 ಕೋಟಿ ಮೌಲ್ಯದ ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಗಾರ್ಡ್ ಸೇರಿದಂತೆ ಹಲವು ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ. ಬರೋಬ್ಬರಿ 4 ಕೋಟಿ ಮೌಲ್ಯದ ಬೆಂಟ್ಲಿ ಕಾರನ್ನೂ ಹೊಂದಿದ್ದಾರೆ.
ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಪುತ್ರಿ ಹೊಂದಿರುವ ಬಹುತೇಕ ಬೆಲೆಬಾಳುವ ನೆಕ್ಲೇಸ್ ಗಳು 165 ಕೋಟಿ ರೂ. ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್ (NMACC) ಅಧಿಕೃತ ಬಿಡುಗಡೆಗಾಗಿ ಧರಿಸಿರುವ ಇಶಾ ಅಂಬಾನಿ ಅವರ ಕಸ್ಟಮ್ ಡೈಮಂಡ್ ನೆಕ್ಲೇಸ್ $ 20 ಮಿಲಿಯನ್ ಮೌಲ್ಯದ್ದಾಗಿದೆ, 165 ಕೋಟಿ ರೂ. ಗಮನಾರ್ಹವಾಗಿ, ಅವಳು ತನ್ನ ಮೆಹಂದಿ ಸಮಾರಂಭದಲ್ಲಿ ಅದನ್ನು ಮೊದಲ ಬಾರಿಗೆ ಧರಿಸಿದ್ದಳು.