ಪಿಎಂಗೆ ಬರೆದಿರುವ ದೊಡ್ಡ ಗೌಡರ ಪತ್ರದಲ್ಲೇನಿದೆ..? ಬಂದ್ ವಿಚಾರದಲ್ಲಿ ಎರಡು ಬಣಗಳ ವಾದ ವಿವಾದ ಏನು ?

ಇಂದು ಸಿಲಿಕಾನ್ ಸಿಟಿ ಬಂದ್ ಆಗಿದೆ. ಹಾಗಾಗಿ ಸಿಲಿಕಾನ್ ಸಿಟಿ ಜನರು ಹೊರಗಡೆ ಓಡಾಡೋಕೆ ಕಿರಿಕಿರಿ ತಪ್ಪಿದ್ದಲ್ಲ. ಹಾಗಂತ ಇಂದು ಒಂದೇ ದಿನ ಈ ಬಂದ್ ಇರುವುದಿಲ್ಲ. ಈ ಬಂದ್ ನಂತರ ಮತ್ತೆ ಎರಡು ದಿನದ ನಂತರ ಅಖಂಡ ಕರ್ನಾಟಕದಲ್ಲಿ ಬಂದ್‌ಗೆ(Bandh) ಕರೆ ನೀಡಲಾಗಿದೆ. ಕಾವೇರಿ ವಿಚಾರವಾಗಿ ರಾಜ್ಯದ ರಾಜಧಾನಿಯಲ್ಲಿ ಬೆಂಗಳೂರನ್ನು(Bengaluru) ಇಂದು ಬಂದ್‌ ಮಾಡಲಾಗಿದೆ. ಕರ್ನಾಟಕ (Karnataka) ತಮಿಳುನಾಡು (Tamilnadu) ಮಧ್ಯೆ ಕಾವೇರಿದ ಜಲಯುದ್ಧ ಕರ್ನಾಟಕದಲ್ಲಿ ರೋಷಾಗ್ನಿಯಾಗಿ ಧಗಧಗಿಸುತ್ತಿದೆ. ಕಾವೇರಿ ನಮ್ಮವಳು. ತಮಿಳುನಾಡಿಗೆ ನೀರು ಬಿಡೋದನ್ನು ನಿಲ್ಲಿಸಿ ಎಂದು ಬೀದಿಗಿಳಿದು ರೈತರು, ಕನ್ನಡಪರ ಸಂಘಟನೆಗಳು(Pro-Kannada organizations) ಹೋರಾಟ ಮಾಡುತ್ತಿವೆ. ರಾಜ್ಯದಲ್ಲಿ ಕಾವೇರಿ ವಿವಾದ ಮತ್ತೆ ಭುಗಿಲೆದ್ದಿದಾಗೆಲ್ಲ.. ವಿರೋಧ ಪಕ್ಷದವರು ಹಾಗೂ ಕರವೇ ಸೇರಿದಂತೆ ನೂರಾರು ಸಂಘಟನೆಕಾರರು ಸೇರಿ ಬಂದ್‌ಗೆ ಕರೆ ನೀಡಿದ್ದಾರೆ. ಈ ಬಾರಿಯೂ ಅದೇ ಅಧ್ಯಾಯ ಮುಂದುವರೆದ ಹಾಗಿದೆ. ಹೀಗೆ ಬಂದ್ ಕರೆಯುವ ಮೂಲಕ ಸರ್ಕಾರಕ್ಕೆ ಬಿಸಿ ತಟ್ಟಿಸೋ ಪ್ರಯತ್ನ ಅವರದ್ದಾಗಿರುತ್ತೆ. ಆದರೆ ಆ ಸುದ್ದಿಯ ಹಿಂದಿದೆಯೇ, ಇನ್ನೊಂದು ಸುದ್ದಿ ಜನರನ್ನ ಇನ್ನಷ್ಟು ಹೌಹಾರುವಂತೆ ಮಾಡಿದೆ. ಒಂದೇ ವಾರದಲ್ಲಿ ಎರಡು ಬಂದ್, ಅದ್ಹೇಗೆ ಯಾಕೆ ಅಂತ ಎಲ್ಲ ತಲೆ ಬಿಸಿ ಮಾಡ್ಕೊಂಡಿರುವಾಗಲೇ ಕರ್ನಾಟಕ ಪರ ಹೊರಾಟಗಾರ ವಾಟಾಳ್ ನಾಗರಾಜ್(Vatal Nagaraj), ಅಖಂಡ ಕರ್ನಾಟಕ ಬಂದ್‌ಗೆ ಕಾರಣ ಏನು ಅನ್ನೊದಕ್ಕೂ ಸ್ಪಷ್ಟತೆ ಕೊಟ್ಟಿದ್ದಾರೆ. ವಾಟಾಳ್‌ ನಾಗರಾಜ್ ಅವರು ಹೀಗೆ ರೊಚ್ಚಿಗೆದ್ದು ಹೇಳ್ತಿರೋ ಮಾತನ್ನ ಕೇಳ್ತಿದ್ರೆ ಗೊತ್ತಾಗ್ತಿದೆ ಇವರು ಯಾವ ಮಟ್ಟಿಗೆ ರೊಚ್ಚಿಗೆದ್ದಿದ್ದಾರೆ ಅಂತ. ಆದರೆ ಮಾತಿನ ಮಧ್ಯಯೇ ಇಂದು ಬಂದ್‌ಗೆ ನಮ್ಮವರ ಸಾಥ್ ಇಲ್ಲ ಎಂದು ಖಡಕ್ ಆಗಿ ಹೇಳಿದ್ದಾರೆ. ಈ ಒಂದು ಮಾತನ್ನ ಹೇಳಿದ್ದನ್ನ ಕೇಳ್ತಿದ್ರೆ ಗೊತ್ತಾಗುತ್ತೆ ಈ ಡಬಲ್ ಬಂದ್ ಹಿಂದೆ ರಾಜಕೀಯ ನಡೀತಾ ಇದೆ ಅಂತ.

ಇದನ್ನೂ ವೀಕ್ಷಿಸಿ: Today Horoscope: ಮಿಥುನ ರಾಶಿಯವರಿಗೆ ಇಂದು ಸಂಗಾತಿಯಿಂದ ಬೇಸರವಾಗಲಿದ್ದು, ಮಹಾಲಕ್ಷ್ಮೀ ಪ್ರಾರ್ಥನೆ ಮಾಡಿ