ಯುದ್ಧಕ್ಕೆ ಸಿದ್ಧವಾಗಿ ನಿಂತ ಉತ್ತರ ಕೊರಿಯಾ, ಬಾಂಬ್​ ಬೆದರಿಕೆ ಹಾಕಿ ಕಿಮ್​ ಸಾಧಿಸೋಕೆ ಹೊರಟಿದ್ದೇನು?

ಬೆಂಗಳೂರು (ಮೇ.3): ರಷ್ಯಾ-ಉಕ್ರೇನ್​ ವಾರ್ (Russia-Ukraine war)​ ಇನ್ನೂ ನಿಂತಿಲ್ಲ.. ಆಗಲೇ ಇನ್ನೊಂದು ಮಹಾಯುದ್ಧಕ್ಕೆ ಮಹೂರ್ತ ಇಟ್ಟಿದ್ದಾಗಿದೆ. ಆ ಮಹೂರ್ತ ಇಟ್ಟಿದ್ದು, ಉತ್ತರ ಕೊರಿಯಾದ ಸರ್ವಾಧಿಕಾರಿ ಮಿಸ್ಟರ್​ ಕಿಮ್​ಜಾಂಗ್​ ಉನ್ (Kim Jong Un)​. ಮೊದಲೇ ಹುಚ್ಚಾಟ ಆಡೋದ್ರಲ್ಲಿ ಫೇಮಸ್​ ಆಗಿರೋ ಈ ಕಿಮ್​ ಈಗ ಸಾವಿನ ಆಟ ಆಡೋದಕ್ಕೆ ರೆಡಿಯಾಗಿದ್ದಾನೆ.

ಪುಟಿನ್​ ಯುದ್ಧದಾಹ ತೀರುತ್ತಿಲ್ಲ. ಈ ದಾಹ ತಣಿಯೋತನಕ ಅಮಾಯಕರ ರಕ್ತ ನಿರಂತರವಾಗಿ ಹರೀತಾನೇ ಇರುತ್ತೆ.. ಸದ್ಯದ ಪರಿಸ್ತಿತಿ ನೋಡ್ತಿದ್ರೆ. ಈ ಯುದ್ಧಕ್ಕೆ ಸದ್ಯಕ್ಕಂತೂ ಫುಲ್​ಸ್ಟಾಪ್​ ಸಿಗೋ ಲಕ್ಷಣ ಕಾಣ್ತಿಲ್ಲ.. ಆಗಲೇ ಇನ್ನೊಂದು ಮಹಾಯುದ್ಧಕ್ಕೆ ರಣಕಹಳೆ ಮೊಳಗಿಸೋದಕ್ಕೆ ಸಿದ್ಧವಾಗಿ ನಿಂತಿದ್ದಾನೆ.. ಅದೇ ಆ ಮನುಷ್ಯ ರೂಪದ ಸೈತಾನ್​ ಕಿಮ್​ ಜಾಂಗ್​ ಉನ್​. 

Russia Ukraine Crisis: ಅಮೆರಿಕ ಮೂಗು ತೂರಿಸೋದು ಬಿಟ್ರೆ ಎಲ್ಲಾ ಸರಿಯಾಗುತ್ತೆ ಎಂದ North Korea

ಕಿಮ್​ಜಾಂಗ್​ ಉನ್.., ಭೀಕರ ಮನಸ್ಸಿನ ವಿಕೃತ ಮನಸ್ಸಿನ ಸರ್ವಾಧಿಕಾರಿ ಅಂತಾನೇ ಫೇಮಸ್​. ಈದೇ ಕಿಮ್​ ಈಗ ಮತ್ತೊಂದು ಘನಂದಾರಿ ಕೆಲಸ ಮಾಡೋದಕ್ಕೆ ರೆಡಿಯಾಗಿದ್ದಾನೆ. ಅದಕ್ಕೆ ಸ್ಯಾಂಪಲ್​ ಅನ್ನೊ ಹಾಗೆ ಇತ್ತಿಚೇಗೆ ರಾತ್ರೋರಾತ್ರಿ ಸೇನೆಯ ಪರೇಡ್ ನಡೆಸಿದ್ದಾರೆ.