ಮಗನ ಹುಟ್ಟುಹಬ್ಬದಲ್ಲಿ ಮಗುವಾದ ಯಶ್: ಕಾಲಿಗೆ ಹಗ್ಗ ಕಟ್ಟಿಕೊಂಡು ಓಡಿದ ಅಪ್ಪ-ಮಗ!
ರಾಕಿಂಗ್ ಸ್ಟಾರ್ ಯಶ್ ಸುಪುತ್ರ ಯಥರ್ವ್ ಮೂರು ದಿನದ ಹಿಂದಷ್ಟೆ ಐದೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಮಗನ ಹುಟ್ಟುಹಬ್ಬವನ್ನ ಯಶ್ ಸಖತ್ ಆಗೆ ಸೆಲೆಬ್ರೇಟ್ ಮಾಡಿದ್ದಾರೆ.
ರಾಕಿಂಗ್ ಸ್ಟಾರ್ ಯಶ್ ಪಕ್ಕಾ ಫ್ಯಾಮಿಲಿ ಮ್ಯಾನ್. ಹೆಂಡ್ತಿ ಮಕ್ಕಳು ಅಂತ ಬಂದ್ರೆ ಎಂಥಾ ಕೆಲಸ ಇದ್ರು ಅದನ್ನ ಬದಿಗಿಟ್ಟು ಮೊದಲು ಫ್ಯಾಮಿಲಿಗೆ ಟೈಮ್ ಕೊಡ್ತಾರೆ. ಮೊನ್ನೆಯಷ್ಟೆ ಯಶ್ ತನ್ನ ಮುದ್ದಿನ ಮಗ ಯಥರ್ವ್ ಹುಟ್ಟುಹಬ್ಬ ಮಾಡಿದ್ರು. ಫ್ಯಾಮಿಲಿ ಕ್ಲೋಸ್ ಫ್ರೆಂಡ್ಸ್ ಜೊತೆ ಮಗ ಯಥರ್ವ್ ಬರ್ತ್ಡೇ ಪಾರ್ಟಿ ಆಗಿತ್ತು. ಪಾರ್ಟಿಯಲ್ಲಿ ಯಶ್ ಮಕ್ಕಳ ಜೊತೆ ಸೇರಿ ಟಗರು ಸಿನಿಮಾದ ಹಾಡಿಗೆ ತನ್ನದೇ ಸ್ಟೈಲ್ನಲ್ಲಿ ಮಸ್ತ್ ಆಗಿ ಡಾನ್ಸ್ ಮಾಡಿದ್ರು. ಯಶ್ ಸುಪುತ್ರ ಯಥರ್ವ್ ಮೂರು ದಿನದ ಹಿಂದಷ್ಟೆ ಐದೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಮಗನ ಬರ್ತ್ಡೇಯನ್ನ ಯಶ್ ಸಖತ್ ಆಗೆ ಸೆಲೆಬ್ರೇಟ್ ಮಾಡಿದ್ದಾರೆ.
