ಫೆ.14ಕ್ಕೆ ಪ್ರೇಮಿಗಳಿಗೆ ಜೋಗಿ ಪ್ರೇಮ್ ಸರ್ಪ್ರೈಸ್; ಮ್ಯಾಜಿಕ್ ಮಾಡಿರೋ ಕೆಡಿಯ ಶಿವ ಶಿವ ಸಾಂಗ್!
ಕೆಡಿ ಚಿತ್ರದ ಶಿವ ಶಿವ ಹಾಡು ಭಾರಿ ಯಶಸ್ಸು ಕಂಡಿದ್ದು, ಚಿತ್ರತಂಡಕ್ಕೆ ಹೊಸ ಉತ್ಸಾಹ ತಂದಿದೆ. ಈ ಯಶಸ್ಸಿನಿಂದ ಪ್ರೇರಿತರಾಗಿ ನಿರ್ದೇಶಕ ಪ್ರೇಮ್ ಮತ್ತು ಧ್ರುವ ಸರ್ಜಾ ಮತ್ತೊಂದು ದೊಡ್ಡ ಯೋಜನೆಗೆ ಸಜ್ಜಾಗಿದ್ದಾರೆ.
ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಮಾರ್ಟಿನ್ನಿಂದ ಮೈ ಸುಟ್ಟುಕೊಂಡಿರಬಹುದು.. ಈಗ ಕೆಡಿ ಅನ್ನೋ ಸುಗಂಧ ತೈಲವನ್ನ ಮೈಗೆ ಮೆತ್ತಿಕೊಂಡು ಊರೆಲ್ಲಾ ಸುವಾಸನೆ ಹಬ್ಬಿಸುತ್ತಿದ್ದಾರೆ. ಹೊಸ ವರ್ಷದಲ್ಲಿ ಬಂದ ಒಂದೇ ಒಂದು ಸಾಂಗ್ ಇಡೀ ಪ್ಯಾನ್ ಇಂಡಿಯಾದ ಸಿನಿ ಪ್ರೇಕ್ಷಕರನ್ನೇ ಬಡಿದೆಬ್ಬಿಸಿದೆ. ಈ ದೊಡ್ಡ ಗೆಲುವು ಕೆಡಿ ಡೈರೆಕ್ಟರ್ ಪ್ರೇಮ್ ಹಾಗು ಧ್ರುವಗೆ ಮತ್ತೊಂದು ಬಿಗ್ ಪ್ಲಾನ್ ಮಾಡುವಂತೆ ಪ್ರೇರೇಪಿಸಿದೆ.ಕೆಡಿ.. ಈ ವರ್ಷ ಸೂಪರ್ ಹಿಟ್ ಸಿನಿಮಾ ಆಗುತ್ತೆ ಅನ್ನೋ ದೊಡ್ಡ ನಂಬಿಕೆ ಹುಟ್ಟಿಸಿರೋ ಚಿತ್ರ. ಅದಕ್ಕೆ ಕಾರಣ ಜೆಸ್ಟ್ ಒಂದೇ ಒಂದು ಹಾಡು. ಅದು ಪ್ರೇಮ್ ಕಲ್ಪನೆಯ ಶಿವ ಶಿವ ಸಾಂಗ್.ಒಂದ್ ಕಡೆ ಕೆಡಿ ಶಿವ ಶಿವ ಹಾಡಿನ ವೈಭವ.. ಇದು ಡೈರೆಕ್ಟರ್ ಪ್ರೇಮ್ಗೆ ಭಾರಿ ಎನರ್ಜಿ ತಂದುಕೊಟ್ಟಿದೆ. ಪ್ರೇಮ್ ಸಿನಿಮಾಗಳಲ್ಲಿ ಹಾಡುಗಳ ಹಬ್ಬ ಹೈ ಪಿಚ್ನಲ್ಲಿರುತ್ತೆ ಅನ್ನೋದು ಹೊಸದಾಗೇನು ಹೇಳ್ಬೇಕಿಲ್ಲ. ಈಗ ಇದೇ ನಂಬಿಕೆ ಮೇಲೆ ಕೆಡಿ ಟೀಂ ಮತ್ತೊಂದು ಫೆಸ್ಟಿವೆಲ್ಗೆ ಸಜ್ಜಾಗಿದೆ.
ಈ ವರ್ಷ ದರ್ಶನ್ ನೆಚ್ಚಿನ ಕುದುರೆ ಕಿಚ್ಚು ಹಾಯಿಸಿದ್ದು ಇವರೇ; ವಿಡಿಯೋ ವೈರಲ್
