'ಸಲಾರ್' ಹೊಸ ಪೋಸ್ಟರ್‌ನಲ್ಲಿ ಕೆಜಿಎಫ್ ಗಮಲು: ಕನ್ನಡಿಗನ ಕೈಯಲ್ಲಿ ಡಾರ್ಲಿಂಗ್ ಪ್ರಭಾಸ್ ಭವಿಷ್ಯ..!

ಡಾರ್ಲಿಂಗ್ ಪ್ರಭಾಸ್ ಗೆಲುವಿಗೆ ಇರೋ ಒಂದೋ ಒಂದು ಅಸ್ತ್ರ ಸಲಾರ್ ಸಿನಿಮಾ. ಆದಿಪುರುಷ್‌ನಲ್ಲಿ ರಾಮನ ಬಾಣ ಹಿಡಿದು ಬಾಕ್ಸಾಫಿಸ್‌ಗೆ ಗುರಿ ಇಟ್ಟಿದ್ದ ಪ್ರಭಾಸ್ ಆ ಗುರಿ ತಪ್ಪಿದ್ದಾರೆ. ಆದ್ರೆ ಸಲಾರ್ ಹಿಡಿದು ಪಕ್ಕಾ ಬಾಕ್ಸಾಫೀಸ್ ದೋಚುತ್ತೇನೆ ಅನ್ನುತ್ತಿದ್ದಾರೆ. ಆದಿಪುರುಷ್ ಸೋತ ಮೇಲೆ ಪ್ರಭಾಸ್ ಫ್ಯಾನ್ಸ್ ಕಣ್ಣಿಟ್ಟಿರೋದು ಸಲಾರ್ ಮೇಲೆ. ಆದ್ರೆ ಇಂಟ್ರೆಸ್ಟಿಂಗ್ ಏನ್ ಗೊತ್ತಾ.? ಈ ಸಲಾರ್ ಹಿಂದೆ ಕೆಜಿಎಫ್ ನೆರಳು ಅಡಗಿದೆ ಅಂತ ಹೊಸ ಸುದ್ದಿಯೊಂದು ಹರಿದಾಡ್ತಿದೆ. ಸಲಾರ್ ಅಂದ್ರೆ ನೆನಪಿಗೆ ಬರೋದೆ ಸ್ಯಾಂಡಲ್ವುಡ್ ಡೈರೆಕ್ಟರ್ ಪ್ರಶಾಂತ್ ನೀಲ್. ‘ಕೆಜಿಎಫ್ 2’ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನದ ಸಿನಿಮಾ ‘ಸಲಾರ್’. ಈ ಸಿನಿಮಾ ರಿಲೀಸ್ಗೆ ಇನ್ನು 100 ದಿನ ಭಾಕಿ ಇದೆ. ಈ ಸಿನಿಮಾ ಮೇಲೆ ಇಡೀ ದೇಶಾದ್ಯಂತ ಭಾರಿ ನಿರೀಕ್ಷೆ ಇದೆ. ಸಲಾರ್ ಹೊಸ ಪೋಸ್ಟರ್ ರಿಲೀಸ್ ಆಗಿದ್ದು, ಆ ಪೋಸ್ಟರ್ ಹಿಂದೆ ‘ಕೆಜಿಎಫ್ 2’ ನೆರಳಿದೆ ಅಂತ ಸಿನಿ ಪ್ರೇಕ್ಷಕರು ಪತ್ತೆ ಹಚ್ಚಿದ್ದಾರೆ.

ಇದನ್ನೂ ವೀಕ್ಷಿಸಿ: ತೆರೆ ಮೇಲೆ ತೆರೆದುಕೊಳ್ತಿದೆಯಾ ಕೆಂಪೇಗೌಡರ ಚರಿತ್ರೆ?: ಅಣ್ಣವ್ರ ಮನೆ ಕದ ತಟ್ಟಿದೆ ಈ ಪಾತ್ರ..!