ಧೂಳೆಬ್ಬಿಸುತ್ತಿದೆ ಕೆಜಿಎಫ್ 2 ಹವಾ, 1000 ಕೋಟಿಗೆ ಮುತ್ತಿಟ್ಟ ರಾಕಿ ಭಾಯ್..!

ಬೆಂಗಳೂರು (ಮೇ. 01): ಸಾವಿರ ಕೋಟಿ ಕ್ಲಬ್ ಸೇರಿದ ಭಾರತೀಯ ಚಿತ್ರರಂಗದ ನೂತನ ಸದಸ್ಯನಾಗಿದ್ದಾರೆ ಯಶ್ (Yash) ಮೊದಲ ದಿನ ವಿಶ್ವಾದ್ಯಂತ 165 ಕೋಟಿ ಕಲೆಕ್ಷನ್ ಮಾಡಿದ್ದ ಕೆಜಿಎಫ್-2 (KGF 2) ನಾಲ್ಕು ದಿನಕ್ಕೆ 500 ಕೋಟಿ ಸಂಪಾದನೆ ಮಾಡಿತ್ತು. ಮೊದಲನೇ ವಾರಕ್ಕೆ 700 ಕೋಟಿ ಬಾಚಿದ್ದ ರಾಕಿ, ಈಗ 16ನೇ ದಿನಕ್ಕೆ ಒಂದು ಸಾವಿರ ಕೋಟಿ ಕಲೆಕ್ಷನ್ ದಾಟಿ ಭಾರತೀಯ ಚಿತ್ರರಂಗದ ಸಿನಿಮಾಗಳ ಬಾಕ್ಸಾಫೀಸ್ ಕಲೆಕ್ಷನ್ನಲ್ಲಿ ವಿಶ್ವದಾಖಲೆ ಬರೆದ ನಾಲ್ಕನೇ ಸ್ಟಾರ್ ಕನ್ನಡಿಗ ಯಶ್ ಆಗಿದ್ದಾರೆ. 

ಈಗಾಗಲೇ ಒಂದು ಸಾವಿರ ಕೋಟಿ ರೂ. ಕಲೆಕ್ಷನ್‌ ಮಾಡಿರುವ ಭಾರತೀಯ ಸಿನೆಮಾಗಳಲ್ಲಿ ಕೆಜಿಎಫ್-2′ ನಾಲ್ಕನೇ ಚಿತ್ರ. ಈ ಹಿಂದೆ ದಂಗಲ್‌’, 'ಆರ್‌ಆರ್‌ಆರ್‌' ಈ ಸಾಲಿನಲ್ಲಿದ್ದವು. ಮತ್ತೊಂದ್ ಕಡೆ ಹಿಂದಿಯಲ್ಲಿ ಇದುವರೆಗೂ ಯಾವ ಸೌತ್ ಸ್ಟಾರ್ಸ್ ಮಾಡಿರದ ಸಾಧನೆ ಮಾಡಿದ್ದಾರೆ.  ಕೆಜಿಎಫ್-2 ಇದುವರೆಗೂ ಹಿಂದಿಯಲ್ಲಿ ಬರೋಬ್ಬರಿ 353 ಕೋಟಿಗೂ ಮೀರಿದ ಕಲೆಕ್ಷನ್ ಮಾಡಿದೆ. ತಮಿಳು ನಾಡಿನಲ್ಲಿ 96 ಕೋಟಿ ಕರ್ನಾಟಕದಲ್ಲಿ 150ಕೋಟಿ, ಆಂಧ್ರ ಮತ್ತು ತೆಲಂಗಾಣದಲ್ಲಿ 130ಕೋಟಿ ಕೇರಳದಲ್ಲಿ 50 ಕೋಟಿ ಹಾಗು ವಿಶ್ವಾದ್ಯಂತ 180 ಕೋಟಿಗೂ ಮೀರಿದ ಕಲೆಕ್ಷನ್ ಮಾಡಿ ಹಿಸ್ಟರಿ ಕ್ರಿಯೆಟ್ ಮಾಡಿದ್ದಾರೆ ಯಶ್