ಟಾಕ್ಸಿಕ್ ವರ್ಕ್ಗೆ ಬ್ರೇಕ್ ಹಾಕಿರೋ ಯಶ್ ಕಳೆದೊಂದು ವಾರದಿಂದ ಸಂಸಾರದ ಬಂಡಿಯಲ್ಲೇ ಕೂತಿದ್ದಾರೆ. ಇದೀಗ ಯಶ್ ಮನೆಯಲ್ಲಿ ಡಬಲ್ ಸೆಲೆಬ್ರೇಷನ್ ಆಗಿದೆ. ಒಂದು ಮಗನ ಹುಟ್ಟುಹಬ್ಬ ಆದ್ರೆ ಮತ್ತೊಂದು ದೀಪಾವಳಿ. ಅಪ್ಪ ಎಂದರೆ ರಕ್ಷಣೆ ಅಮ್ಮ ಎಂದರೆ ಪ್ರೀತಿ. ರಾಕಿಂಗ್ ಸ್ಟಾರ್ ಯಶ್ ಮಕ್ಕಳ ವಿಷದಲ್ಲೂ ಇದು ಸತ್ಯ. ಅಪ್ಪ ಅಮ್ಮನಿಗೆ ಮಕ್ಕಳೇ ಪ್ರಪಂಚ. ಮಕ್ಕಳಿಗೆ ಅಪ್ಪ ಅಮ್ಮನೇ ಜಗತ್ತು. ಹೀಗಾಗೆ ಮಗ ಯಥರ್ವ್ ಹುಟ್ಟುಹಬ್ಬದಲ್ಲಿ ಯಶ್ ಮಗುವಾಗಿದ್ದು. ಮಕ್ಕಳ ಜೊತೆ ಡಾನ್ಸ್ ಮಾಡಿದ್ದು. ಈಗ ದೀಪಾವಳಿ ಹಬ್ಬದಲ್ಲೂ ಮಕ್ಕಳ ಜೊತೆ ಯಶ್ ಮಿಂಚಿದ್ದಾರೆ. ಯಶ್ ಪುತ್ರ ಯಥರ್ವ್ ಹುಟ್ಟುಹಬ್ಬ ಮುಗಿದಿದ್ರೂ ಮಗನ ಬರ್ತ್ಡೇ ಸೆಲೆಬ್ರೇಷ್ ಮಾತ್ರ ಕಮ್ಮಿ ಆಗಿಲ್ಲ.
ಹುಟ್ಟುಹಬ್ಬದ ವಿಶೇಷವಾಗಿ ಯಶ್ ತನ್ನ ಇಬ್ಬರು ಮಕ್ಕಳನ್ನ ಫನ್ನಿ ಗೇಮ್ ಪ್ಲೇಗೆ ಕರೆದುಕೊಂಡು ಹೋಗಿದ್ದಾರೆ. ಅಪ್ಪ ಯಶ್ ಮಗ ಯಥರ್ವ್ ಕಾಲಿಗೆ ಹಗ್ಗ ಕಟ್ಟಿಕೊಂಡು ಓಡೋ ಫನ್ನಿ ಆಟ ಆಡಿದ್ದಾರೆ. ಈ ವೀಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಹಲ್ ಚೆಲ್ ಎಬ್ಬಿಸಿದೆ. ಇನ್ನು ಯಶ್ ಮನೆ ದೀಪಾವಳಿ ಸೆಲೆಬ್ರೇಷನ್.. ಹಬ್ಬ ಅಂತ ಬಂದ್ರೆ ಯಶ್ ರಾಧಿಕಾ ಯಾವ ಫೆಸ್ಟಿವೆಲ್ಅನ್ನೂ ಬಿಡೋಲ್ಲ. ಎಂಥಾದ್ದೇ ಕೆಲಸ ಇದ್ರು ಮಕ್ಕಳಿಗೋಸ್ಕರ ಇಡೀ ಫ್ಯಾಮಿಲಿ ಸೇರಿ ಹಬ್ಬ ಮಾಡ್ತಾರೆ. ಈ ಭಾರಿ ದೀಪಾವಳಿ ಕೂಡ ಯಶ್ ಮನೆ ಮಂದಿ ಸೇರಿಕೊಂಡು ಆಚರಿಸಿದ್ದಾರೆ. ಮಕ್ಕಳ ಜೊತೆ ಸೇರಿ ಮನೆ ಅಂಗಳದಲ್ಲಿ ಪಟಾಕಿ ಸಿಡಿಸಿ ಸಂಭ್ರಮಿಸಿದ್ದಾರೆ. ಮಗನ ಬರ್ತ್ಡೇ ದೀಪಾವಳಿ ಒಟ್ಟೊಟ್ಟಿಗೆ ಬಂದಿರೋದು ಯಶ್ ಮನೆ ತುಂಬಾ ಸಂಭ್ರಮವೇ ತುಂಬಿದೆ.
